💬 "განვიხილავთ საქართველოში მიმდინარე შემაშფოთებელ მოვლენებს, საქართველოს მოსახლეობამ ბოლო სამ არჩევნებში, მიმდინარე საპროტესტო აქციებში აჩვენა, ასევე გამოკითხვებიც აჩვენებს, რომ მათ ევროპული მომავალი სურთ, მაგრამ არა მთავრობას. როგორც ჩანს, მათი მთავრობა არ უსმენს საკუთარ ხალხს და არ სურს ევროპული გზით სიარული. ოპონენტები, როგორც იცით, დაპატიმრებულები არიან, ჟურნალისტებისა და სამოქალაქო საზოგადოების ორგანიზაციების ხმას კი ახშობენ. ამიტომ, ვგმობთ ამ ცრუ ნარატივებს და ვგმობთ ყველა თავდასხმას ევროპულ ინსტიტუტებზე, ევროპული ინსტიტუტების წარმომადგენლებსა და ჩვენს წევრ სახელმწიფოებზე. ასევე, მოვუწოდებთ საქართველოს მთავრობას, მოუსმინოს თავის ხალხს, იყოს ინკლუზიური, ესაუბროს სამოქალაქო საზოგადოებას და მიჰყვეს მათ სურვილს, გახდნენ ევროპის ნაწილი [IPN]" | თქვა ევროკომისარმა გაფართოების საკითხებში, მარტა კოსმა ევროკავშირის საგარეო საქმეთა მინისტრების საბჭოს შეხვედრის დაწყებამდე ჟურნალისტებთან კომენტარში.

📍 დღეს ლუქსემბურგში ევროკავშირის საგარეო საქმეთა საბჭოს შეხვედრა გაიმართება, სადაც სხვა საკითხებთან ერთად, საქართველოს საკითხსაც განიხილავენ. საბჭოს შეხვედრა თბილისის დროით 11:15 საათზე დაიწყება და მას EU-ს უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, კაია კალასი უხელმძღვანელებს.

🔻 ოცნების პროპაგანდისტული მედიის ცნობით, გახარიას პარტიამ პარლამენტის და საკრებულოს მანდატების გამოყენების გადაწყვეტილება მიიღო. Prime Time წერს, რომ მოიპოვეს გიორგი გახარიას მიმართვა თანაპარტიელებისადმი:

💬 "დილა მშვიდობის მეგობრებო, გუშინ საღამოს გაიმართა ჩვენი პარტიის პოლისტაბჭოს სხდომა, სადაც განვიხილეთ როგორც საპარლამენტო ისე საკრებულოს მანდატების გამოყენების საკითხი. ფაქტია, რომ პარლამენტის ბოიკოტმა, ოცნება ვერ შეაჩერა და ვერ მოახდინა ხელისუფლების მიერ ქვეყნისთვის დამაზიანებელი გადაწყვეტილებების პრევენცია. ალბათ დაგვეთანხმებით, რომ ჩვენ, აქამდე გამოვიყენეთ ყველა ჩვენს ხელთ არსებული მშვიდობიანი, დემოკრატიული და კანონიერი გზა ოცნების წინააღმდეგ საბრძოლველად. პოლიტსაბჭოსთან მსჯელობის შედეგად შევჯერდით, რომ პარტიამ უნდა გამოვიყენოთ ყველა ჩვენს ხელთ არსებული კანონიერო ინსტრუმენტი, იმისთვის, რომ გადავარჩინოთ განსხვავებული აზრი ქვეყანაში. სწორედ ამიტომ მივიღეთ გადაწყვეტილება, გამოვიყენოთ ეროვნულ დონეზე პარლამენტის, ხოლო ადგილობრივ დონეზე საკრებულოს მანდატები" | წერს გახარია წერილში.

საქართველო ახლოს იყო ევროპულ გზასთან, ამ მომენტში კი ისინი დისტანცირებულები არიან - ლუქსემბურგის საგარეო საქმეთა მინისტრი

💬🇺🇦 "ჩვენ ვამზადებთ გარკვეულ ნაბიჯებს ფრონტზე და ვპასუხობთ რუსების თითოეულ დარტყმას. ვესაუბრე მთავარსარდალ ალექსანდრე სირსკის, მათ შორის, ჩვენი შორი დისტანციის შესაძლებლობების შესახებ. იზრდება როგორც მანძილი, ასევე რუსეთის წინააღმდეგ ჩვენი გრძელვადიანი სანქციების შესაბამისობა. პრაქტიკულად ყოველ დღე, ან ორ დღეში ერთხელ ხდება დარტყმა რუსულ ნავთობგადამამუშავებელ ქარხნებზე. ეს კი რუსეთს რეალობაში აბრუნებს" | აცხადებს უკრაინის პრეზიდენტი, ვოლოდიმირ ზელენსკი ვიდეომიმართვაში.

ტრამპმა მოისმინა უკრაინის მოთხოვნა „ტომაჰავკის“ რაკეტებზე - ვენსი

ეს ის საკითხია, რომელსაც საბოლოოდ თეთრი სახლი გადაწყვეტს. თუმცა, მას ჯერ არ გადაუწყვიტავს, მისცემს თუ არა უკრაინას „ტომაჰავკებს“.

‼️🗣️"მოწოდება, რომ" ვადგავართ იქ, სადაც შეხების ხაზია - დადებითია." - ვოლოდიმირ ზელენსკი.

✅სხვა თეზისები:

🗣️"ფრონტს რაც შეეხება. პოკროვსკი - რთული მდგომარეობაა, კუპიანსკში სიტუაცია გამოსწორდა."

🗣️"უკრაინა ყოველწლიურად მიიღებს Patriot-ებს, ვამზადებთ კონტრაქტს 25 ბატარეაზე."

🗣️"დღევანდელი დღისთვის, ჩვენ უსაფრთხოების 28 ორმხრივი შეთანხმება გვაქვს ქვეყნებთან გაფორმებული."

🗣️"Tomahawk-ებს რაც შეეხება - ჩემი აზრით, ტრამპს რუსებთან ესკალაცია არ სურს მანამ, სანამ მათ არ შეხვდება."

🗣️"ბუდაპეშტი არ არის შესახვედრად საუკეთესო ადგილი, რადგან ორბანი უკრაინას ყველგან ბლოკავს."

🗣️"რუსეთმა პოზიციები შეიცვალა და მოითხოვს, რომ უკრაინა სრულად გავიდეს დონეცკის და ლუგანსკის ოლქებიდან. ეს არ მოხდება."

🗣️"საუბრების დროს ვცდილობდი გამერკვია რუსეთის ჭეშმარიტი განზრახვა ტერიტორიების გაცვლაზე, მაგრამ მისი მხრიდან ცხადი წინადადება ამ დრომდე არ არის."

🗣️"პუტინმა ტრამპს დაურეკა Tomahawk-ების და ტრამპის რიტორიკის გამო. რუსეთს ეშინია Tomahawk-ების და ეს ცხადია."

🗣️"ჩვენი მოლაპარაკებებიდან გასაგებია, რომ თუ უკრაინა იმას შეჭამს რაც მაგიდაზე დაუდეს, ანუ ცუდი ტერიტორიული გადაწყვეტილება, ყველაფერ დანარჩენს ისინი ჩვენს გარეშე გადაწყვეტენ."

🗣️"რუსეთი ისევ ცდილობს იმ ნარატივს თავზე მოხვევას, რომ უკრაინა ახალი შეტევისთვის ემზადება და მზად არაა ცეცხლის შეწყვეტისთვის."

🗣️"სიმართლისთვის უნდა ვთქვათ, რომ ყველა ქვეყანა, მათ შორის ძალიან პროუკრაინული, არ შეერთებია PURL-ის პროგრამას."

🗣️" პუტინი გავლენას ახდენს ამერიკაზე, იყენებს რა რუსეთის რესურსებს, როგორც საკუთარს. მაშინ როცა უკრაინა არ დაიწყებს საკუთარი თავის გაყიდვას - ეს ჩვენს შორის პრინციპული განსხვავებაა."

#Kramer

კაია კალასი იმედოვნებს რომ, რუსეთის წინაამდეგ სანქციების მე 19 პაკეტს 23 ოქტომბერს იქნება მიღებული. ამ დღეს, ბრუსელში ევროკავშირის წევრი ქვეყნების ლიდერები იკრიბებიან…

🔻 ჟურნალისტი ქეთა ციცქიშვილი დააკავეს | ჟურნალისტმა რამდენიმე წუთის წინ დაწერა, რომ მასთან პოლიცია მივიდა.

💬 "❗️ჩემამდეც მოვიდნენ !
მომაკითხეს მილიციელებმა ! 😁
რო გონიათ ან მე შემეშინდება ან ჩემი ოჯახის რომელიმე წევრს ან ჩემს რომელიმე მეგობარს ! 💪🏼
ბოლოს მაინც ჩვენ მოვიგებთ 🇬🇪
ქართული ოცნება / Georgian Dream 🖕🖕🖕
რუსებო!!!
p.s დე-მა 💘 ბებო/ბაბუ 💘არ ინერვიულოთ" | დაწერა ქეთა ციცქიშვილმა სოციალურ ქსელში

საფრანგეთის საგარეო საქმეთა მინისტრი, ჟან ნოელ ბარო:

საქართველოზე გვექნება განხილვა. გვინდა, რომ საშუალება მივცეთ ქართველ ხალხს წინ წაიწიოს და მის ევროპულ მისწრაფებას პატივი სცენ. ამ სულისკვეთებით განვიხილავთ ამ საკითხს და მივმართავთ საქართველოს ხელისუფლებას.

💬 "ყველა ვარიანტი მაგიდაზეა. საქართველოში მოვლენების განვითარება და მიდგომა ევროპის მიმართ, ნამდვილად იმედგაცრუებას იწვევს, მაგრამ რა თქმა უნდა, ჩვენ ვდგავართ მოქალაქეების გვერდით, ჩვენ მხარს ვუჭერთ მათ. მთავრობა და მთავრობის საქციელი მიუღებელია. ყველა ვარიანტი, ვიმეორებ-ყველა ვარიანტი მაგიდაზეა. " [ევროსკოპი] - განაცხადა გერმანიის ევროპის საკითხების მინისტრმა გიუნტერ კრიხბაუმმა ევროკავშირის საგარეო საქმეთა მინისტრების საბჭოს შეხვედრის დაწყებამდე.

🔻 შეხვედრა დახურულ კარს მიღმა, ამ წუთებში მიმდინარეობს. ევროკავშირის ვებგვერდზე გამოქვეყნებული ინფორმაციით, სხვა საკითხებთან ერთად, საქართველოს საკითხსაც განიხილავენ.

💬 "უმაღლესი წარმომადგენელი ისაუბრებს საქართველოში არსებულ ვითარებაზე და მინისტრებს მიაწვდის ინფორმაციას უახლესი მოვლენების შესახებ, მათ შორის 2025 წლის 4 ოქტომბერს ჩატარებული მუნიციპალური არჩევნებისა და მიმდინარე დემოკრატიული უკუსვლის შესახებ" | ნათქვამია ინფორმაციაში.

💬 "რუმინეთისთვის ძალიან მნიშვნელოვანია ვნახოთ საქართველო ევროპულ გზაზე, ევროკავშირის ინტეგრაციისკენ მიმავალ გზაზე. მაგრამ ძალიან შეშფოთებული ვართ დემოკრატიის თვალსაზრისით განვითარებული მოვლენების გამო. რუმინეთსაც ახსოვს საკუთარი გამოცდილებიდან, როგორ იცავდა ხალხი დემოკრატიას, კორუფციასთან ბრძოლის და ევროპულ გზას ქუჩაში პროტესტით. ჩვენთვის ძალიან მნიშვნელოვანია, რომ დაცული იყოს შეკრების და გამოხატვის თავისუფლება და ასევე შესაძლებლობა თავისუფალი არჩევნების ჩასატარებლად, სადაც ოპოზიციურ პარტიებსა და ოპოზიციონერ ლიდერებს არ დაემუქრებიან კანონით, რასაც ახლა საქართველოში ვხედავთ. ეს საკითხები უნდა მოგვარდეს, თუ საქართველოს ევროპულ გზაზე დასაბრუნებლად მხარდაჭერის მიღება სურს." [ევროსკოპი] | განაცხადა რუმინეთის საგარეო საქმეთა მინისტრმა, ოანა ცოიუმ ევროკავშირის საგარეო საქმეთა მინისტრების საბჭოს შეხვედრის დაწყებამდე.

რუსეთმა უარი თქვა ტრამპის გეგმაზე:
„რუსეთის მოლაპარაკებების პოზიცია ჯარების არსებული პოზიციებზე შეჩერებასთან დაკავშირებით არ იცვლება,“ — განაცხადა პესკოვმა.

ოკუპანტები, რომლებმაც პოკროვსკში მშვიდობიანი მოსახლეობა დახოცეს, ლიკვიდირებულები არიან. უკრაინის შეიარაღებული ძალების ცნობით, უკრაინის საჰაერო-სადესანტო ძალებმა ისინი სადგურის შენობასა და ქალაქში არსებულ სხვა შენობებში იპოვეს. შენობებში დამალული რუსები უკრაინელებმა წერტილოვანი დარტყმებით გაანადგურეს.

პოკროვსკში, რუსების მიერ დახოცილი მშვიდობიანი მოსახლეობის ფოტო და ვიდეომასალა არხებზე დღეს გავრცელდა.

უკრაინის იერიშის შედეგად, რუსეთის ორენბურგის გაზის გადამამუშავებელმა ქარხანამ ყაზახეთიდან გაზის მიღება შეწყვიტა - ინფორმაციას ყაზახეთის ენერგეტიკის სამინისტრო ავრცელებს.

ქარხანა, რომელიც სამხრეთ-დასავლეთ ორენბურგის ოლქში მდებარეობს და მსოფლიოში ყველაზე დიდია, უკრაინული დრონების სამიზნე 19 ოქტომბერს გახდა. დაბომბვის შედეგად, ქარხნის საამქროში ხანძარი გაჩნდა, რამაც „გაზპრომის“ საკუთრებაში არსებული ობიექტი დააზიანა.

ქარხანას წელიწადში 45 მილიარდ კუბურ მეტრზე მეტი გაზის გადამუშავების სიმძლავრე აქვს.

სომხეთის სამართალდამცველებმა დააკავეს გიუმრის მერი, რომელიც მერიის შენობიდან ძალის გამოყენებით გაიყვანეს. ინფორმაციას ადგილობრივი მედია ავრცელებს.

მერის დაკავებას წინ უძღოდა შეტაკება პოლიციასა და მერის მხარდამჭერ მოქალაქეებს შორის, რის შედეგადაც რამდენიმე ადამიანი დააკავეს.

სომხეთის კორუფციის წინააღმდეგ ბრძოლის კომიტეტის ცნობით, მერი ღუქასიანი და მერიის რამდენიმე თანამშრომელი ქრთამის აღებაში არიან ეჭვმიტანილები.

უკრაინის პრეზიდენტი ვოლოდიმირ ზელენსკი აცხადებს, რომ მზადაა, მოწვევის შემთხვევაში, რუსეთის პრეზიდენტ ვლადიმერ პუტინსა და აშშ-ის პრეზიდენტ დონალდ ტრამპს შორის უნგრეთში დაგეგმილ შეხვედრას შეუერთდეს.

"თუ მე ბუდაპეშტში მიმიწვევენ - თუ ეს იქნება მოწვევა ფორმატში, სადაც სამივე შევხვდებით, ან თუ მე შევხვდები პრეზიდენტ დონალდ ტრამპს და შემდეგ დონალდ ტრამპი - ვლადიმერ პუტინს, მაშინ მე ამ ფორმატებიდან რომელიმეს დავთანხმდები“, — თქვა ვოლოდიმირ ზელენსკიმ

გარდა ამისა, უკრაინის პრეზიდენტმა გააკრიტიკა უნგრეთის პოლიტიკა, რომელსაც კიევთან დაძაბული ურთიერთობა აქვს, კრემლის მიმართ კი ყველაზე დიდი სიმპატიით განსჭვალულ ევროკავშირის წევრად ითვლება.

POLITICO: ინფორმაციით, ვაშინგტონში ზელენსკის აცნობეს, რომ პუტინს ომის გაგრძელება სურს.

"პარასკევს, ვაშინგტონში, დონალდ ტრამპისა და ვოლოდიმირ ზელენსკის შეხვედრაზე, ამერიკის ადმინისტრაციის მაღალჩინოსანმა ზელენსკის აცნობა, რომ ვლადიმირ პუტინს ომის გაგრძელება სურს.

ამის შემდეგ, ზელენსკისთან საუბარში ჩაერთო აშშ-ის სპეციალური წარმომადგენელი, სტივ უიტკოფი და თქვა, რომ რუსეთი მთელი დონბასის ხელში ჩაგდებას აპირებს - "ოთახში გაჩნდა შეგრძნება, რომ ამერიკელები უკრაინელებს ამოწმებდნენ და “ტესტავდნენ”, თუ რაზე დათანხმდებოდნენ,

ვოლოდიმირ ზელენსკიმ უარი თქვა რუსეთისთვის იმ ტერიტორიების გადაცემაზე, რომლებიც რუსებს არ დაუპყრიათ. საბოლოოდ, ტრამპმა მოლაპარაკებები ასეთი სიტყვებით დაასრულა: "კარგი, მოდით, ვცადოთ, დავასრულოთ ომი ამჟამინდელ ხაზებზე,"

Politico-ს წყაროებმა ასევე მკაფიოდ და ხაზგასმით უარყვეს ზელენსკისა და ტრამპის შეხვედრის ცალკეული დეტალები, რომლებიც მანამდე ვრცელდებოდა. ერთ-ერთმა მათგანმა განაცხადა, რომ ამერიკის პრეზიდენტს საბრძოლო მოქმედებების რუკები არ “გადაუგდია, როგორც ამას Financial Times-ი წერდა, არამედ უბრალოდ თქვა, რომ დაიღალა ამ დაუსრულებელი განხილვებისგან ფრონტზე არსებულ სამხედრო დეტალებთან დაკავშირებით”.

politico-სთვის მიცემული ინტერვიუს დროს ორმა სხვა თანამოსაუბრემ, რომლებიც რესპუბლიკური პარტიის საგარეო პოლიტიკის ექსპერტები არიან და შეხვედრის შესახებ დეტალურ ინფორმაციას ფლობენ, განაცხადეს, რომ ტრამპს შეხვედრაზე არ შეუგინებია და მსგავს ინციდენტს ადგილიც კი არ ჰქონია - მათ მკაფიოდ უარყვეს აღნიშნულ საკითხთან დაკავშირებით FINANCIAL TIMES-ის ინფორმაცია, თუმცა აღნიშნეს, რომ ადგილი ჰქონდა რამდენიმეჯერ არანორმატიული ლექსიკის გამოყენებას, რომელსაც გინებასთან არანაირი შემხდბლობა არ ჰქონია.

ევროპის კავშირის საბჭომ განაცხადა, რომ ევროკავშირის ენერგეტიკის მინისტრებმა 20 ოქტომბერს მხარი დაუჭირეს წინადადებას, რომ 2028 წლის იანვრისთვის სრულად შეწყდეს ბლოკში რუსული ნავთობისა და ბუნებრივი აირის იმპორტი.

მინისტრების მიერ დამტკიცებული გეგმით, რუსული გაზის იმპორტის ახალი კონტრაქტები 2026 წლის იანვრიდან შეწყდება. ამას გარდა, არსებული მოკლევადიანი და გრძელვადიანი კონტრაქტების გაუქმება, შესაბამისად, 2026 წლის ივნისიდან და 2028 წლის იანვარში მოხდება.

თუმცა, ეს საბოლოო გადაწყვეტილება არ არის, რადგან ევროკავშირის ქვეყნებმა ახლა საბოლოო წესებზე მოლაპარაკებები ევროპარლამენტთან უნდა გამართონ.

ამჟამად ევროკავშირში ბუნებრივი აირის იმპორტის 12% რუსეთზე მოდის, რაც 2022 წელს 45%-ს შეადგენდა. რუსული გაზის მიღებას დღემდე, მათ შორის, უნგრეთი, საფრანგეთი და ბელგია განაგრძობენ.

სკიბიცკიმ უპასუხა კითხვას — აქვს თუ არა აზრი ენერგეტიკული ზავით რუსეთის ფედერაციასთან შეთანხმებას

უკრაინის სამხედრო დაზვერვის დირექტორის მოადგილემ, ვადიმ სკიბიცკიმ, აღნიშნა, რომ 2014–2015 წლებიდან მოყოლებული, რუსეთთან არაერთი ზავი გაფორმდა, რომლებიც ძირითადად კონკრეტულ საკითხებთან იყო დაკავშირებული, მიზნად კი ცეცხლის შეწყვეტის მიღწევას ისახავდა. თუმცა, ასეთი ზავები იშვიათად გრძელდებოდა ერთ კვირაზე მეტხანს.

"ჩვენ არ ვენდობით რუსეთს, რადგან ნებისმიერ დროს შეიძლება მოხდეს ან პროვოკაცია, ან პირდაპირი დარტყმა იმ ობიექტებზე, რომელთა არ დაბომბვაზეც იყო შეთანხმება. მთლიანობაში, ეს კომპლექსური საკითხია და ის საერთო ცეცხლის შეწყვეტასთან დაკავშირებულ კონტექსტში უნდა განიხილებოდეს,“ — განაცხადა სკიბიცკიმ.