🎥

☄️📚✅XALQARO MATEMATIKA OLIMPIADASINING SARALASH BOSQICHI

Bugun, 2025-yil 21-oktabr kuni Buxoro davlat universiteti bosh binosining 310-auditoriyasida Patris Lumumba nomidagi Rossiya Xalqlar Do‘stligi Universiteti (RUDN) tomonidan tashkil etilgan RUDN MATH OLYMP — Xalqaro talabalar matematika Olimpiadasining saralash bosqichi o‘z ishini boshladi.

Mazkur olimpiada 2025-yil 26–30-noyabr kunlari Moskva shahrida o‘tkazilishi rejalashtirilgan bo‘lib, bugungi saralash bosqichida Buxoro davlat universitetining 1–4-kurs bakalavriat talabalari faol ishtirok etmoqdalar.

Saralash bosqichida 50 nafardan ortiq talaba ishtirok etmoqda. Ular quyidagi ta’lim yo‘nalishlarida tahsil oluvchi iqtidorli yoshlar hisoblanadi: Matematika yo‘nalishi talabalari – nazariy va amaliy masalalarni tahlil qilish ko‘nikmalari bilan ajralib turuvchi yoshlar; Fizika yo‘nalishi vakillari – tabiiy jarayonlarning matematik modellari orqali ilmiy izlanish olib boruvchi talabalar; Muhandislik yo‘nalishlari talabalari – texnik tafakkur va hisoblash texnologiyalarini mukammal o‘zlashtirgan yosh mutaxassislar; Iqtisodiyot yo‘nalishi talabalari – matematik tahlil asosida iqtisodiy jarayonlarni o‘rganayotgan ishtirokchilar; Axborot texnologiyalari yo‘nalishi talabalari – algoritmik fikrlash va dasturlash ko‘nikmalariga ega yoshlar.

Olimpiada savollari rus va ingliz tillarida taqdim etilib, ishtirokchilar o‘z bilimini xalqaro mezonlar asosida sinovdan o‘tkazmoqdalar. Jarayon davomida talabalarning mantiqiy fikrlash, matematik tahlil va muammoli vaziyatlarga ijodiy yondashish qobiliyatlari sinovdan o‘tmoqda.

Tadbir yuqori tashkiliy saviyada o‘tkazilmoqda. Saralash bosqichi yakunida eng yuqori natija ko‘rsatgan talabalar Moskva shahrida bo‘lib o‘tadigan xalqaro bosqichda ishtirok etish huquqiga ega bo‘ladilar.

Mazkur olimpiada Buxoro davlat universiteti talabalari uchun ilmiy salohiyatni rivojlantirish, raqobatbardosh kadrlar safini kengaytirish hamda O‘zbekiston yoshlarining xalqaro miqyosdagi muvaffaqiyatlarini namoyon etish uchun muhim imkoniyat bo‘lib xizmat qilmoqda.

👶👧🧒👦👩🧑👨👩‍🦱🧑‍🦱👨‍🦱👩‍🦰🧑‍🦰

Bizni kuzatishda davom eting:

🌐 Telegram 🌐 Instagram 🌐 Facebook  🌐Web-sayt 🌐 Youtube

#Ona_tilim_faxrim

☄️📚✅ Buxoro davlat universiteti Tabiiy fanlar va agrobiotexnologiya fakulteti O‘zbek tiliga davlat tili maqomi berilganligining 36 yilligi munosabati bilan “Til — millat g‘ururi” mavzusida ma’naviy-ma’rifiy tadbir o‘tkazildi.

Tabiiy fanlar va agrobiotexnologiya fakulteti Biologiya kafedrasi ma’naviy va ma’rifiy ishlar bo‘yicha mas’uli Z.X. Bafayeva tashabbusi bilan tadbir fakultetning 1-bosqich magistrlari hamkorligida yuqori ruhda o‘tkazildi. Unda talabalar o‘z ijodiy chiqishlarini namoyish etib, she’rlar o‘qishdi, kuy va raqslar ijro etishdi, sahna ko‘rinishlari orqali esa ona tilimizning betakror go‘zalligi va qadriyatimizdagi o‘rnini ifoda etishdi. Shuningdek, tadbir davomida o‘zbek tili tarixi, buyuk adiblarimizning til haqidagi fikrlari hamda milliy g‘ururimizga bag‘ishlangan viktorina savollari orqali talabalar bilimini sinovdan o‘tkazishdi.

🇺🇿 Tadbir yoshlar qalbida ona tiliga hurmat, faxr va sadoqat tuyg‘ularini yanada mustahkamlashga xizmat qildi.

👶👧🧒👦👩🧑👨👩‍🦱🧑‍🦱👨‍🦱👩‍🦰🧑‍🦰

Bizni kuzatishda davom eting:

🌐 Telegram 🌐 Instagram 🌐 Facebook  🌐Web-sayt 🌐 Youtube