🇺🇸🇮🇷 Трамп АҚШнинг Эрон ҳудудига берган зарбаларига қарши чиққан республикачини танқид қилди

АҚШ президенти Truth Social ижтимоий тармоғида яқинда демократлар гуруҳига қўшилиб, Трампнинг Конгресс розилигисиз уруш бошлаш имкониятини тўсмоқчи бўлган республикачи конгрессмен Томас Массига кескин ҳужум қилди.

"Масси — бу заиф ва самарали ишламайдиган сиёсатчи, у Америка қуролли кучларига ҳурмат билдирмайди ва кечаги ҳужумдаги уларнинг ёрқин ва мардонаворр натижаларини тан олмайди", — деб ёзди Трамп.

У, шунингдек, Кентуккида бўлиб ўтадиган ички партия сайловларида Массининг номзодига қарши шахсан кампания олиб боришини ва Республикачилар партиясидан ҳақиқий ватанпарвар номзодни қўллаб-қувватлашини ваъда қилди.

Аввалроқ Доналд Трамп АҚШ Миллий разведкаси раҳбари Тулси Габбардни ҳам танқид қилган эди. У Габбарднинг "Эрон ҳали ядровий қурол яратишга тайёр эмаслиги" ҳақидаги баёнотига эътироз билдирганди.

🔥 @burchakostida

🇮🇱🇮🇷 ЦАХАЛ: Исроил Эроннинг ғарбий, шарқий ва марказий қисмидаги олтита аэродромга зарба берди

"Ҳужумлар натижасида учиш-қўниш йўлаклари шикастланган, Эрон режимига тегишли 15 қирувчи самолёт ва вертолёт йўқ қилинган", дейилади ЦАХАЛ баёнотида.

🔥 @burchakostida

🇮🇷🇺🇸 Эрон армияси Бош қўмондони АҚШнинг тажовузига қатъий жавоб бериш билан таҳдид қилди

Генерал-лейтенант Амир Ҳотамийнинг баёнотлари:

◾️ АҚШ энди Эронга қарши урушда бевосита иштирок этмоқда;

◾️Қўшма Штатларнинг Эрон ядровий объектларига берган ҳужумлари мутлақо натижасиз бўлди;

◾️ АҚШнинг Эронга нисбатан амалга оширган тажовузи бутун Яқин Шарқда можаронинг кенгайишига замин яратмоқда;

◾️ Эроннинг Қўшма Штатларга жавоби “кучли, аниқ йўналтирилган, олдиндан айтиб бўлмайдиган бўлади, тажовузкор ўз қилган ишидан афсусланади;

◾️ АҚШ зарбалари Эроннинг жавоб чораларини кўришига имконият яратди. Эндиликда Эрон ўзини Қўшма Штатлар ҳарбий объектларига қарши зарба беришга ҳақли деб билади.

🔥 @burchakostida

🇮🇷🇺🇸 NBC: АҚШ ҳужумлари арафасида Эрон Вашингтонга Қўшма Штатлар ҳудудидаги “ухлаб ётган” террорчилик гуруҳларини фаоллаштириш билан таҳдид қилган

Телеканалнинг манбаларига таяниб хабар беришича, АҚШ Эрон ядровий объектларига зарба беришидан бир неча кун олдин Теҳрон Трамп маъмуриятига мурожаат юборган ва агар бу ҳужум юз берса, Қўшма Штатлар ҳудудида “ухлаб ётган” террорчилик тузилмаларини фаоллаштириш билан таҳдид қилган.

Маълумотларга кўра, ушбу хабар ўтган ҳафта Канадада бўлиб ўтган “Катта еттилик” (G7) саммитида воситачи орқали АҚШ президентига етказилган.

"Ушбу мурожаатда, шунингдек, Эрон АҚШдаги тармоқларга киберҳужумлар уюштириши ва 2020 йилда “Қудс” кучлари генерали Қосим Сулаймонийнинг ўлдирилишида айбланаётган Қўшма Штатларнинг амалдаги ва собиқ ҳукумати амалдорларини нишонга олиш эҳтимоли ҳақида огоҳлантирилган", дейилади NBC хабарида.

Оқ уй телеканалнинг бу хабарга тушунтириш бериш сўровига жавоб бермаган, Эроннинг БМТдаги миссияси эса унга изоҳ беришдан бош тортган.

🔥 @burchakostida

🇮🇷🇷🇺🇺🇸🇮🇱 Эрон ташқи ишлар вазири Аббос Ароқчи Россия президенти Владимир Путин билан бугунги учрашувида унга Оятуллоҳ Хоминаийнинг Теҳронни қўллаб-қувватлаш сўралган мактубини топшириши кутилмоқда — Reuters.

🔥 @burchakostida

🇮🇷🇮🇱 Исроил яна Эроннинг Фордо шаҳридаги ядровий иншоотга ҳужум қилди, дея хабар қилмоқда Эрон оммавий ахборот воситалари маҳаллий ҳукуматга таяниб.

🔥 @burchakostida

🇮🇷🇮🇱 Эрон бутун Исроил бўйлаб зарбалар берди — Ислом инқилоби қўриқчилари корпуси

"Исроилнинг Тел-Авив, Ҳайфа, Ашкелон, Ашдод, Акко, Сафед ва Исроилнинг бошқа шаҳарлари Эрон ракета зарбаларига учраду", дейилади Эрон қуролли тузилмаси баёнотида.

Фарс агентлиги маълумотларига кўра, Эрон бугун Исроилга ҳудудига ҳужумда Kheibar Shekan, Emad, Qadr ва Fattah-1 баллистик ракеталаридан фойдаланган.

🔥 @burchakostida

🇷🇺🇮🇷🇺🇸🇮🇱 Россия президенти ва Эрон ташқи ишлар вазири учрашуви бошланди

"Россия Эрон халқига ёрдам кўрсатиш учун ҳаракат қилмоқда", — деди Путин.

Россия етакчиси, шунингдек, Эрон ҳудудига қилинган ҳужумларни "ҳеч қандай асосга эга бўлмаган ва оқлаб бўлмайдиган тажовуз" деб атади.

"Теҳрон АҚШ ва Исроилнинг Эронга нисбатан ҳаракатларини ноқонуний деб ҳисоблайди ва эронликлар ўзини ҳимоя қилиш ҳуқуқига эга", — дея таъкидлади Эрон ТИВ раҳбари Аббос Ароқчи Владимир Путин билан учрашувда.

🔥 @burchakostida

🇪🇺🇮🇷 Эроннинг Ҳўрмуз бўғозини ёпиши катта таҳдид ҳисобланади — Европа дипломатияси раҳбари

Кая Каллас, шунингдек, Эрон ядровий дастурини қайта тикламаслигига кафолат бериш учун Европа Иттифоқи Эронга қарши янги санкциялар жорий қилиши мумкинлигини ҳам истисно қилмади.

🔥 @burchakostida

🇺🇸🇮🇷 Қўшма Штатларнинг Суриядаги ҳарбий базасига ҳужум уюштирилди

Эроннинг Меhr ва Fars агентликларининг хабар беришича, Суриянинг ғарбий Эл-Ҳасака вилоятидаги Касрук ҳудудида жойлашган АҚШ ҳарбий базасига ҳужум уюштирилган.

Маълумотларга кўра, база миномётдан ўққа тутилган. Ҳужумни ким амалга оширгани ҳозирча номаълум. Ҳужумдан сўнг базада хавфсизлик чоралари кучайтирилган.

АҚШ расмийлари ўз базасига қилинган ҳужум ҳақида ҳозирча маълумот бермаган ва Эрон агентликларининг тегишли хабарига изоҳ бермаган.

🔥 @burchakostida

🇮🇱🇺🇸🇮🇷 Исроил яқин кунларда Эрондаги белгиланган нишонларга берилаётган зарбаларни якунлашга умид қилмоқда — The Wall Street Journal

"Шундан сўнг Исроил ҳарбий ҳаракатларни тугатиши мумкин, бироқ бу кўп жиҳатдан Эроннинг қандай жавоб беришига боғлиқ бўлади", дея ёзмоқда нашр исроиллик расмийларга таяниб.

WSJ'га кўра, АҚШ минтақадаги араб давлатлари расмийларидан бу хабарни Эрон томонига етказишни сўраган, бироқ Теҳрон ҳозирча чекинишга тайёр эмаслигини билдирган.

"Эрон Қўшма Штатларнинг ҳужумига жавоб беришга мажбур эканлигини маълум қилган. Исроилликлар эса Эроннинг жавоб ҳужумига ҳам қарши чора кўрилишини таъкидламоқда", дейилади хабарда.

Бундан ташқари, агар Теҳрон музокаралардан кейин ўз ядровий дастурини тиклашга уринса, Исроил яна ҳужум қилишини билдирган.

🔥 @burchakostida

🇪🇺🇮🇱 ЕИ дипломатияси раҳбари инсон ҳуқуқларини бузгани учун Исроилга қарши санкциялар жорий этишни таклиф қилмоқчи – Bild

Нашрнинг манбаларига таяниб хабар беришича, Кая Каллас инсон ҳуқуқларининг бузилиши ҳолатлари юзасидан ҳисобот тайёрлаган, Исроил эса ушбу ҳисоботни "бир томонлама ҳаракат"нинг намунаси деб атамоқда.

Маълумотларга кўра, бугун Брюсселда бўлиб ўтадиган Евроиттифоқ ташқи ишлар вазирларининг учрашувида Европа бош дипломати Исроил билан 2000 йилда тузилган Ҳамкорлик тўғрисидаги келишувни тўхтатиб туриш, ушбу мамлакатга нисбатан иқтисодий санкциялар жорий этиш ёки бож имтиёзларини бекор қилиш масалаларини муҳокамага қўйиши мумкин.

Европарламент депутати Ҳилдегард Бентеле Кая Калласнинг позициясини "Исроил учун оғир паллада орқадан берилган зарба" деб атади.

🔥 @burchakostida