🇺🇸🇮🇷 Агар Эрон бомба ясаш учун етарли даражада бойитилган уранга эга экани аниқланса, мен ҳеч иккиланмасдан Эронга яна зарба бераман – АҚШ президенти Доналд Трамп.

🔥 @burchakostida

🇷🇺🇺🇦 Россия энди Украинага ҳужум учун Shahed дронларини узлуксиз равишда қўллай олади — Le Monde

Нашр маълумотларига кўра, Россия Shahed дронларини ишлаб чиқаришни сезиларли даражада оширган ва эндиликда бу борада Эронга боғлиқликдан холи бўлган.

"Июн ойи бошидан бери Россия Украина ҳудудига тахминан 3000 та Shahed дронларини учирган. Бу эса 3,5 йиллик уруш давомида учирилган умумий дронлар сонининг қарийб 10 фоизига тенг", — дея маълум қилди Зеленский.

"Мазкур дронлар Татаристон ҳудудидаги заводларда йиғилмоқда. Бунинг учун асосан Уганда, Мали, Камерун, Сьерра-Леоне, Ботсвана, Зимбабве, Уганда ва Жанубий Судан каби Африка давлатларидан келган юзлаб ёш аёллар жалб этилган. Уларга ўз ватанларига нисбатан анча юқори – ойига 426-681 евро атрофида маош ва “ҳаётини ўзгартириш имконияти” ваъда қилинган", дея ёзмоқда Le Monde.

Нашрнинг қайд этишича, мазкур завод ёнида янги логистика маркази ҳам қурилган. У ерга Хитойдан темир йўл орқали махсус дастгоҳлар, двигателлар, электрон компонентлар ва полимерлар етказиб берилмоқда.

🔥 @burchakostida

🇺🇦🇷🇺 Россия армияси Украинадаги йирик литий конларидан бирини эгаллаб олди — Le Figaro

"Рус қўшинлари Украинанинг Донецк вилоятидаги Шевченко қишлоғи устидан назорат ўрнатди, у ерда мамлакатдаги энг истиқболли литий конларидан бири жойлашган", дея хабар бермоқда нашр.

Шевченко қишлоғи Днепропетровск вилояти билан чегарадан атиги уч километр узоқликда жойлашган. 1982 йилда топилган ва 40 гектарга яқин майдонни эгаллайди. Қишлоқнинг шарқий чеккасида жойлашган кон бир неча кундан бери у Россия қўшнилари назорати остида.

Украина геологларининг маълум қилишича, Шевченко рудасида литий олинадиган сподумен минералининг миқдори 90 фоизга етади. Бу эса у Украинадаги литий осон олинадиган ягона кон эканлигини билдиради. Мазкур ҳудудда литийдан ташқари тантал, ниобий, бериллий, рубидий ва сезий каби нодир металлар ҳам мавжуд.

Украинанинг тўртта литий конидан иккитаси мамлакатнинг ғарбий қисмида жойлашган ва Киев назорати остида қолмоқда, аммо қолган иккитаси - Шевченко ва Крутая Балка ҳозир Россия томонидан назорат қилинади.

🔥 @burchakostida

🇵🇭 Филиппин соҳилларида 6,1 магнитудали зилзила юз берди — Европа-Ўрта Ер денгизи сейсмология маркази хабар берди

Мамлакат расмийлари зилзила оқибатида жабрланганлар ҳақида маълумот бергани йўқ.

🔥 @burchakostida

🇺🇸🇮🇱🇮🇷 Мен Эрон Олий раҳбарини шармандали ўлимдан қутқардим — Доналд Трамп

АҚШ президенти Доналд Трамп оятуллоҳ Али Хоминаийнинг Эрон Исроил ва АҚШ устидан ғалаба қозонгани ҳақидаги баёнотини кескин танқид қилди. Трамп Хоминаийнинг бу сўзларини “ёлғон” деб атади ва Эрон Олий раҳбарининг ўлимини шахсан ўзи тўхтатганини таъкидлади.

Трампнинг сўзларига кўра, у Исроилга Теҳронни бомбардимон қилиш учун йўл олган самолётлар гуруҳини орқага қайтаришни буришни буюрган.

"Мен Эрон Олий раҳбарини ўта даҳшатли ва шармандали ўлимдан қутқардим, ва у ҳатто менга: “Раҳмат, президент Трамп”, дейишига ҳам ҳожат йўқ", – деб ёзди АҚШ етакчиси Truth Social тармоғида.

Бундан ташқари, Трамп яқинда Эронга қарши санкцияларни бекор қилиш устида ишлаганини, бироқ “Хоминаийнинг ғазаб, нафрат ва жирканчликка тўла баёноти”дан сўнг бу борадаги барча ишларни тўхтатганини айтди.

Аввалроқ Reuters агентлиги Трамп Исроилнинг Хоманаийни йўқ қилиш режасига "вето" қўйганини хабар қилганди.

🔥 @burchakostida

🇹🇷🇺🇦🇷🇺 Туркия Украина ва Россия ўртасидаги музокараларнинг учинчи босқичини қабул қилишга тайёр — Туркия ташқи ишлар вазири Ҳоқон Фидан

"Мен Киев ва Москва вакиллари билан суҳбатлашдим, ҳар иккала томон музокараларни давом эттириш истагини билдирди", — дея қўшимча қилди Фидан.

🔥 @burchakostida

🇺🇸🇨🇳 Трамп АҚШ ва Хитой савдо келишувини имзолаганини эълон қилди

"Биз Хитой билан келишув имзоладик", — деди Қўшма Штатлар президенти. Трамп тузилган савдо битими тафсилотларини ошкор қилмади.

АҚШ савдо вазири Говард Лютникнинг сўзларига кўра, Вашингтон ва Пекин май ойида Женевада эришилган савдо келишувини ҳужжатлаштиришни якунлаган.

"Улар бизга нодир ер элементларини етказиб беришади. Бу амалга ошган заҳоти, биз ўзимиз киритган жавоб чораларини бекор қиламиз", — деди Лютник Bloomberg News'га.

Эслатиб ўтамиз, Трамп апрел ойида дунёнинг кўплаб мамлакатларига қарши бошлаган савдо уруши давомида АҚШ ва Хитой ўртасида ўзаро бож ставкалари Вашингтон томонидан 145% ва Пекин томонидан 125% даражасига етганди. Июн ўрталарида Трамп Вашингтон ва Пекин савдо келишуви тузишга келишиб олганини маълум қилган эди. У шунингдек, Хитой Қўшма Штатларга магнитлар ва нодир ер минералларини етказиб беришини, Вашингтон эса хитойлик талабаларга АҚШ олийгоҳларига ўқиш имконини беришини билдирганди.

🔥 @burchakostida

🇮🇷🇺🇸 Вашингтон Теҳрон билан битим тузишни чин дилдан истаса, президент Трамп оятуллоҳ Хоминаийга нисбатан салбий оҳангдан воз кечиши керак — Эрон ташқи ишлар вазири Аббос Ароқчи.

🔥 @burchakostida

🇺🇸🇷🇺 Путин ёқимли баёнотлар берди ва АҚШни ҳурмат қилишини яна бир бор таъкидлади — Доналд Трамп

Президент Доналд Трамп Россия раҳбари Владимир Путиннинг сўнгги баёнотига ижобий муносабат билдирди. Путин ушбу баёнотида Қўшма Штатларнинг ҳозирги президентига "ҳурмат" билан муносабатда бўлишини айтганди.

"Владимир Путин бугун жуда ёқимли баёнотлар берди. У яна мамлакатимизни ҳурмат қилишини айтди. Бир йил аввал у Қўшма Штатларни ҳурмат қилмасди, буни аниқ айта оламан. Лекин ҳозир Путин мамлакатимизни ҳурмат қилади. Хитой етакчиси Си Жинпин ҳам мамлакатимизни ҳурмат қилади. КХДР раҳбари Ким Чен Ин ҳам мамлакатимизни ҳурмат қилади. Улар яна мамлакатимизни ҳурмат қилмоқда. Бир йил аввал биз ҳурмат қилинадиган давлат эмас эдик", — дея таъкидлади АҚШ президенти.

Шундан сўнг Доналд Трамп яна собиқ президент Жо Байден маъмурияти АҚШ учун қанчалик ёмон ва зарарли бўлгани ҳақида гапирди.

Жума куни Путин журналистларга Трамп билан учрашувига ҳозирданоқ тайёрланаётганини айтиб, қуйидагича фикр билдирганди:

"Мен Қўшма Штатларнинг ҳозирги президентини жудаям ҳурмат қиламан. У ҳокимиятга ва Оқ уйга қайтиш учун жуда узоқ, қийин ва хавфли йўлни босиб ўтди. Трамп жасур инсон".

🔥 @burchakostida

🇮🇳🇵🇰 Ҳиндистон ШҲТ йиғилишининг қўшма декларациясини имзолашдан бош тортди — NDTV

Ҳиндистон мудофаа вазири Ражнатх Сингхнинг айтишича, апрел ойида Жамму-Кашмирдаги ҳужум декларацияга киритилмаган ва Ҳиндистон икки томонлама стандартларга қарши чиқади.

"Бундай икки томонлама стандартларга ўрин бўлмаслиги керак. ШҲТ бундай давлатларни танқид қилишдан тортинмаслиги керак", — дея таъкидлади Сингх Хитойнинг Циндао шаҳрида бўлиб ўтган ШҲТга аъзо давлатлар мудофаа вазирлари йиғилиши якунлари бўйича қўшма баёнотни имзолашдан бош тортиб.

Декларация "Ҳиндистоннинг терроризм ва минтақавий хавфсизлик каби муҳим масалалардаги позициясини заифлаштирганини" иддао қилган Сингх унда Покистоннинг Балужистон минтақасидаги "жангарилар фаолияти" тилга олинган ва "Покистон позицияси ҳимояси давом эттирилган" деди.

Сингх Покистон номини тўғридан тўғри айтмаган ҳолда, ШҲТни "трансчегаравий терроризмдан сиёсат қуроли сифатида фойдаланаётган ва террорчиларни ўз ичига олувчи" давлатларни танқид қилишга чақирди.

Маълумот учун, Ҳиндистон ҳам, Покистон ҳам ШҲТ аъзолари ҳисобланади.

🔥 @burchakostida

🇦🇲 Ереван суди Арман апостол черкови архиепископи Микаэл Аджапахянни икки ойга қамоққа олди

Бу ҳақда унинг адвокати хабар берди. Аджапахян ҳокимиятни эгаллашга чақирганликда айбланмоқда.

🔥 @burchakostida

🇺🇸🇨🇦 Трамп АҚШ Канада билан савдо музокараларини тўхтатишини маълум қилди

"Қўшма Штатлар Канада билан савдо музокараларини давом эттиришдан бош тортмоқда, бунга Оттаванинг Америка технологик компаниялари учун солиқ жорий қилгани сабаб бўлди. Канаданинг бу солиғи “Вашингтонга ҳужум” деб ҳисоблаймиз. Биз Канада билан барча савдо музокараларини тўхтатамиз, бу қарор дарҳол кучга киради", — деб ёзди АҚШ президенти ўзининг Truth Social ижтимоий тармоғида.

"Кейинги етти кун ичида биз Канадага АҚШ билан бизнес юритиш учун тўлашига тўғри келадиган бож ставкаларини эълон қиламиз", — дея қўшимча қилди Трамп.

Канаданинг технологик компаниялар учун янги солиқ тўғрисидаги қонуни 30 июндан кучга киради. Унга кўра, Аmazon, Google, Uber, Airbnb ва бошқа компаниялар Канададаги фойдаланувчиларга кўрсатилган рақамли хизматлардан олинган даромадларининг 3 фоизини солиқ сифатида тўлашлари керак бўлади.

🔥 @burchakostida

🇺🇸🇮🇷 АҚШ Сенати Трампнинг Конгресс рухсатисиз Эронга қарши ҳарбий операциялар олиб бориш ваколатини чеклашни кўзда тутган резолюцияни маъқулламади

Ташаббусга сенаторларнинг 53 нафари қарши овоз берди, 47 нафари эса уни қўллаб-қувватлади.

Ҳужжатда Эронга қарши ҳар қандай кейинги ҳарбий ҳаракатлар фақат Конгресс тасдиқлагандан кейин амалга оширилиши кераклиги белгиланган эди. Резолюция муаллифларининг таъкидлашича, АҚШ Конституциясида уруш эълон қилиш ҳуқуқи фақат қонун чиқарувчи ҳокимият, яъни Конгрессга тегишли эканлиги қайд этилган.

🔥 @burchakostida

🇺🇸 Трамп келаси ҳафтада Ғазо секторида ўт очишни тўхтатиш эълон қилинишини маълум қилди

"Мен ҳозиргина ушбу можарога алоқадор айрим шахслар билан гаплашдим. Вазият жуда даҳшатли. Биз келаси ҳафта ўт очишни тўхтатишга эришамиз деб ўйлаяпмиз. Биласиз, биз бу ҳудудга катта миқдорда пул ва озиқ-овқат етказиб бермоқдамиз", — деди АҚШ президенти.

🔥 @burchakostida

🇺🇸 АҚШ Олий суди туғилганлик орқали фуқаролик бериш масаласида Трампнинг тарафини олди — АFP

"Қўшма Штатлар Олий суди кўпчилик овози бипан (олти овозга қарши уч овоз) қуйи судлар “Конгресс томонидан федерал судларга берилган ваколатларни ошириб юборган” деб қарор чиқарди", дея хабар бермоқда агентлик.

Шу тариқа, АҚШ Олий суди бутун мамлакат бўйича туғилганлик орқали фуқаролик олиш ҳуқуқига доир ишда президентнинг тарафини олди ва қуйи инстанция судларининг Трампнинг тегишли фармонини тўсиб қўйиш ҳуқуқини чеклади. Ушбу фармон Қўшма Штатлардаги ноқонуний муҳожирларнинг мамлакатда туғилган болаларига фуқаролик беришни тақиқлайди. Қуйи судларга бунга доир қарорларини қайта кўриб чиқиш топширилди.

Reuters агентлигининг қайд этишича, бу қарорда Доналд Трамп маъмурияти сиёсатининг қонунийлиги тўғридан-тўғри кўриб чиқилмаган.

Мазкур қарорни Трамп ўзининг биринчи президентлик даврида тайинлаган судя Эми Кони Барретт чиқарди. Оқ уй раҳбари унга миннатдорчилик билдириб, Олий суд "радикал сўл қанот судяларининг ваколатларини суиистеъмол қилишига барҳам берганини" таъкидлади.

🔥 @burchakostida

🇮🇱🇾🇪 Исроил ҳарбийлари эрталаб Ямандан ракета учирилганини қайд этди — ЦАХАЛ матбуот хизмати

Хабар берилишича, ракета ҳаво ҳужумидан мудофаа тизимлари томонидан тутиб қолинган.

Яман ҳусийлари Исроилга ракета учирилганини тасдиқлади. "Бизнинг операцияларимиз Исроил агрессияси тўхтатилиб, Ғазо қамалига барҳам берилмагунча давом этади", дея баёнот берди ҳусийлар.

🔥 @burchakostida

🇺🇸🇨🇳 АҚШ президенти Доналд Трамп жорий йилда америкалик бизнесменлар делегацияси билан Хитойга ташриф буюриши мумкин — Nikkei Asia.

🔥 @burchakostida

🇺🇸🇮🇷 АҚШ Исфаҳондаги ядровий объектга чуқур кириб борувчи бомбалар билан зарба бермади, чунки у жудаям чуқурда жойлашган — CNN

"Қўшма Штатлар Бирлашган штаб бошлиқлари қўмитаси раиси генерал Ден Кейннинг сўзларига кўра, АҚШ Исфаҳондаги ядровий иншоотга зарба беришда чуқур кириб борувчи бомбаларни қўлламаган, чунки мазкур объект ер остида анча чуқурликда жойлашган", дея хабар бермоқда телеканал бир нечта манбаларига таяниб.

CNN маълумотига кўра, Кейн бу баёнотни сенаторлар учун ёпиқ брифингда маълум қилган ва нима сабабдан Эроннинг Исфаҳондаги ядровий объ ектига зарба беришда “бункерга қарши бомбалар” қўлланилмаганини тушунтирган.

Аввалроқ АҚШ Исфаҳондаги уранни қайта ишлаш заводига қанотли ракеталар билан зарба бергани хабар берилган эди. Фордо ва Натанздаги ер ости объектларига эса чуқур кириб борувчи бомбалар ташланган.

АҚШ 22 июн куни Эрон ядровий объектларига зарбалар берган эди. Бомбардимон оқибатлари ҳақида тўлиқ маълумот ҳозирча йўқ. CNN ва Тhe New York Times манбалари, АҚШ разведкасининг дастлабки маълумотларига таяниб, бу зарбалар Эрон ядровий иншоотларининг фақат кичик бир қисмини йўқ қилгани, асосий бойитилган уран захиралари ва ускуналар эса Теҳрон томонидан бошқа жойга кўчирилгани ва яширилганини хабар қилганди.

Оқ уй эса бу баҳога қўшилмаслигини билдирди. Марказий разведка бошқармаси (CIA) раҳбари АҚШ ва Исроил зарбалари натижасида Эрон ядровий дастурига “жиддий зарар етказилганини” маълум қилди.

🔥 @burchakostida