Sen kelgunga qadar qachonlardir qalbim bólganini unutib yuborgandim

Kara sevda

www.tg-me.com/cheksizligimm

Умидим кўп эди
ахир,
бу куздан...
Тунда видолашмай кетди ноябрь..

Муҳаммад Сиддиқ


www.tg-me.com/cheksizligimm

Қишда ёзилган хат

Қиш – баҳайбат, даҳшат йиртқич қуш –
Чангалида тош қотган олам...
Сен тарафда эридими муз,
Ё қишмисан ҳали-ҳали ҳам?

Бунда битган озоринг ранжи
Томчи ёшдай бахтдан узулиб,
Сени эслаб яшаяпман жим,
Хотиралар билан исиниб.

Усмон Азим




www.tg-me.com/cheksizligimm

Балки автобусда кетиб боряпсан,
Балки метродадир…
Тағин билмадим.
Топганинг дард бўлди,
Дардларинг сафсан,
Қўнғироқ ҳам қилмадим.

Тошкент кўчаларин эркалар ёмғир,
Ресторан.
Жаз тинглаб, ўқийман китоб.
Балки айни чоғда аҳволинг оғир
Ётгандирсан ижара уйингда бетоб.

Балки орзуйингдек
Балзак яшаган
Шаҳарларда кезиб юрибсан танҳо.
Балки ҳамроҳингдир ҳазон тўшалган
Ўрдадаги биз севган анҳор.

Эсингдами?
Моцартни севардим,
…билганинг Шопен.
Асабим бузишга устайдинг.
Шаҳар айланардик
Дўконлар «опен».

Бахтли бўлишимизни истардинг.
Серсавол қиз эдинг серсавол,
– Нега кўп чекасиз?
– Қошингиз қалин…
Ҳаммаси тугаган,
Ҳаммаси завол…
У кунлар қайтмайди минг ёлвор, ялин.

Тошкент – катта шаҳар,
Бардошдай катта,
Бахтингни топасан…
Азизам… Тушун.
Кечир, ўша оқшом
Сен ёмғирдан қочиб келган бекатда
Автобус кутиб турганим учун.


Жонтемир

Vaqt qilichdir. U seni har kuni qiymalar. To qiymalab tamom qilgunga qadar sevib qolishga ulgur.

"Shaytanat"
Tohir Malik
www.tg-me.com/cheksizligimm

"Ket, - deysan (titraydi qo'llaring),
- Charchadim ko'nglingga qarashdan".

T.me/cheksizligimm

Azizim, xo'sh, endi ne deysan,
Qavslar ichida yashashga?!

T.me/cheksizligimm

Xotiradan beri, ogʻriqdan nari –
Yoʻqolishning hazin talvasasida –
Sevgi bir burilib, qarar men sari –
Mangu ayriliqning darvozasida.

Endi topolmayman dunyodan seni,
Na toʻzim yetaru, na soʻzim yetar...
Koʻz yoshu hasratdan arigan sevgi
Tushlar sari ketar, jimgina ketar...

©Usmon Azim

www.tg-me.com/cheksizligimm

Boshqa-boshqa insonlar bilan turmush qurib ketib, 10 yildan keyin oilamiz, farzandlarimiz bilan kóchada baxtli ótib ketayotganimizda bir-birimizga uzoqdan alam bilan termulib, "Eh..." deb qolish yóq, kelishdikmi


#senga

www.tg-me.com/cheksizligimm

O'ylasam yurakni vahima bosar,
O'ylar juda og'ir, juda ham og'ir.
Ketsam, qismatimga qaro qor yog'ar,
Qolsam, yuragimga yog'moqda yomg'ir.

Na to'xtar na yo'lga boshlaydi tana,
Ruhim ham negadir na shod na g'amgin.
Qolsam uvolingga qolaman yana,
Ketsam, savolingda qolaman tag'in.

Nechun olqagancha oh-zorlaringni,
Malomat yog'ilar bilmasdan tinim?
Nechun men suyaman ozorlaringni,
Nechun men suyaman, suymaydi jinim?..

Meni tushunmadi bu yerda hech kim,
Men ham anglamadim hech kimni, ammo,
Qolsam, nechun shayton hiringlaydi jim,
Ketay desam, nechun yo'l bermas Xudo?...

Azizim, yulduzlar falakda baxtli,
Inson o‘z qalbida — yurakda baxtli…

Omon Matjon

Sizdan yomon dushmanim yo'qdir,
Sizdan yaxshi do'st topmam hargiz...
Garchan, so'zlar zaharli o'qdir,
Nochor so'zlar dardlashar beso'z...
Sizdan og'ir dardim yo'q bildim,
Sevinchimga qanot ham sizsiz...
Tushlarimga baxtga g'arq bo'ldi,
Unda esa, yolg'izman, yolg'iz!
Sizdan katta tashvishim bo'lmas,
Rashkim ham yo'q, sizdan o'zgaga...
Uzatilgan mehrmas, qo'lmas,
G'am-u xijron, armon o'rtada...
Mendan boshqa sarsoningiz yo'q,
Eslamaydi hechkim men kabi...
Siz men uchun otilgan bir o'q,
Va yarador qalbim matlabi...
Mendan aniq dushmaningiz yo'q,
Qarg'ab-qarg'ab, sevmaydi hechkim...
Uzoqlarda bo'lsa-da, dil to'q,
Siz hayotda eng yaqin do'stim!

www.tg-me.com/cheksizligimm

Овунч

Она, мени чорлаётгандай
Бардошингиз тўкилган йўллар.
Баҳорларим кулган шу ёшда
Нечун мени овутмас гуллар?

Овутмоқчи бўлар шунчаки,
Келбатлари билан бу шаҳар.
Ҳатто туни юлдузсиз, ойсиз,
Баъзан нурсиз туюлар саҳар.

Қишлоғимнинг расмини бугун
Шеърим билан кўксимга ўйдим.
Анча бўлди, оҳ, билмам нечун
Мен ҳеч кимни соғинмай қўйдим.

Нечун севиб ичганим оғу,
Танлаганим тиконли йўлдир?
Худойимдан сўрайман бугун:
Кўнглимдаги нафратни ўлдир!

Не бўлса ҳам, онажонгинам,
Сиз ғам чекманг, ўртасам юрак.
Муҳаббатда ўлмоғим учун
Муҳаббатда яшашим керак!

Фароғат Худойкулова


www.tg-me.com/cheksizligimm

Кетаяпсиз, мен ҳам кетяпман,
Ўртамиздан ўтолмас сабо.
Зулфингизни хаёлдай эшар,
Мартнинг кўксин тўлдирган ҳаво.

Кетаяпсиз, мен ҳам кетяпман,
Жон борича кўкарар яшил.
Дарахтларнинг учлари билан
Шивирлашиб қувонар фасл.

Сиз фаслга кирасиз, фасл
Кириб келар оламга ёниб.
Қалдирғочдай вижирлар тошлар.
Йўл четига қушлардай қўниб.

“Эй, Гул, қайдан ва қандай қилиб,
Бунча латиф, бунча сирлисиз?”
Сўралмасдан ўлар саволлар,
Ҳам қуёшли, ҳам ёмғирлисиз.

Бундай озод, ихтиёрлисиз,
Бундай титраб оласиз нафас.
Бармоғингиз бир қўшиқ бошлар,
Бармоқларим қиляпти ҳавас.

Вужудимга чопар бир шовқин,
Туйғу селдай кўпирар қонда.
Кўкрагимга Тангри осган қулф,
Калитлари сизда эканда.

Бундай боқманг, нигоҳларингиз,
Ҳаётимни бесас қамчилар.
Елкангизга қўнмоқлик учун
Кўкдан тушмай турар томчилар.

Кетаяпсиз, мен ҳам кетяпман,
Шамол эрка, кўзлар беқарор.
Кўнгил каби тозарган йўлда,
Иккаламиз. Муҳаббат. Баҳор.

Шодмонқул САЛОМ
@cheksizligimm

Cheksizlik bilan birga bólganingizdan minnatdorman. Bugundan boshlab cheksizlik òz chegarasida nihoyasiga yetdi. Yoqotishlar bizga doimo kerak, chunki yoqotmaguncha biz òzimizga aslida nima kerakligini bilolmaymiz, yoqotmaguncha topmaymiz, yiqilmaguncha turmaymiz va bundan ròyhatlar davom etadi. Hayot bizga lahzalarda cheksiz nafas olish uchun berilgan, lahzalarda baxtli yashang. Lahzalarni his qiling, qalb bilan tinglang.
Óz cheksizlik chegarangizda mangulik yaratib cheksiz baxtga erishing.
Hammangizni sevaman.