قصيده شور للامام الحسين عليه السلام
على الشيب دم راسك نزل ياحيف
على شفاك اثار لهجير الصيف
يمولاي رمل الطف يغازل بيك
السهم جاي ويحشم عليك السيف
الجسد ماي وانطش والسيوف تركع
على جروح روحك يمولاي تفزع
الجلد ثوب وانشك والخيول تسحك
عله صدرك كامت تروح وترجع
بكثر ما بخيول الصدر ينداس
وصل صوت شهكاتك لحد عباس
بالسيوف متكطع غصن ريحان
انثر فوك الكاع الورد والياس
صرت كاع صحره الضمه عليك اثر
من التراب خدك ذبل و اتفطر
و اليدورونك صعب يلكونك
وبياض اوصافك اختلف صار احمر
للخيام كل بالك سمعت اصياح
ولاجن يم راسك كعد ذباح
شفت نار واطفالك تصيح حسين
بلاحيل والحيل ويه عباس راح
تحاول تنهض رغم كل تعبك
ولكن صعبه وسهم لاح كلبك
تكوم وتعثر وكمت تتحسر
على وضع اطفالك دعيت لربك
يمولاي بعيالك تشوف الصار
يركضون من خوف الضرب والنار
اليطيح ايدوسونه بحوافر خيل
العطش هم مايرحم عليهم دار
الاطفال تشرد و الخيول بلوه
من الخيام ليكم الدرب صار خطوه
الحرم مفجوعه وخذتها اللوعه
بجمر صيوانك جدمها تجوه
السياط اعله اعيالك تصير اسباع
تحشم من زينب ولا فزاع
والعيون تتلفت يمين ايسار
و جثثكم ماخلت شبر بالكاع
على الكاع جنكم سور مطشره
العقيله تدور وبالوجوه تقره
المضيعتكم لمن شافتكم
الرسوم ضاعت بطعن وبطبره
✍ الخادم حسين الخزعلي
على الشيب دم راسك نزل ياحيف
على شفاك اثار لهجير الصيف
يمولاي رمل الطف يغازل بيك
السهم جاي ويحشم عليك السيف
الجسد ماي وانطش والسيوف تركع
على جروح روحك يمولاي تفزع
الجلد ثوب وانشك والخيول تسحك
عله صدرك كامت تروح وترجع
بكثر ما بخيول الصدر ينداس
وصل صوت شهكاتك لحد عباس
بالسيوف متكطع غصن ريحان
انثر فوك الكاع الورد والياس
صرت كاع صحره الضمه عليك اثر
من التراب خدك ذبل و اتفطر
و اليدورونك صعب يلكونك
وبياض اوصافك اختلف صار احمر
للخيام كل بالك سمعت اصياح
ولاجن يم راسك كعد ذباح
شفت نار واطفالك تصيح حسين
بلاحيل والحيل ويه عباس راح
تحاول تنهض رغم كل تعبك
ولكن صعبه وسهم لاح كلبك
تكوم وتعثر وكمت تتحسر
على وضع اطفالك دعيت لربك
يمولاي بعيالك تشوف الصار
يركضون من خوف الضرب والنار
اليطيح ايدوسونه بحوافر خيل
العطش هم مايرحم عليهم دار
الاطفال تشرد و الخيول بلوه
من الخيام ليكم الدرب صار خطوه
الحرم مفجوعه وخذتها اللوعه
بجمر صيوانك جدمها تجوه
السياط اعله اعيالك تصير اسباع
تحشم من زينب ولا فزاع
والعيون تتلفت يمين ايسار
و جثثكم ماخلت شبر بالكاع
على الكاع جنكم سور مطشره
العقيله تدور وبالوجوه تقره
المضيعتكم لمن شافتكم
الرسوم ضاعت بطعن وبطبره
✍ الخادم حسين الخزعلي
قصيدة لمولاتي " فاطمه الزهراء " عليها السلام
لا تعتذر ياحيدره عاذرتك ما ريدك اتحس فاطمه كاسرتك
ابقه علي البي ينحلف يصنديد
لا تنكسر لا ترتجف الك ايد
انته الاسد يا سيد المواعيد
تحس بجرح وقع المصيبه ماريد
اهده اطمأن ما كو عتب تره بعيد
بكلبك عشت ما تبقه ياعلي وحيد
انه نفس ريتك فلا هاجرتك ماريدك تحس فاطمه كاسرتك
جبير الكسر بس ياعلي انته اجبير
ظمه الجرح بس لا تظم اعله البير
الحادث صعب وامكيد وبيه تحير
بنية ثأر سوح الحرب ناس تغير
لا تنحني وخل كل شي بالزهره ايصير
ابخير اني اذا انته يبو حسين بخير
عمرك ولا شلت ايدك لخاصرتك ماريدك تحس فاطمه كاسرتك
غالي واذا دمعك نزل انه احتار
بدموعك ولجم الظلع والبسمار
لون التعب لا ينرسم عالكرار
ذاك ال اله شمس الله حكها تندار
عندي المهم راسك يظل فوك الصار
ما داعي تتعذر الك فدوه الدار
شامخ تظل وانه جبل ناظرتك ماريدك تحس فاطمه كاسرتك
عينك تصد وانه اندفع صعب هاي
مو هين وتسمع نحيبي وابجاي
فقار اكو بجف دوم اعرفه حماي
احتار بوصيه وما طلع علي براي
مجتف لجن اشعر وجودك وياي
صح مرتهن بس تبقه ذاك بسماي
اعرف صلابة روحك معاشرتك ماريدك تحس فاطمه كاسرتك
طحت وكلت فدوه الك سنيني
وصدر الارض مني اخذ جنيني
ما ادري ياهوه السطرلي عيني
وما ردتك بذاك الوضع تجيني
اني اعتذر خاف اسمعت ونيني
بس لايهمك ياعلي حنيني
انه عله بالك عايشه بذاكرتك ما ريدك تحس فاطمه كاسرتك
سهله تطيح على الارض حمامه
لكن صعب لو طاحت العمامه
الزهره ادري بثغرك ابتسامه
ودعني بس لا تشعر بملامه
كلشي انتهى وعمري أقترب ختامه
ودعتك الله ونلتكي بسلامه
مو انته خاسرني انه الخاسرتك ما ريدك تحس فاطمه كاسرتك
خادم الزهراء عليها السلام
حسين الخزعلي
لا تعتذر ياحيدره عاذرتك ما ريدك اتحس فاطمه كاسرتك
ابقه علي البي ينحلف يصنديد
لا تنكسر لا ترتجف الك ايد
انته الاسد يا سيد المواعيد
تحس بجرح وقع المصيبه ماريد
اهده اطمأن ما كو عتب تره بعيد
بكلبك عشت ما تبقه ياعلي وحيد
انه نفس ريتك فلا هاجرتك ماريدك تحس فاطمه كاسرتك
جبير الكسر بس ياعلي انته اجبير
ظمه الجرح بس لا تظم اعله البير
الحادث صعب وامكيد وبيه تحير
بنية ثأر سوح الحرب ناس تغير
لا تنحني وخل كل شي بالزهره ايصير
ابخير اني اذا انته يبو حسين بخير
عمرك ولا شلت ايدك لخاصرتك ماريدك تحس فاطمه كاسرتك
غالي واذا دمعك نزل انه احتار
بدموعك ولجم الظلع والبسمار
لون التعب لا ينرسم عالكرار
ذاك ال اله شمس الله حكها تندار
عندي المهم راسك يظل فوك الصار
ما داعي تتعذر الك فدوه الدار
شامخ تظل وانه جبل ناظرتك ماريدك تحس فاطمه كاسرتك
عينك تصد وانه اندفع صعب هاي
مو هين وتسمع نحيبي وابجاي
فقار اكو بجف دوم اعرفه حماي
احتار بوصيه وما طلع علي براي
مجتف لجن اشعر وجودك وياي
صح مرتهن بس تبقه ذاك بسماي
اعرف صلابة روحك معاشرتك ماريدك تحس فاطمه كاسرتك
طحت وكلت فدوه الك سنيني
وصدر الارض مني اخذ جنيني
ما ادري ياهوه السطرلي عيني
وما ردتك بذاك الوضع تجيني
اني اعتذر خاف اسمعت ونيني
بس لايهمك ياعلي حنيني
انه عله بالك عايشه بذاكرتك ما ريدك تحس فاطمه كاسرتك
سهله تطيح على الارض حمامه
لكن صعب لو طاحت العمامه
الزهره ادري بثغرك ابتسامه
ودعني بس لا تشعر بملامه
كلشي انتهى وعمري أقترب ختامه
ودعتك الله ونلتكي بسلامه
مو انته خاسرني انه الخاسرتك ما ريدك تحس فاطمه كاسرتك
خادم الزهراء عليها السلام
حسين الخزعلي
شفت الموت بعيوني عله بابج
وبوجودي الدخان اصبح حجابج
احترك كلبي عله وضعج
انكسر ظهري عله ظلعج
اغمض واسمع ادموعج وره الباب او ونينج
الوصيه مجتفه جفيني والا اني اعينج
العذر لله من اشوفنهن يتبدن سنينج
بهذيج الهوسه واسمعته صده السطره عله عينج
النبي بس واكف بعيني اووصيته
وحكج سيفي جان ايذيع صيته
نزل شلال دمعج
انكسر ظهري عله ضلعج
وبوجودي الدخان اصبح حجابج
وره الباب اشعر بوضعج واحس بالموت الاحمر
واحس بكلبي يتكسر وكلت شنهو التكسر
بكد ما عاشرت روحج روحج بيه تفتر
افرزن طكت ظلوعج واصيحن لا غده الشر
صوت السوط باذني من اسمعه
جلد متنج بكل ضربه يشلعه
الرمح كعبه ويوكعج
انكسر ظهري عله ظلعج
وبوجودي الدخان اصبح حجابج
يفضه صحتي لحكيلي ولا صحتي علي الحك
يفاطم فزعت كلبي الج بس راسي دنك
وحكج طك ظهر عمري احس ظلعج لمن طك
وشفتها انكلبت الدنيه على خدج لمن انطك
عله الحايط بلا رحمه اندفعتي
ومثل خيمه فرد وكعه وكعتي
دره بيج اليدفعج
انكسر ظهري عله ظلعج
وبوجودي الدخان اصبح حجابج
شفت بيت الله بي وجت نار وبابه يلهب
ورسول الله عكب موته سمعت ابيته ينسب
كبل كلشي النبي يدري حقوق الزهره تسلب
ويدري الدار بغيابه بلا استأذان تنطب
من الدخان ما بين اثرها
وعد الله كلت فاطم خبرها
وصحت عدله ارد اسمعج
انكسر ظهري عله ظلعج
وبوجودي الدخان اصبح حجابج
اشوفن كلشي واتغاظى ولاجن الامر صار
المصيبه شلون ماافزعلج او اني حمه الجار
شتسوين محتاره وتعرفيني اني محتار
ما تردين تنخيني ولا تردين الاعذار
اول مره ما طايح بديه
اكفلج واني حماي الحميه
اموت ولا اودعج
انكسر ظهري عله ظلعج
وبوجودي الدخان اصبح حجابج
رغم كل شي الستر محفوظ خلف الباب منظم
دفاعج عن حجابج جان واضح والله يعلم
شبقه بحيلج لمن عصروج نخيتي ومحد اهتم
وشفت الغيره بالدخان من طحتي انتي خيم
من شافج وكعتي من اليعصرون
كام بروحه ظمج عن العيون
غيوره بكلشي طبعج
انكسر ظهري عله ظلعج
وبوجودي الدخان اصبح حجابج
خادم فاطمة الزهراء ( عليها السلام)
حسين الخزعلي
وبوجودي الدخان اصبح حجابج
احترك كلبي عله وضعج
انكسر ظهري عله ظلعج
اغمض واسمع ادموعج وره الباب او ونينج
الوصيه مجتفه جفيني والا اني اعينج
العذر لله من اشوفنهن يتبدن سنينج
بهذيج الهوسه واسمعته صده السطره عله عينج
النبي بس واكف بعيني اووصيته
وحكج سيفي جان ايذيع صيته
نزل شلال دمعج
انكسر ظهري عله ضلعج
وبوجودي الدخان اصبح حجابج
وره الباب اشعر بوضعج واحس بالموت الاحمر
واحس بكلبي يتكسر وكلت شنهو التكسر
بكد ما عاشرت روحج روحج بيه تفتر
افرزن طكت ظلوعج واصيحن لا غده الشر
صوت السوط باذني من اسمعه
جلد متنج بكل ضربه يشلعه
الرمح كعبه ويوكعج
انكسر ظهري عله ظلعج
وبوجودي الدخان اصبح حجابج
يفضه صحتي لحكيلي ولا صحتي علي الحك
يفاطم فزعت كلبي الج بس راسي دنك
وحكج طك ظهر عمري احس ظلعج لمن طك
وشفتها انكلبت الدنيه على خدج لمن انطك
عله الحايط بلا رحمه اندفعتي
ومثل خيمه فرد وكعه وكعتي
دره بيج اليدفعج
انكسر ظهري عله ظلعج
وبوجودي الدخان اصبح حجابج
شفت بيت الله بي وجت نار وبابه يلهب
ورسول الله عكب موته سمعت ابيته ينسب
كبل كلشي النبي يدري حقوق الزهره تسلب
ويدري الدار بغيابه بلا استأذان تنطب
من الدخان ما بين اثرها
وعد الله كلت فاطم خبرها
وصحت عدله ارد اسمعج
انكسر ظهري عله ظلعج
وبوجودي الدخان اصبح حجابج
اشوفن كلشي واتغاظى ولاجن الامر صار
المصيبه شلون ماافزعلج او اني حمه الجار
شتسوين محتاره وتعرفيني اني محتار
ما تردين تنخيني ولا تردين الاعذار
اول مره ما طايح بديه
اكفلج واني حماي الحميه
اموت ولا اودعج
انكسر ظهري عله ظلعج
وبوجودي الدخان اصبح حجابج
رغم كل شي الستر محفوظ خلف الباب منظم
دفاعج عن حجابج جان واضح والله يعلم
شبقه بحيلج لمن عصروج نخيتي ومحد اهتم
وشفت الغيره بالدخان من طحتي انتي خيم
من شافج وكعتي من اليعصرون
كام بروحه ظمج عن العيون
غيوره بكلشي طبعج
انكسر ظهري عله ظلعج
وبوجودي الدخان اصبح حجابج
خادم فاطمة الزهراء ( عليها السلام)
حسين الخزعلي
لحظه نمت و فزيت لكيته مخنوك البيت
كلت اشمج ياريت لكيته مخنوك البيت
فزن عيوني والجفن ما ينطبگ
وكلبي يتراكض و النبض ما ينسبگ
جيت لفراشج اشم دخان الحرگ
هم تلاكيني تسائلت لو نفترگ
دورتها بلا روح شمتج للمجروح يمه شو ماشميت لكيته مخنوك البيت
آه وا ويلي شوفتج صارت حلم
اشعر بروحي بكل تفاصيل اليتم
لمن الدارج حاولت مجروحه اهم
ليش احس بيها ثكيله خطوات لجدم
حجرتج ما تنداس لا ورد بيها و ياس
لحجرتج من طبيت لكيته مخنوك البيت
البيت فريته و لمي ما بين اثر
الخوف غطاني و دمعي عالخد انثر
وياج اخذيني النيه لوجانت سفر
وغفه بحضانج لو طمع بيج القدر
اسم الله واسم الله عليج و القدر ميمر بيج
شبيدي يمه و حنيت لكيته مخنوك البيت
وحدي مرعوبه عنج اشكد دورت
يمه لا انتي لا علي يمي شفت
كلشي جان ايكول الليله انه اتيتمت
وبيه مدري شصار للحزن هم سلمت
سوده بعدج دنياي وفكدج اعليه اهواي
واليتيمه اتسميت لكيته مخنوم البيت
من صحت يمه وينج ومحد سمع
يعني جرحي اجبير والنحب صوته ارتفع
رحت يم الباب وكلبي من شفته انشلع
و ملتوي البسمار بيا عظم والدم فزع
ظهري حودب واندار من نظرت البسمار
بالم ضلعج حسيت لكيته مخنوك البيت
خادم فاطمة الزهراء ( عليها السلام)
حسين الخزعلي
كلت اشمج ياريت لكيته مخنوك البيت
فزن عيوني والجفن ما ينطبگ
وكلبي يتراكض و النبض ما ينسبگ
جيت لفراشج اشم دخان الحرگ
هم تلاكيني تسائلت لو نفترگ
دورتها بلا روح شمتج للمجروح يمه شو ماشميت لكيته مخنوك البيت
آه وا ويلي شوفتج صارت حلم
اشعر بروحي بكل تفاصيل اليتم
لمن الدارج حاولت مجروحه اهم
ليش احس بيها ثكيله خطوات لجدم
حجرتج ما تنداس لا ورد بيها و ياس
لحجرتج من طبيت لكيته مخنوك البيت
البيت فريته و لمي ما بين اثر
الخوف غطاني و دمعي عالخد انثر
وياج اخذيني النيه لوجانت سفر
وغفه بحضانج لو طمع بيج القدر
اسم الله واسم الله عليج و القدر ميمر بيج
شبيدي يمه و حنيت لكيته مخنوك البيت
وحدي مرعوبه عنج اشكد دورت
يمه لا انتي لا علي يمي شفت
كلشي جان ايكول الليله انه اتيتمت
وبيه مدري شصار للحزن هم سلمت
سوده بعدج دنياي وفكدج اعليه اهواي
واليتيمه اتسميت لكيته مخنوم البيت
من صحت يمه وينج ومحد سمع
يعني جرحي اجبير والنحب صوته ارتفع
رحت يم الباب وكلبي من شفته انشلع
و ملتوي البسمار بيا عظم والدم فزع
ظهري حودب واندار من نظرت البسمار
بالم ضلعج حسيت لكيته مخنوك البيت
خادم فاطمة الزهراء ( عليها السلام)
حسين الخزعلي
لمولاتي ام البنين عليها السلام
ساعدني ياليل خل اجري الدموع لام اربع اشموع
هالليله. عباس مجروح الاحساس لام اربع اشموع
🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶
يليلي و ياي اريد مگابل الونه
تساعدني عله وني عله المشت عنه
هاي امنه المشت ياليل هاي امنه
يطشرنه الدهر و ام الوفه اتلمنه
حاظر بالوداع سمعته كلمات وياها الوفه مات
احزن ينوماس مجروح الاحساس لام اربع اشموع
🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶
لايام الطفوف الذاكره تردني
بكثر ما بيه مدمع بللت ردني
مواقف اخوتي الما قبلت تهدني
الفخر لام البنين او الله شاهدني
شفت الوفه هناك من ذيج الايام صارو الي حزام
رفعولج الراس مجروح الاحساس لام اربع اشموع
🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶
حزن عاشور يوم الطشت اخباره
گلبها نار صار و ما طفت ناره
گالت لليبشرني اله ابشاره
كون حسين سالم يرجع الداره
ما ريد الاولاد من بعد الحسين اليستاهل العين
لا صدره ينداس مجروح الاحساس لام اربع اشموع
🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶
الشكر لله عله ام الاربعه احجيها
يويلي بيمن ام. عباس اجازيها
الامس وياي روحي ستانست بيها
تالي اليوم اقره الفاتحه اعليها
جريت الاهات آه بظهر آه بيه الحزن تاه
عباسي يا ناس مجروح الاحساس لام اربع اشموع
🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶
اذا عباس حاضر و النعش ينشال
اكيد جروحه و جروح المنيه ثگال
شلون گبال نعش الجنه صار الحال
يهم بلا جفوف يصير اله حمال
هالساعه الجفوف يسال عليها يشيع امه بيها
جفينه تنباس مجروح الاحساس لام اربع اشموع
🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶
خادم ام البنين …عليها السلام.
حسين الخزعلي
ساعدني ياليل خل اجري الدموع لام اربع اشموع
هالليله. عباس مجروح الاحساس لام اربع اشموع
🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶
يليلي و ياي اريد مگابل الونه
تساعدني عله وني عله المشت عنه
هاي امنه المشت ياليل هاي امنه
يطشرنه الدهر و ام الوفه اتلمنه
حاظر بالوداع سمعته كلمات وياها الوفه مات
احزن ينوماس مجروح الاحساس لام اربع اشموع
🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶
لايام الطفوف الذاكره تردني
بكثر ما بيه مدمع بللت ردني
مواقف اخوتي الما قبلت تهدني
الفخر لام البنين او الله شاهدني
شفت الوفه هناك من ذيج الايام صارو الي حزام
رفعولج الراس مجروح الاحساس لام اربع اشموع
🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶
حزن عاشور يوم الطشت اخباره
گلبها نار صار و ما طفت ناره
گالت لليبشرني اله ابشاره
كون حسين سالم يرجع الداره
ما ريد الاولاد من بعد الحسين اليستاهل العين
لا صدره ينداس مجروح الاحساس لام اربع اشموع
🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶
الشكر لله عله ام الاربعه احجيها
يويلي بيمن ام. عباس اجازيها
الامس وياي روحي ستانست بيها
تالي اليوم اقره الفاتحه اعليها
جريت الاهات آه بظهر آه بيه الحزن تاه
عباسي يا ناس مجروح الاحساس لام اربع اشموع
🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶
اذا عباس حاضر و النعش ينشال
اكيد جروحه و جروح المنيه ثگال
شلون گبال نعش الجنه صار الحال
يهم بلا جفوف يصير اله حمال
هالساعه الجفوف يسال عليها يشيع امه بيها
جفينه تنباس مجروح الاحساس لام اربع اشموع
🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶
خادم ام البنين …عليها السلام.
حسين الخزعلي
لمولاتي زينب (عليها السلام )
بروحج زينب ضيم الشام
عيونج اول مره تنام
ما مسبيه وما كو ايتام
عاشت روحج عمر الخنكه
بدخان الطف ونار الفركه
جبتي ايامج بعازة ملكه
اخوانج طاحو مثل الوركه
شويه شويه الكافل طاح
وحسين بحظن الذباح
كباله احتركت لخته اخيام
يقهر كلبج احساس الغربه
زينب تنسب كلش صعبه
بكد ما صعدت نوك محدبه
الشام اشكبره وعرفت دربه
شافت زينب اشكال الناس
بس ما شافت اي عباس
من ظربوها ومحد كام
ويه اليركض او ويه اليعثر
ظلت روحج بالطف تفتر
شيب راسج موت الاكبر
يالمقهوره ابجاسم اكثر
اليوكع منهم وايشيلوه
يم زينب صاحو خلوه
دمعج طاح بجف جسام
وسفه انعدج من الاسره
وحيدر سماج انتي الحره
حسينج وانتي نفس الفكره
ريجج جان ابعازة كطره
العسكر يمج رايح جاي
وعمدا يشرب اكبالج ماي
صبرج جربه وهمه اسهام
يالما عفتي الطف والعاشر
ليلج ونه وجفنج ساهر
حلمج هذا وموتج حاظر
حته اهنانه ابالج حافر
فوك اخدودج دمعج سيل
ظل ابالج صوت الخيل
وتتكسر لحسين اعظام
ماظن مره اتباعد فكرج
عن ظيم الطف وثورة صبرج
عفتي الدنيه وحرتي بقهرج
بموتج ياهو الليله يحظرج
حته بموتج تتخيلين
سيف اليقطع نحر حسين
تفصال اعليج الالام
خادم العقيله حسين الخزعلي
بروحج زينب ضيم الشام
عيونج اول مره تنام
ما مسبيه وما كو ايتام
عاشت روحج عمر الخنكه
بدخان الطف ونار الفركه
جبتي ايامج بعازة ملكه
اخوانج طاحو مثل الوركه
شويه شويه الكافل طاح
وحسين بحظن الذباح
كباله احتركت لخته اخيام
يقهر كلبج احساس الغربه
زينب تنسب كلش صعبه
بكد ما صعدت نوك محدبه
الشام اشكبره وعرفت دربه
شافت زينب اشكال الناس
بس ما شافت اي عباس
من ظربوها ومحد كام
ويه اليركض او ويه اليعثر
ظلت روحج بالطف تفتر
شيب راسج موت الاكبر
يالمقهوره ابجاسم اكثر
اليوكع منهم وايشيلوه
يم زينب صاحو خلوه
دمعج طاح بجف جسام
وسفه انعدج من الاسره
وحيدر سماج انتي الحره
حسينج وانتي نفس الفكره
ريجج جان ابعازة كطره
العسكر يمج رايح جاي
وعمدا يشرب اكبالج ماي
صبرج جربه وهمه اسهام
يالما عفتي الطف والعاشر
ليلج ونه وجفنج ساهر
حلمج هذا وموتج حاظر
حته اهنانه ابالج حافر
فوك اخدودج دمعج سيل
ظل ابالج صوت الخيل
وتتكسر لحسين اعظام
ماظن مره اتباعد فكرج
عن ظيم الطف وثورة صبرج
عفتي الدنيه وحرتي بقهرج
بموتج ياهو الليله يحظرج
حته بموتج تتخيلين
سيف اليقطع نحر حسين
تفصال اعليج الالام
خادم العقيله حسين الخزعلي
قصيده لاستشهاد السجاد عليه السلام
عله طاري الحزن.... يعيش شچم جفن
و يدمعات العليل ..... المسيه تندفن
**************
عاشت الدمعه عله جفنك تاكل ابايامك
ذكريات الطف خناجر تجرحك باحلامك
تعيش..... كربلاء بعينك
تعيش..... ونتك لحسينك
تعيش..... يالشفت سبعينك ...من تموت
سالفة عمرك نهر.... يجري هم يجري قهر
جرف صبرك طويل ..... المسيه تندفن
**************
المات بالطف مستراح والف هنياله اندفن
ولا يعيش العشته انته نايم بگلبك ضعن
تصيح..... يا منيه اخذيني
تصيح..... يا سهام ارميني
تصيح..... يا قدر غطيني ...... ما اريد
عيشة الفاگد ابو.... ومنكسر كسرة اخو
عله اخيه تبده حيل...... المسيه تندفن
**************
انته ميت من زمان و ذابحين اسنينك
چانت اسباب الوفاة الخيل فوگ حسينك
يخيل.... من صحت يالطاهر
يخيل..... هوه عايز حافر
يخيل..... دستي بيه الخاطر..وانه اشوف
الدنيه مناك انتهت.....ورحلة الونه بدت
شكثر دمعك يسيل..... المسيه تندفن
عله طاري جروح ابوك العاشت بنص روحك
تبچي يعگوب عله يوسف وشيسكت جروحك
ينوح..... حد بياض عيونه
ينوح..... لاكن يبشرونه
ينوح..... حسين اليسلبونه....... الثياب
الشبه فوگ انكتب.... المختلف ثوبه انسلب
يدفان الخليل......... المسيه تندفن
**************
خدك الشابع دموع الليله يروي ترابك
يالچنت تدعي المنيه تلاگه وي احبابك
تجيك..... العمرك متانيها
تجيك..... وتشكر الله عليها
تجيك..... و تلتقي تاليها...... بالاهل
يالصبرت عله الزمن... خلصت اسنين المحن
و لقائك بالرحيل........ المسيه تندفن
✍الخادم حسين الخزعلي
عله طاري الحزن.... يعيش شچم جفن
و يدمعات العليل ..... المسيه تندفن
**************
عاشت الدمعه عله جفنك تاكل ابايامك
ذكريات الطف خناجر تجرحك باحلامك
تعيش..... كربلاء بعينك
تعيش..... ونتك لحسينك
تعيش..... يالشفت سبعينك ...من تموت
سالفة عمرك نهر.... يجري هم يجري قهر
جرف صبرك طويل ..... المسيه تندفن
**************
المات بالطف مستراح والف هنياله اندفن
ولا يعيش العشته انته نايم بگلبك ضعن
تصيح..... يا منيه اخذيني
تصيح..... يا سهام ارميني
تصيح..... يا قدر غطيني ...... ما اريد
عيشة الفاگد ابو.... ومنكسر كسرة اخو
عله اخيه تبده حيل...... المسيه تندفن
**************
انته ميت من زمان و ذابحين اسنينك
چانت اسباب الوفاة الخيل فوگ حسينك
يخيل.... من صحت يالطاهر
يخيل..... هوه عايز حافر
يخيل..... دستي بيه الخاطر..وانه اشوف
الدنيه مناك انتهت.....ورحلة الونه بدت
شكثر دمعك يسيل..... المسيه تندفن
عله طاري جروح ابوك العاشت بنص روحك
تبچي يعگوب عله يوسف وشيسكت جروحك
ينوح..... حد بياض عيونه
ينوح..... لاكن يبشرونه
ينوح..... حسين اليسلبونه....... الثياب
الشبه فوگ انكتب.... المختلف ثوبه انسلب
يدفان الخليل......... المسيه تندفن
**************
خدك الشابع دموع الليله يروي ترابك
يالچنت تدعي المنيه تلاگه وي احبابك
تجيك..... العمرك متانيها
تجيك..... وتشكر الله عليها
تجيك..... و تلتقي تاليها...... بالاهل
يالصبرت عله الزمن... خلصت اسنين المحن
و لقائك بالرحيل........ المسيه تندفن
✍الخادم حسين الخزعلي
قصيده نزله لمولاي السجاد عليه السلام
بعد الفرض يا سيدي أسال
تدعي جنت لو تقره بالمقتل
عن سيرة حياتك اقره شنكتب
ابحث عن تفاصيل دمعك والسبب
بأثناء الفرض دوم ذكر الطف وجب
شتقره ازيارة حسين لو مقتل وهب
بفترة سجودك ونتك تطول
تدعي جنت لو تقره بالمقتل
كل عمرك يمولاي عايش بالجرح
صورتهم بالعيون لا ما تنمسح
كلما ترفع ايديك تتخيل ذبح
وجدامك قناديل مرفوعه برمح
ويه الفروض الخمسه تتخيل
تدعي جنت لو تقره بالمقتل
الكاسر كلبك وجان لازم ينذكر
باذنك تسمع اخيول تكسر ياصدر
نص عمرك خلص نوح بدروب اليسر
وي زينب عله النوك كل ساعه بكتر
راعي الوطن عن الوطن ترحل
تدعي جنت لو تقره بالمقتل
تسبيحك دمع صار خاتمت الفرض
بموقف حرك الخيام روحك تنقبض
تطول سجدتك ليش لازم نفترض
تشتم عطر الحسين تارس هالارض
شمت عطرهم والله ما تنمل
تدعي جنت لوتقره بالمقتل
ترفع جفك اتكوم ودموعك تهل
بعيون السمه تشوف منظر تنذهل
مولاي الامر جان واضح مو سهل
ترسملك بالدموم عبد الله ونبل
ضامي طفلكم يا علي يقتل
تدعي جنت لو تقره بالمقتل
كل ليلك سهر يوم واحد ينحسب
ليل وكلها نسوان وبديرة غرب
موقف كبرك جيل مولاي وصعب
تحرس ساهرت خاف واحد ينضرب
ضلمه وعليل و لا كمركم هل
تدعي جنت لو تقره بالمقتل
✍الخادم حسين الخزعلي @ch2Hs
بعد الفرض يا سيدي أسال
تدعي جنت لو تقره بالمقتل
عن سيرة حياتك اقره شنكتب
ابحث عن تفاصيل دمعك والسبب
بأثناء الفرض دوم ذكر الطف وجب
شتقره ازيارة حسين لو مقتل وهب
بفترة سجودك ونتك تطول
تدعي جنت لو تقره بالمقتل
كل عمرك يمولاي عايش بالجرح
صورتهم بالعيون لا ما تنمسح
كلما ترفع ايديك تتخيل ذبح
وجدامك قناديل مرفوعه برمح
ويه الفروض الخمسه تتخيل
تدعي جنت لو تقره بالمقتل
الكاسر كلبك وجان لازم ينذكر
باذنك تسمع اخيول تكسر ياصدر
نص عمرك خلص نوح بدروب اليسر
وي زينب عله النوك كل ساعه بكتر
راعي الوطن عن الوطن ترحل
تدعي جنت لو تقره بالمقتل
تسبيحك دمع صار خاتمت الفرض
بموقف حرك الخيام روحك تنقبض
تطول سجدتك ليش لازم نفترض
تشتم عطر الحسين تارس هالارض
شمت عطرهم والله ما تنمل
تدعي جنت لوتقره بالمقتل
ترفع جفك اتكوم ودموعك تهل
بعيون السمه تشوف منظر تنذهل
مولاي الامر جان واضح مو سهل
ترسملك بالدموم عبد الله ونبل
ضامي طفلكم يا علي يقتل
تدعي جنت لو تقره بالمقتل
كل ليلك سهر يوم واحد ينحسب
ليل وكلها نسوان وبديرة غرب
موقف كبرك جيل مولاي وصعب
تحرس ساهرت خاف واحد ينضرب
ضلمه وعليل و لا كمركم هل
تدعي جنت لو تقره بالمقتل
✍الخادم حسين الخزعلي @ch2Hs
#_قصيده_للخدمه
اجه عاشور وعنوانه جرح حسين وخوانه
وانه خادمهم بدموعي اتلكه ايام احزانه
اجه عاشور وكل حيلي خليته لهاي الخدمه
من العام متانيها بالموكب هاي النعمه
بحبك باسمك ول اسمك كل عام تصير اللمه
وخدامك من انضرهم زلمه يشد ضهره بزلمه
هلا صحت وبيه الجمره علا جرحك فدوه العبره
الطم صدري بكل حركه وبكلبي تشب نيرانه
ما عاش وخسر ايامه الما ذب دمعه عله اخيامك
يموت ومحد يكربله كل واحد عاف اسلامك
انه المن خالقني الله لو ما احييها ايامك
مخلوق اني لعاشورك واتسجل من خدامك
عله فطرة كلبي احبك من زغري وسرت بدربك
شكرا لله خلاني عايش واخدم قرءانه
ما دام النفس بروحي خادم الكم كل عمري
عباسي حسيني هويتي من زغري الوادم تدري
يا عافيتي وكل حيلي وياشمة هوه البصدري
لو يوم اتعذر منك ما اريدن تقبل عذري
عله باالي تعيش الصوره كل يوم ارسم عاشوره
حسين محيرني بعشكه وغيرك ما اعشك انه
عشنه وشفنه الما حبك وبخدمتكم ما مهتم
ضايع ما يندل روحه ويتاخر ما يتقدم
الاعمى يشوف ويتبصر والاخرس هم يتكلم
بس يسمع طاري الخدمه والشايب هم يتحزم
عليك معلمها الوادم ازغرهم يصبح خادم
اشكال الناس تخدمك وباسمك تهتف مولانه
ماريد اكنوز الدنيه وماكول الله شمنطيني
كلش كافي و اتنومس من يسموني حسيني
اتفاخر وارفع راسي اله منذورات اسنيني
انه المن رايد صدري والمن رايد جفيني
بكل قوه الطم واتحسر عله هيبة ذاك المنحر
كون ولا صدرك بالخيل مسحوك اني ال بمجانه
يحسين مقصرين احنه شما ننطيك شما نتعب
بينه الواهس ضل يكبر كلما عاشورك يكرب
ما شفناك ونبجيلك يالصدرك صاير ملعب
بالمجلس كلما نذكر نكول الله يساعد زينب
حسرتنه تضل للاخر من نذكر يوم العاشر
ما ننساك ونتامل بالمحشر ما تنسانه
الخادم✍️ حسين الخزعلي
اجه عاشور وعنوانه جرح حسين وخوانه
وانه خادمهم بدموعي اتلكه ايام احزانه
اجه عاشور وكل حيلي خليته لهاي الخدمه
من العام متانيها بالموكب هاي النعمه
بحبك باسمك ول اسمك كل عام تصير اللمه
وخدامك من انضرهم زلمه يشد ضهره بزلمه
هلا صحت وبيه الجمره علا جرحك فدوه العبره
الطم صدري بكل حركه وبكلبي تشب نيرانه
ما عاش وخسر ايامه الما ذب دمعه عله اخيامك
يموت ومحد يكربله كل واحد عاف اسلامك
انه المن خالقني الله لو ما احييها ايامك
مخلوق اني لعاشورك واتسجل من خدامك
عله فطرة كلبي احبك من زغري وسرت بدربك
شكرا لله خلاني عايش واخدم قرءانه
ما دام النفس بروحي خادم الكم كل عمري
عباسي حسيني هويتي من زغري الوادم تدري
يا عافيتي وكل حيلي وياشمة هوه البصدري
لو يوم اتعذر منك ما اريدن تقبل عذري
عله باالي تعيش الصوره كل يوم ارسم عاشوره
حسين محيرني بعشكه وغيرك ما اعشك انه
عشنه وشفنه الما حبك وبخدمتكم ما مهتم
ضايع ما يندل روحه ويتاخر ما يتقدم
الاعمى يشوف ويتبصر والاخرس هم يتكلم
بس يسمع طاري الخدمه والشايب هم يتحزم
عليك معلمها الوادم ازغرهم يصبح خادم
اشكال الناس تخدمك وباسمك تهتف مولانه
ماريد اكنوز الدنيه وماكول الله شمنطيني
كلش كافي و اتنومس من يسموني حسيني
اتفاخر وارفع راسي اله منذورات اسنيني
انه المن رايد صدري والمن رايد جفيني
بكل قوه الطم واتحسر عله هيبة ذاك المنحر
كون ولا صدرك بالخيل مسحوك اني ال بمجانه
يحسين مقصرين احنه شما ننطيك شما نتعب
بينه الواهس ضل يكبر كلما عاشورك يكرب
ما شفناك ونبجيلك يالصدرك صاير ملعب
بالمجلس كلما نذكر نكول الله يساعد زينب
حسرتنه تضل للاخر من نذكر يوم العاشر
ما ننساك ونتامل بالمحشر ما تنسانه
الخادم✍️ حسين الخزعلي
#_قصيده_للعاشر
عله امن الخيام قريت اني السلام
عكب راعي اللوه
وكـع حامي الخـيم .... وحـلم صـار الامـان
انكطع حس الكمر .... وصعد لون الدخان
عطش كلشي وراه .... و يبس ريج الزمان
عكب سد متن اخوي .... انه بعازة مكان
رماد الخيمه طار وترس وجه النهار
وصعب شم الهوه
اختنكنه من الدخان.... النفس بالكوه صار
الرمل مدري الرماد.... عمه عيون الزغار
عكب فيك يخوي.... عله راس اختك شرار
الحرك موبس خيم..... يخويه بكلبي نار
العبايه المن تصير اضم من بيها احير
وشفت كل شي هوه
شمل ماضل بعد.... تطشرنه وراك
بعد ماكو خيم.... تلمنه من الهلاك
ركض والبر الم.... وضمه بروحي ال لواك
علي تاه النهر.... وانه بعازة حماك
النضر تاه واريد ولو بس ترفع ايد
يمن جيتك دوه
اعتذر بالبر مشيت..... يعباس الشهم
غصب طلعتنه هاي.... شردنه من الزلم
اخيتك بيها روح..... بعد لا لا حلم
ترس روحي الالم.... وانه بالعيله الم
بعد ماضلي حيل وعلي جرحك ثجيل
يخي نرجع سوه
افزع من يخوي..... والبي غيره مات
نعم انت الكفيل..... وخذك مني الفرات
خلص حيلي وانه..... اجـمــع بالبـنات
واذا صار المـسه .....احـيرن وين ابات
تره جرحي صعب الحرس كلهم غرب
انه كلبي انجوه
ضعت بالطف جرح..... وكلت متني السياط
اليكطع باخوتي ..... يكطع بالنياط
شبت من السهم.... شفت عبدالله شاط
وشفت سيف الشمر..... عله نحر احسيني حاط
يخوتي اهنا ضعت يموتي اهنا ردت
فاركت الضوه
الشاعر✍️ حـســيـن الخزعــلي
عله امن الخيام قريت اني السلام
عكب راعي اللوه
وكـع حامي الخـيم .... وحـلم صـار الامـان
انكطع حس الكمر .... وصعد لون الدخان
عطش كلشي وراه .... و يبس ريج الزمان
عكب سد متن اخوي .... انه بعازة مكان
رماد الخيمه طار وترس وجه النهار
وصعب شم الهوه
اختنكنه من الدخان.... النفس بالكوه صار
الرمل مدري الرماد.... عمه عيون الزغار
عكب فيك يخوي.... عله راس اختك شرار
الحرك موبس خيم..... يخويه بكلبي نار
العبايه المن تصير اضم من بيها احير
وشفت كل شي هوه
شمل ماضل بعد.... تطشرنه وراك
بعد ماكو خيم.... تلمنه من الهلاك
ركض والبر الم.... وضمه بروحي ال لواك
علي تاه النهر.... وانه بعازة حماك
النضر تاه واريد ولو بس ترفع ايد
يمن جيتك دوه
اعتذر بالبر مشيت..... يعباس الشهم
غصب طلعتنه هاي.... شردنه من الزلم
اخيتك بيها روح..... بعد لا لا حلم
ترس روحي الالم.... وانه بالعيله الم
بعد ماضلي حيل وعلي جرحك ثجيل
يخي نرجع سوه
افزع من يخوي..... والبي غيره مات
نعم انت الكفيل..... وخذك مني الفرات
خلص حيلي وانه..... اجـمــع بالبـنات
واذا صار المـسه .....احـيرن وين ابات
تره جرحي صعب الحرس كلهم غرب
انه كلبي انجوه
ضعت بالطف جرح..... وكلت متني السياط
اليكطع باخوتي ..... يكطع بالنياط
شبت من السهم.... شفت عبدالله شاط
وشفت سيف الشمر..... عله نحر احسيني حاط
يخوتي اهنا ضعت يموتي اهنا ردت
فاركت الضوه
الشاعر✍️ حـســيـن الخزعــلي
#_قصيده_العليله_ع
ها يا سلوة الروح اخر ليله وتروح
يابويه الدمع سال ماجانت عله البال
اخر ليله وتروح
حلم طفله بحضن والدها تغفه براحه وتنام
اذا راح الابو عني تموت بعيني الاحلام
يبويه وياك اروح ولا اضل بأسر الاوهام
يظل طيفك يسايرني او اشمن حرك الخيام
ترسم وحشة الدار خيمه احتركت بنار
وتعطش كل الاطفال ماجانت عله البال
اخر ليله وتروح
اضل محتاره بجروحي وهجركم يهدم الحيل
يماي اعيوني بويه صعبه افارك ريحة الهيل
يشيباتك يبويه الجنهن شموع يضون بليل
يصك دمك عله اخدودك يلتصير ملعب الخيل
يا بويه يالحسين ماخذ هيبتك وين
اقره بجفك الفال ماجانت عله البال
اخر ليله وتروح
يكسرة روحي لو سرتو وضعنكم سافر بعيد
هضيمه ودمعت بنيتك جرت ليش وعلتي تزيد
يبو كلب الحنين العيشه بجفاك كلي شتفيد
اضل المن يماخذ كلشي وياك وماخذ العيد
لتضن كلبي يرتاح لو عني الابو راح
خذني وهمي ينزال ما جانت عله البال
اخر ليله وتروح
احضر روحي بويه ويه النساوين وامشي وياك
وعد ما تعبك وداعة هالعيون بويه ارجاك
اعرفنه مجاني بالضعن شوف اكعد اهناك
يم اختي رقيه كعدتي تصير كبال عيناك
متعودات العيون تفارك وجهك شلون
يتغير تره الحال ماجانت عله البال
اخر ليلة وتروح
حزن فركاك بين بالملامح وجهي اصفر
يماخذ سلوتي عبدالله وياك وعلي الاكبر
الف عام برحيلك عني بويه اني اكبر
زغيره وشيبت من ضيم الفراك وجرحي خضر
بويه بجفي الزغير ادعي دومك بخير
ترد سالم بالعيال ماجانت عله البال
اخر ليله وتروح
انه من دونكم بالمنزل ابقه بيكم احلم
عليله وحيل مابيه للفراك وروحتك هم
علامه بدارك القاروره التراب لو صبح دم
معناها انذبحتو وعطر الخيام بيها ينشم
عيني تضل علتراب وبالي يم الاحباب
بدمعي اكتب المرسال ماجانت عله البال
اخر ليله وتروح
سواد الليل والدمعات الثجال وخنكة الروح
اشيب واني طفله بعز الاحلام حلمي مذبوح
يبويه من البواجي اعليك والاه صوتي مبحوح
سمعتك لمن كلت لعمتي هنا تبقه متروح
ميته اتمنه ياعين ولا يهجرني الحسين
ميته بكل الاحوال ما جانت عله البال
اخر ليله وتروح
الشاعر ✍️ حسين الخزعلي
ها يا سلوة الروح اخر ليله وتروح
يابويه الدمع سال ماجانت عله البال
اخر ليله وتروح
حلم طفله بحضن والدها تغفه براحه وتنام
اذا راح الابو عني تموت بعيني الاحلام
يبويه وياك اروح ولا اضل بأسر الاوهام
يظل طيفك يسايرني او اشمن حرك الخيام
ترسم وحشة الدار خيمه احتركت بنار
وتعطش كل الاطفال ماجانت عله البال
اخر ليله وتروح
اضل محتاره بجروحي وهجركم يهدم الحيل
يماي اعيوني بويه صعبه افارك ريحة الهيل
يشيباتك يبويه الجنهن شموع يضون بليل
يصك دمك عله اخدودك يلتصير ملعب الخيل
يا بويه يالحسين ماخذ هيبتك وين
اقره بجفك الفال ماجانت عله البال
اخر ليله وتروح
يكسرة روحي لو سرتو وضعنكم سافر بعيد
هضيمه ودمعت بنيتك جرت ليش وعلتي تزيد
يبو كلب الحنين العيشه بجفاك كلي شتفيد
اضل المن يماخذ كلشي وياك وماخذ العيد
لتضن كلبي يرتاح لو عني الابو راح
خذني وهمي ينزال ما جانت عله البال
اخر ليله وتروح
احضر روحي بويه ويه النساوين وامشي وياك
وعد ما تعبك وداعة هالعيون بويه ارجاك
اعرفنه مجاني بالضعن شوف اكعد اهناك
يم اختي رقيه كعدتي تصير كبال عيناك
متعودات العيون تفارك وجهك شلون
يتغير تره الحال ماجانت عله البال
اخر ليلة وتروح
حزن فركاك بين بالملامح وجهي اصفر
يماخذ سلوتي عبدالله وياك وعلي الاكبر
الف عام برحيلك عني بويه اني اكبر
زغيره وشيبت من ضيم الفراك وجرحي خضر
بويه بجفي الزغير ادعي دومك بخير
ترد سالم بالعيال ماجانت عله البال
اخر ليله وتروح
انه من دونكم بالمنزل ابقه بيكم احلم
عليله وحيل مابيه للفراك وروحتك هم
علامه بدارك القاروره التراب لو صبح دم
معناها انذبحتو وعطر الخيام بيها ينشم
عيني تضل علتراب وبالي يم الاحباب
بدمعي اكتب المرسال ماجانت عله البال
اخر ليله وتروح
سواد الليل والدمعات الثجال وخنكة الروح
اشيب واني طفله بعز الاحلام حلمي مذبوح
يبويه من البواجي اعليك والاه صوتي مبحوح
سمعتك لمن كلت لعمتي هنا تبقه متروح
ميته اتمنه ياعين ولا يهجرني الحسين
ميته بكل الاحوال ما جانت عله البال
اخر ليله وتروح
الشاعر ✍️ حسين الخزعلي
#_قصيده_للسبي
ما نستراح وكل غالي راح
وين الوجه نديره متذبحه العشيره
مانستراح
حيره ودربنه كله اجروح او الم
نمشي الدرب يساره بلايه علم
من المشي تعبنه ونكل الجدم
وفوق الرمح نباوع روس الشيم
سن الرمح يذبح ذبح
حيرتنه والله حيره متذبحه العشيره
ما نستراح
طول الدرب نواعي ونوح وبجي
ماضل فرد يخوتي اعليه انتجي
من العدو سمعنه اشكال الحجي
المن يخوتي حيره المن اشتجي
يا حيرتي وين اخوتي
بيد الغرب اسيره ومتذبحه العشيره
مانستراح
بالدنيه بعد اخوتي كلشي اختلف
شوف الكلب نتبعه يا للاسف
بديره دخلنه مره وجن كلبي رف
كالولي هايه زينب ارض النجف
ها يا علي بويه انولي
اني الجنت اميره متذبحه العشيره
ما نستراح
كل ما اصد لخوتي بطول الدرب
كل نظره لجمه اليه وتجوي الكلب
وجوه الائمه صارت ساحة حرب
متغيره الهواشم من الضرب
راحو جتل شاب وكهل
يموت الطفل مصيره متذبحه العشيره
مانستراح
بين الرماح ادور راس الكمر
ما ميز الملامح واشبع قهر
تراب ودمه عله وجه ماضل اثر
بعينه السهم ذكرته وكلشي اختصر
بعينه السهم شابع ندم
ماعنده ذره غيره متذبحه العشيره
ما نستراح
ماينحمل وضعنه بس انحمل
كل الجنت بعيد اتوقع حصل
مايوم اجه عله بالي اصعد جمل
واتغرب اعله هزله وموته الاهل
ما جنت اضن ينطك متن
والمشكله الجبيره متذبحه العشيره
ما نستراح
الشاعر✍️حــسين الخــزعلي
ما نستراح وكل غالي راح
وين الوجه نديره متذبحه العشيره
مانستراح
حيره ودربنه كله اجروح او الم
نمشي الدرب يساره بلايه علم
من المشي تعبنه ونكل الجدم
وفوق الرمح نباوع روس الشيم
سن الرمح يذبح ذبح
حيرتنه والله حيره متذبحه العشيره
ما نستراح
طول الدرب نواعي ونوح وبجي
ماضل فرد يخوتي اعليه انتجي
من العدو سمعنه اشكال الحجي
المن يخوتي حيره المن اشتجي
يا حيرتي وين اخوتي
بيد الغرب اسيره ومتذبحه العشيره
مانستراح
بالدنيه بعد اخوتي كلشي اختلف
شوف الكلب نتبعه يا للاسف
بديره دخلنه مره وجن كلبي رف
كالولي هايه زينب ارض النجف
ها يا علي بويه انولي
اني الجنت اميره متذبحه العشيره
ما نستراح
كل ما اصد لخوتي بطول الدرب
كل نظره لجمه اليه وتجوي الكلب
وجوه الائمه صارت ساحة حرب
متغيره الهواشم من الضرب
راحو جتل شاب وكهل
يموت الطفل مصيره متذبحه العشيره
مانستراح
بين الرماح ادور راس الكمر
ما ميز الملامح واشبع قهر
تراب ودمه عله وجه ماضل اثر
بعينه السهم ذكرته وكلشي اختصر
بعينه السهم شابع ندم
ماعنده ذره غيره متذبحه العشيره
ما نستراح
ماينحمل وضعنه بس انحمل
كل الجنت بعيد اتوقع حصل
مايوم اجه عله بالي اصعد جمل
واتغرب اعله هزله وموته الاهل
ما جنت اضن ينطك متن
والمشكله الجبيره متذبحه العشيره
ما نستراح
الشاعر✍️حــسين الخــزعلي
#_قصيده_لرقيه _ ع
جبتلك ماي يا بويه و اجيتك
ذره الطف بويه والدم بلحيتك
وصلتك بعد الف عثره
لكيتك تارس الصحره
يبويه
ذكرتك من عطش كلبي عله اجروحي امشي وتكوه
اجيتك والجمر بيه ركض وانفاسي بالكوه
بعيد وشفتك بروحي يبويه ومزغر الخطوه
جبتلك ماي بعيوني و اكلك اخذ وتروه
ادورك وانته ماضايع عليه
اريد اروي ضمه اشفافك بديه
عله شفتك بوسه متفطره
لكيتك تارس الصحره
يبويه
من الساكي اجه بالماي وبالطاسه تعنالي
من كد ما افكر بيك اجيت انته عله بالي
ادورك بين الف مذبوح ورسمك عدل بخيالي
هذاك انته عله وجهك غاد معقوله انته يالغالي
اول مره اشوفك بويه ذبلان
حرام عله النهر تبقه انته عطشان
النهر من عندك اتبره
ولكيتك تارس الصحره
يبويه
يسباح الكلب بويه يذبلان الوجه شفتك
يعيش الماي ياوسفه وتموت البسمه البشفتك
يضامي والعطش ماخذ من اعيوني سالفتك
اجيت بلهفة واتمنه تسمعها الهلا البنتك
ارويك وترويني اريدك
انام بحضنك او اغفه عله ايدك
لجن صار الحضن حسره
ولكيتك تارس الصحره
يبويه
جبير العطش بيك ادري يا بويه عطش كوكب
قليل الماي وتبده من اجيتك اركض او انحب
اذا ما يكفي حل عندي ولا تبقه انته تتعذب
وحكك اعصر عيوني واكلك هاك بويه اشرب
يبويه اعصرلك اني امية العين
بلكت توكف بحيلك يالحسين
عدل لو جيتي متاخره
ولكيتك تارس الصحره
يبويه
اجيتك حافيه اركضلك شردت من الحرس شرده
اشهك من يطيح الماي وي كل كطره اتبده
من الخيم للمصرع صارت ركضتي وحده
بالصحره الورد ذبلان وارد اتلاحك الورده
يابس غصنك وذبلانه الخدود
وادعي من الله بلكي تخضر اردود
تعيش اتنخه بالزهره
ولكيتك تارس الصحره
يبويه
كبل ما جيك واتعنه ماجنت اني اتصور
الكاك عله كاع الطف طايح طيحة العنبر
من كالولي شربي الماي كتلهم و لا اكدر
شلون اشرب وابوي حسين عطشان بهذاك الحر
يا بويه كلت من عطشوني
من بعد الابو يا نفسي هوني
اردد بالدمع و اقره
ولكيتك تارس الصحره
يبويه
الشاعر ✍️حـــسـين الخــزعلي
جبتلك ماي يا بويه و اجيتك
ذره الطف بويه والدم بلحيتك
وصلتك بعد الف عثره
لكيتك تارس الصحره
يبويه
ذكرتك من عطش كلبي عله اجروحي امشي وتكوه
اجيتك والجمر بيه ركض وانفاسي بالكوه
بعيد وشفتك بروحي يبويه ومزغر الخطوه
جبتلك ماي بعيوني و اكلك اخذ وتروه
ادورك وانته ماضايع عليه
اريد اروي ضمه اشفافك بديه
عله شفتك بوسه متفطره
لكيتك تارس الصحره
يبويه
من الساكي اجه بالماي وبالطاسه تعنالي
من كد ما افكر بيك اجيت انته عله بالي
ادورك بين الف مذبوح ورسمك عدل بخيالي
هذاك انته عله وجهك غاد معقوله انته يالغالي
اول مره اشوفك بويه ذبلان
حرام عله النهر تبقه انته عطشان
النهر من عندك اتبره
ولكيتك تارس الصحره
يبويه
يسباح الكلب بويه يذبلان الوجه شفتك
يعيش الماي ياوسفه وتموت البسمه البشفتك
يضامي والعطش ماخذ من اعيوني سالفتك
اجيت بلهفة واتمنه تسمعها الهلا البنتك
ارويك وترويني اريدك
انام بحضنك او اغفه عله ايدك
لجن صار الحضن حسره
ولكيتك تارس الصحره
يبويه
جبير العطش بيك ادري يا بويه عطش كوكب
قليل الماي وتبده من اجيتك اركض او انحب
اذا ما يكفي حل عندي ولا تبقه انته تتعذب
وحكك اعصر عيوني واكلك هاك بويه اشرب
يبويه اعصرلك اني امية العين
بلكت توكف بحيلك يالحسين
عدل لو جيتي متاخره
ولكيتك تارس الصحره
يبويه
اجيتك حافيه اركضلك شردت من الحرس شرده
اشهك من يطيح الماي وي كل كطره اتبده
من الخيم للمصرع صارت ركضتي وحده
بالصحره الورد ذبلان وارد اتلاحك الورده
يابس غصنك وذبلانه الخدود
وادعي من الله بلكي تخضر اردود
تعيش اتنخه بالزهره
ولكيتك تارس الصحره
يبويه
كبل ما جيك واتعنه ماجنت اني اتصور
الكاك عله كاع الطف طايح طيحة العنبر
من كالولي شربي الماي كتلهم و لا اكدر
شلون اشرب وابوي حسين عطشان بهذاك الحر
يا بويه كلت من عطشوني
من بعد الابو يا نفسي هوني
اردد بالدمع و اقره
ولكيتك تارس الصحره
يبويه
الشاعر ✍️حـــسـين الخــزعلي
#_قصيده_للمشايه
مستعد و هاي ايامي
للمشي شديت احزامي
يا ابا عبدالله
عالوعد مستعد والغايه
لحضرتك اعتني مشايه
لملمت حيلي كله لهايه
وبالدرب رايه تسند رايه
لحجتك ارتديت احرامي
للمشي شديت احزامي
يا ابا عبدالله
كل سنه اجي ما اتعذر
بالمشي وبالمواكب احضر
ياحسين يبقه صوت المنحر
للابد باقي ما يتغير
بلا تعب الك تمشي اجدامي
للمشي شديت احزامي
يا ابا عبدالله
زيارتك رزق واتمنيته
بيرغك بالضهر شديته
والبشر كلمن وعافيته
والكلب عاشكك خليته
بالدرب مشاي جدامي
للمشي شديت احزامي
يا ابا عبدالله
سيدي انته رافع صيتي
وبالمشي اتحققت امنيتي
خادمك عايف اهلي وبيتي
بموكبك من الزغر تربيتي
بخدمتك ما ادنك هامي
للمشي شديت احزامي
يا ابا عبدالله
ياحسين انته عشكي الاول
ما امل دربك شما يطول
كل صعب يم ضريحك يسهل
وياحسين لو صحت الكه الحل
من اوصلك تنزاح الامي
للمشي شديت احزامي
يا ابا عبد الله
عالوعد كل سنه خطارك
تنجمع بكربله احرارك
بالهلا تعزب الزوارك
لليجي دوم فاتح دارك
غايتي ويا كل احلامي
للمشي شديت احزامي
يا ابا عبدالله
الشاعر ✍️حسين الخزعلي
مستعد و هاي ايامي
للمشي شديت احزامي
يا ابا عبدالله
عالوعد مستعد والغايه
لحضرتك اعتني مشايه
لملمت حيلي كله لهايه
وبالدرب رايه تسند رايه
لحجتك ارتديت احرامي
للمشي شديت احزامي
يا ابا عبدالله
كل سنه اجي ما اتعذر
بالمشي وبالمواكب احضر
ياحسين يبقه صوت المنحر
للابد باقي ما يتغير
بلا تعب الك تمشي اجدامي
للمشي شديت احزامي
يا ابا عبدالله
زيارتك رزق واتمنيته
بيرغك بالضهر شديته
والبشر كلمن وعافيته
والكلب عاشكك خليته
بالدرب مشاي جدامي
للمشي شديت احزامي
يا ابا عبدالله
سيدي انته رافع صيتي
وبالمشي اتحققت امنيتي
خادمك عايف اهلي وبيتي
بموكبك من الزغر تربيتي
بخدمتك ما ادنك هامي
للمشي شديت احزامي
يا ابا عبدالله
ياحسين انته عشكي الاول
ما امل دربك شما يطول
كل صعب يم ضريحك يسهل
وياحسين لو صحت الكه الحل
من اوصلك تنزاح الامي
للمشي شديت احزامي
يا ابا عبد الله
عالوعد كل سنه خطارك
تنجمع بكربله احرارك
بالهلا تعزب الزوارك
لليجي دوم فاتح دارك
غايتي ويا كل احلامي
للمشي شديت احزامي
يا ابا عبدالله
الشاعر ✍️حسين الخزعلي
#_قصيده_لرقيه_ع
ياجرحنه بهالمسيه ماتت الليله رقيه
بالخرابه
بدار الغربه وجن الليل ردنه نهود تعبانات
احسب ببنيات حسين ومحتارين بهيمه نبات
شدهتني ابين النسوان علويه من العلويات
لنها رقيه اتريد احسين ومنين انجيبلها المات
اه ياليل الرزيه ماتت الليله رقيه
بالخرابه
يا لوعة هاي الليله واحدنه يدور حيله
عدنه بنيه تريد حسين تكعد يمه وتحجيله
فزت مرعوبه من النوم تبجي ومدمعها تسيله
كالت عمه بعيد احسين كومي وياي ونمشيله
تبجي واتجرني من اديه ماتت الليله رقيه بالخرابه
شفناها بشوف المتعوب اتدور بوجوه العدلين
تباوع للرايح والجاي بين الوادم ماكو حسين
تسالني وما عندي جواب اسكت وترد تسال وين
ما يرجع كلتلها بعيد وضلت تذرف دمع العين
حسين ضل بالغاضريه ماتت الليله رقيه
بالخرابه
ليل اضلم والنبره اهنا ماتخفه وتسمعها الناس
مو طفله تصيح بهالليل مسموعه الليله الانفاس
رقيه تصيح وين حسين وسمعو صايحها الحراس
سكتوها براس المذبوح وماتت يا ويلي عله الراس
عالطشت جتها المنيه ماتت الليله رقيه
بالخرابه
خلصنه من الطف للشام مثل السبحه اتطشرنه
ودعنه اكبرنه من ايام اليوم انودع ازغرنه
زغيره رقيه ومو عالبال تموت وتكسر خاطرنه
شيوصلنه لكبر حسين ما ضل حيل ايصبرنه
وعلي ماضل حيل بيه ماتت الليله رقيه
بالخرابه
مصيبة بت حسين تريد حيل وماضل بينه الحيل
زغار ايديها وما تندار رادت تحضن راس الهيل
ماتدري الماتت عل راس والدها مطشرته الخيل
بدار الغربه مات احسين وماتت مهضومه بهالليل
الموت لاكاهم سويه ماتت الليله رقيه
بالخرابه
الشاعر ✍️ حســـين الخــزعلي
ياجرحنه بهالمسيه ماتت الليله رقيه
بالخرابه
بدار الغربه وجن الليل ردنه نهود تعبانات
احسب ببنيات حسين ومحتارين بهيمه نبات
شدهتني ابين النسوان علويه من العلويات
لنها رقيه اتريد احسين ومنين انجيبلها المات
اه ياليل الرزيه ماتت الليله رقيه
بالخرابه
يا لوعة هاي الليله واحدنه يدور حيله
عدنه بنيه تريد حسين تكعد يمه وتحجيله
فزت مرعوبه من النوم تبجي ومدمعها تسيله
كالت عمه بعيد احسين كومي وياي ونمشيله
تبجي واتجرني من اديه ماتت الليله رقيه بالخرابه
شفناها بشوف المتعوب اتدور بوجوه العدلين
تباوع للرايح والجاي بين الوادم ماكو حسين
تسالني وما عندي جواب اسكت وترد تسال وين
ما يرجع كلتلها بعيد وضلت تذرف دمع العين
حسين ضل بالغاضريه ماتت الليله رقيه
بالخرابه
ليل اضلم والنبره اهنا ماتخفه وتسمعها الناس
مو طفله تصيح بهالليل مسموعه الليله الانفاس
رقيه تصيح وين حسين وسمعو صايحها الحراس
سكتوها براس المذبوح وماتت يا ويلي عله الراس
عالطشت جتها المنيه ماتت الليله رقيه
بالخرابه
خلصنه من الطف للشام مثل السبحه اتطشرنه
ودعنه اكبرنه من ايام اليوم انودع ازغرنه
زغيره رقيه ومو عالبال تموت وتكسر خاطرنه
شيوصلنه لكبر حسين ما ضل حيل ايصبرنه
وعلي ماضل حيل بيه ماتت الليله رقيه
بالخرابه
مصيبة بت حسين تريد حيل وماضل بينه الحيل
زغار ايديها وما تندار رادت تحضن راس الهيل
ماتدري الماتت عل راس والدها مطشرته الخيل
بدار الغربه مات احسين وماتت مهضومه بهالليل
الموت لاكاهم سويه ماتت الليله رقيه
بالخرابه
الشاعر ✍️ حســـين الخــزعلي
قصيده شجاعة زينب عليها السلام
#_كربلائي
خلصت معركة عاشور ورفت راية الثوره
جيش ايتام اجه عله النوك بقيادة زينب الحره
ركد طف الزلم والخيل ومن الخيم شع النور
خلص دور السيوف اهناك وزينب صار الها الدور
ماخلص كلام حسين ومو كلشي انحجه بعاشور
رفعت راية الاسلام
قائد والثلثت انعام
اميره ودخلت عله الشام
بهيبة حيدره وعزمه وحجاب وعفة الزهره
بلسان النبي وعلمه وبحكمة علي اتحارب
الكل تسكت اذا خطبت السكوت عله الزلم واجب
هيه التامر وتنهي وهيه التعفي وتحاسب
صح ام الخدر حرمه
تنعد بالف زلمه
زينب قمة القمه
بحرب الستر والعفه بلا شك هيه منتصره
انتصرت بالعلم زينب ومعنه التضحيه بلا شك
امتداد لثورة الاصلاح وكلمن ضدها صار اشرك
يزيد وكثرة اجيوشه بكلام ام الخدر يهلك
بقصرهم رايه وترفرف
حجاية زينب تخوف
زلمهم لو حجت ترجف
لبوة حيدر الكرار واخذت من علي الشمره
راحت هيبة الفرسان او وضع دولتهم اتازم
خوف ورعب طر الكوم سكتو واهيه تتكلم
عرش حكم ال اميه انهار بكلمة زينب اتهدم
الحاكم والحكم ينهار
حجت والها السمع يندار
حرمه ولفتت الانظار
ومو سوح الحرب تشهد يزيد الشاهد وقصره
الحاضر جان بالموقف والشاف وسمع يشهد
منو البيهم شجاع اهناك بحرف كدام زينب رد
امام ام الخدر ضاعو وخلت للسوالف حد
السكوت عله الزلم خيم
امام حجاية الاعلم
الحجه حجايه فلا يسلم
محضور الكلام اصبح وفرضت حضر عالنبره
كد كيدك لمن كالت يزيد ارتبك واتحير
ما تمحي الذكر والله شما تسعه فلا تكدر
و باجر يذكر التاريخ فازت ثورة المنحر
اهل البيت منتصرين
بدمنه اتثبت اصل الدين
رغم انفك يعيش حسين
انتصر دم النحر عالسيف هذا المحد ينكره
ربما خادم الحسين ع ــــــ ✍️ حسين الخزعلي
#_كربلائي
خلصت معركة عاشور ورفت راية الثوره
جيش ايتام اجه عله النوك بقيادة زينب الحره
ركد طف الزلم والخيل ومن الخيم شع النور
خلص دور السيوف اهناك وزينب صار الها الدور
ماخلص كلام حسين ومو كلشي انحجه بعاشور
رفعت راية الاسلام
قائد والثلثت انعام
اميره ودخلت عله الشام
بهيبة حيدره وعزمه وحجاب وعفة الزهره
بلسان النبي وعلمه وبحكمة علي اتحارب
الكل تسكت اذا خطبت السكوت عله الزلم واجب
هيه التامر وتنهي وهيه التعفي وتحاسب
صح ام الخدر حرمه
تنعد بالف زلمه
زينب قمة القمه
بحرب الستر والعفه بلا شك هيه منتصره
انتصرت بالعلم زينب ومعنه التضحيه بلا شك
امتداد لثورة الاصلاح وكلمن ضدها صار اشرك
يزيد وكثرة اجيوشه بكلام ام الخدر يهلك
بقصرهم رايه وترفرف
حجاية زينب تخوف
زلمهم لو حجت ترجف
لبوة حيدر الكرار واخذت من علي الشمره
راحت هيبة الفرسان او وضع دولتهم اتازم
خوف ورعب طر الكوم سكتو واهيه تتكلم
عرش حكم ال اميه انهار بكلمة زينب اتهدم
الحاكم والحكم ينهار
حجت والها السمع يندار
حرمه ولفتت الانظار
ومو سوح الحرب تشهد يزيد الشاهد وقصره
الحاضر جان بالموقف والشاف وسمع يشهد
منو البيهم شجاع اهناك بحرف كدام زينب رد
امام ام الخدر ضاعو وخلت للسوالف حد
السكوت عله الزلم خيم
امام حجاية الاعلم
الحجه حجايه فلا يسلم
محضور الكلام اصبح وفرضت حضر عالنبره
كد كيدك لمن كالت يزيد ارتبك واتحير
ما تمحي الذكر والله شما تسعه فلا تكدر
و باجر يذكر التاريخ فازت ثورة المنحر
اهل البيت منتصرين
بدمنه اتثبت اصل الدين
رغم انفك يعيش حسين
انتصر دم النحر عالسيف هذا المحد ينكره
ربما خادم الحسين ع ــــــ ✍️ حسين الخزعلي
#_قصيده_للامام_الحسن_ع
من شفتك حاير تتلوه واتجر انفاسك بالكوه
كلت لروحي بشوفة حالك هاي اخر كعده ويه الخوه
من شفتك يبن امي ضاع الراي وصرت بحيره
ما تكدر تتنفس كلت مصيبة روحي جبيره
لو بيدي انطيتك روحي ولجلك عمري اديره
بس يمكن من وضعك مبين هاي الكعده الاخيره
ما اسالك ياخويه اشلونك والسم ماخذ لون عيونك
شوف الحيره بوجه اعيالك هاي اخر كعده ويه الخوه
بالخوه احلفنك افتح ذرعانك لحسينك
صد ليه يا شيبي يكثر تره من تغمض عينك
من باجر يعضيدي تروح وروحي تكلك وينك
لا تمشي يا كلشي وتاخذ كل البيني وبينك
تكسر ضهري بهاي الروحه يا بو حجايات المملوحه
بكلبي المكسور اني انعالك هاي اخر كعده ويه الخوه
ما احمل تتالم جدام اعيوني وتتلوع
ياخويه وتتعذب من السم جبدك يتكطع
اتحسر يلغالي شبيدي وروحك كلسا تطلع
يا وسفه تفاركني ياعمري ونعشك يتشيع
الله يساعد كسرة ضهري شلون احمل نعشك ما ادري
جبير البيت واحنه بحالك هاي اخر كعده ويه الخوه
ياذيني ويكسرني فراكك و تعذبني الوحشه
وحسينك بغيابك مجروح وما يطبك رمشه
ياخويه شلون اكدر بتابوتك باجر اتمشه
والصعبه عله متوني اطيب انسان احمل نعشه
يعضيدي و يا توأم روحي الله يساعدني عله جروحي
تفاركني وتتركلي اخيالك هاي اخر كعده ويه الخوه
بعيوني اشوفنك صارت صعبه عليك الكعده
كلتلها ياروحي ماكو اكبر من هاي الشده
جدامي يتعذب اخو عمري ويتكطع جبده
اني ادري حك الاخ ع الاخ من يطيح بشده
ما يطلع بيدي عله اوجاعك شيب راسي الليله وداعك
و خطار القدر اتعنالك هاي اخر كعده ويه الخوه
هالليله تودعنه وتودع اديارك واحبابك
ما ادري يا ساعه خطار الموت يدك بابك
شكد صعبه تفاركنه ونصبح خويه عله اغيابك
وبدارك وادمنه تجي وتعزينه عله امصابك
يالطبعك تكرم خطارك باجر تبجي عليك اديارك
وديوانك يحزن وادلالك هاي اخر كعده ويه الخوه
ربما خادم الحسين ع ✍️ حســين الخــزعلي
من شفتك حاير تتلوه واتجر انفاسك بالكوه
كلت لروحي بشوفة حالك هاي اخر كعده ويه الخوه
من شفتك يبن امي ضاع الراي وصرت بحيره
ما تكدر تتنفس كلت مصيبة روحي جبيره
لو بيدي انطيتك روحي ولجلك عمري اديره
بس يمكن من وضعك مبين هاي الكعده الاخيره
ما اسالك ياخويه اشلونك والسم ماخذ لون عيونك
شوف الحيره بوجه اعيالك هاي اخر كعده ويه الخوه
بالخوه احلفنك افتح ذرعانك لحسينك
صد ليه يا شيبي يكثر تره من تغمض عينك
من باجر يعضيدي تروح وروحي تكلك وينك
لا تمشي يا كلشي وتاخذ كل البيني وبينك
تكسر ضهري بهاي الروحه يا بو حجايات المملوحه
بكلبي المكسور اني انعالك هاي اخر كعده ويه الخوه
ما احمل تتالم جدام اعيوني وتتلوع
ياخويه وتتعذب من السم جبدك يتكطع
اتحسر يلغالي شبيدي وروحك كلسا تطلع
يا وسفه تفاركني ياعمري ونعشك يتشيع
الله يساعد كسرة ضهري شلون احمل نعشك ما ادري
جبير البيت واحنه بحالك هاي اخر كعده ويه الخوه
ياذيني ويكسرني فراكك و تعذبني الوحشه
وحسينك بغيابك مجروح وما يطبك رمشه
ياخويه شلون اكدر بتابوتك باجر اتمشه
والصعبه عله متوني اطيب انسان احمل نعشه
يعضيدي و يا توأم روحي الله يساعدني عله جروحي
تفاركني وتتركلي اخيالك هاي اخر كعده ويه الخوه
بعيوني اشوفنك صارت صعبه عليك الكعده
كلتلها ياروحي ماكو اكبر من هاي الشده
جدامي يتعذب اخو عمري ويتكطع جبده
اني ادري حك الاخ ع الاخ من يطيح بشده
ما يطلع بيدي عله اوجاعك شيب راسي الليله وداعك
و خطار القدر اتعنالك هاي اخر كعده ويه الخوه
هالليله تودعنه وتودع اديارك واحبابك
ما ادري يا ساعه خطار الموت يدك بابك
شكد صعبه تفاركنه ونصبح خويه عله اغيابك
وبدارك وادمنه تجي وتعزينه عله امصابك
يالطبعك تكرم خطارك باجر تبجي عليك اديارك
وديوانك يحزن وادلالك هاي اخر كعده ويه الخوه
ربما خادم الحسين ع ✍️ حســين الخــزعلي
#_قصيده_للمشايه
نداء الاربعين لبيك ياحسين
تحبك وادمك يحسين عالفطره تعشكك
هوه وما ينشبع منك يوميه نشهكك
نتمنه عدل يحسين من نوصل نشبكك
و تاخذنه لبو فاضل نزوره و ما نسبكك
اذا الزاير تعناك ويشوفك واكف اهناك
كأن تكله حياك هلا بخطاري
اذا شاف المنارات يسلم بالتحيات
و يقرر يمك يبات ويكلك داري
ديار العاشقين لبيك ياحسين
مو بس العراقيين يحسين اليجونك
من كل طائفه يزورون كلهم يعشكونك
من ابعد ارض يمشون ولخاطر عيونك
الشايب والطفل والحرمه مايتعذرونك
يجون بلهفه حفاي ركض والاعجب بهاي
البحر ما يمنع الماي هدفهم واحد
من كل اتجاهات رغم بعد المسافات
بديهم ترف رايات جنود القائد
لحضرتك زائرين لبيك يا حسين
من ابعد نقطه بالعالم يجونك للزياره
عقيده زيارتك يدرون هيه اعظم تجاره
لاعظم شخص بالدنيه تتعنه الغياره
اليزورك ياخذ اهله وياه وبيده يسدها داره
يعوف الدنيا والمال ويجي هوه والعيال
يدور راحة البال و مكان الراحه
اذا يسالونه ها وين يكلهم بويه ماشين
لحبيب الروح الحسين نطيب اجراحه
لمولانه الحنين لبيك ياحسين
كل واحد يجي يزورك مو بس جايب اهله
جايب لك نذر وياه ولازم هم يوصله
بالله المال لعيونك رخص يحسين كله
نذر عاليوصل الحضره الدمع واجب يهله
الدمع يرخصلك يهون الك مخلوقه العيون
مثل ما عابس وجون فداك ارواحنه
نزورك ما نمل يوم نجيلك مثل الغيوم
يبو اليمه يمضلوم نعلي اصياحنه
بدمعنه معتنين لبيك ياحسين
مو بس اخدم او امشي واهل ادموعي وانحب
انت اكبر قضيه اعرف يحسين انت مذهب
انولدت واني شيعي وحيل اتشكر من الاب
علمني بطريق حسين ابذل جهدي واتعب
بعد ما يكضي عاشور يكلي اتعنه اله وزور
ولا اتكول اني معذور الزياره واجب
اجيك او اني ولهان ولا اكول اني تعبان
عرفت بدرب الاحزان الزجيه اتراقب
ازور بكل يقين لبيك ياحسين
جميع الناس تتعنه من كل ناحيه وصوب
كلها لكربله تروح وتروح الاغله محبوب
شمسويلها الوادم شمسوي للكلوب
اليزورك يرجع البيته ويرد يزورك انوب
يزور ويرد مجروح او مره ثانيه يروح
لحد ما تشبع الروح بنسيم الحظره
يكلك والله ياريت اضل يمك تمنيت
وشسوي راد للبيت يبيت الفقره
لمن يرجع حزين لبيك يا حسين
ربما خادم الحسين ع ✍️ حسـين الخـزعلي
نداء الاربعين لبيك ياحسين
تحبك وادمك يحسين عالفطره تعشكك
هوه وما ينشبع منك يوميه نشهكك
نتمنه عدل يحسين من نوصل نشبكك
و تاخذنه لبو فاضل نزوره و ما نسبكك
اذا الزاير تعناك ويشوفك واكف اهناك
كأن تكله حياك هلا بخطاري
اذا شاف المنارات يسلم بالتحيات
و يقرر يمك يبات ويكلك داري
ديار العاشقين لبيك ياحسين
مو بس العراقيين يحسين اليجونك
من كل طائفه يزورون كلهم يعشكونك
من ابعد ارض يمشون ولخاطر عيونك
الشايب والطفل والحرمه مايتعذرونك
يجون بلهفه حفاي ركض والاعجب بهاي
البحر ما يمنع الماي هدفهم واحد
من كل اتجاهات رغم بعد المسافات
بديهم ترف رايات جنود القائد
لحضرتك زائرين لبيك يا حسين
من ابعد نقطه بالعالم يجونك للزياره
عقيده زيارتك يدرون هيه اعظم تجاره
لاعظم شخص بالدنيه تتعنه الغياره
اليزورك ياخذ اهله وياه وبيده يسدها داره
يعوف الدنيا والمال ويجي هوه والعيال
يدور راحة البال و مكان الراحه
اذا يسالونه ها وين يكلهم بويه ماشين
لحبيب الروح الحسين نطيب اجراحه
لمولانه الحنين لبيك ياحسين
كل واحد يجي يزورك مو بس جايب اهله
جايب لك نذر وياه ولازم هم يوصله
بالله المال لعيونك رخص يحسين كله
نذر عاليوصل الحضره الدمع واجب يهله
الدمع يرخصلك يهون الك مخلوقه العيون
مثل ما عابس وجون فداك ارواحنه
نزورك ما نمل يوم نجيلك مثل الغيوم
يبو اليمه يمضلوم نعلي اصياحنه
بدمعنه معتنين لبيك ياحسين
مو بس اخدم او امشي واهل ادموعي وانحب
انت اكبر قضيه اعرف يحسين انت مذهب
انولدت واني شيعي وحيل اتشكر من الاب
علمني بطريق حسين ابذل جهدي واتعب
بعد ما يكضي عاشور يكلي اتعنه اله وزور
ولا اتكول اني معذور الزياره واجب
اجيك او اني ولهان ولا اكول اني تعبان
عرفت بدرب الاحزان الزجيه اتراقب
ازور بكل يقين لبيك ياحسين
جميع الناس تتعنه من كل ناحيه وصوب
كلها لكربله تروح وتروح الاغله محبوب
شمسويلها الوادم شمسوي للكلوب
اليزورك يرجع البيته ويرد يزورك انوب
يزور ويرد مجروح او مره ثانيه يروح
لحد ما تشبع الروح بنسيم الحظره
يكلك والله ياريت اضل يمك تمنيت
وشسوي راد للبيت يبيت الفقره
لمن يرجع حزين لبيك يا حسين
ربما خادم الحسين ع ✍️ حسـين الخـزعلي
#_قصيده_للخدمة_للمشايه
اذا خلصت نرد لديارنه بحسره
وياخذنه الحزن وكلوبنه موجره
اذا خلصت خدمتك يلحسين نحير
تعودنه عله خيرك يابو كل الخير
من زادك اكل مولاي حته الطير
مغزر بينه زادك والله والعشره
عشره وياك يحسين وتعودنه
شلون نرد لهلنه وغيرك شعدنه
اذا نرجع كلبنه يمك يردنه
اهلنه وبيتنه انت يبو الفقره
مدري شلون بينه لو كضت يحسين
ندعي الله العمر باقي ونضل عدلين
شصبرنه لسنه ونرد نخدمك زين
عمر لجلك نعيشه والعمر مره
لو خلصت الخدمه وردو الخدام
وزوارك مشو وابقه انتضرهم عام
اضل اخدم و لو يحسين بالاحلام
كون ولا يمرني يوم ما اذكره
اذا الواقع فرض يحسين الي فركاك
بحلمي اتحزم اوابقه بمنامي انعاك
محلاته العمر لو يكضي بس وياك
وابلياك مابي طعم لا ثمره
كون اكضي حياتي والعمر يمك
هواي العايش اعليه انته واشتمك
بمصابك اواسي فاطمه امك
كل مجلس الك بي تحضر الزهره
ربما خادم الحسين ع ✍️حسـين الخـزعلي
اذا خلصت نرد لديارنه بحسره
وياخذنه الحزن وكلوبنه موجره
اذا خلصت خدمتك يلحسين نحير
تعودنه عله خيرك يابو كل الخير
من زادك اكل مولاي حته الطير
مغزر بينه زادك والله والعشره
عشره وياك يحسين وتعودنه
شلون نرد لهلنه وغيرك شعدنه
اذا نرجع كلبنه يمك يردنه
اهلنه وبيتنه انت يبو الفقره
مدري شلون بينه لو كضت يحسين
ندعي الله العمر باقي ونضل عدلين
شصبرنه لسنه ونرد نخدمك زين
عمر لجلك نعيشه والعمر مره
لو خلصت الخدمه وردو الخدام
وزوارك مشو وابقه انتضرهم عام
اضل اخدم و لو يحسين بالاحلام
كون ولا يمرني يوم ما اذكره
اذا الواقع فرض يحسين الي فركاك
بحلمي اتحزم اوابقه بمنامي انعاك
محلاته العمر لو يكضي بس وياك
وابلياك مابي طعم لا ثمره
كون اكضي حياتي والعمر يمك
هواي العايش اعليه انته واشتمك
بمصابك اواسي فاطمه امك
كل مجلس الك بي تحضر الزهره
ربما خادم الحسين ع ✍️حسـين الخـزعلي
#_قصيده_للمشايه
خضر دربك مواكب وراح انشوف العجائب
ومن كل انحاء العالم خدم
بدربك يبدي التنافس واسمك ينطينه واهس
مختلفين و نتوالم خدم
يحسين الدرب كلما انظره
بي شي يختلف حيرني امره
مزروعه المواكب جنها شجره
والخدمه الحسينيه احله ثمره
ولو موكب اقرر اني اعبره
الكه معزب يمد روحه سفره
اكثر شغله التعجب بروحه الخادم يعزب
مايغله عليك الغالي نعم
بين احبابك تحدي يباتون الليله عندي
وزوارك مثل اعيالي نعم
بدربك مختلف كلشي يعجب
يحسين الطفل ناصبله موكب
لازم بيده ماي وبي يعزب
الوادم مو بديها الوادم تحب
يصيحون الخدم والمدمع يصب
تدلل يزاير كلشي اطلب
علينه ادلل يزاير شتطلب يلغالي حاضر
زادك مطبوخ وجاهز يعم
ارتاح بموكبنه فدوه اتفضل شرفنه جوه
وخادمكم ما متعاجز يعم
شحجي عالكرم والله انه حاير
خدامك صدك جنهم مناير
شيخ انته يكلوله يزاير
تدلل علينه و انته تامر
فراشك ملبسك يلغالي حاضر
بات الليله يمنه وامشي باجر
شرفنه بهالخدامه وباجر روح بسلامه
اهلا باليحمل جفه علم
شيخ علينه اتِدلل الموكب باسمك تسجل
واحدهم واكف وكفه علم
من يبدي المشي تبدي المواقف
ودربك ينزرع كله مضايف
بين احبابك انشوف التكاتف
ماجنهم غرب جنهم معارف
و اتصير الميانه و السوالف
واحدهم علم للخدمه واكف
تجمعهم هالمسيره كلهم نفس العشيره
نشوف الالفه وتجمعهم قيم
نفس المبدأ يمولاي تجمعهم خدمتك هاي
الزارك واليخدم كلهم قيم
من كل الدول جايين اشاهد
زوارك ملايين انت واحد
كبة حضرتك تنهي التباعد
حته المو عرف بالحضره كاعد
مذهول اصبح بهاي المشاهد
سر هذا عله العزوبيه شاهد
ضل حاير ب المراسم ما شايف هجي وادم
اتعجب واحتار شعدهم كرم
و اتعلق بالزياره حس جن هوه بدياره
لو رد ينقل موقفهم كرم
محتاره الصحافه العالميه
بيا جانب تركز بالقضيه
تحجي عله الكرم لو ع العزيه
والخدمه بطريقك ميه ميه
رفعة راس خدام الزجيه
عدهم هِمه هِمه حيدريه
شفناهم بالصداره زلم و كلهم غياره
كلمن يخدم بحروره و الم
شتوصفهم والله تعجز موقفهم هوه الابرز
بكل انحاء المعموره الم
ربما خادم الحسين ع...✍️ حسين الخزعلي
خضر دربك مواكب وراح انشوف العجائب
ومن كل انحاء العالم خدم
بدربك يبدي التنافس واسمك ينطينه واهس
مختلفين و نتوالم خدم
يحسين الدرب كلما انظره
بي شي يختلف حيرني امره
مزروعه المواكب جنها شجره
والخدمه الحسينيه احله ثمره
ولو موكب اقرر اني اعبره
الكه معزب يمد روحه سفره
اكثر شغله التعجب بروحه الخادم يعزب
مايغله عليك الغالي نعم
بين احبابك تحدي يباتون الليله عندي
وزوارك مثل اعيالي نعم
بدربك مختلف كلشي يعجب
يحسين الطفل ناصبله موكب
لازم بيده ماي وبي يعزب
الوادم مو بديها الوادم تحب
يصيحون الخدم والمدمع يصب
تدلل يزاير كلشي اطلب
علينه ادلل يزاير شتطلب يلغالي حاضر
زادك مطبوخ وجاهز يعم
ارتاح بموكبنه فدوه اتفضل شرفنه جوه
وخادمكم ما متعاجز يعم
شحجي عالكرم والله انه حاير
خدامك صدك جنهم مناير
شيخ انته يكلوله يزاير
تدلل علينه و انته تامر
فراشك ملبسك يلغالي حاضر
بات الليله يمنه وامشي باجر
شرفنه بهالخدامه وباجر روح بسلامه
اهلا باليحمل جفه علم
شيخ علينه اتِدلل الموكب باسمك تسجل
واحدهم واكف وكفه علم
من يبدي المشي تبدي المواقف
ودربك ينزرع كله مضايف
بين احبابك انشوف التكاتف
ماجنهم غرب جنهم معارف
و اتصير الميانه و السوالف
واحدهم علم للخدمه واكف
تجمعهم هالمسيره كلهم نفس العشيره
نشوف الالفه وتجمعهم قيم
نفس المبدأ يمولاي تجمعهم خدمتك هاي
الزارك واليخدم كلهم قيم
من كل الدول جايين اشاهد
زوارك ملايين انت واحد
كبة حضرتك تنهي التباعد
حته المو عرف بالحضره كاعد
مذهول اصبح بهاي المشاهد
سر هذا عله العزوبيه شاهد
ضل حاير ب المراسم ما شايف هجي وادم
اتعجب واحتار شعدهم كرم
و اتعلق بالزياره حس جن هوه بدياره
لو رد ينقل موقفهم كرم
محتاره الصحافه العالميه
بيا جانب تركز بالقضيه
تحجي عله الكرم لو ع العزيه
والخدمه بطريقك ميه ميه
رفعة راس خدام الزجيه
عدهم هِمه هِمه حيدريه
شفناهم بالصداره زلم و كلهم غياره
كلمن يخدم بحروره و الم
شتوصفهم والله تعجز موقفهم هوه الابرز
بكل انحاء المعموره الم
ربما خادم الحسين ع...✍️ حسين الخزعلي