#бурчактарихи

Сталин АҚШнинг ёрдамисиз СССР 2-жаҳон урушида мағлуб бўлишини тан олган

Совет Иттифоқи етакчисининг бу кутилмаган баёноти “Правда” газетасининг Германия устидан қозонилган ғалабанинг 5 йиллигига бағишланган сонида эълон қилинган.

Сталиннинг сўзларига кўра, Совет Иттифоқида ҳарбий техника, ўқ-дорилар, ресурслар ва бошқа зарур воситалар етишмаслиги муаммоси бўлган, бу борада америкаликлар ўзларининг “лендлиз” дастури орқали ёрдам берган.

"Бу уруш – техникалар уруши эди, АҚШ бизга ҳарбий техникаларни улкан миқдорда етказиб берди. Бизда портловчи моддалар, ўқ-дорилар, ҳатто милтиқ ўқлари учун зарур жиҳозлар ҳам йўқ эди. Америкаликлар бизни чиндан ҳам қутқарди. Айнан иттифоқчилар мамлакатимизни мағлубиятдан сақлаб қолди", — дея изоҳ берган Сталин.

🔥 @burchakostida

🇦🇿🇷🇺 Озарбойжонда Россия билан боғлиқ барча маданий тадбирлар бекор қилинди

Бу ҳақда Озарбойжон маданият вазирлиги маълум қилди.

"Екатеринбургда Россия ҳуқуқни муҳофаза қилиш органлари томонидан озарбойжонликларга нисбатан қасддан қилинган зўравонлик ҳаракатлари тадбирларнинг бекор қилинишига сабаб бўлди", дейилади вазирлик баёнотида.

🔥 @burchakostida

🇷🇸 Ҳеч қандай норозилик намойишлари давлатдан кучли бўла олмайди — Сербия президенти

Александар Вучич бу ҳақда 28 июн куни Белградда бўлиб ўтган оммавий норозилик нaмойишидан кейин халққа қилган мурожаатида айтиб ўтди.

"Мен шунчаки уларнинг нима ҳақида ўйлаганига тушунмаяпман. Улар чинданам ўзларини давлатдан кучлимиз деб ўйлашдими? Давлатдан кучли ҳеч ким йўқ, буни қандай тасаввур қилдингиз? Қайси университетда ўқигансиз? Кўриниб турибдики, кўп имтиҳонлардан йиқилгансиз", — деди президент.

Вучич, шунингдек, полиция ходимларини намойишларни минимал куч билан бостиришга эришганликлари билан табриклади.

"Бундай профессионаллик ва бундай минимал даражадаги аралашув Европанинг ҳеч бир жойида бўлмаган", — дея қўшимча қилди у.

Сербиядаги оммавий норозилик намойишлари тўлқини 2024 йил ноябридан бери давом этмоқда. Норозиликка Нови-Сад шаҳридаги темир йўл вокзалида бетон конструкциянинг қулаб тушиши сабаб бўлди. Намойишчилар бу фожиага ҳукуматдаги коррупция сабаб эканини айтишмоқда ва муддатидан олдин сайловлар ўтказилишини талаб қилишмоқда.

🔥 @burchakostida

🇩🇪🇮🇱 Германия хавфсизлик соҳасида Исроил билан ҳамкорлик қилишни “Кибер гумбаз” тузимини яратишни режалаштирмоқда — Bild

Нашрнинг ёзишича, Германия ички ишлар вазири Александр Добриндт Эрон билан 12 кунлик урушдан кейин Исроилга ташриф буюрган биринчи германиялик сиёсатчиси бўлди.

Германия ИИВга кўра, мазкур ташрифдан мақсад Исроилга бирдамлик билдириш ва янги ҳамкорлик алоқаларини йўлга қўйиш ҳисобланади.

Добриндтнинг режасига кўра, икки давлат ўртасида киберхавфсизлик соҳасидаги ҳамкорликни мустаҳкамлаш, Германия-Исроил кибер тадқиқот марказини яратиш ҳамда дронларга қарши курашиш воситаларини ривожлантириш кўзда тутилмоқда.

🔥 @burchakostida

🇮🇷🇺🇸🇮🇱 Эрон Исроил сулҳ шартларига риоя қилишига шубҳа қилмоқда

Бу ҳақда Таsnim агентлиги Эрон Қуролли кучлари Бош штаби раҳбарига таяниб хабар бермоқда.

Абдураҳим Мусавийнинг сўзларига кўра, Исроил ҳужумни айнан Эрон "сабр-тоқат кўрсатиб, АҚШ билан музокаралар олиб бораётган" пайтда амалга оширган.

"Урушни биз бошлаганимиз йўқ, лекин тажовузкорга бор кучимиз билан жавоб қайтардик. Биз душман ўт очишни тўхтатиш бўйича мажбуриятларига амал қилишига ишонмаяпмиз, шунинг учун агар яна тажовуз такрорланса, унга яна қатъий жавоб беришга тайёрмиз", — дея таъкидлади Эрон Қуролли кучлари Бош штаби раҳбари.

🔥 @burchakostida

🇧🇷 AP: Бразилия Олий суди ижтимоий тармоқлар фойдаланувчилар томонидан яратилган ноқонуний контент учун бевосита жавобгар ҳисобланиши тўғрисида қарор чиқарди

"Бразилия Олий суди томонидан чиқарилган қарорга кўра, энди Меta, Google ва ТikTok каби платформалар нафрат қўзғатиш, ирқчилик, терроризм, аксилдемократик ҳаракатлар ва бошқа оғир жиноятларга оид контентни фаол равишда назорат қилиши ва улар ҳақида хабар олинган заҳоти дарҳол ўчириб ташлаши шарт бўлади", дея хабар бермоқда агентлик.

🔥 @burchakostida

🇦🇿🇷🇺 Озарбойжон Миллий мажлиси (парламент) делегацияси Озарбойжон ва Россия ўртасидаги ҳамкорлик бўйича парламентлараро комиссиянинг Москвада ўтказилиши режалаштирилган 23-йиғилишида иштирок этишдан бош тортди — Озарбoйжон Миллий Мажлиси.

🔥 @burchakostida

🇺🇦🇷🇺 Украина президенти мамлакатнинг пиёдаларга қарши миналарни тақиқлаш тўғрисидаги конвенциядан чиқиши тўғрисидаги фармонни имзолади – Олий Рада депутати

Володимир Зеленский Украина Миллий хавфсизлик ва мудофаа кенгашининг пиёдаларга қарши миналарни тақиқлаш бўйича Оттава конвенциясидан чиқиш тўғрисидаги қарорини кучга киритувчи фармонни имзолади. Бу ҳақда “Голос” партиясидан Олий Рада депутати Роман Костенко маълум қилди.

"Бу — уруш шароитида узоқ вақтдан бери зарур бўлиб келаётган қадам. Россия бу Оттава конвенциясининг иштирокчиси эмас ва миналардан оммавий равишда бизнинг ҳарбийларимиз ва тинч аҳолимизга қарши фойдаланмоқда. Биз душман ҳеч қандай чекловларга амал қилмаётган бир шароитда ўзимизни йлтийиб ўтиришимиз мумкин эмас", — дея изоҳ берди Костенко.

Унинг айтишича, Зеленскийнинг фармонни имзолагани ҳақида унга "ҳозиргина хабар беришган". Ҳужжат матни ҳали расман эълон қилинмаган. Костенконинг сўзларига кўра, энди конвенциядан чиқиш масаласи Олий Радада кўриб чиқилиши кутилмоқда.

🔥 @burchakostida

🇩🇪 Германия социал-демократлари ўта ўнг “Германия учун муқобил” партиясини зудлик билан тақиқлашга чақирмоқда

Ўта ўнг “Германия учун муқобил” (АfD) партиясини тақиқлаш жараёнини бошлашни Германия Социал демократик партияси (ГСДП) қурултойининг барча аъзолари бир овоздан маъқуллади. Ариза Федерал конституциявий судга топширилиши режалаштирилган. Бироқ немис оммавий ахборот воситаларига кўра, буни фақат Бундестаг (парламентнинг қуйи палатаси), Бундесрат (парламентнинг юқори палатаси) ёки Германия ҳукуматининг ўзи амалга ошириши мумкин.

ГСДПнинг ҳукмрон коалициядаги ҳамкори ХДИ/ХСИ блоки бу таклифни рад этди. Шу сабабли, социал-демократлар ташаббусни Бундесрат орқали, ГСДП коалицияларда иштирок этаётган ва сезиларли таъсирга эга бўлган федерал ерлар вакиллари ёрдамида илгари суришга ҳаракат қилмоқда.

Социал-демократлар етакчиси Ларс Клингбайлнинг сўзларига кўра, ҳозирча ГСДП Конституцияни ҳимоя қилиш федерал идорасининг АfD партиясини “ўнг экстремистик ташкилот” деб тан олиш тўғрисидаги қарорини кутмоқда. Баҳор ойларида идора партияни шундай деб тан олган эди, аммо АfD бу қарорга шикоят билдирганди, шу боис суд жараёнлари ҳамон давом этмоқда.

🔥 @burchakostida

🇺🇳🇮🇷🇺🇸🇮🇱 Эрон ТИВ раҳбари БМТ Хавфсизлик Кенгашини Исроил ва АҚШни “тажовуз ҳаракат ташаббускорлари” деб тан олишга ва Эронга етказилган зарарни қоплашни улардан талаб қилишга чақирди.

Аббос Ароқчи бу ҳақда БМТ бош котиби Антониу Гутерришга йўллаган мактубида ёзган.

🔥 @burchakostida

🇺🇸🇺🇦🇷🇺 Трамп Россияга қарши санкцияларни кучайтиришга доир қонун лойиҳасини Конгрессга киритиш вақти келган деб ҳисобламоқда

Бу ҳақда америкалик республикачи сенатор ва санкцияларни кучайтириш бўйича қонун лойиҳаси муаллифи Линдси Грэм ABC News'га берган интервюсида маълум қилди.

Сенаторнинг сўзларига кўра, кеча Трамп билан голф ўйнаган ва президент унга биринчи марта: "Сизнинг қонун лойиҳангизни киритиш вақти келди", деган. Грэм бу Трампнинг қарори эканини айтган ва сенаторлар президентга Путинни музокара столига ўтказиш учун “қурол” тақдим этаётганини тушунтирган.

Сенаторнинг аниқлик киритишича, қонун лойиҳаси июлдаги таътилардан сўнг қабул қилиниши кутилмоқда. Анъанага кўра, Сенат июл охирида танаффусга чиқади ва сентябрда ишга қайтади.

Грэм қонун лойиҳаси қандай ишлашини ҳам тушунтириб берди. "Агар сиз Россиядан маҳсулот сотиб олсангиз ва Украинага ёрдам бермасангиз, сизнинг Қўшма Штатларга кираётган маҳсулотларингизга 500 фоизлик бож солинади", — деди у.

Сенаторнинг айтишича, қонун лойиҳаси президент Трампга Россия нефтини сотиб олаётган ва шу тариқа “Путиннинг ҳарбий машинасини” қўллаб-қувватлаётган Хитой, Ҳиндистон ва бошқа давлатларга нисбатан божлар жорий этиш имконини беради.

🔥 @burchakostida

🇮🇷 Эрон ядровий дастури масаласини ҳарбий йўл билан ҳал этиб бўлмайди — МАГАТЭ раҳбари

Рафаэл Гроссининг сўзларига кўра, Эрон ядровий технологиялар нуқтаи назаридан ўта ривожланган давлат ҳисобланади ва Исроил ҳамда АҚШнинг зарбаларига қарамай, бу соҳадаги саноат салоҳиятини сақлаб қолган.

"Лекин энг асосийси, Теҳронда ҳеч қачон ядро қуроли бўлмаган. Буни очиқ айтиш керак. Шу билан бирга, МАГАТЭ ниятларни баҳоламайди", — дея қўшимча қилди Гросси.

🔥 @burchakostida

🇺🇦🇷🇺 Зеленский Россиянинг сўнгги авиазарбаларидан сўнг Ғарб давлатларига Украина қўшимча ҳаво мудофааси тизимларига муҳтожлигини билдирди

"Кремл бундай кенг кўламли ҳужумларни имкон борича давом эттиради. Биргина ўтган ҳафта давомида Россия Украинага ҳужумларда тахминан 114 та ракета, 1270 та дрон ва 1100 та авиабомба қўллади. Биз янада кўпроқ ҳаво ҳужумидан мудофаа тизимларига муҳтожмиз", — деб ёзди Украина президенти Х ижтимоий тармоғидаги саҳифасида.

🔥 @burchakostida

🇭🇰🇨🇳 Гонконгда сўнгги демократик партия тарқатиб юборилди

Гонконг Социал-демократлар Лигаси (ГСДЛ) ўз фаолиятини тўхтатганини эълон қилди. Партия бу қарорни 2020 йилда жорий этилган хавфсизлик қонунлари туфайли Пекин томонидан кўрсатилаётган “кучли сиёсий босим” билан изоҳлади.

ГСДЛ раиси Чан По Ин оммавий ахборот воситаларига берган баёнотида партиянинг олдида бундан бошқа йўл қолмаганини, чунки уни аъзоларининг ҳаёти хавф остида эканини маълум қилди.

ГСДЛ тарқатиб юборилиши билан Гонконгда энди расмий мухолифат бутунлай йўқ бўлди. ГСД сўнгги икки йил ичида ўзини-ўзи тарқатиб юборган учинчи партия ҳисобланади.

Чан По Ин тилга олган хавфсизлик тўғрисидаги қонун Гонконгда 2020 йилда, минтақада Пекин таъсирининг кучайишига қарши норозилик тўлқинидан кейин қабул қилинган эди. 2024 йилда бу қонун янада кучайтирилди, у ҳукумат томонидан “қўпорувчилик” деб баҳоланган ҳаракатлар учун умрбод қамоқ жазоси қўлланилишини назарда тутади.

Шундан буён, авваллари Пекиндан маълум даражада мустақил бўлган Гонгконгда норозилик намойишлари тўхтаб қолди, шу билан бирга ҳудудда марказий ҳукуматнинг таъсири анча кучайди.

🔥 @burchakostida