​​拍拖拍到第三年，一早過咗熱戀期。其實都feel到佢開始變得冷淡。

成日一齊嗰陣都會有貌合神離嘅感覺
以前就算無見面都會傾下電話 Skype下 如果對方無覆機一排都會擔心下 。

而家係一個禮拜最多見一次面 有時個日大家臨時有事做 唔見都無所謂 message都好少 係無再關心你個日過成點或者去左邊 兩個人約見面都係一係dead air 一係玩手機 一係佢點都要叫多個朋友 或者一定要同其他人開會 有時仲要已經開完會 仲要繼續傾計。

有嘗試過關心佢 同佢分享生活趣事 想同佢出去大自然/去做一啲特別嘅事 有共同回憶令到感情升溫 但最後發現佢根本無興趣去做呢件事
有問過佢係咪已經唔中意我 如果淡左不如分手算 唔好浪費自己時間 佢話時間耐左好正常 但都係想繼續一齊。

都坦承過自己感受好多次 佢同我講話佢係真係中意我 但每次有假希望之後都係換來一次又一次嘅失望 忽冷忽熱 真係好辛苦 好似永遠都係度輪迴咁。

真正令我最失望應該係週年紀念，記得佢話中意手作有心意，又諗住如果用心整關係會唔會回暖，用好多時間親手整左個手作比佢，見佢無咩反應問佢係咪唔中意，佢話；唔中意好正常姐，後尾先原來佢個frd有推薦過佢上網訂呢個手作比我，但係佢最後無理到佢😂😂求其係排朱古力包裝上面刻字就送左比我。其實佢送咩比我無所謂，起碼我知佢收到禮物感動開心嗰下我都會好開心，但係我完全感覺唔到佢係珍惜珍重呢份禮物同我地既關係，而家我直頭係成日覺得佢對其他人都上心關心過對我。

其實我知我仲鍾意佢好緊張佢，但我覺得我地真係已經無得救，我係呢段關係入面都再搵唔到快樂，做唔到自己，我都唔覺得我地而家同以後會成為對方嘅避風港，成為對方嘅缺點支持，會尊重同珍惜對方。

有時都會覺得好無力，我都好想繼續同佢一齊，放棄好可惜，但繼續一齊又好辛苦

我26歲 同宜家既男朋友係埋左一齊5年
係無問又無講既情況下
大家默認左對方就係另一半
連結婚都係佢book 好去註冊就上去簽紙
婚都無求 就咁同居左3年
佢份人好悶 生活上有好多好多壞習慣
雖然都係小事 但係永遠都唔會改
從來都唔會哄我 過時過節又唔會慶祝
個人又無上進心
生活開支租金大部份都係我比
不過佢好專一 一定唔會偷食
無乜朋友 所以除左返工
啲時間都係留係屋企 打機呀同做家務
(又唔可以話係陪我)

上個星期因為發生左啲小事而鬧交
其實都唔係第一次
佢好多時自己鐘意做咩就做咩 唔會理人感受
講左好多次都唔改
每一次鬧完交 佢都會當無事發生 正常咁生活
然後好快又重複犯錯
咁樣不停loop 左好多次
一開頭我都會因為咁而唔開心 好想佢改
後尾發現佢根本都無諗住改既
我就已經放棄 接受現實

到今次 我地成2個星期無講過野
無任何身體接觸 就係咁係同一屋簷下生活
做左陌生人2個星期 佢又好明顯無諗住哄返我
咁樣真係唔係我想要既生活
究竟應唔應該繼續同佢係埋一齊?