🇹🇷🇺🇸 NATO'нинг Гаагадаги саммити доирасида Эрдўған Трамп билан учрашув ўтказди — Туркия президенти матбуот хизмати

"Музокаралар чоғида икки томонлама ҳамкорлик масалалари, жумладан, энергетика, инвестициялар ва мудофаа саноати муҳокама қилинди. Эрдўған Исроил ва Эрон ўртасида ўт очишни тўхтатиш бўйича эришилган келишувни олқишлади. Шунингдек, Туркия етакчиси Ғазода давом этаётган гуманитар инқирозни тугатиш ва Россия ҳамда Украина ўртасидаги можарога тинч йўл билан ечим топиш учун мулоқотни мустаҳкамлаш зарурлигини таъкидлади", дейилади Туркия президенти матбуот хизмати хабарида.

🔥 @burchakostida

🇺🇸🇮🇷 Вашингтон Теҳронга эҳтимолий ядровий келишув доирасида уранни бойитишга рухсат бермайди — АҚШ президентининг махсус вакили Стив Уиткофф

Унинг таъкидлашича, Қўшма Штатлар Эрон билан ҳар томонлама тинчлик келишувига эришиш имкониятига ишонади.

🔥 @burchakostida

🇮🇷 Эрон парламенти МАГАТЭ билан ҳамкорликни тўхтатиш тўғрисидаги қонун лойиҳасини қўллаб-қувватлади

Бу ҳақда Эрон оммавий ахборот воситалари хабар бермоқда.

Аввалроқ мамлакат Ташқи ишлар вазирлиги Теҳрон бундан буён МАГАТЭ билан аввалгидек ҳамкорлик қилинмаслигини ва ядровий дастурдан воз кечмаслигини маълум қилганди.

🔥 @burchakostida

🇺🇸🇮🇷 Трамп АҚШ самолётлари Эронни бомбардимон қилгани акс этган видеони эълон қилди

АҚШ президенти ушбу видеони Truth Social ижтимоий тармоғидаги саҳифасида жойлади, унда “Bomb Iran” (“Эронни бомбардимон қилинг”) қўшиғини эшитиш мумкин.

"Масжидга бораман, бир-иккита тош отаман, оятуллоҳга “Сени тобутга жойлайман!” деб айтаман. Эронни бомбардимон қилинг!", дейилади видео фонидаги қўшиқда.

🔥 @burchakostida

🇺🇦🇳🇱 Украина президенти NATO саммити доирасида Гаагадаги Нидерландия қироли қароргоҳидаги тадбирга классик костюмда келди — “РБК”

Володимир Зеленский Россиянинг Украинага кенг кўламли босқини бошланганидан буён классик услубдаги кийинишни тўхтатган эди.

🔥 @burchakostida

🇦🇲 Арманистон бош вазири мамлакатдаги вазиятни беқарорлаштириш ва ҳокимиятни эгаллашга қаратилган “жиноятчи-олигархик клерикализм” режасининг олди олинганини эълон қилди

Никол Пашинян бу ҳақда ўзининг Telegram каналида хабар берган ва Арманистон Тергов қўмитасининг тегишли баёнотига ҳавола қилган.

Арманистон Тергов қўмитаси баёнотига кўра, мухолифатдаги “Муқаддас кураш” ҳаракати етакчиси архиепископ Баграт Галстанян ва унинг сафдошлари ҳокимиятни эгаллаш мақсадида террорчилик ҳаракатларини тайёрлаганликда айбланмоқда.

ТАСС агентлигининг хабар беришича, 25 июн куни эрталабдан бери архиепископ Галстанян ва унинг тахминан 30 нафар тарафдорининг уйларида тинтувлар ўтказилмоқда. Агенликка кўра, хавфсизлик кучлари архиепископ Баграт Галстанянни қўлга олган.

Галстаняннинг тарафдорларидан бири, парламент депутати Гарник Даниелян матбуотга бу ҳаракатларни "диктатура режимининг ҳаракати" деб атаб, руҳонийга нисбатан илгари сурилган айбловларни сохта деб баҳолади.

BBC хабарига кўра, бош вазир Пашинян ва архиепископ Галстанян ўртасидаги можаро бир неча ойдан бери давом этмоқда. 18 июн куни Арманистонда ҳокимиятни эгаллашга даъват қилганлик айблови билан бизнесмен Самвел Карапетян ҳибсга олинган эди. Нааҳр маълумотига кўра, Карапетян архиепископ Галстанянни қўллаб-қувватлаб келган.

🔥 @burchakostida

🇺🇸🇺🇦 Зеленский – яхши йигит — Доналд Трамп

NATO'нинг Гаагадаги саммити йиғилиши бошланишидан олдин журналистлар Доналд Трампдан Володимир Зеленский билан бўладиган учрашуви ҳақида сўрашди.

"Биз аниқ масалаларни муҳокама қиламиз. Зеленскийнинг қийинчиликлари ҳақида гаплашамиз. Унинг кичик муаммолари бор.
Зеленский яхши йигит. Менимча, бугун у билан учрашаман. Биз Украина ҳақида гаплашамиз", — деди АҚШ президенти.

🔥 @burchakostida

🇪🇺🇭🇺🇷🇺 Россия Европа учун таҳдид эмас, биз учун асосий хавф рақобатбардошликни йўқотишдир — Венгрия бош вазири

Виктор Орбан, шунингдек, NATO'нинг Украинада аиладиган иши йўқлигини, чунки у алянс аъзоси эмаслигини қўшимча қилди.

🔥 @burchakostida

🇺🇸🇮🇱🇮🇷 АҚШ президенти Эронга зарбаларни Ҳиросима ва Нагасаки бомбардимонлари билан қиёслади

"Мен Ҳиросимани ёки Нагасакини мисол сифатида келтиришни хоҳламайман, лекин моҳиятан бу бир хил – мазкур зарбалар урушни тугатди", — деди Доналд Трамп Гаагадаги NATO саммитида.

Унинг фикрича, АҚШ бомбардимонлари нафақат Исроил ва Эрон ўртасидаги урушни якунлади, балки Ғазо секторида Исроил ва ҲАМАС ўртасидаги урушда ҳам муҳим бурилиш ясашга ёрдам бериши мумкин.

Трамп, шунингдек, АҚШ Эрон ўзининг ядровий дастурини тикласа, яна зарба беришини айтди. "АҚШ Эронга уранни бойитишни давом эттиришга, ҳеч қачон йўл қўймайди. Керак бўлса, буни ҳарбий йўл билан тўхтатамиз", — дея таъкидлади Қўшма Штатлар президенти.

Бундан ташқари, Трамп зарба берилган Эрон ядровий объектларидаги материалларни кўчириш жуда қийин бўлганини таъкидлади. "Бизнингча, ҳаммаси ўша ерда қолган", — дея қўшимча қилди президент.

Трамп матбуотга сизиб чиққан, "АҚШ зарбалари Эрон ядровий дастурини фақат бир неча ойга орқага сургани" ҳақидаги разведка маълумотлари якуний эмаслигини ҳам таъкидлади. АҚШ етакчисининг сўзларига кўра, фақат Исроил тегишли маълумотларни тақдим этгандан кейин Фордо, Натанз ва Исфаҳон объэктларига етказилган зарарни тўлиқ баҳолаш мумкин бўлади.

🔥 @burchakostida

🇺🇸🇷🇺🇺🇦 Вашингтон ҳозирча Россияга нисбатан янги санкциялар жорий қилмайди — АҚШ Давлат котиби

Марко Рубионинг сўзларига кўра, Вашингтон Украина ва Россия ўртасида тинчлик битими бўйича музокаралар учун имконият қолдиришни истамоқда.

"Агар ҳамма биздан кутаётган ишни қилсак, яъни янги санкциялар билан Россияни эзиб ташласак, эҳтимол, биз ўт очишни тўхтатиш бўйича улар билан мулоқот қилиш имкониятини йўқотамиз. Шунда Москва билан яна ким гаплашади?" — деди Рубио Politico нашрига NATO саммити доирасида берган интервюсида.

АҚШ давлат котиби, шунингдек, президент Доналд Трамп янги иқтисодий чоралар учун "мос вақт қачон келишини" жуда яхши тушунишини айтди.

"Агар бизда вазиятни ўзгартириш ва Россияни музокара столига ўтказиш имконияти бўлса, биз бу имкониятдан албатта фойдаланамиз", — дея қўшимча қилди Рубио.

🔥 @burchakostida

🇺🇸🇺🇦🇷🇺 NATO'нинг Европадаги янги бош қўмондони Украина Россияни мағлуб этиши мумкинлигини айтди

"Украина Россия билан ҳарбий можародан ғалаба билан чиқа олади", — дея фикр билдирди NATO"нинг Европадаги бирлашган кучлари янги бош қўмондони, АҚШ Қуролли кучларининг Европа қўмондонлиги раҳбари генерал Алексус Гринкевич Қўшма Штатлар Сенатидаги эшитувлар чоғида.

"Менимча, Украина бу урушда ғалаба қозона олади. Ватанингиз хавф остида бўлганида, шундай жасорат ва матонат билан курашасизки, бизнинг буни тасаввур қилишимиз қийин, чунки биз ҳеч қачон бундай вазиятда бўлмаганмиз", — деди генерал.

🔥 @burchakostida

🇮🇷🇮🇱 Эрон Исроил билан ўт очишни тўхтатиш бўйича ҳеч қандай келишув имзоламади — Эрон ташқи ишлар вазирлиги

"Эрон яҳудий давлатининг агрессияси тугаганидан кейин Исроилга қарши жавоб зарбаларини беришни тўхтатди", дейилади Эрон ТИВ баёнотида.

🔥 @burchakostida

🇬🇧🇺🇦🇷🇺 Буюк Британия Россия активлари ҳисобидан ҳаво ҳужумидан мудофаа ракеталарини ишлаб чиқаради ва уларни Украинага топширади — The Guardian

"Лондоннинг янги ҳарбий ёрдам пакети доирасида Украина Буюк Британия компаниялари томонидан ишлаб чиқарилган ҳаво ҳужумидан мудофаа тизимлари учун 70 миллион фунт стерлинг қийматидаги 350 та замонавий ракетани олади. Бу Россиянинг музлатилган маблағлари ҳисобидан қопланади", деб ёзади газета Буюк Британия бош вазири Кир Стармернинг баёнотига асосланиб.

The Guardian'нинг қайд этишича, бу Лондоннинг Украина учун қурол сотиб олиш мақсадида Россия активларидан фойдаланишининг биринчи ҳолати бўлади.

Нашр маълумотларига кўра, Украина Қуролли кучлари учун мўлжалланган АSRААМ ракеталари Қироллик ҳарбий-ҳаво кучлари муҳандислари ва МBDA компанияси томонидан рекорд даражада қисқа муддатда, атиги уч ой ичида, ердан учиришга мослаштирилган. Улар Буюк Британия томонидан етказиб берилган Raven мажмуалари ёрдамида қўлланилади. Натижада Украина Қуролли кучларида бундай қуроллар сони 13 тага етади.

"Путин бошлаган ваҳшиёна ва қонунга хилоф уруш учун Украина эмас, балки Россия жавоб бериши керак. Шу сабабли, Россиянинг мусодара қилинган активларини Украина ҳаво мудофаасини кучайтириш учун ишлатиш тўғри, деб ҳисоблаймиз", – дея изоҳ берди Кир Стармер.

🔥 @burchakostida

🇺🇸🇺🇦 Гаагада Зеленский ва Трампнинг учрашуви бошланди

NATO'нинг Гаагадаги саммити доирасида АҚШ ва Украина президентларининг учрашуви бошланди, деб хабар қилмоқда “Суспильне”.

Икки давлат раҳбарлари охирги марта 26 апрел куни Ватиканда Рим папасининг дафн маросимида учрашган эди.

🔥 @burchakostida

NATO давлатлари Россия таҳдиди фонида мудофаа харажатларини ЯИМнинг 5 фоизигача оширишга келишиб олди

Бу банд Гаагада бўлиб ўтаётган алянс саммитининг якуний декларациясида акс этган.

NATO аъзолари мудофаа харажатларини 2035 йилга қадар ЯИМнинг 5 фоизи даражасига етказишга келишиб олишди. Декларацияда таъкидланишича, бу мажбуриятлар иттифоқчилар томонидан “Евро-Атлантика хавфсизлиги учун Россиянинг узоқ муддатли таҳдиди” ва терроризмнинг доимий хавфи ортидан қабул қилинган.

Шунингдек, декларатцияда NATO шартномасининг бешинчи моддасида белгиланган “коллектив мудофаа принципига қатъий садоқат” яна бир бор тасдиқланди. Ҳужжатда "Алянс аъзоларидан бирига қилинган ҳужум — барчамизга қилинган ҳужумдир", деб қайд этилган.

Мудофаа харажатларини ошириш заруратини АҚШ президенти Доналд Трамп қатъий талаб қилган. У бир неча бор агар Европа давлатлари кўпроқ маблағ сарфламаса, Вашингтон NATO'дан чиқиши мумкинлигини айтиб келган.

🔥 @burchakostida

🇺🇦🇺🇸 Зеленский ва Трамп ўртасидаги учрашув якунланди, у тахминан 50 дақиқа давом этди — “Суспильне”.

🔥 @burchakostida

🇺🇦🇷🇺 NATO давлатлари Украинани қўллаб-қувватлашга оид “ўзларининг ўзгармас суверен мажбуриятларини” яна бир бор тасдиқлади, дейилади саммит декларациясида

Алянсга аъзо мамлакатлар Украина хавфсизлиги умумий хавфсизликка ҳисса қўшишини тан олди. Шу мақсадда улар Украина мудофааси ва унинг мудофаа саноатини бевосита молиялаштиришни ўз мудофаа харажатлари ҳисобида инобатга оладиган бўлишди.

BBC'нинг қайд этишича, NATO'нинг 2024 йилда Вашингтонда бўлиб ўтган саммити якунлари бўйича қабул қилинган декларацияда Россия номи 40 мартадан ортиқ тилга олинган эди. Хусусан, Москва "Украинадаги агрессив уруш учун жавобгар" деб эълон қилинган эди.

Бундан ташқари, ўтган йилги ҳужжатда "Украинанинг келажаги NATO билан бирга" экани ҳам таъкидланган эди. Жорий саммит коммюникесида бундай ифодалар мавжуд эмас.

🔥 @burchakostida

🇺🇦🇺🇸 Узоқ ва мазмунли учрашув бўлди — Зеленский

"Ҳақиқатан муҳим бўлган барча масалаларни муҳокама қилдик. Жаноб президентга миннатдорчилик билдираман, Қўшма Штатларга раҳмат. Ўт очишни тўхтатиш ва ҳақиқий тинчликка қандай эришиш мумкинлиги ҳақида гаплашдик. Халқимизни қандай ҳимоя қилиш ҳақида ҳам фикр алмашдик", — деди Украина президенти музокаралар ҳақида.

Зеленский, шунингдек, Киев Вашингтоннинг "эътиборини ва тинчликка эришишга кўмаклашиш истагини" қадрлашини айтди. Украина етакчиси учрашув тафсилотларини кейинроқ батафсил айтиб беришга ваъда берди.

🔥 @burchakostida

🇺🇸 Доналд Трамп NATO саммитида матбуот учун брифинг ўтказди

Брифингда АҚШ президенти томонидан берилган асосий баёнотлар:

◾️ Қўшма Штатларнинг Эронга берган зарбалари урушни якунлади, менимча Исроил билан ўзаро отишмалар қайта бошланмайди;

◾️ АҚШ зарбалари Эроннинг ядро иншоотларини тўлиқ йўқ қилди ва Теҳроннинг ядровий имкониятлари “жуда узоқ йилларга” орқага сурилди;

◾️ Эрон Қўшма Штатларнинг Қатардаги ҳарбий базасига ҳужум қилишидан олдин бу ҳақда Вашингтонни огоҳлантирди, шунинг учун бу ҳужум натижасида бирорта ҳам америкалик жабрланмади;

◾️ Эрон ва Исроил ҳарбий ҳаракатларни қайта бошлашининг эҳтимоли йўқ эмас. Бу яқин орада содир бўлиши мумкин. Агар Теҳрон бизга ядровий материалларига кириш имконини бермаса, бу эҳтимол кучаяди;

◾️ NATO аъзолари Украина ва Россия ўртасида юзага келган даҳшатли вазиятдан ўзларини ҳимоя қилиш учун мудофаа харажатларини оширишга келишиб олишди;

◾️ Путин Украинадан бошқа давлатларга ҳам ҳудудий даъволарга эга бўлиши мумкин;

◾️ Путин Украинадаги урушдан чиқишни хоҳламоқда, чунки бу "унинг учун катта муаммо";

◾️ Мен Зеленский билан учрашувда ўт очишни тўхтатиш масаласини муҳокама қилмадим. Мен шунчаки унинг аҳволини билмоқчи эдим;

◾️ Биз оғир даврларни бошдан кечирдик, лекин Зеленский ушрашувда жудаям мулойим бўлди. Мен уни кўрганимдан хурсанд бўлдим, бу ажойиб учрашув бўлди;

◾️ Путин билан яна бир бор мулоқот қилишни режалаштиряпман. Агар имконим бўлса, мен президент Путин билан гаплашаман, бу суҳбат урушни тўхтатишимиз мумкин ёки йўқлигини билиш учун амалга оширилади;

◾️ Украинадаги урушни 24 соат ичида тугатиш бўйича берган ваъдаларим "киноя" эди. Чунки бу одамлар ўйлаганидан ҳам қийин иш;

◾️ Путин — сиз тасаввур қилганингиздан ҳам мураккаброқ инсон. Афсуски, менда президент Зеленский билан муаммолар бўлди. Бу ҳар қандай урушдан ҳам ёмон жараён;

◾️ Украинага ёрдам ажратиш масаласи ҳақида ҳозир аниқ ҳеч нима дея олмайман. Нима бўлишини кўрамиз. Владимир Путин бу урушни тугатиши керак, чунки одамлар ўляпти;

◾️ Украина сотиб олишга тайёр бўлган Patriot ҳаво мудофааси тизимлари учун ракеталар Қўшма Штатларга ҳам керак, ҳозир уларни Исроилга бераяпмиз. Мен Украинага ҳам бундай ракеталарни беришни истайман;

◾️ NATO саммитини “бошқа шахс” сифатида тарк этмоқдаман, чунки алянсга аъзо давлатлар етакчилари ўз мамлакатларини чинакамига севишларини ва ватанини ҳимоя қилишни хоҳлашларини гувоҳи бўлдим.

🔥 @burchakostida