❄️ Yangi yilingiz bilan!

Yangi 2023-yilingiz muborak boʻlsin. Co-Learning Center jamoasi barchani yangi yil bayrami bilan chin qalbdan tabriklaydi va ezgu niyatlarni tilab qoladi.

⚡️ Yangi yilda yangi maqsadlar, yangi bilimlar sari intilishingiz va yangi yutuqlarga erishishingiz tilakdoshimiz!

@colearninguz

🤩 Yangi yil uchun sizlarga ajoyib yangilik!

Koʻplab kuzatuvchilarimiz xohish-istaklariga koʻra yaqin kunlarda 3 kunlik Workshop tashkillashtirish niyatidamiz.

Workshop qaysi yoʻnalishda boʻlishini xohlaysiz?

💻 Diplomsiz dasturchi boʻlish mumkinmi?

Dasturchi boʻlish yaxshi oylik maosh, masofadan ishlash imkoniyati va qiziqarli ish boʻlganligi uchun hozirgi vaqtda juda yaxshi kasb sanaladi. Bu kasb boʻyicha eng keng tarqalgan savollar, “Dasturchilarga diplom kerakmi?”, “Katta kompaniyalarga diplomsiz kirsa boʻladimi?” kabilardir.

Dasturchi boʻlish uchun kerakli bilimlarni olish yoʻllari koʻp: universitet, onlayn kurslar/maqolalar va bootcamp'larga borish orqali. Har qanday sohada mutaxassis boʻlish uchun universitetga borish shart emas, bunga koʻp misollar topsa boʻladi. Shuningdek dasturchi boʻlish uchun ham universitetga borish shart emas.

🎓 Ammo maʼlumotlarga koʻra, katta texnologik kompaniyalardagi 75% ga yaqin dasturchilar kamida bakalavr darajasini olishgan.

Shunday ekan, siz tanlagan universitet sizga kerakli bilimlarni bersa, sizni talabingizni qondirsa oʻqish optimal usul. Agar siz tanlagan universitet yaxshi bilim bermasa, boshqa kurslardan bilim olish kerak. Universitetga esa, diplom va muhit uchun borgan afzalroq.

@colearninguz

🎤Soʻnggi bosqich: Suhbat jarayoni

Co-Learning Center va INHA universiteti hamkorligidagi Adobe Illustrator yoʻnalishi boʻyicha eʼlon qilingan kursga roʻyxatdan oʻtish 1-yanvar kuni yakunlangan edi.

🎯 Ushbu kurs uchun 100 dan ortiq talabgor roʻyxatdan oʻtdi. Dastlabki bosqichda shundan 40 nafari tanlab olindi.

Endi esa hayajonli daqiqalar yaqinlashmoqda. Sababi, bugundan suhbat jarayoni boshlanadi. Kurs ustozi tomonidan 15 nafar nomzod saralab olinadi.

✅ Suhbat jarayonida yoshlarning sohaga qay darajada qiziqayotgani, nima uchun oʻrganmoqchi ekanligi va kelajagini qanday tasavvur qilayotgani alohida e'tiborga olinadi.

📣 Talabgorlar bilan suhbat jarayoni ZOOM platformasi orqali onlayn tarzda tashkil etiladi. Natijalar esa, 15-yanvarga qadar eʼlon qilinadi.

@colearninguz

​​Adobe Illustrator kurs ishtirokchilari aniqlandi

🚀 Ushbu kurs uchun 100 dan oshiq talabgor roʻyxatdan oʻtdi. Dastlabki bosqichda shundan 40 nafari motivatsion xatlariga tayanib tanlab olindi hamda kurs mentori tomonidan suhbatdan oʻtkazildi. Jami 15 nafar nomzodlar saralab olindi.

🎉 Ishtirokchilar bilan tanishing!

1. Oʻktamjonova Farangis
2. Abrorov Shuhrat
3. Azimov Abdulla
4. Tursunova Mushtariybegim
5. Roziqova Dilfuza
6. Usmonov Ismoilxon
7. Mustafoyeva Ximoyat
8. Abduvoxobova Lutfiniso
9. Xafizova Zulayho
10. Narimonov Umarbek
11. Momedov Mustafo
12. Vohobova Nargiza
13. Xamidova Gulrux
14. Xalilova Malika
15. Samiyev Samariddin

Eslatib oʻtamiz, mazkur ishtirokchilar Co-Learning Center'da Adobe Illustrator yoʻnalishi boʻyicha bepul tahsil oladilar.

🤝 Co-Learning Center ushbu tanlovga bee'tibor boʻlmasdan, ishtirok etgan barcha yoshlarga samimiy minnatdorchiligini bildiradi.

🔥 Kurs ishtirokchilarini hayotlaridagi muhim qaror va g'alaba bilan tabriklaymiz, oʻqishlarida omad tilab qolamiz!

@colearninguz

Bayramingiz muborak bo'lsin!

🪖 Vatanni himoyalash nafaqat chegaralarimizda turgan posbonlarimiz bilan bir qatorda informatsion texnologiyalar olamida kiberxavfsizligimizni ta'minlayotganlarning ham bayramidir.

🎉 Shunday ekan, “14-yanvar — Vatan himoyachilari kuni” bilan barcha vatan himoyachilarimizni tabriklaymiz.

@colearninguz

🔥 15 nafar qahramon bilan 2 oylik safar boshlandi!

Kecha, 16-yanvar kuni Adobe Illustrator kursining birinchi darsi boʻlib oʻtdi.

🎯 Dars davomida oʻzaro tanishuv, kursning maqsad va vazifalari, qonun-qoidalari shuningdek, dars mavzulari haqida tushuncha berildi.

Barcha oʻquvchilarimizga omad tilab, yuqori natijalarni kutib qolamiz!

@colearninguz

🚀 Frontend dasturchilar uchun maxsus master-klass!

Co-Learning Center Frontend dasturchilar uchun ajoyib event tashkillashtirmoqda.

⚡️ Master-klass, UIC Group kompaniyasida faoliyat olib borib kelayotgan, koʻp yillik tajribaga ega Frontend dasturchi – Elzodxon Sharofaddinov va uning jamosi tomonidan oʻtkaziladi.

Event davomida spikerlarimiz quyidagi mavzularni yoritib beradilar:

➡️ Nuxt 3 bilan tanishuv va uning afzalliklari;
➡️ Vue 3 uchun plugin va directiveʼlar yozish;
➡️ Vue 3 da composableʼlardan foydalanish.

Master-klass, 4-fevral, soat 09:00 da Co-Learning Centerʼda boʻlib oʻtadi. Joylarimiz soni cheklanganligi sababli roʻyxatdan oʻtishingizni soʻrab qolamiz.

👉 Roʻyxatdan oʻtish uchun

@colearninguz

⚡️ “ITga eng yaxshi hissa” nominatsiyasida bizni qoʻllab-quvvatlang!

“CENTRAL ASIAN TECH AWARDS 2023” IT biznes forumida Co-Learning Center loyihasi “ITga eng yaxshi hissa” nominatsiyasida ishtirok etmoqda.

✊ Bizni qoʻllab-quvvatlash uchun quyidagi havola orqali ovoz berishingizni kutib qolamiz.

👉 Ovoz berish uchun

@colearninguz

❗️Diqqat

🌀 Baʼzi texnik muammolarga koʻra 27-yanvar kuni Co-Learning Centerʼda boʻlib oʻtishi rejalashtirilgan Frontend dasturlash boʻyicha master-klass 4-fevral kuniga koʻchirildi.

Ushbu holatda bizni toʻgʻri tushunasiz degan umiddamiz.

🙂 Barcha Frontend dasturlashga qiziquvchilarni 4-fevral kuni master-klassda kutib qolamiz.

@colearninguz