اكثر حاجه اتمنّاها هذه الفتره.. ان يرجع شغفي لقناتِي زي قبل ):

"خابرٍ ليل المسافات - يا حزن السحاب
‏صرصرت يا سدرة الصمت ريح الثرثرة

‏ما قرأ من رفّي الموت غير أتعس كتاب
‏ولا كتب في دفتري العمر، غير المسخرة

‏لو أسافر عنك.. منا.. إلى مالا غياب
‏والله إنك في غياهيب صدري مسفرة

‏وش بوجهك؟! قلت يمّه كذا شكل العتاب
‏يشبه لمن؟ يشبه الغصن لا هلّ أخضره

‏غربةٍ ماهي من الماء، ولاهي من تراب
‏شيدت في وجهي الرث سور ومقبرة"

"ياحبيبي ماعليك، وقول ماودّك تقول
‏ان غدا من بيننا الشرّ؟ والا ماغدا

‏غيرك من الناس يحسِن، ولا يلقى قبول
‏وانت حتّى يوم تجرَح؟ أردّد لك فدا"

مهما تغيب الشمس يطلع لها نور
‏وانتي بعكس الشمس يومٍ تغيبين

"شايفٍ فيك الغناه ورافعٍ بك ظني / ومتظلل في غلاك اللي يزيل الضيقه"

خطوة القلب ماتاهت لو الدرب واعر
‏انتي انتي
‏معاذيري وصوتي
‏وظلّي

‏يوم كنتي تحبين الشِعر
‏صرت شاعر
‏ويوم صرتي تحبين
‏الوصل جيت كلّي

عزاي اني أحبك طول عمري .. و لا يسوى العمر بعدك دقايق

على قلبي
‏على رجائي
‏على قلقي و مسراي
‏ يا مطر

وأنتِ لا منّك ضحكتِ.. تعوّد الدنيا وسيعة

"وإن عبتها شبهتها البدر طالعاً
وحسبك من عيبٍ لها شبه البدر
لقد فُضلت لبنى على الناس مثل ما
على ألف شهر فُضلت ليلة القدر"

قصّة هذه الابيات جميله جداً انصحكم بها❤️

رحلة العمر ماهي بـ الورود محفوفة

الغيم مايحزن على موت الأشجار
‏والشمس تشرق لي وتشرق لـ غيري

‏والناس تتزاحم على شرب الأنهار
‏وانا مكفيني عن الناس بيري

‏ويوم الطيور تهاجر وتقطع إبحار
‏ انا مبرقع داخل الصدر طيري

‏ماني لكل مضيّع دياره ديار
‏ولاهو ضروري كلِ يذوق خيري

‏انا فدى اللي ينتظرني على نار
‏ان غبت عنه مايعوضه غيري

ما حسدت المطر على مكان النزول
‏لين بلَّل جدايلها وهي ضاحكة

‏جعل غيمٍ يفرح خاطرك ما يزول
‏وجعل كل الليالي فيك متباركة

سوالفك معها البشاير تهلي
‏أعذب من النسمات وأطيب من الفال

‏أطهر من القلب الخشوع المصلي
‏وأصدق من الضحكه على وجيه الأطفال

‏ ضلعٍ يرحب بك وضلعٍ يهلي
‏تربعي وسطه من الجال للجال

‏لرضاك ترخص وقفتي في محلي
‏ودموع عيني لا تذكرت الأطلال

حين يتحدث الشاعر عن الرغبه ولكن تمنعة الشيمة والاخلاق :

‏" قالت لي اقلط وانا ردتني الشيمه
‏ولّا حلالاه يا الفنجال من يدها "

‏- جطلي بن ورده

‏" حانت الفرصه ولكن ٌماانتهزت الفرصه
‏جيت اباغنمها وعيّت شيمتي واخلاقي "

‏- مساعد الرشيدي