شذى:هادا لازم أردام شو بدهم مني هدول كمان
نور:ما بعرف بس كتير وقح هالشخص يلي معو وشايف حالو وكأني عم يسأل عليك
شذى:روحي اطلعي لعندهم وشوفي شو بدهم وعيفي الخط مفتوح
نور:ماشي رح روح شوفهم هديت اصوتهم
راحت نور وكان أردام بارك وأخد نص الكنباية و آخد راحتو ع الاخير وحازم بارك ع مقابل أمجد..فاتت نور وبركت جنب أمجد وهو عم يطلع بحازم يلي عم يحكيه
حازم:اول شي آسفين كتير ع الجيه بهيك وقت بدون موعد ويا ريت ماتواخذو اخي ع طريقتو وفوتو هيك وحكيو معك
أمجد:ماشي رح عيفو ع جنب واحكي معك لاني ماهو محترم البيت يلي جاي عليه ولا اصحاب البيت
أردام:بالله هادا يلي طلع معك وبالناقص قالولك انة قاتل حالي لتحاكيني
حازم:أردام اسكت وخليني احكي
أردام:لكا بالله بدك ياني اشوفوا عم يكذب ومايعملي قيمة واسكت
نور:لك انت شو مفكر حالك
حط حازم أيدو ع تم أردام قبل ما يكمل حكي ويرد وزوره
حازم:بكرر اعتذاري بس بدي منك يعني من بعد أذنكم تسمعوني للاخير واذا بتحسنوا تساعدوني
امجد:تفضل عم اسمعك
حازم:انا اول شي بعترف بغلطي وقدامك وهلق عم حاول اصلحو..يمكن بتعرفو وقت شذى كانت تشتغل ع خطة أبي كنت انا يلي اعطيها تعليمات وتواصلها كان معي..بجوز تشوفوني غبي بس انا ما كنت فاهمة خطة ابي منيح ولا ابعادها وما كنت بعرف بالظبط شو في بينو وبين العم هاشم..وللاسف وقت صارت بعض الخيوط تنحل قدامي كانت شذى مختفيه...بجوز ما تصدقوني بس انا هلق قررت اوقف بوجه ابي..نحن منعرف انو ابي عندو اعمال غير قانونيه بس نحن مالنا دخل فيها لا من قريب ولا من بعيد..الوضع يلي نحن فيه صعب ينشرح الامور اغلبها معقدة..هلق عم نحاول نجمع الخيوط لنربطها ببعضها
نور:وشو بدك من شذى ما فهمت انا
أردام:أول شي شذى..رح نحميها وناخدها بعيد عن الاعين..بعدها نفهم غايات الكل من هاللعبة ..ابي شو غايتو انا بقلكم مستحيل تكون شريفة متل ما بيدعي... بدو يدمر هاشم ليش ؟والقصص القديمة شو سرها..هاشم هالانسان اكيد في ورا غموضوا اسرار..وأمير هادا شو دحشو بشذى مابعرف..لك شغلوا طوسكم وفكروا معي
أمجد:هلق انت ليش أكلان هم شذى كتير ماشا الله لسا شذى كل ما تلتقى بحدا ببلش يعمل حالو المنقذ يلي بدو يحميها
أردام:ايوااااا يعني بفهم من حكيك انو شذى هلق عند حدا عم يقلها انو رح ينقذها ويحميها
شذى من الهاتف:نور اعطي الهاتف لاردام حتى احكي معو
حازم:هادا صوت شذى صح
هزت نور براسها واعطت الهاتف لأردام
أردام:يوووووه هادا انت يعدمني ياك ع هالمنظر لك شو هادا
شذى:أردام هلق وقتك
أردام:لك ايه العما حطي فلتر خليني احسن اطس بخلقتك يخرب بيت عدوك قومي اطرشي حالك وجه جديد بالمكياج وتعي عم استناك قال يلي كنت عم احكي معها بنت وهي بنت
شذى:أردام وقت نغاشتك هلق شيلنا من سيرك المعتة
أردام:بالله شو صاير فيك ووين كاينه لو بسجن مو هيك
شذى:لك هلق انت شو بدك
أردام:بدي اعرف وين حضرتك اااه وليك وين عم تلقلقي وعايفتنا متل النمل عم اندور عليك
شذى:ليش شو بدكم مني
حازم:بصراحة خفنا عليك بعد ما انقطع التواصل بينا واختفيتي وراقبنا هاشم وبيتو وما الك اي اثر وكمان للامانة وقت سألت ابي شو نعمل بعد ماعاد في تواصل بينا قلي رد غيري كل رأي فيو وبالخطة يلي ع أساس حاطتها ليساعدك

شذى:اي؟ويعني شو بدك مني
اردام:يخرب بيتك شو سطلة لك كان هالمخلوق عم يدور عليك او ع جثتك ما بتفرق حتى يطالعك من كل هاللعبة منشان هيك بقى هالبحصة وقوليلنا وين انت خلينا نعرف
نور:لك انت اسكت ..يخرب بيتك من حالك مابتحكي كلمة الا والتانية دعوة عليها شبك
أردام:لك انت مين نجقك فهميني
أمجد:وانت ليش عم تحكي معها هيك احترم حالك اقل الشي
شذى:ببسسسس ياااجماااعة اسكتوا شوي وخلوا حازم يحكي
أردام:ليكون ماعجبناك يا شجرة الدر
حازم:أردام رجاءً خلص نقطنا بسكوتك خلينا نعرف نتفاهم معها
أردام:هلق كلكم اجتمعتوا علي ماشي هي سكتنا
نور:بكون احسن شي بتعملو
أردام:مارح ارد عليك يا مقنزعة يا مستفزة لاني قلت رح اسكت يا شوية وحدة شايفة حالها
شذى:يا جماعة ما بصير هيك اهدو شوي نعرف نفهم
حازم:الغلط مني اني جبت أردام معي
اردام:جايبني غصب لعني ولسا بتحكي خلينا ساكت احسن شي
شذى:احكي حازم دخيل الله فهمني شو عم يصير
حازم:اول شي انت وين
شذى:انا بمكان آمن ومع ناس مناح
نور باستهزاء:جداً
حازم:طيب مين هالناس شذى بعرف انو صعب توثقي فيني بس جد والله انت بتعرفي اني بعتبرك متل اختي ولو ما بتهميني ما كنت سألت عنك
شذى بقلبها:هلق تميم ضابط ووقت حازم بيعرف اني بحمايتو اكيد رح يأمن ويتركني ضل هون اما اذا ما قلتلوا رح يضل يدور حتى يلاقيني وبالاخير ما رح يطلع معو شي لاني تميم مارح يخلي يعملي شي

حازم:وين صفنتي
شذى:معك..مابعرف مترددة شوي من اني احكي
حازم:حقك انا لو بمكانك مستحيل اوثق بشخص بمكاني بس اعطيني طريقة لاثبتلك اني صادق
شذى:مابعرف شو احكي والله..بس خلص رح قلك انا هلق ببيت ضابط شرطة
طلع حازم بأردام يلي ركز بالحديث اكتر
حازم:وهالضابط شو اسمو وشو مصلحتو
شذى:اسمو تميم والتقينا صدفة
أردام:تميم شو بالله
شذى:دالكشي
أردام:هههههههههههااااع
حازم:وجع لشو هالضحكة
أردام:ولاشي بس الله لا يعطيها
نور:شوفي ليش
أردام:مالي رايح احكي صرلكم ساعة بتسكتوني
حازم:اردام مين بكون هادا تميم
طلع فيو أردام بطرف عيني ورفع كتافوا ونزلوهم وبعدها سكت وضل يطلع بالحيط
شذى:أردام احكي شو بتعرف عنو
أردام:انتو قلتولي اسكت
أمجد:لك هلق وقتك احكي خلصنا شبو البطيخ التاني
أردام:انت مين قلك انو تميم ضابط بالله
شذى:هو وورجاني حتى هي الشارة يلي بتكون مع الضابط
أردام:واذا قلتلك مافي ضابط اسمو تميم شو بتقولي
شذى:لك بلا مزح هلق
أردام:والله بكيفك تصدقي
حازم:اذا ماهو ضابط شو لكا
أردام:مهرب محشش مافيا مجرم ماعايف قصة مالو داخل فيها تبيض سرقة دعارة تجارة اسلحة واكيد حاطة شذى عندو ياخدلها اعضائها
أمجد:يازلمة ما اثقل دمك هلق وقت مزحك
شذى:ليش بتحكي هيك
أردام:ولك يا جدبة بالله مصدقتو؟!.. رح احط المزح ع جنب واقلك انو انضحك عليك يا لبيبت زمانك وانو يلي باركة عندو شقفة مهرب خرب شغلوا بالتهريب وفي حدا خرب عليه
حازم:عم تحكي جد؟!أردام مو وقت مزح ابدا
أردام:اجبلكم ملفو لحتى تصدقوا؟
نور:طيب ليش لكا حاطة شذى عندو
أردام:انا لو اعرف رح اقلك
شذى:ولك شو عم تخرف
أمجد:شذى جهزي حالك جاي اجيبك
نور:من الاول قلنالك بس انت وهالحيط واحد عجبك هيك يا آنسة
شذى:انا مالي مصدقة ومالي رايحة أعمل شي
أردام:اي لكا بتاكليها بجنابك
حازم:شذى اذا هالحكي صح انت لازم ترجعي
شذى:وين ارجع وهاشم اكيد قالب الدنيا علي
وابوك اكيد مابقى بدوا ياني بعد ما خرب كل شي فوق راسي
أردام:ولك اسكتي خلصينا شو بتنقي ياه هلق انا وحازم معك تعي وخلينا نبرك نحكي ونشوف شو بدنا نعمل
شذى:بس..
حازم بمقاطعة:شذى رجاءً حاج تضيعي حالك انا وأردام حطينا كذا مخطط وفي ببالنا الف شغلة لنحل كلشي لا تخافي
نور:من شو خايفة احكيلنا
شذى:حاسة مافي شي ظابط اصلا
أردام:طيب يا ستي انا رح اثبتلك كلامي ورح اورجيك حقيقة تميم بس استني علي
أمجد:ليش شو في كمان شغلات عنو نحن ما منعرفها
أردام:هلق في شغلات لسا مو متأكد منها بس انا اتحقق منها رح اكشفلكم ياها
نور:اي وهلق شو رح تجيبوا شذى ولا تخلوها
أردام:عطوني رقمها وانا بهالكم يوم رح اكون كاشفلها كل شي وجايبها لهون

بعد كم يوم كانت شذى عم تمشي بالحديقة ومتوجها ع بابها الخلفي لتطلع واول ما صارت برا مشت لشارع قريب كان في حدا راكب بسيارة وعم يستناها
شذى:شو صار معك وليش بدك ياني
أردام:بدي آخدك ع محل غير شكل انت بس استني علي شوي
حرك السيارة وانطلق فيها.

...........باااااك............
هاشم:شو وين شاردة
شذى:ولا بمحل معكم..بس كنت عم اتذكر شو صار وشو رح يصير
نور:الحمد الله ارجعتي سالمة انت مجنونة كيف بتعملي هيك ما بعرف
هاشم:هي كان لازم تقلنا انو أمير رح ياخدها معو والا كلشي كان ماشي تمام

أمجد:بس رغم هالشي كلشي عملتو كان خطير وكان لازم تلاقوا حل تاني
شذى:كان بدنا حل سريع شو نعمل هلق المهم خلصنا
هاشم:هلق المهم انك رجعتي وعرفتي الحقيقة
شذى:جد انا لهلق خجلانة منك انو شقد كنت غبية
هاشم:انت مو غبية يا شذى أنت طيبة والتقيتي بثعلب مكار لعب بعقلك وانت لساتك صغيرة انا مو لايمك يا عمو ما انا كنت واقع بمكرو قبلك وعانيت ولسا بعاني منو
أمجد:معناها لازم تعاقبوا يعني معقولة يضل هيك
بمجرد ما خلص أمجد حكيو طلع ع التلفزيون خبر عاجل ..أطلع أمجد بدهشة بينما شذى وهاشم ابتسمو لبعض
_قطع وذهاب للخبر العاجل ويلي بالتحديد صاير قدام الشركات يلي استلمهم راجح__
كانت الصحافة منتشرة بكل مكان وسيارات الشرطة ع الابواب ..لجوا بمكتب راجح كان واقف أردام عم يكلبش ابوه وبعدها ابتسملو ابتسامة وراها حزن عم يحاول يخبيه ..اي كان زعلان رغم انو وصل لهدفو بس ما كان هالشي مفرح ابدا على خلاف توقعاتوا..طلع فيو راجح بأسف ومشي جنبوا بدون اي حرف ..واخيرا أردام قدر يوقع ابوه بشر اعمالوا بعد ما كشف للكل انو الشركات يلي عطتهم ياهم شذى ويلي هو صار مديرهم فيهم كتير نصب واحتيال واعمال غير قانونينة واسمن مغشوش كان هاشم امبلش فيها بفترة يلي كانت شذى عم تخطط ترجع تطلع فيها وطبعا بعد ما اعطت الشركات لراجح كمل بهالشغل الغير قانوني متل ماهو متوقع من شخص متلو وكل هالشي كان مخططلوا من قبل شذى وأردام وهاشم حتى يحسنوا يوقعوا راجح وبالفعل حصل هالشي بس هي رح تكون البداية ولسا أردام مصر يكمل كشف كل شي عملوا راجح رغم انو هالشي ما اسعدوا...

عودة عند شذى
هاشم:واخيرا وقع بشر افعالوا
امجد:بس ليش لهلق حتى كشفوا ماهو صرلوا مدة مستلم الشركات والأوراق مع أردام
نور:بظن لو كاشفوا من قبل كان امير طالعوا متل الشعرة من العجين من القصة
شذى:تماما وكان ساعتها في احتمال انكشف انا
هاشم:صحيح..يالله المهم عدت ع خير
شذى:اي الحمد الله
ورجعت اطلعت قدامها ورجعت بذاكرتها
.......فلااااش بااااك.....
بمستودع قديم كان هاشم مربط ع كرسي وقداموا طاولة وكرسيين وانارة خافته بلش يصحصح من اثر المخدر ..خيال تلت اشخاص كانوا قدامو صار يغمض عيونوا ويحاول يركز ليعرف مين هالاشخاص يلي كانو واقفين بالعتمة...بلشو يقربوا لبانت شوي من ملامحهم وهوون كانت الصدمة لهاشم.. شذى وأردام وحازم بملامح عابسة وعم يطلعوا فيو بكل جمود
هاشم:انتِ؟!!!وين رحتي وليش انا هون
حازم:هاشم بيك كيفك
هاشم:وبكل عين وقحة عم تسأل وانت مربطني
أردام:بدك تهديلنا حالك شوي وترخي بدنك وتصلي ع النبي حتى نعرف نحكي كلمتين ظراف
هاشم:يعني انت بالنهاية طلعت متل ابوك وباعتيلي جاسوسة لنص بيتي ووقت كشفتها اجيت وهربتها وهلق جايبني حتى تخلص شغلها
شذى:ياريت الموضوع بهالسهولة
سحبت شذى الكرسة يلي قدام الطاولة وبركت عليه وشبكت ايديها ع الطاولة وكانت عم تحاول تخلي نفسها منتظم لحتى تحافظ ع هدوئها..الهدوء يلي عم يخفي براكين وانفجارات جواتها كان نفسها تصرخ ..كان نفسهاا تموت وترتاح من كل هالعذاب يلي هي فيو ..كانت عم تجاهد لما تبكي لانها عم تتعذب لانها ضاعت لاني كل جوارحها تعبت..كانت عم تحاول ترتب الحكي يلي بدها تحكيه كلمة كلمة و هاشم وأردام وحازم عم يراقبوها
شذى:دائما كنت تقول نزلتلي بلوة من السما ولما اختفي تقول انشقت الارض وبلعتها..اول مرة اجيت وشفتك ووقفت قدامك قلتلك اني بنتك ..
بس بعدها بخونك معناها مو بنتك بدك تعرف مين انا
هاشم:اعتبرتك جد بنتي رجعتيلي كتير احاسيس كنت مفتقدها..فوتك بيتي عاملتك احسن معاملة وبالاخير بتكوني مو بنتي مجرد جاسوسة اجت لتدمرني ليانا انت مين
حازم:هي مو ليانا هي حدا تاني وليانا اصلا حدا مو موجود
هاشم:لكا مين بتكوني؟
شذى:شذى مصطفى اوزديمير
طلع فيها هاشم وضحك ضحكة صدى صوتها بالمكان وهو عم يطلع بشذى
أردام:الله يجعل كل ايامك سعادة بس ليش ضحكة هالرقاصة ضحكنا معك
طلع فيو هاشم وزوروا
هاشم:انتو هبلان شي؟؟! امفكريني حمااار لاوقع بالفخ مرتين ..يالله شو رأيك تجي بعد كم يوم وتقوليلي انا اختك صدقيني ما رح استغرب كتير
شذى:ليك القصة طويلة ومعقدة حقك ما تصدقني بس انا هون حتى اعرف القصة الحقيقية تعبت والكل بارك يتسلى فيني
أردام:هلق مبدئيا انت لازم بتعرف قصة شذى لانك مو حاطط تميم ع الفاضي ف اختصر ع حالك واعطينا يلي بدنا ياه
هاشم:مين تميم؟؟عن شو عم تحكوا
حازم:انت شكلك ما بدك تساعدنا
شذى:عم نحكي ع تميم يلي كنت باركة معو وانت من الاصل كنت باعتو خلص نحنا عارفين كل القصة
هاشم:طيب ماشي رح اقلك يلي بدك ياه ياا بنت اخي
شذى:بتعرف انا جد مصدومة بكل يلي حولي كيف فيكم تعملوا في هيك كيف فيكم تكوني بكل هالمكر انت وراجح وتميم أمير

هاشم:انت هلق شو بدك من الاخر
شذى:شو صار بعد ما مات ابي
هاشم:رح احكيلك بس بالاول لازم احكيلك شوي عن حالي انا يا عمو شذى كنت بزماناتي انسان فاشل الا شوي ضعيف شخصية ورثنا انا وابوك عن جدك شوية عقارات واموال وبلشنا شغلنا ابوك كان عكسي رغم انو اصغر مني بس كانت شخصيتو قوية وبيتحمل مسؤولية أكتر مني وهو يلي دار أغلب الشغل سبحان الله بلشنا نكبر بشغلنا شوي شوي وطبعا كنا انا وراجح رفقات من ايام الجامعة وشغلناه معنا..كنت اعتبروا اخي واعز كان صاحبي والصاحب ساحب..كان ساحبني لكل عاداتو السيئة وخصوصي بعد ما مات ابوك .. مصطفى كان يحزرني منو بس غرور الاخ الاكبر كان صايبني بالعكس شو في احلا من انك تشرب وتسهر وترافق نسوان عيش حياتك يا زلمة بالطول وبالعرض معك مصاري وفيك تملك كلشي..بعرف رح تقولي غباء انك تنجر لهيك شي و و و و بس للاسف واشد الاسف هيك صار.. بس ع كل حال انا دفعت الثمن وغالي كتييير
شذى:يعني راجح كان سبب كل شي
أردام: يعني هلق ابي طلع صاحب سوء يلي كان يحزرنا من رفقات السوء؟؟
حازم:هو للامانة مو كل الحق ع ابي الحق عليكم بالنص
ابتسم هاشم بحزن وهز راسو وتنهد بألم
شذى:بس هلق احكيلي من وقت ما مات ابي
هاشم:متأكدة بدك تسمعي يلي رح اقولوا يمكن كلامي يخليك ضايعة اكتر
شذى:مافي ضياع اكتر من يلي انا فيو
هاشم:طيب ...اول شي ابوك مامات موت ربو هو انقتل
أردام:معقول كيف ومين
شذى:بس ماما ما قالتلي هيك
هاشم:ااااخ من امك بس ...امك يا شذى بعد ما مات ابوك كانت مستعدة تضحي بكل شي حتى بس تاخد بثأر ابوك كانت رح تحط كل الثروة يلي تركلكم ياها وتستعين بكل الناس وكل حدا فيو يساعدها كانت بتحبو كتير وهسترت وقت مات...بس يلي قتل ابوك قتلوا بس لمجرد انو كان عم ينافسوا ورح يتغلب عليه

شذى:كأنما عم تلمح ع حدا انت اكيد بتعرفوا
أردام:منافسة ولمجرد حدا يسبقهم يقتلوه
حازم:هي عادات عائلة شاداوغلو صح
هاشم:راغب شاداوغلو ابوه لامير
كانت شذى عم تطلع بهاشم بصدمة كبيرة دموعها عم تنزل اسرع من البرد وحست اطرافها مجمدة رغم انهم بالصيف ..كانت عم تحاول تحكي بس شفافها كانو عم يرجفوا بدون ما يساعدوها تنطق كلمة
حازم:شذى انت منيحة
اطلعت فيو وبعدها بهاشم بعدم تصديق
شذى:ي.يعني أ.أمير ابوه قتل ابي..و.وراجح..كان عم.م يدمر عيلتي..يعني انا ب.بالنهاية كنت عم.م ساعد اعداء عيلتي
هاشم:بنتي هدي كلشي بيتصلح
انفجرت شذى بالبكى وهي عم تضم حالها وترجف توالت الخيبات عليها ..كان عقلها ماعم يقدر يستوعب كل هالاحداث ورا بعضها..كل اختياراتها وقراراتها كانت خطأ كانت عم تمشي باكتر الطرق الخطأ وهي مطمنة وواثقة انها عم تعمل صح ..

حتى البُكاءُ فِي أوصالي تجمّد، أنا أرتجفُ حُزنًا 🖤.
‏و من حين إلى آخر ، يجب إعلان الألم ،
يجب علينا التنهّد بصوتٍ مسموع .!🖤

شذى:و.وبعد ما ..ما مات بابا ليش سرقت مصاريه
أردام:شذى شو رأيك بعدين نكمل
شذى:ليش شفقت ع حالتي ..صرت حدا مثير للشفقة البنت الهبلة يلي خربت حياتها وحياة يلي حوليها منشان انتقام هي كانت عم تساعد اعدائها فيو ..خلص كملي هيك هيك تخدر احساسي من كتر ما حسيت بالوجع والالم والخيبة ماعاد حس
هاشم:رح احكي لتعرفي وتفهمي ونلاقي حل مو حتى تلومي حالك
أردام:يعني انت بدك تساعدنا
هاشم:اي..حتى من قبل أنا كنت عم أسعى لهالشي ..المهم( اخد نفس وكمل) ..كانت امك بدها تنتقملوا باي طريقة وانا كان بدي اهديها واوقفها لأني العلقة معهم باينة آخرتها ..طبعا راجح مرة تانية بلش يلعب فيني وانا اسمعلوا بكل غباء ..مرت اخوك رح تضيعكم رح تروح ثروة اخوك امفكر اذا عرف راغب شو رح تعمل رح يعيف حدا من عيلتكم حي يا اخي انا بحكي لمصلحتك وقفها امنعها احمي حالك وعيلتك من راغب انت مالك قدو لازم تخاف يكون مصيرك متلو....كنت ارض خصبة ليزرع فيني كل افكارو ووساويسوا يلي قادني باخر المطاف للجحيم..اضطريت اسحب من امك كل الاملاك حتى حافظ عليهم واحسن اوقفها ..اتفقت مع المحامي يخليها توقع ع اوراق وصار كل شي الي بس والله ما كانت غايتي اسرقهم وانا رح رجعلك كل شي
شذى بانكسار:وكأنما شي بهم شو رح تعملي المصاري؟💔رح ترجع ابي ولا رح تعوضني عن امي..مين بعوضني عن السنين يلي عشناها وحيدين وبعاد؟شو يلي برجعني متل قبل وبيمنع راجح ما يزرع الحقد والانتقام فيني؟! ...
هاشم:عارف مافي شي بعوضك بس رح حاول شذى مو ذنبي اذا امك راحت وهربت فيك ..بيوم وليلة ماعدتو موجودين قلبت الدنيا عليكم وما كانت اشوفكم ولا اعرفلكم طريق دوورت ودورت انتو كنتو اخر شي ضللي من ريحة اخي أنا ما كنت رح أتخلى عنكم
شذى:لو مساعدها وما آخد مصاريها ك...
هاشم بمقاطعة:كنت جبااان هاشم يلي قدامك غير يلي كان بهداك الزمان وفكرك امك كانت رح تحسن.. راغب نفس امير اي شي بوقف بطريقهم مصيرو الزوال

أردام:نحن لازم بقى نحط حد لهالعيلة مو معقول يستمر الوضع هيك والله هزلت الشغلة معهم
حازم:نحن اول خطة عم نخطيها اننا نعرف الحقيقة كااملة حتى نبدأ صح
هاشم:وانا معكم ورح نتعاون نخلص من لعنة هالعيلة
أردام:الوووو شذى وين صافنة
شذى:ببالي خطة رح نفذها
حازم:طيب قوليلنا ياها
شذى:لسا ما اكتملت بعقلي بكامل تفاصيلها
هاشم:الذبدة منها؟
شذى:هلق راجح شو المغذى من كل يلي عملوا؟!
حازم:لو ناجحة خطتوا ومستولي ع كلشي كان بظن رح يكسب ثقت امير ورح ينال اعجابوا وبالتالي بيشتغل معو ..مع اكتر حدا مسيطر ع الساحة
شذى:وهو لتحقيق هالشي بلش من عند هاشم من نص بيتو
أردام:معناها نحن لازمنا جاسوس
هاشم:انا بظن فيني ادبر هالجاسوس
شذى:ماافي داعي لاني الشخص يلي رح يفوت ع بيت امير ويكون معو هو انا
هاشم:شذى لا تتهوري مرة تانية الموضوع مو بهالسهولة
حازم:وهالخطة مو مضمونة ابدا ولك فورا رح يكشفك
شذى:الخطة يلي ببالي لسا الها تفاصيل اكتر ومتل ما راجح كان ذكي واعطا عمو هاشم شي منطقي ليصدق انا رح اعمل نفس الشي ورح صير فكر ك شيطانة متلهم لاحسن اخلص منهم وساعتها مستحيل يكشفوني

#سلاسل_متشابكة
#بقلم_شذى
#الجزء_العاشر
بصباح جديد ويوم جديد وبداية جديدة..
فاقت شذى مو عارفة وين الله حاطتها ..تفتح عيونها وتسكرهم وتطلع بالبيت وبعدها بأمجد ونور
أمجد:شو ليش شكل كأنك طالعة من القبر
نور:طلعوا ع الوجه القرفان يلي بيقطع الرزق هلق هيك بدك تروحي تقابلي تميم
شذى:تميم مين
أمجد:عليك العوض ومنك العوض
نور:ليش كم تميم بحياتك انت ان شا الله صهري المستقبلي يلي طبستي فيو وهو..
شذى بمقاطعة:اييييييي خلص الا تفضحيني يعني اقوم البس واتيسر احسن شي اليوم عندي مشاوير عن سنة

أمجد:اما شو تطور يا شذى الف سورة فلق عليك
نور:امجد المسحور انت ولا كلمة بيطلعلك تحكي وانت طاوشنا بجوى وبطيخة
أمجد:بقص لسانك اذا عاد بتحكي عليها
شذى:لاا ماا شاااء الله ضل تقوم تعمللنا قتلة منشانها للست الافندية
أمجد:ولك يخرب بيتكم ولك لسا ما عرفتوها البنت وهيك ولك اقسم بالله بخاف اعرفكم عليها حسبيا الله بس قوموا كل وحدة تتيسر ع شغلها
نور:انا رايحة ع المطعم بدكم شي
شذى:لاا علمي الزباين الانكليش منيح يا مثقفة يا بتوع الشهادات
نور:شذى انضبي مو فاضية اجي ادعوسك يعني انا لو متوظف آنسة كنت رح اشتغل كرسونة انو ما شاء الله الشغل مقتل بعضوا بهالبلد
أمجد:خلص تيسري ولااااا تفتحيلنا جريدة معاناتك ومشاكلك كل يوم
طلعت نور وطبشت الباب وراها وشذى راحت تلبس وتوجهت ع البيت تميم
_____
بمكان تاني دق الجرس طلعت حور باستغراب وراحت لتفتح الباب
عامل التوصيل:حور اوزديمير؟
حور:اي تفضل
العامل:هالطلبية الك
واعطاها تلت باقة ورد و زرعة لافندر وزنبق وراح.. اطلعت حور بزهول وهي لسا مو مستوعبة وخصوصي انو الورد من الانواع والالوان يلي بتحبهم..كان ع كل بوكيه في ورقة اخدتهم وبلشت تقرأهم والابتسامة بلشت ترسم طريقها ع وجهها
حور:لحوريتي وحب حياتي الاول والاخير آسف على الغياب
أتمنى ان تكون هديتي قد اصلحت ولو شيئاً بسيطا مما سببه غيابي اما ما بقي فسيصلحوا عذري وما فعلت لأجلنا💙
واخيرا أتسمحين لي ان اخطفك اليوم من كل العالم لنعيد ولو شيئا بسيطا مما مضى ونبدأ عمراً سعيدة من جديد معاً وللابد دون فراق ؟!
اطلعت حور بالوردات وقلبها ماعاد وقف من كتر ما خفق..سعادة كبيرة كانت مجتاحتها رغم زعلها الكبير من حازم وفكرة انو تخلا عنها وماعاد شافتوا كانت مسببتلها حزن وضياع
_____
باركين بالصالون كالعادة والملل مسيطر ع المكان..صوت الجرس المتكرر خلاهم يستغربوا
يمان:معقول ياماش وصل؟
كنان:ما اظن لحق يوصل بعدين هادا بدو يجينا من الصبح.. مين بدو يجينا هلق
يمان:هلق منعرف
توجهت يمان للباب وفتحتوا لتطلع شذى بوجهها فورا وهي ع آااااخر طرز ومكياج وشعر ومظبطة حالها ع الآخر..نطت شذى عليها حضنتها وهي مبتسمة ابتسامتها العريضة
شذى:يمووووون بتصدقي اذا بقلك اشتقتلك وين باقي الشلة
تركتها وفاتت لجوا بسرعة ويمان لسا صافنة بمحلها
شذى:يييي عليك يا كنان لساتك ع اللابتوب وينو تميم اكيد بغرفتوا أروح أشوفوا
تركتو وراحت طلعت اجت يمان وطلعت بكنان وهنن مستغربين ومصدومين اشرلها كنان بأيدو بمعنى هي جنت ..رفعت يمان كتافها بمعنى ما بعرف
_____
طالعة حور من بيتها ومتوجه ع الشركة..سمعت صوت سيارة عم تزمرلها وعرفت انو حازم بس ولا اعطت اي ردة فعل وضلت مكملة طريقها..ابتسم حازم ابتسامة جانبية ونزل من السيارة وراح لعندها مسكها من ايدها ولفها لعندو وهي عملت حالها مستغربة قرب حازم منها اكتر وهو عم يتأملها بكل حب وهي خجلت بس حاولت ما تبين هالشي وفورا عبست بوجهو
حور:شو سيد حازم شو مفكر حالك عم تعمل نحن بالشارع ولا نسيان
وصارت تحاول تدفشوا وتبعدو عنها
حازم:ليش عاملة حالك عم تتجاهليني
حور:أنا مو عاملة أنا جد متجاهلتك!
حازم:يعني لسا زعلانة مني
حور:حازم بعد عني الناس عم تطلع وبعدين انت غبت شهور وكتير شغلات صارت معي كنت بحاجتك وما كنت موجود وهلق جاي بكل بساطة بدك ياني ارضى وعادي؟!!
حازم:والله رح يتغير رأيك وقت تعرفي شو صار بهالشهور يالله تعي
حور:مافيني عندي دوام بالشركة
حازم:كأنما انا قلت اليوم رح اخطفك من كل العالم اذا حابة بخطفك وبشيلك ع السيارة وقرب ليشيلها
حور:لااااا اياك خلص بمشي حاااج فضحتنا
حازم:ما بتجوا الا بالعين الحمرة
حور:ليكون ما عجبك سيد حازم
حازم:اااخ ليش انا فيك شي مو عاجبني بالله عليك حاج تكابري عيونك فضحوك ولولا الحيا رح تقومي تضميني من كتر مو مشتاقتلي وغمزها
حور: باحلامك من وين جايب كل هالثقة ما بعرف
وركبوا بالسيارة وانطلقوا
___
نايم تميم بأمان الله وغاطط بالنوم فجأة بينفتح الباب وكأنو اقتحام وبتصير شذى فوق راسو وتبلش تصحي فيه..واول ما يفتح عيونوا بكون وجه شذى مقابل وجهوا وبيفصلهم مسافة قليلة وهي عم تبتسم وتطلع فيو متل الهبلان وهو مو عارف شو عم يصير ووين الله حاطوا

شذى:واخيراا فقت قوم بسرعة احكيلك يالله بسررعة ساعة لتفيق
وبتشيل الحرام عنو وبتفتح البرادي والشباك..بيوصل كنان ويمان ع الغرفة وهنن لسا ماحدا فاهم شي وبس عم يطلعوا بهالاعصار يلي من أول ما فات ع البيت ما هدي
شذى:شبكم عم تطلعوا فيني هيك فيني شي غريب
كنان:لا ع سلامتك مو ضلان فيك شي طبيعي
يمان:هلق ع حد علمي وحسب ما حكالنا تميم انت رجلك لازم منصابة من يومين صح؟كيف عم تحسني تنطي هيك

شذى:اي عم توجعني شوي بس الرصاصة كانت برانية ما فاتت برجلي وقلي الدكتور ما بدها كتير وبتتحسن ويعني بدك ياني اضل بالبيت
راحت قربت لعندهم وطلعت بتميم
شذى:يييي عليك انت لساتك نفس عادتك بتصحى مالك لا في السما ولا في الارض وعديتني بهالعادة ع فكرة..يالله رح انزل اعمل قهوة يعني طبعا انا كنت من اهل البيت ف انو عادي أعمل يلي بدي ياه صح؟.. قوم بسرعة غسل ابين ما اخلص يلي بدي احكي بدو راس صاحي ماشي
وتركتهم ونزلت تعمل قهوة وتميم صافن وعم يحاوا يفتح عيونو
____
باركين بكافية مطلة ع البحر ونسمات الهوا كانت كتيرة لطيفة وكل واحد فيهم كان صافن بمكان بعد ما حازم حكالها لحور كل القصة
حور:يعني بالنهاية نحن كنا ضحية
حرك حازم فنجان القهوة قداموا وبعدها اخد.شفة منو ورد
حازم:هيك شي..هلق المهم ابي صار بالسجن بالنهاية وامير ع الاغلب مات وفهمنا سبب الخلافات وشو كان صاير بين العيلتين وشذى هلق رح ترجع لحياتها الطبيعية
حور بغصة:طيب نحن شو ذنبنا نفترق كل هالسنين؟!
حازم:هه صدقيني ما بعرف..ابوك كان بفكرو هيك عم يحميك وقت بعدك عني لاني بالنهاية انا ابن الشخص يلي دمر حياتو..اختلق قصة انو انا اجيت وحكيت اني ماعاد بدي ياك وعبى راسك حكي علي وانت صدقتي واستسلمتي
حور:بس انت جد بوقتها ماعاد بعتلي او تواصلت معي
ركز حازم بفنجان القهوة ورجعت تخطر ع بالوا هديك الفترة السيئة يلي مرق فيها وشلون كان ضعيف..اخد نفس وزفروا بضيق وكمل
حازم:بوقتها ابي عرف انو انا رحت عند ابوك وقلتلوا اننا ما دخلنا بخلافاتكم وانا بدي ياك وكل هالحكي..ف أبي انزعج اكتر مني وخصوصي انو كان مانعني اني اقابل حدا فيكم ..بوقتها هددني بأغلى شي بملكوا ويلي هي أمي..قلي اذا برجع لعندكم رح يحرمني منها وامي مرة مريضة مافيها تعمل شي او توقف بوجهوا ..انا هون وقفت محاولاتي ابين ما الاوضاع تهدى بس انصدمت انك سافرتي وحاظرتني من كل مكان
حور:أنا آسفة اني صدقت الحكي بهداك الوقت
حازم:مافينا نغير شي
حور:وبعدها شو صار
حازم:لا بعدين ولا قبلين بعد فترة منيحة عملت حساب مزيف باسم ايتاش وصرت احكي معك واحاول اكون حزر وغيرت اسلوبي بالكلام لحتى ما تشكي..ماكان فيني اتركك بدون ما اطمن عليك..بس اكتر شي طمني انك برغم كل هالسنين كنت حاسس انو لساتني جواتك..وقت تبكي بسببي كنت انقهر وافرح انو لساتك بتحبيني وكنت عارف انو من جواتك مو مصدقة اني هيك
مدت حور ايدها ورفعتلو راسو و ركزت عيونها بعيونوا ومسكتلوا اديه
حور:طيب شلون متوقع مني انسى هالادين يلي حنت علي وهالعنين يلي كنت شوف الحب والسعادة فيهم (دمعوا عيونوا )وقت بابا وماما كانو مشغولين عني كنت انت ترعاني كنت بطلي من صغري..أنا كبرت ع دلالك وخوفك وحنانك..من وقت ما كان عمرك ١٤ سنة لهلق أعطيتني كتير ..علمتني شلون احب واسامح واكون طيبة مع الكل بس انت ماعلمتني القوة ..ولو معلمني ياها كنت هلق تخطيتك .. ومع هيك انت لسا متربع ع قلبي رغم كلشي..حازم انا عم حبك كل يوم اكتر من التاني ورغم كلشي ورغم شو صار
ابتسملها حازم ابتسامتو الدافية..حكيها عدا ع قلبوا وشال معوا كل الآلام والاوجاع يلي صرلها سنين ..حبها الو كان أثمن شي حصل عليه بحياتو..وهلق واخيرا بعد كلشي رجعوا ليكملوا حياتهم مع بعض

الحقيقة الوحيدة
‏الّتي اعرفها وأؤمن بِها
‏أنكِ لن تخرُجي مني
‏ولو نزعتُك
‏ونزعت معكِ
‏جِلدي وروحي وسكبت بعضًا من دمّي
‏لن تتزحزحي
‏ولسوف تبقي أبدَ العُمر بي.
__
عم يشرب تميم فتجان القهوة وهو عابس وعم يستغفر ربو ويطلع بشذى البلوة يلي كانت باركة وبابتسامتها العريضة وعم تطلع فيو..وكنان ويمان عم يطلعوا فيهم
يمان:اييي يعني هلق وبعدين العي خلصينا لشو جاية
شذى:مو ليصحصح الاخ بالاول
تميم:هو في حدا بفيق متل ما فيقتيني وبصحصح هيك طب غم شفتك فوق راسي
شذى:الله لا يسامحك لسا من فوق مو جاية لعندك ورجلي متصاوبة وانت غلطان وانا جاية اشكرك وافهمك شو صار مو عاجبك بالفعل ما حدا بقدر
كنان:والله مفضلة ع راسنا من فوق ست شذى بس انو خلصينا وين اختفيتي شو عملتي وشو كنت عم تعملي شو كان شغلك مع أمير وبعدها أردام يعني احكيلنا القصة

شذى:طيب رح احكي من شانك
يمان:بالله؟ونحن هون شوال تبن مثلا
تميم:خلصونا شذى احكي مو معقولة جاية من الصبح لترفعي ضغطنا ع الفاضي
شذى:ماشي..بلشت القصة وقت أردام وحازم بلشوا يدوروا علي ليحموني من هاشم وانا كنت عندك ووقت قلتلوا لأردام كشفلي حقيقتك يا ضابط تميم ..واجا اخدني وكنت انت وعمي هاشم بديسكوا ومع بعض وهون انا فكرت انو كل هالقصة تمثلية من الاول وانك من رجال عمي وما بتتوقع كمية خيبة الامل يلي صابتني
يمان:ياحساس انت يا مسكين

كنان:يماان
يمان:ما حكينا شي كملي
شذى:لا تنرفزوني ترا ببطل احكيلكم..اي المهم بعدها جبنا عمي وحكالنا القصة المظبوطة تبعوا هو وراجح وانا واخيرا فهمت شي من حياتي يلي كانت ولاشي ..وعملنا خطة وانت اكيد ما دخلتك فيها لاني قلبي كان مليان منك شلوون هيك بتكذب علي كل هالووقت ؟؟!ولا وكنت عايش الدور تمام ما شا الله عليك
تميم بهدوء:يعني شو في طريقة احسِن اخليك تأمني فيني غيرها ..يعني لو قلتلك اني مهرب او صاحب فندق اكيد مارح اضمن بقائك عندي صح؟
شذى:بتقوم بتكذب علي وبتخدعني وبتسرد بالقصة وبتسحب علي؟!
تميم ببرود:كان حل مؤقت..بعدين انا ما اذيتك
شذى وهي عم تقلدو:حل مؤقت..حبيبي شو نسيان ولا اذكرك مين كان رح يوديني عند راجح باديه؟
يمان:حبيبي
شذى:سقطة سهوا بدل المسبة
تميم:استغفر الله بس ولك انت جد بلوة ما بتحكي كلمتين الا بدك تفتحي قصة قديمة وتبهدلي فيها
شذى:ولك قلبي ملييييااان منك ولك كل ما اتذكر شلون استغبيتني واستغليت ثقتي بغلي دمي
تميم:لا انت معاملتك هديك الفترة الأحسن
كنان:نحن آسفين بس كمليلنا شو عملتي لتوقعي أمير وراجح خلصيناا
شذى:ماشي..بعدها اتفقنا انو اعطي راجح شركات بدل ما ارجعوا شريك والشركات كان فيهم اعمال غير قانونية وراجح كمل فيهم وهيك خلصنا منو وانحط بالسجن مؤقتا بهالتهمة ابين ما أردام يلاقي ادلة تورطوا مع أمير..اما أمير اضطريت اشتغل معوا وانغمس بشغلوا لوقعتوا وبس
تميم:وليش كنت تعامليني كأني قاتل ابوك وحبستي عمك
شذى:قلتلك إني مزعوجة كتير منك وانت لهلق ما اعتذر ..وبعدين يعني باينه انا وانت من وين لوين منعرف بعض ف اكيد كانو رح يشكوا لو كنت على تواصل معك أو عم نلتقي وخصوصي انت وامير بتكرهوا بعض وكمان كيف بدك أمير وراجح يصدقوني اذا ما كان في شي يخليهم يثقوا فيني وهالشي كان اني احط عمي بالسجن طبعا بالتنسيق مع عمي وأردام وكتير قصص عملناها وخططنالها وتكتكناها متل ما كان راجح عامل بقصة ليانا اول مرة وحاسبها من كل الجوانب
يمان:بتعرفي والله برافو عليك كنت مفكرتك طشمه وغبية بس طلعتي قارحة وحية من تحت التبن والله عجبتيني
شذى:عم حاول ألاقي المدح بكلامك 🙂
كنان:بس هلق انت مفكرة انو تميم بيشتغل مع عمك؟
شذى:لا عمو هاشم حكالي انو تميم راح لعندو وحكالوا كل شي وبلشوا هنن الاتنين يتساعدو ويكملوا جمع ادلة عن أمير حتى يوقعوه و بغد ع اساس بس خلصت كل هالقصة وقدرو يسجنو أمير يقولولي
تميم:بس انت ما شا الله عليك كنت مع أردام وحازم عم تخططوا وترتبوا ونحن مالنا خبر بشي
شذى:ع فكرة الغلط كان منك بالاول
تميم:بالفعل غلط وقت حاولت احميك واخليك بعيدة عن كل هالوساخة وال****أمير وكنت عم حاول اصلح كل شي حتى ترجعي تعيشي حياة طبيعية ما؟؟
شذى:ع فكرة ما حدا طلب منك وانت بالبداية كنت مفكر توديني عند راجح حتى أجبلك أدلة وأوصل بعدها لأمير بقى لا تعمل فيها الملاك الحامي
كنان:هلق خلص يا جماعة المهم خلصنا من هالسيرة والمهم هلق انحلت هالمور
يمان:اي واخيرا خلصنا من هالدويخة
شذى:اي صح..ما قلتولي ياماش وين؟؟
تميم:مع إيليف اخت امير
شذى:وااات؟بتحكي جد؟!!
يمان:اي والله وهي قصة تانية
كنان:بتعرفوا بما انو أمير مات ف هي هلق الوريثة الوحيدة..بظن فينا نستفاد منها
يمان:وكيف بقى
كنان:بس يجوا منشوف اذا اول شي فيها تساعدنا..انا برأي تستعمل مصاري امير لتصلح شوي من أعمال يلي عملوها امير وتساعد الناس يلي ظلمهم ..يعني بالنهاية اخوها عفس كتير بحياتو وهي باينه عكسو وان شا الله تقبل
شذى:وكمان راجح هلق محكوم بتهمة بسيطة ابين ما انلاقي ادلة بتثبت تورطوا مع امير بلكي كمان بتساعدنا
كنان:بصير
بسود الصمت المكان وكل واحد بيصفن بقرنة بيقطع هالصمت تميم وبيطلب من شذى يطلعوا ع الجنينة يحكوا لحالهم..كان تميم عم يحاول يسرق نظرات ع شذى من تحت لتحت ..حس واخيرا بعد شهور قلق وشوق بالطمأنينة ..ما بيعرف ليش قلبو مبسوط لمجرد وجودها ..ابتسامتها يلي افتقدها آخر فترة ..عفويتها الزايدة هبلها..ما كان عرفان اذا هو عم يغرق ولا غرق بحبها اصلا!..كيف لاء وهو شوقوا الها وهي قدام عينو كان دابحو هادا غير انها احتلت تفكيرو وسيطرت ع عقلو كيف وايمت ما بيعرف

"كُنت اعتقد بأن كلّ الأشياء هنا لديها رصيد محدود من الابهار، وأن كلّ الأمور الرائعة التّي تُبهجنا حالما نحصل عليها، ستخسر مخزونها من الرّوعة مع مرور الوقت، حتّى تصبح شيئا اعتياديا بالنّسبة لنا، وكنتُ مؤمنًا تمامًا بهذه الفِكرة، إلى أن قابلتُك، فصارت كلّ معتقداتي محضُ حماقة، وارجوكِ
لا تظنّي بأنني أغازلك، فهذا نصٌّ استفهامي حتّى وإن بدا لك عكس ذلك، كيف لامرأةٍ مثلك أن تملك هذا الكَم من الأشياء المُبهرة في آن واحد، وكيف تحافظين على هذا القدر من التّوهج بهذه الاستمرارية، حتّى تصرفاتك البَسيطة التي لا تلقي لها بالًا، كابتسامتك، يكونُ وقعها جذّاب وبهي في كلّ مرة تبتسمين بها، مهلًا، يبدو وأن تساؤلاتي تجيب نفسها، أخبريني، هل كل الأحاديث يتم فيها ذكرُكِ تبدأ بطريقة معقّدة ثمّ

تنتهي بأكثر الأشكال ليونة وسلاسة؟ ياللهي كم انت استثنائية!
اعتذر إن اطلت عليكِ، لكن اتوسّلك مجددًا، لا تظنّي بأني ألاطفك، ما هو إلا نصّ استفهامي"
#مراد_الشركسي

..بركوا مقابل بعض وشذى منزلة راسها عم تحاول تمنع حالها ما تطلع فيو لما تشلق الدنيا عليها اكتر .. رفعت راسها شافتو صافن فيها ابتسمت بهبل حتى تروح التوتر يلي صابها
شذى:خير مضيع شي بوجهي
تميم:لا ع سلامتك كنت مضيعك كلك وهلق لقيتك
شذى:يالله عدت ع خير
تميم:بس لهلق مو مستوعب ولا فاهم فيني اعرف ليش كنت حاقدة علي كل هالقد
شذى:اي لااا ولسا عم تسأل بعد كل هالكذب يلي كذبتو وكلشي عملتو بدون علمي ولسا بدك ياني عاملك وكأنك مو عامل شي
تميم بهدوء:بس انا جد بالاول بقلك كنت شايف انك وسيلة حتى اوصل ليلي بدي ياه وخصوصي بعد ما فتت ع فيلة عمك ع عماها بدون تخطيط زايد يمكن كانت الشغلة صدفة لألتقي فيك..أنا ما بعرف بشو كنت عم فكر ..بس بوقتها كانت حالة ابي عم تدهور وانا بس كان بدي شي احسن انتقم من أمير
شذى:ليش شو دخل أمير بتدهور حالة ابوك؟
تميم:بسبب أمير نحن افلسنا الا شوي وخرب شغلنا وتعب ابي بشركتو كل هالسنين انهدم قدامو ومن كتر الزعل والقهر انضربوا عندو الكلاوي وانا ضليت احاول الاقي اي شي ع أمير وما كنت احسن لحتى اسمعت انو عمك عم يجمع ادلة بالخفى ورح يجيب اخرت امير فيهم وانا قلت ما رح ينشفى غليلي الا اذا انا دمرتو بايدي ف وقت رحت ع الفيلا حتى اسرقهم لاني اكيد هاشم ما كان رح يعطيني ياهم شفتك وانت بتعرفي البقية
__
ع بلكونة بتطل ع حي راقي كانت هبه باركة هي وأحمد
هبه:تفضل وهي احلا فنجان قهوة لاحلى شب
أحمد:يسلم هالادين يارب اي اش هالدلال من الصبح أم أحمد
هبه:ع قبال ما اشوف مرتك عم تدللك تقبرني
اتشردق أحمد بالقهوة وبلش يسعل اخد كاسة مي وصار يشربها وهبه بدقلوا ع ضهرو
هبه:صحة صحة شبك ياماما شوي شوي
أحمد:ع قلبك هو ضروري هالموضوع من الصبح
قربت هبه لعندو
هبه:يعني والله ناطف قلبي على ما اشوفك عريس ليش ما بترد علي هي صارت بآخر العشرين
أحمد:مو وقتوا خلينا مركز بشغلي بعدين ما بتعرفي اليوم عم ارفض بكرى بتشوفيني عم قلك خطبيلي
هبه:طيب ليش ما بتسمع مني وبتشوف هالبنات يلي عم جمعلك فيهم اي والله كل وحدة بتقول للقمر قوم لاقعد مكانك وبعدين انا عم نقيلك شي يليق فيك وبعيلتنا بنات خلق وعالم وأكابرية ومن مستوانا
أحمد:امي يعني والله ما بعرف شو قلك ولا شلون أوصلك يلي بدو قولوا
هبه:شو رح تخسر لو شفتهم والله مافيها شي بتتعرف ع البنات بتطلع معهم بتشوف قلبك لمين ارتاح ولهفلها بلكي بتكون سعيدة الحظ
أحمد:امم هلق ما قلتيلي وينها حور ما شفتها بالعادة بشوفها سابقتني عم تشرب القهوة معك
طلعت فيو وزورتو ونفخت بضيق
هبه:يعني عم تغير الموضوع هلق؟!حور راحت بكير قال عندها شغل كتير
أحمد:شغل شو واليوم عطلة؟!
هبه:ما بعرف ما قالت..المهم طلبي صغير وبتمنى ما ترفضوا لاني رح ازعل كتير لو رفضت
أحمد:انت طلباتك أوامر تفضل
هبه:شوف هالبنت انا اخدت منها موعد بكرى حتى تلتقوا وتتغدو سوا قلبي كتير لهفلها وحبيتها
أحمد:أمي كرمال الله كيف بتعملي هيك وجاية هلق تخبريني والله ما بصير هيك يا أمي يا حبيبتي كيف بتعملي هيك
هبه:هو هالطلب وبعدين مو خسان شي بس تغدى معها وشوفها واحكوا ما عم قلك قوم من بكرى اخطبها لا تكسر كلمتي وتخجلني مع الجماعة
أحمد: ماشي طيب بس اجت حور ذكريها بعشا الليلة ما بدنا نتأخر عن بابا
هبه بدون نفس:ماشي
أحمد:وانت كمان لازم تجي بابا بدو يجمعنا قال في شي مهم
هبه:مع اني مو حابة بس رح روح
___
بكافيتريا المشفى كانت جوى باركة وعم تتصفن بكتبها وعم تطلع فيهم بقرف ..اجى أمجد وحط قدامها فنجان قهوة
جوى:يسلم اديك
أمجد الله يسلمك...اي شو اخبار المادة

جوى:بتهوي
أمجد:هههه ليش
جوى:ولك انا ما بطيق العلوم من الاساس واجتني هالمادة متل النقمة
أمجد:حدا ما بحب التشريح؟!بالعكس كنت استمتع كتير وانا أدرسها
جوى:بتستمتع وقت تكون بتحبها وقت تكون حابب الفرع مو وقت تكون عم تجبر حالك عليها
أمجد:يعني انت ما فايتة طب عن رغبة؟
جوى:تؤ أبدا انا مجرد فتو لاني سنواتو كتيرة وبدو شغل ورح ضل مشغولة لفترة طويلة
أمجد:يعني انت من الناس يلي بتحب الشغلات الصعبة وبتحب دائما تتحدى حالها؟!
جوى:تؤ كمان لاء..اووف قصة طويلة بعدين بحكيلك ياها
أمجد:طيب براحتك بس انت شو كان نفسك تفوتي
جوى:..امم ما بعرف انا بس كنت عم ادرس وادرس وادرس بالبكلوريا ودائما دافنة حالي بين كتبي حتى كنت شبه منعزلة
أمجد:وع فكرة لهلق منعزلة بحسك ما بشوف عندك رفقات كتير
جوى:صح انا تقريبا كل حياتي بين كتبي وعمي وهلق انت يعني عم قضي معك أغلب والوقت وعم تغيري مودي وبنبسط معك بس جد ملييت وطقت روحي
أخد أمجد فنجانو وهو عم يحاول يخبي ابتسامتو يلي صارت لدانو من بعد حكيها

وددت لو ظللنا هكذا إلى ما لا نهاية: هي تواصل حركاتها وتعبيراتها الساحرة غير منتبهة لي، وأنا أتأملها غافلًا عن كل ما عداها.
___
المسا ببيت هاشم...كان مجتمع هو وافراد عيلتو..أحمد..حور..وطليقتو هبه..بلشت الخدامة تنزل أصناف من الأكل ..اندق الباب وراحت لتفتح ..ورجعت بعد دقائق ومعها ضيفة ابتسم هاشم أول ما شافها وصار يطلع عليها وهي جاية لعندو وسط دهشة الموجودين ..قربت عليه وأخدتو بالاحضان وهي عم تبتسملو بفرح كبير وحب
حور بدهشة:شوو عم يصير؟!!هلق مو شذى حطتك بالسجن
أحمد:بابا شو في كيف صار هيك!؟
شذى:هههههه دقيقة ابرك احكيلكم
هاشم:أنا جامعكم اليوم لأفهمكم كلشي صار ..يمكن تنزعجوا لاني خبيت عليكم او ما يهمك ما بعرف بالضبط
حور:بابا اكيد رح يهمنا انت بالنهاية ابونا غالي علينا
أحمد:مو يعني اذا صار مشاكل وسوء فهم بيناتنا يعني اننا كرهناك ؟!مستحيل اصلا مافي اولاد بيكرهوا ابوهم انت بالنهاية تعبت علينا وتعبت منشانا
للحظات حس هاشم أنو الدموع بدها تتجمع بعيونا مشاعر واحاسيس غريبة صابتوا يمكن كل شغلوا بآخر فترة حتى يوصل لهالنقطة ولهالغاية ويحسن يجمع أولادو ويعوضهم..انتبهت عليه شذى وابتسمتلوا بفرح وحماس
شذى:اللله ع ولاد عمي ما أحلاهم ههههه
أحمد:هلق ست شذى احكيلنا كلشي صار من الاول
حور:جد لأني للحظةمو طايقتك من يوم الشركة
هاشم:هههه بابا هدي كلشي كان مخطط ومدبر وشذى كانت بس عم تمثل لنوصل لهدفنا ..شذى مافي منها آخدة هبلها وشجاعتها من أبوها وطيبتها وإندفاعها من أمها بقى انتو تخيلوا هالمكس الغريب يجتمع ببنت كيف رح تطلع..شذى بنت أخي غالية كتير ع قلبي ما عاد بعتبرها إلا متلك متلها وهي أصلا كانت عايشة الدور وضحكانة علي
شذى:عمووو ليش بتفتح دفاتري السودة هلق يعني
أحمد:هههههه وضحكت علي كمان وعاشت الدور وعملتني اخوها
حور:طيب احكوولي من الاول شو في وشو راح علي
هاشم:هادا يا بنتي الغالية القصة ومافيها
وحكوا لها كل القصة
شذى:وهيك النهاية ..ما بعرف شو بدي احكي بس انا رح كرر اعتذاري لعمو هاشم رغم اني كنت مخدوعة ومنضحك علي بطريقة بشعة
هاشم:لا تعتذري يا بنتي انا يلي لازم اعتذر..غلطت كتير بحياتي وكان لازم ادفع ثمن هالأخطاء وأتحمل العواقب...بدي اعتذر بالبداية منك يا هبه تحملتي كتير معي ..تحملتي الخيانة والاهمال وطباعي السابقة السيئة يمكن يكون شي صعب عليك بس انا ندمان وعم اتغير وبتمنى تسامحيني
هبه:الله يسامحنا جميع خلص هالشغلات صارت من الماضي وهلق نحن منفصلين ويلي صار صار
هاشم:معك حق..كمان رح اعتذر منكم يا ولاد انا قصرت معكم كتير بفترة من الفترات كنت ماشي بطريق سودة اهملتكم ويمكن ما كنت الاب يلي بتفتخروا فيو ما بعرف اذا ممكن عوضكم بس بتمنى من قلبي نبدأ كلنا صفحة جديدة وخصوصي انت يا حور
حور:أنا؟!!
هاشم:اي بعرف إني ظلمتك وقت بعدتك عن حازم وبعدها بعدتك عننا بس انا كنت خايف عليك وكان بدي ابعد كل البعد عن راجح وعيلتو فرقتكم وحرقت قلبكم رغم اني ما شفت من حازم الا كل خير وشهامة بس خلص هادا يلي صار وما بعرف اذا بترجعوا بعد كل هالسنين
شذى:لا تخاف عمو هن رح يرجعوا او بالاحرى رجعوا وخلصوا وغمزت حور
يلي طلعت فيها باندهاش ومن معرفتها بالموضوع
حور:لا تخاف بابا انا مقدرة وضعك واكيد مسامحتك بالنهاية انت اب ومن حق تخاف علينا
شذى:وانت احمد سمعنا صوتك
أحمد:شو بدي قول اكيد مسامحو هادا ابي وكلنا منغلط بس الاهم ما نضل بالغلط
هاشم:أنا هلق ارتحت واطمنت ضل شي واحد بس
قام وجاب اوراق وقلم واعطاهم لشذى
شذى:وراق شو هدول

هاشم:متل ما بتعرفي ابوك الله يرحمو الو اكتر من نص الاملاك ووقت مات انا اخدتهم ما رح عيد بالسيرة بس هدول بالنهاية املاكك ولازم يرجعولك
شذى:بس انا ما بدي شي ..بكفي آني عم حسك متل بابا(دمعو عيونها)انا تيتمت ع بكير وزاد شعور اليتم اكتر وقت ماتت ماما بعدها انخذت من راجح وحسيت شقدني بلا ضهر وبلا سند ما بتتخيلي كمية الضعف يلي كان يمزقني..بس وقت كنت معك حسيت بالقوة ..انت ما بتحسن تتخيل شعوري وقت اشوفك تسأل علي وتنبيهاتك..يمكن كانت شغلات بسيطة بس صدقني كنت مفتقدتها بحياتي و بتغنيني عن مال الدنيا
واخيرا نزلوا دموعها وهي عم تبتسملوا..قام لعندها وحضنها بكل حب وحنان كأنها بنتو جد بينما هي واخيرا لاقت حضن ابوي دافي تستريح فيو ..حضن افتقدتو من زمان..كل الموجودين كانو عم يطلعوا فيهم بتأثر واضح حتى حور بلشت تسح بالغيرة لاني هي كمان كانت مفقدة هالحضن لسنوات قامت من مكانها وحضنت ابوها هي التانية وعيونها فيهم اثر الدمع
هاشم: يا عيني شو بدي احلا من هيك قطعتين من قلبي وروحي بحضني( باس كل وجدة من راسها )..الله يخليلي ياكم يارب هاللحظة بالدنيا كلها ومافيها..بس رغم هيك لازم توقعي ياشذى ولا يمكن ارضى بغير هيك
شذى:هههههه خلص اذا مصر هات اوقع بس من هلق رح ضل عم اشتغل عندك بالشركة واقعد ع قلبك
هاشم:يا حبيبي هادا يلي كان ناقص

في النهاية ستجد ان لا أحد احتواك مثل عائلتك لا أحد استطاع تضميد جراحك مثلها..مع كل مطب او منعطف ستجد نفسك عندها..وحدها التي تعطي بلا مقابل..عائلتك هي الوحيدة التي تتمنى أن تراك بخير فحافظ عليها💔
____
بوحدة من غرف الزيارات كان راجح بارك وصافن بالشخص يلي مقابليو
أردام:شو شايفك ما انبسطت بشوفتي
راجح:ليش انت شو عملت حتى ما انبسط بشوفتك يا ابني
وشد ع آخر كلمة
أردام:وانا هيك عم قول بالعكس لازم تكون فخور فيني ترفعت رتبة من بعد ما حطيت ناس مجرمين بالسجن عم نخلص المجتمع من هيك ناس وحطهم بمكانهم المناسب
راجح:هه ومصدق حالك ولك أنا طول عمري بقول عنك فاشل ورح تضل فاشل مفكر ما رح احسن اطلع من هون الله يرزقني ع قد نص ثقتك بحالك
أردام:لا تتأمل كتير جرائمك رح اكشفهم وحدة ورا وحدة مو يعني اذا انت ابي ما رح طبق عليك العدالة والقوانين اي شي رح يضر بلدي ويضر الناس رح ضل وراه لاجيبو وكل مذنب او مجرم مكانو السجن وانا رح حطهم
ضحك راجح ضحكة طويلة ساخرة
راجح:ههه انت؟!!يالله شقد متأمل بحالك بس بدي اعرف من وين الك كل هالانتماء والحب لوطنك أنا هيك ربيتك؟!! هههههه ولك بتعرف شو أنا لهلق مستغرب شلون شوية جردان متلك ومتل هديك ال*احسنتوا تعملوا هيك ولك أنا قد ما كنت اشوفك فاشل ومافيك غير ركض ورا النسوان والسهرات تركتك ببيتي ولا كان عندي ذرة خوف منك او انو ممكن بيوم تحسن تعملي شي وتضرني ولا احسنت تعمل شي
أردام:ههههه غلطة شاطر وظنونك خايبة انت بس ابرك وتفرج شو رح اعمل وهلق تشااو بابي
رمقوا بنظرات نارية كان الغضب والقهر يلي عم يحاول يكتموا من كلام ابوه ظاهر بهالنظرات وتركوا وراح وهو عم يفور ويغلي رغم محاولاتو بأنو يكون هادي

"الطفل الذي لم تحتضنه القبيلة، سيعود ويحرقها ليشعر بدفئها؛ من لم تحتضنه عائلته يعيش بشعور الحرمان حتى لو واساه العالم أجمع"

#سلاسل_متشابكة
#بقلم_شذى
#الحادي_عشر
بيوم جديد متجمع الكل بالصالون .. تميم يمان كنان وياماش وايليف يلي كانت باركة ساكتة وعم تسمعلهم وفي حزن مرسوم على وجهها
تميم:وهلق القرار الك آنسة ايليف شو قلتي
ايليف:برأي متل ما بدكم..بالنهاية اخي مات وترك وراه مصاري وثروات وسخة ما بتاكلها النيران و توزيعها ومساعدة الناس يلي أذاهم أمير رح يكون احسن حل وانا مو بحاجتها اصلا عندي شغلي وحسابي الخاص ورح أفتح قريبا شركة خاصة فيني
كنان:هلق انت الوريثة الوحيدة لأمير بعد ما نطالع أوراق وفاتو ونثبتهم ورح يصير كلشي تحت تصرفك
ايليف:تمام وانا رح بلش توزيع بمساعدتكم
يمان:ولا تنسوا هادا أردام
كنان:اي صح أردام بدو تساعديه حتى يلاقي شوية أدلة وأشياء بدو ياها وبالمقابل هو رح يساعدك بتوزيع المصاري وهالثروات ويكشف كل أعمال اخوك الوسخة
وطت إيليف راسها بحزن وهزتو..كان ياماش عم يراقبها طول الوقت عم يراقب كلشي فيها بتمعن هو حتى ما شبع منها طول هالوقت يلي قضتوا ببيت اهلو وكان ألو خاطر ما يرجعها..كيف وقع بحبها لهالدرجة وبدون سابق إنذار..وكأنما الحب بياخد إذنك يا ياماش ليدق بابك ويفوت؟!
ياماش:اي خلص انا بتكفل بمساعدة بايليف وكلشي بتحتاجوا لا تاكلو هم انتو رح اضل معها للاخير حتى تخلص من كل هالقصة
إيليف بابتسامة:شكرا كتير إليك ياماش جد مو عارفة كيف اسدلك جمايلك ووقفتك معي
ياماش:و.ولاا يمهمك..هادا..هادا واجبي ولوو انت هلق جهزي حالك لنروح عند أردام
إيليف:يالله ماشي
وقامت تجهز حالها..قربت يمان من ياماش يلي عينو مو راضية تنشال عن ايليف ونكشتو من كتفو
يمان:شو يا اخ شبك فتت ببعضك وكأنك ولا بحياتك شايف بنت
تميم:عيفيه هادا وقع وما حدا سمع عليه الله يرحمك كنت انسان بنص عقل ومن بعد ايليف ودعت البقيان من عقلك بأقرب طيارة
مسك كنان هاتفو وصار يقلب فيو
كنان:شوفوا مين عم يحكي وكأنما بس ياماش يلي وقعان هون ونسيان حالك
تميم:هه مين قلك..بعدين انت بدل مالك دائما عم تشتغل طلع حوليك ع شي حدا توقعك بشباكها
كنان:لا عمي انا عاجبني وضعي هيك ولا مفكر حتى بالموضوع
____
بأحد المطاعم الراقية والفخمة وعلى أحد الطاولات كان أحمد بارك وقدامو صبية باين عليها الغنى وشوفت الحال لافة اجل على رجل وعم تحكي بدلع ومياعة بالنسبة لأحمد
ليسا:اي وهيك والله بقضى حياتي يعني بحس احلا الشي اقضي وقتي وانا بهتم بحالي واشتري غراض ولبس جديد واضل مدلعة حالي يعني اذا انا ما اهتميت بحالي وجمالي مين بدو يهتم ولا شو قولتك
أحمد:اي..اي اكيد طبعا حلو البنت تهتم بحالها بس كمان حلو يكون عندها اهتمامات تانية
ليسا:انا كتير مهتمة بالموضة والفاشن وهالقصص وكمان هيك بحب دائما اجدد سيارتي يعني مستحيل اضل اطلع وافوت بسيارة طراز قديم نوواي ولا يمكن

اجت ع بال احمد وقت ركض هو ونور ع الباص ليلحقوه وشو صار معهم وابتسم ...بطاولة تانية مو بعيدة كتير كانت نور عم توصل طلبية لاحد الطاولات وبالصدفة شافتوا بارك مع بنت وكأنما كان فيها عقل وطار وع شوي كانت رايحة تجرها من شعرها لهالحية يلي معو وتنتفهم هم الاتنين بس وقعت كاسة المي بالغلط وانكسرت ..انتبه عليها احمد وفتح عيونوا كانت صدمة إلو يشوفها بهيك مكان وبعد كل هالمدة وهي طلعت فيو وزورتو ولفت وجهها ع الناس يلي باركين ع الطاولة
نور :آسفة كتير والله بالغلط هلق رح ابعت حدا ينضف المكان لا تاكلو هم استمتعوا
شدت بايديها الاتنتين ع الصينية يلي بايدها وشو كانت مشتهية تكون رقبة أحمد بدل هالصينية ومشيت بخطوات كبيرة وسريعة وهي رافعة راسها و عم تفور وتغلي وراحت ع المطبخ وبعتت حدا ينضف ..اجت زميلتها بالشغل وشافتها متوتر ورايحة جاية بالمطبخ عم تاكل بأضافرها وعم توتوت بينها وبين حالها
آية:نور شبك صاير معك شي؟
نور:لا ابدا ابدا بس عندي شغلة هيك زعجتني لا تاكلي هم رح حلها بعد الدوام رايح يخلص دوامي
آية:ايوا كنت جاية اقلك تاخدي الطلب للطاولة ١٢ بس خلص رح آخدو انا
فتحت نور عيونها ومسكت فيها وهي استغربت
نور:آية آيوشتي بدي اطلب منك طلب هيك صغير امانة
آية باستغراب:شو بدك
نور:حبابة هلق وقت بدك تاخدي الطلب حاولي تسمعي شو عم يحكوا وشوفيلي مين هالبنت الحية يلي باركة مع احمد
آية باستغراب:احمد مين؟!انت بتعرفي صاحب الطاولة وبعدين شو بدك منو
نور:هلق بعدين بحكيلك انت بس اعملي متل ما عم قلك ماشي
هزت آية براسها وراحت ونور ضلت تتحرقص بمحلها لبين ما رجعت آية يلي مسكتها بسرعة من اديها التنتين
نور:شوو عم يحكيلها شوو صار ع السريع
آية:بسم الله شبك هدي رح تاكليني بدون ملح
نور:انا بدي اقوم آكل بسناني هداك الافندي ماشي بسيط شو كان بارك عم يقلها

آية:هي كانت عم تقلوا انو لازم تتشكر امو لانو عرفتها عليه وهو قلها اي والله حتى أنا لازم اشكرها وبعدها قالتلو جد انك شخص كتير جنتل وشيك وهو ابتسم وقلها هادا من ذوقك وانت كمان ما شا.. آاااي نور ايدي حاج تشدي رح تفوتي أصابيعك بلحمي شبك
تركتها نور وهي عم تكز ع سنانها وتتحلفلوا لاحمد ورايحة جاية عم تسرق نظرات ع طاولتو
..قامت ليسا من ع الطاولة وراحت ع الحمام واول ما شافتها نور مسكت اغراض التنظيف سطل فيو مي وممسحة و لحقتها فورا بدون ما يشوفها احمد لاني كان في فاصل بين الحمامات والطاولات..فاتت وراها ع الحمام وكانت عم تظبط مكياجها وتطلع ع حالها بالمراية بتكبر وثقة وهي مبتسمة واول ما فاتت نور طلعت عليها وع شكلها لابسة مريول المطعم وبايديها عدة تنظيف وضابة شعرها زاحت نظرها عنها بعد ما رمقتها بنظرة استعلاء وكملت تظبيط المكياج..مسكت نور سطل المي وعملت حالها رح تكبوا بالارض بس للصدفة هاه المي وصلت لنص اجرين ليسا يلي شهقت
ليسا:العما ضربك شو حماارة ولك شو هالغباء ما بتفهمي ولك..
وقبل ما تكمل بسلسلة الاهانات يلي فتحها كانت نور ماسكتها من شعرها وعم تلولحها يمين وشمال
نور:شوو عم تحكي اااه شاايفة لسانك الطويل يلي متخبى جوا باجوقك هادا الكبير رح قصوا واقلعوا من محلو اذا عاد سمعت حسك او شفتك عم تحكي فيو مع أحمد فاااهمة
ليسا:ولك اتركيني ياااا عااالم تعو خلصوني من هالمتحوشة الله لااا يوووفقك
نور:لسا ما شفتي شي من توحشي يا بيبي حبيبتي تعي اقلك
وسحبتها لعند المغسلة وفتحت المي عليها..كانت ما عم تحسن تفك حالها منها وخصوصي انها نعنوعة وعلقت مع نور ام عص قوي
نور:اي يااا سلاام كيف بس الحمام وافركي وجهك منيح حبيبتي من اولها عم تغشيه لعريس الغفلة بكل هالمكياج ريتو يغفى وما يفيق جاايبك وضحكتو شبر معك
على صوت صراخهم التموا يلي بيشتغلوا بالمطعم وشافوا كيف نور ماسكتها لليسا وهي بس باركة عم تجعر وتبكي
نور:طلعي وليه حرباية اذا عاد بس لمحتك بس عم تقربي ع احمد قابرتكم انتو الاتنين بأرضكم ولاا عاد حتى اسمو بدي اسمعوا من تمك والا والله شايفة هي تنفيضة الغبرة بعملك قتلة مرتبة ما عاد تعرفي ترتبي عضامك ومفاصلك بمحلهم من بعدها مرة تانية
واخير قدرو يفكوها من بين ادين نور وشعرها طلع نصو بايدين نور واجا صاحب المطعم
المدير:شوو عم يصير هون ليش كل هالاصوات انت بخرابة ولا بمطعم راقي
ليسا:اطلبوا الشرطة والله لاندمك يا حقيرة انااا تعملي فيني هيك..انت مشغل عندك بشر ولا قتالين قتلا ولك هي الحيوانة كانت رايحة تموتني بين اديها ايهئ ايهئ
نور:وجع ان شا الله اعلى ما بخيلك اركبيه امفكرتني خايفة منك
المدير:خلللص بكفى عقابك رح يكون عسير امفكرة هي عملة يلي بتعمليها وبمطعم فخم متل مطعمي انت من وين جااية اااه

نور:اي لااا تشد ع حالك كتير خيو وهي مريولك شلحت المريول وزتتلو ياه
نور:وشغل عند حضرة جنابك ما عاد بدي اتشدق بمطعمك الفخم الراقي..وانت ست حرباية احسنلك تنضبي وتعملي متل ما قلتلك ولاا تحطي راسك براسي لاني بصير فرااطة بيتكسر ع الخالص
قطع وعودة عند أحمد يلي واخير قدر يعدي من بين الزحام بعد ما سمع آخر الحديث فات وانصدم بحالة ليسا غراضها مي مكياجها سايح شعرها وكأنما طاقق فيو فتاشة ودموعها شلالات شلالات عم ينزلوا وحالتها حالة وعم يحاولوا الموظفين يهدوها..طلع قدامو شاف نور عم تزت للمدير المريول وعم تتخانق معو وع شوي بتطلع دخنة من ادنيها من كتر العصبية يلي كانت فيها.. برك ينقل نظروا بين التنتين وهو لسا مو قادر يستوعب شو في
نور للمدير:وراتبي امسامحتك فيو ردو لجوعتك بارك تزلنا وتهلكنا طول الشهر منشان شوية مصري روح عنا يااه وطلعت وتخطت الكل وأحمد لسا واقف
ليسا ببكى:أحمد ايهئ شوف هديك النورية شو عملت فيني..بدي اشتكي عليها لاازم تنسجن ولك هي مكانها بالغابة او بشي زنزانة مو هون
أحمد:ليسا هدي حالك خلص اطلعي وروحي ع بيتك وخلي الشوفير يوصلك ولا تخافي انا بحلها ماشي انت لا تعملي شي تركها وركض ليلحق نور
____
فتحت الباب وفاتت ايليف ووراها ياماش واردام ع البيت..واخيرا رجعت ع بيتها شو صار بارد من بعد موت امها..شو صار اسود من ظلم اخوها وشوف فيو ذكرياات وذكريات هالبيت..توجهوا هنن التلاتة ع غرف أمير وبلش أردام يدور ع الملفات يلي بدو ياهن وياماش وايليف كانو معو
_____
بشركة اوزديمير كانت شذى باركة ع الكرسي وعم تفتل واخيرا رجعت ع مكتبها وشغلها..رجعت وهي كسبانة.. من البداية كان هدفها ترجع كلشي انأخد منهم وتعيش براحة بس هي حصلت ع يلي بدها ياه وعيلة بتتمثل بعمها يلي اخد دور الاب بحياتها وأولاد عم رح تقوي علاقتها فيهم ونور وأمجد جنبها وتميم يلي أخد قلبها..اجا وانقذها حست معو بالامان صح كذب عليها بس ما أذاها..

كذب ليحميها..شعور انك تكون مهم بالنسبة لحدا تشوف معوا الطمأنينة والراحة يمكن احلا من الحب او الحب بيتمثل بهالشغلات ..قطع صفنتها صوت هاتفها..كان تميم باعتلها رسالة بيعزمها ع مطعموا.. ابتسمت وهي عم تقرأها
شذى:والله ابن حلال..ولك يس كلشي عم يمشي متل ما بدي..ولك والله طابس فيني بس ضل ينطق هالجوهرة
اخدت اغراضها واجت تطلع بس طلع هاشم بوجهها
هاشم:شوو لوين ولا كأنما عندك مدير تاخدي إذنو
شذى:عموو الدوام رايح يخلص هنن هالربع ساعة بعدين لا تنسى هاه يلي الك بالشركة متل يلي الي يعني ما بصير تتحكم فيني ايواه منشان تعرف
هاشم:والله وكبرنا يا شذى وصرنا نشوف حالنا مو ع اساس ما كان بدك المصاري ..بعدين تعي لهون ليش لهلق ما رجعتي ع جامعتك شو عم تستني ارجعي باشري تسجيلك وخلصي هالفصل
شذى:طيب والله رح ارجع بس خليني هلق روح
هاشم:لوين رايحة كنت لسا جاي اعزمك نطلع نتغدى سوا
شذى:غير مرة عموو تميم عازمني هلق وبدي اروح هلق بتأخر
هاشم:اي معناها ابركي مافي روحى يالله شي حلو والله
شذى:طب ليييش
هاشم:هيك تركينا من تميم وركزي ع الشي المهم هلق دراستك اهم اذا ما بتتخرجي رح علقك من ادنيك
حضنتوا وباستو من خدو
شذى:ولك يقبرني يلي آكل همي من عيوني والله رح اتخرج ورح فرحك فيني بس انت اصبر علي شوي وهلق
عدت من تحت ايدو وهربت وهي عم تعملوا باي وراحت تمشي بسرعة وهو عم يطلع فيها وهز راسو بيأس
___
عم تمشي بالشارع وعم تحكي مع حالها يلي بشوفها وهي بقمة عصبيتها وهي بهالحالة بفكرها جنت
نور:وانت متل الغبية شو بدك فيو يسطفل ان شا الله بجهنم ..يعمل يلي بدو ياه وانا اقهر وابهدل حالي ليش..وبعيدين شو صار بالدنيا وين حيتو الشقرة يلي امبركلي ياها بالشركة إلهي تلف ع رقبتو تخنقو..بارك يخونها ولا تركها..ولك نووور انت شووو دخلك حااارقة دمك ليش يسطفلل انت مااا دخلك بس فوتي هالكلمتين بمخك..انبسطي هيك براافو عليك عملتي جرصة بالمطعم ولاقي بقى شغل إذا بتلاقي ..بس بيستاهل هالختيار الكحيان مفكر الناس عبيد عندو لسا لا رحمة ولا رأفة بدو كلشي ع المسطرة ..سبحان من ريحني خلص المهم فشيت غلي فيها..العما شو هالبني آدم لسا كل نهار مع بنت والعياذ بالله ولك شو ذوقو زبالة بالبنات ياريت عليهم العين...ياااربي انا ليش غيرانة كل هالشي وعم فور واغلي
ما حسيت غير ايد ومسكت معصمها وهي مسكت شنتايتها منيح لتضرب الشخص يلي ماسكها ولو ما هو امبعد شوي كانت الشنتاية اجت بنص خلقتو
أحمد:ولك شبك شبك هدي منشان الله شو عم يصير معك
نور:اتركني انت التاني مو ناقصتك حل عني ياه
مسكها بقوة اكتر وجرها لدخلة ضيقة ونهايتها مغلقة وهي عم تحاول تفك حالها منو وتبعدو عنها بس هو طبعا اقوى منها ودخلها ووقف قدامها

نور:انت شوو مفكر حالك عم تعمل
أحمد:تمااما هادا سؤالي انت شو عم تعملي
نور:انا ما عملت شي انت ليش جاررني لهون بعد هيك بدي روح
أحمد:ليش هيك ضاربة البنت مو حرام عليك انت شفتي حالتها بعد ما فكوها منك؟؟!
نور:بتستاهل وحدة شايفة حالها وبعدين انت اذا كتيير مهتم فيها وزعلان عليها ليش مالك معها بدل مالك جاي لاحقني
أحمد:هي وكلتني اشتكي عليك وآخدلها حقها
نور:اي ما شا الله عليك وصاير محامي ومالي خبر..روح انت واياها واعلى ما بخيلكم اركبوه ويلي بيطلع بايدكم ساوه برجلكم منيح هيك
رسم أحمد ع وجهو ابتسامة خفيفة وبلش يقرب منها..شكلها كان بيتاااكل رغم انها مو امظبطة حالها ابدا والتعب واضح عليها بس أحمد كان طاير عقلوا فيها نفسوا يمسكلها خدوها ويضل يطلع بعيونها يلي عم يقدحوا شرر ويضمها..هو ما كان هامو لا ليسا ولا شو صاير فيها كان بس حابب يضل يشوف نور وهي بتردح وتفور وتغلي كان عم يقرب منها اكتر واكتر وهي تطلع فيو وترجع لورا وغضبها بلش يخف حتى لزقت بالحيط وهو حط كفوف اديه ع الحيط جنبها
أحمد بحنية:لا مو منيح هيك فكرك أنا بهون علي تبركي بالنظارة ..بس يعني ليش كل هالبلبة اذا غيرانة علي كل هالشي اعترفي واحكي
نور:لاا يا انت صايبك خرف مبكر ولا شو ومن وين لوين لغار عليك بالله
أحمد بنبرة هادية خلت قلب نور يرجف:امم لا ابدا مو غيرانة ولا عيونك فاضحينك
نور:انت عم يتهيألك وبعدين انت مرتبط وانا مستحيل افكر لو تفكير اطلع عليك
أحمد:اما هي سمعة جديدة مين قلك اني مرتبط
نور:مو انت وحور بتحبو بعض ف اكيد انك مرتبط فيها وحتى كل يلي كانو بالشركة حاسين
ضحك أحمد ضحكة من قلبو ..الشي يلي خلا نور تتوتر بزيادة وتصفن بضحكتو..ويلاااه شو قلبها بارك عم يعمل فيها ويدق طبول وشوي تانية رح يعمل انقلاب عسكري عليا ويحضن احمد ويقلوا حااج تحوص من بنت للتانية انت الي وبس...بس الحمد الله ع نعمة العقل يلي عم يحاول بكل طاقتو يكبت القلب الغدار

أحمد:من كل عقلك بتحكي؟!
نور:لا من نصو حاج اتركني بدي روووح خلصني
أجمد:هههههه انت جد مصدقة اني مرتبط بحور اختي
نور بصدمة :شووووو ح.حور أ.أختك!!!بس كيف انت مو قلتك ومو باين بالشركة انها اختك مستحيل لاا
أحمد:وكيف بدو يبن وانا صارم بشغلي وما فرقت بينها وبين باقي الموظفين وبعدين اختي او حبيبتي شو رح تفرق معك بما انك انت التانية عندك حبيب
نور:أنا؟!!لاا اكيد انت مخربط
أحمد:وأمجد يلي اجى هداك اليوم وسحبك برا الشركة مو حبيبك وصوركم ع الانستا !
نور:أمجد بكون كمان للصدفة أخوي🙂
أحمد:بتحكي جد؟!مستحيل كيف اخوك وانتو كل واحد كنية وعيلة شكل حتى كل واحد من ام!
نور:أمجد اخوي بالرضاعة وبعدين شو عرفك كل واحد من أم شو عامل بحث عننا
أحمد:امم تقريبا اي
نور:اي..يالله بعد عني خليني روح
ابتسم بمكر وقرب أكتر عليها وهو مركز بعيونها يلي عم يطلعوا بكل مكان الا فيو ..مجرد ما يكون قريب منها بتطير كل عصبيتها وبحل محلها توتر وخجل ..مو متعودة حدا يكون قريب منها لهالدرجة ..أصلا كيف مخلتوا قريب لهالدرجة ما بتعرف ومن ايمت وحدا بيسترجي يقرب منها بهالطريقة؟!ليش كل هالشي بترتخى دفاعتها قداموا وين كل حصون القوة يلي محاوطة حالها فيهم
أحمد:شو رأيك بعد هالتقليعة ترجعي تشتغلي بشركتي؟
نور:احمد بعد ما بدي يا اخي حل عني
أحمد:طيب طلعي بعيوني شوي ليش كل هالشي خجلانة
حطت ايديها ع صدرو تدفشوا لما يضل يقرب اكتر
نور:أ.أحم.د
أحمد وعيونوا ع تمها :اممم
نور:ب.بدي رووح بعد..لي
أحمد:اذا بترجعي ع الشركة ببعدلك او...
نور:أو شوو
طبع بوسة سريعة ع جدها وبعَّد لاني كان متأكد انها رح تنفجر ..وهي شهقت من جرأتو وفتحت عيونها مسكت شنتايتها وهالمرة ضربتو وصابتو فيها وهو واقف بعيد عنها وحاطط اديه بجيابوا وعم يبتسم بفرح ومو هامو الضرب يلي عم يجيه
نور:جد اوقح من هيك مافي يا عيب الشوم بس بعد هيك جد يلي استحوا ماتو يااويلك اذا بتعيدها والله يا احمد رح اندمك تفي
تركتو ومشيت بخطواتها السريعة الفوضوية ووجها كاان احمر من الخجل ركبت بأول تكسي وأحمد عم يراقبها
أحمد:لسا ما شفتي شي هي البداية غير تكوني إلي مالي رضيان والايام بننا

أنا أستحق أن يدفعك شعورك إليّ بالكامل..أن تكون معي بكل جوارحك و تصطفيني من بين الجميع، أستحق أن تتعب من أجلي وتحاول دائمًا
__
بمطعم عند تميم وشذى..خلصوا غدا وطلبوا التحلاية ..المكان كان هادي وحلو المطعم كان بفندق تابع الو
شذى:هلق عندي سؤال فضولي شوي هلق انت كنت تشتغل بتهريب الاثاث وهيك شغلات كيف ظبطت من مهرب او خلينا نقول تاجر لصاحب هالفندق وكمان قلتلي كان عندك شركة دمرها امير يعني جد امرك محير انت انسان غامص

تميم: اقلك سر.. تهريب الاثاث كان بس واجها لشغلي يعني ما كان الشغل الاساسي كنت افوت ع البلد دهب ومجوهرات وتحف بين الغراض يلي نجيبهم وانتاجر بعدها فيهم يعني شركتي كانت للتجارة والتهريب كان دخلها حلو كتير وبما اني ما عم أأذي فيو حدا فليش لاء..اما هالفندق يلي ضل ف أبي يلي أنشؤوا كان عم يفكر يتركلي إدارة الشركة وهو يشتغل هون بما انو الادارة هون اسهل يعني فينا نقول شغل بعد التقاعد..بس لسوء الحظ انضربوا الكلاوي عنو وصار اغلب وقتوا بالمشفى كل تلت اربع ايام لازم يعمل غسيل كلاوي
شذى:عليه العافية الله يشافية يارب..يالله منيح ضللكم هالفندق حلو كتير لاني والاكل كتير طيب يسلمو اديك
تميم:اهلا وسهلا الفندق وصاحبوا ع حسابك
رن هاتف شذى وكانت يمان عم تتصل ..طلعت باستغراب لانها مالها بالعادة تدقلها
شذى:اهليين بعد زمان..اي ليش..هلق؟..طيب هلق انا برا البيت اسبقيني مسافة الطريق ..رح ابعتلك العنوان
تميم:شو بدها
شذى:بدها تجي تزورنا ولازم اروح
تميم بانزعاج:يعني ضروري الموضوع لسا ما صرلنا ساعة باركين
شذى:خلص غير مرة ياعمري بكرى رح الزق هون لا تخاف حبيت المكان
اخدت شنتايتها وطلعت تحكي مع نور تخبرها..وصلت ع البيت وشافت نور حاضنة مخدتها وسهيانة شوي تضحك وشوي يبين انها مزعوجة وبعدها مسكة المخدة وضربتها بالارض
شذى:بسم الله عليك جنيتي
نور:ايمت اجيتي ما حسيت
شذى:ماهو يلي بيصفن صفنت اكيد ما رح يحس ..مين آخدلها عقلاتها لنورتي
نور:اااخ يا شذى لو تعرفي شو صار ابن العمك الحقير الوقح بدي اقبرلك ياه انا لازم مو موفرة الفرصة وداقة بخوانيقوا
شذى:هووب هووب استني شوو صاير من وراي عم تلتقوا وتشتغلوا من وراي احكي بالتفصيل الممل تفصولة تفصولة شو صار ع السريع قبل ما تجي يمان
وبركت حكتلها نور لشذى كل شي..فتحت عيونها شذى ع وسعهم والصدمة بانت ع وجهها
شذى:لاااا لاااااا لااا ما بصدق العماااا انتو الاتنين يطلع منكم هيك وينك يا أمجد تسمع

نور:وجع ان شا الله لسا فوق همي بتزيديها علي أمجد مو هون ابلعيها
شذى:ان شاالله بتنبلعي انت وروميو تبعك عم تحبوا وتتمعشقوا من وراي ولاا وحركاات وكذا مزا شغل أذى أنا هيك ربيتك أنا..
قاطعها صوت الجرس يلي اعلن وصول يمان
شذى:نفدتي بكمل درس الاخلاق والقيم الحسن بس تروح
ضربتها نور بالمخدة وهي رايحة..راحت فتحت الباب وفاتت هي ويمان لعند نور واخدو واعطوا
شذى:اي..حاسة بتمك حكي احكي نور مو حدا غريب اساسا انا بحكيلها كلشي
يمان:لا مو قصة نور القصة اني مو عارفة كيف احكي ولا ابلش
اتربعت شذى وركزت معها
شذى:القصة بخصوص شو
يمان وهي عم تفرك اديها بتوتر:بخصوص كنان
شذى:اوهاا استني خليني خمن بتحبيه؟!
ضربتها يمان بالمخدة ع وجهها
يمان:لا تقوليها هيك دج بحسها تقيلة
نور:ههههه لا انت واضح وضعك لوز
شذى:اي يعني هلق شو بدك اروح اخبروا ولا بيعرف
يمان:ولك لاا ياربي شذى حطي غبائك عن جنب شوي وساعديني شغليلي مخك شوي رح يلزمني
نور:عيفيك منها واحكيلي هي من بعد ما شافت تميم بدها يومين ليرجعوا عقلاتها قولي كيف العلاقة بيناتكم يعني شو المشكلة يلي بدك حلها
يمان:المشكلة إني مسترجلة شوي ومافي اي شي مشترك بيني وبينو ولك حتى هو مو شايفني اصلا متلي متل ياماش بالنسبة الو وانا متل الغبية وقعت بحبو حاولت وحاولت اكبت هالمشاعر واتجاهلها بس ما عم احسن وما بعرف كيف بدي الفت انتباهو
شذى:معك حق هلق هو مستحيل يلتفت لاني هو وهالحيط واحد ٦٥ بالمية من حياتو ع اللابتوب والمواقع وع الهاتف مقضيها شغل وانت واياه متل الديك والجاجة كنت حس انو تصرفاتك ما بتعجبوا ودائما بارك بينتقد فيك
نور:وااو شكرا كتير ست شذى اذا في امل انقطع وتبخر وهو عم يتبختر من حكيك
يمان:هلق يعني انا شو استفدت بدي حل قبل ما اروح اعترفلوا واخلص
شذى:وبعدها نروح متل الشاطرين نجيب كرامتك من اقرب حاوية ما؟الشغلة مو هيك لازمها تكنيك
نور:صح خليها قاعدة يلي ببادر بيتحمل اكتر وبياكل هوا ونحن هون ببلش شغلنا لازم نبلش نلفت انتباهو وبعدها نظبط العلاقة بيناتكم وبعدها يوقع بحبك ويجي هو لعندك
يمان:وهي اشبه بالمعجزة انت ما بتعرفي كنان
شذى:هلق نحن منحاول وبالاخير اذا فشلنا بتعترفيلو بس لازم ما نفكر بهالاحتمال نحن رح ننجح ونوقعوا بشباكك ومستحيل انت تبادري وتعترفي بالاول
نور:اي اهم شي كرامتك وبما انك اجيتي لعندنا ف بحب ابشرك مع شذى ونور كرامتك بالحفظ والصون 👍
يمان:هو انا ليش بلشت اندم لاني جيت وقلبي مو متطمن🙂
شذى:هلق اسكتي واسمعي مني لازم نعمل اشياااء مو شي لنحرك حيط البوظ يلي عندك انت مستعدة للتنفيذ
يمان:هاتي احكي شو عندك
نور:هلق شوفي مبدئيا الرجال بحبو بعيونهم والبنات بأدنيهم هي حكي منعرفوا بس هلق لازم انطبقوا انت ملامحك حلو وقوامك ما شا الله بيرفكت بس لازم تعديلات شوية شعر ع نتوفة ميكاب وتجديد شوي بالستايل حتى تلفتيلوا نظروا نحن رح نشتغل ع تعباية عينو حتى يشوفك

شذى:صح حكيها اليوم مناخدك ع الصالون و منظبط التظابيط لنبلش بخططنا مع انو ما بيستاهل هي احلا منو بكتير وهو متل قفى الطنجرة المحروق بس معلش شو نعمل
يمان:اي لااا انا كل هالشغلات ما بحبها ولا بنتميلها ولا يمكن اتغير
شذى:يا جدبة لا تتغيري بس ابين ما انطبقوا لازمينا انت ما عليك بهالشغلات اتركيهم علينا انت ركزي ع التعامل معو يعني صيري بيني انك مهتمة فيو اكلت شربت وين رحت وين جيت شو عم تعمل بدك شي هيك حسسيه انو محور كون حياتك حسسيه بمشاعرك بس بطريقة غير مباشرة صيري اعملي حالك مهتمة باهتماماتو ولا تضلي مقضتها بين الحديد والتدريب الرجال بحبو الفشخرة وهالشغلات اسمعي مني ما بتندمي
يمان:انا لازم اعمل كل هالشي؟!لك ما بحب انا مالي هيك وبعدين هو لازم يحبني متل ما انا مالازم اتغير
نور:يا عمري منعرف بس هالفترة وبعدها ارجعي متل ما كنت هي بس فترة اصطياد الفريسة بعدها بس حبستيه بقفص الحب اجباري ما رح يحسن يعمل شي يعني رح يحبك متل ما انت و بالغصب
شذى:اي وكمان ركزي وقت بتكونوا لحالكم اخلقي بيناتكم جو حلو هيك كوني رقيقة لازم ينتبه انك انثى افردي شعرك لسا دائما ضاببطيه حطي شوية مكياج يبرز ملامحك انتو بنفس البيت ولازم تستغلي هالشي حتى لو كل واحد بطابق وغرفكم بعيدة عن بعض وخصوصي هلق ياماش حسب ما عرفت مقضيها مع إيليف عم يساعدها بشركتها يلي عم تفتحها
يمان:شيليني من قصص البنات والمكياج انا ما بحبها ولا بعرف فيها
نور:ولك لازم تتعلميها صدقيني بتجيب نتيجة واذا عندك هيك لسا فساتين قصيرة شوي لفوق الركبة عادي إلبسيها هيك لازم شي يبرز معالمك الانثوية وفهمك كفاية يعني شبك تلحلحي شوي
يمان:اي لااا وابدا ومستحيل وبالأحلام انا ما عندي ولا بحبهم ولا بلبسهم حلو عني ياه

شذى:خلص بلا الفساتين ضلي متل ما انت ببجامتك الرياضية ام نص بطن بس البسي تحتها شورت بيمشي الحال وهيك حطي عطر وقت رح تقربي منو ع اساس عم تسأليه ع شي او عم تورجيه شي يعني شغلي التس والكيد يلي جواتك لا تحسييني انهم موجودين عندك ع الفاضي واذا ما كان مركز بيلي عم تحكيه معناها بكون انجذب لريحة عطرك واحكي معو بنوعمة بلاها نبرتك الجعورية
يمان:هلق انا نبرتي جعورية بعدين شو يعني جعورية
شذى:اي والله بحسك بتحكي بخشونة هيك يا بنتي لازم نعلمك شوية دلع ع شوية تنعيم
يمان:ع فكرة انا بخشن صوتي قصدا وهيك متعودة وبعدين انت بدك تعلميني؟ما انت صوتك جاروشة اكتر مني
نور:اي لازم تنعميه حبيبتي لازم يكون الو نبرة تجذب يعني اتعبيلك شوي هالفترة
وضلوا هيك يحكوا وينكشوا قصص ليمان ويفهموها شو تحكي وشو تعمل وهي ما كانت متشجعة تعمل شي منهم بس للاسف وراها شذى ونور رح تعملهم وهي عم تضحك وتلعب
__
بعد ساعتين بصالون التجميل رجعت يمان ومعاها شذى ع البيت ليشوفوا ردة فعل كنان وشو رح يعمل بعد ما يشوف يمان مع الخصل يلي صابغتهم والمكياج الخفيف جدا يلي يمان ما قبلت تحط اكتر من شوية حمرة ومسكرة وشوية توريد للخدود..هي اصلا حلوة مو بحاجة بس شذى اصرت ..تقصدو يدقوا الباب حتى كنان يفتحلهم ..وهو استغرب مين جاي وقام فتحلهم بس مدري ليش عاف عيونوا وتمو مفتوحين للهوا وهو عم يشوف يمان يلي كانت خجلانة وعم تتحاشى تطلع فيو وجنبها شذى عم تبتسم بفرح ع ردة فعلو وتنقل نظرها بين الاتنين
كنان:شو صاير بالدنيا
شذى:مافي تفضلوو
كنان:وكأنما بدك توجيب وعزيمة ادخلوا خلصونا تركهم وفات لجوا
شذى:شفتي انصدم والله انو خططنا بتجنن
يمان:الله يستر ما اجن من وراهم
فاتو وبركوا وشذى عم تراقب كنان يلي حاطط اللابتوب بحضنوا وعم يحاول ما يعبرهم
شذى:اي شو آخر المستجدات شو في مافي
كنان:ولا شي عم انخطط نشتري شركة إيليف بدها تفتحها وياماش رح يساعدها لتجهزها ورح يشتغل معها وهي معتمدة عليها وأنا رح أدرللهم الحسابات وهالقصص
شذى: هلق انت دائما رح تضل هيك ليش ما بتشوف حياتك طلع حوليك شو العالم شو الدنيا ولك اتحلح يا اخي شوي
كنان:تركك مني ولا تستلميني خليك في يمان احسن
شذى:ايواا كيف بس طلعة شغلة لا تقلي غير هيك طلع طلع ما شا الله لو مو واثقة اني احلا بنت بالعالم كنت قلت يمان احلا مني
كنان:ابو هالثقة من وين جايبتيها
كانت يمان عم تطلع بشذى ونفسها تقوم تدق بخوانيقها هي الانسانة مستحيل ما تفوت الدنيا ببعضها لاازم تخبص ما بتعرف تخبي..شوي واجوا ايليف وياماش
ياماش:شوو شذى عناا بعد زمان يا بنت وين غاطة
شذى:اااخ يعني بتعرف صرت صاحبة اموال وبيزنس وهيك يعني مشغولة مشغولة ولك صرت من طبقة الاغنياء والراقين والكلاس وشوي تانية رح اصير احكي عربي مكسر وكلمة عربي وكلمة انكليزي بس استنى علي آخد ع الجو
كنان:بس لساتك بنفس النوَرية ما استفدنا شي

شذى:بتعرف غيرت رأي ولك ان شا الله ما بينشال راسك من هالبطيخ يلي بحضنك احضنو كمان وغطية وخاف عليه واذا بيطلع بايدك نام معو وخلف..المهم انت اختو لامير
إيليف:اي..انت شذى
شذى:يااااي انا حتى صرت مشهورة كمان اي والله انا شذى..طمنيني شو صار معكم
إيليف:هلق خلصنا تفتيش مع اردام ع الاوراق يلي بدو ياها كانت محطوطة بخزنة سرية بغرفة أمير وحسب ما فهمنا منو شاف كل شي بدو ياه ورح نبلش بعد ما تصير الاملاك باسمي نوزعها بالنهاية أنا الوريثة الوحيدة
شذى:اي منيح كتير ..مدري شو اقلك والله بس عظم الله اجركم بالنهاية الميت ما بتجوز عليه الا الرحمة شو بدنا نعمل هيك الله كاتب
هزتلها إيليف براسها..رن هاتف شذى وكانو أمجد عم يدق
شذى:اهلا..انا ببيت الشلة..شو ليش..لك مصيبة شوو بالله عليك خليني فرحانة ...شووو هلق ايمت اجو..يا حبيبي يالله جاية
قامت شذى بسرعة وهي عم تاخد غراضها والكل عم يطلع فيها مستنين المصيبة رح حكت عنها
ياماش:شوو امير طلع مو ميت؟!!
شذى:ولك تف من تمك ..بس لااا شي اصعب ام نور وام أمجد اجوووو
ياماش:هههههه وشو يعني بالله بدها كل هالعبطة صار نفسي اشوف مين هالاتنتين يلي بخلوكم انتو التلاتة ترجفوا قصب وتفوتو ببعضكم
شذى:ولك بعدييين انا رايحة ادعولي ما أتنتف اليوم.
#يتبع

#سلاسل_متشابكة
#الثاني_عشر
#بقلم_شذى
دقت الباب وثواني وفتح أمجد
شذى :كيف الوضع
أمجد :عاصفة ماقبل العاصفة الرئيسية
شذى :ولي الله يستر
فاتو لجوا وكانت عائشة(أم نور)وفاطمة(أم أمجد)باركين جنب بعض وعم يرموها بنظراتهم يلي ما بترحم ونور باركة وساكتة عجنب
شذى :ياا مية أهلا وسهلا ومية السلامة ورحبها يالله شقد اشتقتلكم
وقربت تحضنهم وهنن ما اعطوها بالبداية اي ردة فعل..بس بعدها حست شذى انو إدنها رح تنشلع ومالحقت تتألم من إدنها إلا اجتها طيارة ع رقبتها
فاطمة :وينك لهلق يا مقصوفة الرقبة
عائشة :شو كل هالمكياج يلي لاطتو ع خلقتك وهاللبس كأنك بحفلة وين كنت مقبورة
شذى :الله يوفقكن اتركوني والله رح احكيلكن بس فكوني أمجد نور ساعدوني
طبعا أمجد ونور ولا كأنما سمعوا شي..تركوها وهي حطت ايدها ع رقبتها تفركها
شذى :هو أنا ما قلتلكن صرت غنية و رجعوولي مصاري أبي زلغطي ولك خاالتي زلغطة أنا صرت من أصحاب البزنس والشركات والهاي كلاس ويااي
فاطمة :وعصاي إن شاء الله يعني هلق باركة تشوفي حالك علينا ست شذى
عائشة :وكبرتي وتزنكلتي يا شذى وما عاد حدا قادر يضبك
شذى :زيحولي أقعد بيناتكن...هلق هيك الله يسامحكن بدل ما تفرحولي وبعدين أنا بسترجي شوف حالي عليكن والله مصاريي هي مصاريكن وأنا عم أحكي هيك مو فرحة بالمصاري بس الشعور حلو وبتعرفوني بحب القنزعة شويونة
فاطمة :اي فهمنا خلص لا تضيعي السيرة..المهم
عائشة :نحكي بيلي جايين من شانو..إنت يا نور درستي وتخرجتي وع أساس تشتغلي درسناك حتى نشوفك معلمة بتشتغل بشهادتها ونشوف حالنا فيها أما إنو بعد كل هالتعب نلاقيك عم تشتغلي گرسونة بمطعم عم تخدمي العالم هالشي ما عاد متقبلينوا لا أنا ولا أبوك
نور :بس ماما الشغ..
عائشة :خليني كمل كلامي..أبوك من معارفه قدر يحكي مع التربية ورح يلاقيلك شغل عنا بمنطقتنا بالتدريس ونحن جايين لنرجعك معنا
شذى :خالتو شو عم تحكي كيف يعني ترجع معكم وأنا شو أعمل هون من دونها
فاطمة :إنت ما عدتي صغيرة يا شذى وهي صار عندك عيلة تدير بالها عليك..انتو وقت اجيتوا لهون كان بحجة الدراسة بالأول وبعدها عرفنا السبب الرئيسي بعد ما يلي ضرب ضرب ويلي هرب هرب أصلاً العتب مو عليكن العتب ع التيس يلي بعتناه معكن
أمجد :يا أمي..
فاطمة :اسكت ولاك لا تحاول تبرر بظن انحكى بهالموضوع وخلصنا ولا عاد تفتحو فكرناك قد المسؤولية
نور :طب هلق معلش احكي؟ ع كل حال أنا تركت الشغل بالمطعم
عائشة :حلو كتير هيك رجعتك بتصير أسرع
نور :بس أنا تركتو لأرجع ع شغلي القديم بالشركة وأنا رح أشتغل بشهادتي وشغل محترم بشركة راقية
عائشة :وإيمت صار هالحكي
نور :اليوم ولسا حتى أمجد وشذى ما بيعرفوا والشركة بتكون لإبن عم شذى وأمجد بيعرف المدير وهو كتير محترم
شذى بعقلها :يخرب بيت احترامو وأخلاقو وأدبو ما عاد عرفنا وين نروح فيهن
أمجد :اي صح والله أحمد ما في منو طول الفترة يلي نور اشتغلت عندو ما سمعنا عنو شكوى
شذى :الله يخليك عيفي نور عايشة معي والله ماعاد نعمل شي ورح نعطيكن تقرير يومي عن حياتنا إذا بدك
نور :اي ماما الله يوفقك أنا مرتاحة كتير بالعيشة هون ورح نصير نزوركم كل فترة وبعدين شذى رجعت ع الجامعة باقيلها فصل وبتتخرج ولازم أكون معها بتعرفيها بدها حدا يدير بالو عليها
طلعت فيهم عائشة بعدم رضى وفكرت شوي
عائشة :بسألك أبوك ومنشوف

حضنتها شذى وباستها
شذى :ولك يسعد أهلك.. وهلق نقوم نحتفل بجيتكن عنا والله إنها عندي بالدنيا
وقامو يجهزو السهرة وشذى مسكت بخوانيق نور ع هالورطة يلي ورطت حالها فيها وبلشوا يفكروا شو رح يعملو
(ملاحظة أم نور وأم أمجد كانو جيران أم شذى وبتربطهم علاقة متينة وبيعتبروا شذى أمانة ومتل أولادهن بعد ما ماتت أمها بس هنن مو خالاتها بس هي بتندهلهن خالة وهي متلها متل أمجد ونور بتخاف منهن لأنهم قوايا ومستحيل ما يتنفذ كلامهن وحازمين بقراراتهن وخصوصي مع أولادهن)
___
بعد ما خلصوا سهرتهن راحوا الامهات يناموا بغرفة لحالهن وشذى ونور بغرفة وأمجد كان الو جناح خاص فيو بس راح لعند أمو يحكي معها بموضوع ..عند شذى ونور
شذى :ياا نور يالله ما أتيسك إنت عرفانة شو خبصتي؟؟
نور :شذى من شان الله اسكتي يا أختي أنا ما خطر ببالي غير هالحجة شو أعمل
شذى :يعني لو قايلة مع شذى بالشركة نص مصيبة بس شركة أحمد كيف بدنا نظبطها
نور :وبالله أنا شو بدي أعمل بالشركة عندك ومافيها أحمد
شذى :ايوااا ايواا هلق فهمت اظهر وبان عليك الأمان إدلقي حالك عليه كمان
نور :هلق اسمعي أنا بدي أرجع ع الشركة بس وقت أحمد طلب أنا قلت لاء يعني ما أحلاني فوراً أقلو اي بس أنا من جوا بدي بعد ما عرفت انو حور اختو وبظن هو كان مبعد عني لأني فكر إني مرتبطة بأمجد

شذى :اي.... يعني؟؟
نور :يعني يا حبيبتي يا شذى إنت بتعرفي إني حابة أحمد واليوم بعد علقة المطعم أنا تأكدت وأحمد بعد عملتو وتلميحاتو الأولانية باين إنو بحبني ف بس ضل بدنا نجتمع حتى نبق هالبحصة نحن الاتنين..بس أنا كرامتي غالية انت بتعرفي هالشي أصلاً
شذى :اي أهم شي الكرامة
نور :ف بدي أحمد هو يلي يرجع يقلي أرجع ع الشغل مو أنا أروح أطلب منو
شذى :وكيف هي رح تصير وإنت لااازم بكرى ترجعي ع الشركة وأنا متأكدة أمك بكرى رح تروح توصلك بايدها وتقابل المدير وتعمل لفة بالشركة
نور :هلق بكرى عطلة تمام يعني عنا يوم لنحسن نخلي أحمد يطلب مني أرجع وأنا عندي خطة بس ما بعرف إذا إنت بتوافقي..بس شذى أمانة هاد الحل الوحيد
شذى :هاتي لنشوف الله يجيرنا بس
____
وأخيراً نهار جديد..بيحمل معو أحداث كتيرة وشغلات كتيرة..
ع بلكونة هالبيت اجتمع أحمد وأمو وبعد شوي أجت حور بالقهوة
هبه :كيف يعني صار هيك بالبنت مين هالقليلة الترابية يلي عملت فيها هيك
حور :ليش شو صاير
هبه :انت بتعرفي ليسا بنت رفيقتي طلعت هي وأحمد يتغدو رجعت البنت حالتها بالويل شعرها مخرب ولبسها مبهدل ووجها ملخبط
حور :يالطيف أحمد عمل فيها هيك؟!
أحمد :من كل عقلك عم تحكي كل القصة ومافيها إنها تخانقت مع وحدة بتشتغل بالمطعم
هبه :وأنت وين كنت؟!
أحمد :أمي عم قلك بالحمامات وعبين ما انتبهت كانت آكلة القتلة ومفرقة
حور :هههه ياحرام وبعدين شبها نعنوعة كل هالشي ما عرفت تدافع عن حالها
أحمد :نعنوعة ومايعة وشايفة حالها كمان
هبه :يا عيب الشوم عليك هيك عم تحكي عليها بدال ما تشتكيلها ع البنت الهمجية يلي الله أعلم من وين جاية عم تحكي ع البنت
أحمد :البنت تقلعت من شغلها شو بدكن أكتر من هيك
حور :كان لازم كمان تعتذر منها يعني واضح إنها غلطانة
رن هاتف أحمد وكانت شذى
أحمد :أهلين والله بعد زماان...ايوا يعني طلعت أنا يلي ما بسأل عنك..عازمة حالك ع حسابي ماشي أمري لله ياستي روحي أنا عازمك..ماشي رح ألبس وأطلع أشوفك
هبه :شو بدها هي كمان من الصبح
أحمد :حابة تفطر معي قال بدها مني شي
قام أحمد يلبس وتوجه ع المطعم يلي شذى عم تستناه فيه ..فات وتوجه ع الطاولة يلي باركة عليها وسلم عليها وبرك
أحمد :اي خير ست شذى شو هالموضوع يلي من الصبح بدك ياني منشانو
شذى :أجيت أسألك شو صاير معك؟
أحمد :بخصوص؟
شذى :يالله إجدبها وإعملي حالك مو داري.. أنت ونور
ابتسم أحمد ودار وجهه
شذى :الحمد الله طلعت بتخجل..ياعيب الشوم بس ما توقعتها منك
أحمد :هلق إنت شو بدك؟
شذى :بدي أعرف إنت بتحب نور ولا كنت عم تتسلى؟
أحمد :هي بعتتك لتسأليني؟
شذى :طبعا لاء أنا بس بدي أطمن ع رفيقتي حتى انها ما بتعرف بجيتي لهون أساساً ملبوكة بأمها
أحمد :ايوا ويعني هلق إذا قلتلك اي بحبها شو رح يصير؟
شذى :وعم تقولها بالتم المليان
أحمد :استغفر الله بس شذى حددي شو بدك لا عاد تخلطي عباس بدباس إنت عم تسأليني وانا عم جاوب ليش محسستني إني رايح آكلها إذا حبيتها
شذى :تمام هلق إنت بتحبها لكا ليش لهلق ما تقدمتلها او اعترفتلها مثلاً
أحمد :لأني كنت مفكرها مرتبطة وبعدين اختفت... وبعدين مصايبك إنت وأبي وبعدين أمبارحة لرجعت التقيت فيها يعني أنا لهلق ما شفت الوقت المناسب
شذى :فيها وجهة نظر..طيب شو رأيك أساعدك بالنهاية إنت إبن عمي وهي رفيقة عمري وبيني وبينك إنتو لابقين لبعض

أحمد :اول شي تعي لقلك هي بتحبني صح؟
شذى :هي أسرار مافيني أفشيها لازم تكتشف لحالك..بس أنا رح ساعدك... أمها لنور راجعة حتى ترجع نور معها لأنها مو عاجبها وضعها هون وشغلها بالمطعم..وأنا طبعا مابدي هالشي حتى نور ما بدها ف أنا قلت لأمها إنها تركت شغل المطعم وأنا دبرتلها شغل بشركتك
أحمد :لحظة ليش بشركتي المنطق تقوليلها بالشركة معك
شذى :ولك صحصح شوي أنا بدي اجمعكن وخصوصي بعد ما نور حكتلي شو صار بالمطعم وإنك رجعت طلبت منها تشتغل عندك بالشركة وهي بكل ذكاء رفضت لأنها عنيدة
طلع فيها أحمد بشك وريبة وهي خافت تكون خبصت الدنيا
شذى :خلص شكلو ما عجبك الحكي أنا رايحة وبلاقيلي شي طريقة أخلي نور تضل هون
أحمد :لا ابركي ماشي موافق بس شو المطلوب مني؟
شذى :إنت عيني ليك أنا قلتلك إنو نور ما بتعرف بجيتي ولا بحديثي معك وهي أصلاً بهدلتني وقت قلتلها لأمها ف بس بدي منك تدقلها وتقلها ترجع وما تستسلم أصر عليها هي أكيد رح تعاند
أحمد :تمام بس عندي شرط
شذى :شو شرطك بالله؟؟ بدل ما تشكرني بارك بتتشرط
أحمد :أنا بس بدي تخلي نور توقع ع عقد بيلزمها بالشغل معي لسنة هيك ضمان أكتر وبظن هي نقطة كمان لصالحك بتصيري تقولي لأمها إنها ملزمة بعقد وكذا

شذى :وإنت شو رح تستفيد؟؟
أحمد :أنا رح أستفيد إنها ما ترجع تختفي او تبطل وتستمر بالشغل لو شو ما صار والأهم تضل مقابيل عيوني
شذى : ههههه ماشي اتفقنا
_____
عم يمشي بالمشفى جنب أمو وأم نور ..وعم يدور بعيونو عليها تلت أيام صرلو مو شايفها ناطف قلبو على ما يشوفها شوي وشافها طالعة من غرفة عمها وأول ما شفتو ابتسمتلو ابتسامة خلت عيونو تقلب قلوب.. انتبهت عليه أمو ونكشتو
فاطمة :شبك شوي وبتشط ريالاتك كمان
أمجد :أمي هي هي ليكها جوى
قربت جوى عندهن وسلمت عليهن بكل لطف وخجل
عائشة :ما شاء الله عليك انت بتشتغلي هون
جوى :لا لسا بس ان شاء الله شي نهار..امم ما عرفتني مين هدول يلي معك أمجد
أمجد :هي أمي وهي أمي التانية
جوى :امك بالرضاعة صح ؟حكيتلي من قبل أهلا وسهلا فيكم عم قول المشفى منور
فاطمة :منور بصحابو بنتي
أمجد :شو رأيكم أعزمكم ع فنجان قهوة قبل ما يخلص عملك غسيل
جوى :ما بقول لاء
وراحوا ع كافيتريا المشفى بركوا وكانت فاطمة وعائشة عم يتفحصوا جوى من فوق لتحت ويتهامسوا وجوى انحرجت ونزلت راسها ع الارض
فاطمة :انت بتدرسي طب ما؟
جوى :اي
عائشة :ووين أهلك؟
جوى :ميتين من ست سنين بحادث
فاطمة :الله يرحمهم
وهيك استلموها تحقيق وعرفوا كلشي عنها وبعدها راحوا
أمجد :آسف كتير إذا انزعجتي منهم
جوى :لا عادي ما انزعجت بس مو متعودة كتير بس ماقلتيلي ليش جايين
أمجد :اااه هنن ع أساس امم يعملوا تحاليل وفحوصات ويمشوا
جوى :ايوا يالله صار لازم أروح
راحت وهي راسمة ابتسامة ع وجهها كانت حاسة بالفرح لمجرد أمجد عرفها ع امهاتو حست انو كل مالو عم يقرب بزيادة وهالشي كان مفرحها
___
لبس حازم واستعد ليطلع ع شغلو..شاف أردام بارك وساكت وصافن على غير العادة ..كانت حالتو غريبة او مو متعود عليه هيك..قرب لعندو وما انتبه عليه
حازم :شو مين آخدتلك عقلك هالمرة مسيو أردام
طلع فيو بحرف عينو بنظرة حادة وما رد
حازم :لااا وضعك خطير ليكون عشقان يا قطة
أردام :يعني أنا كل ما صار معي شي لازم يكون وراه البنات وهالقصص
حازم :ماهي حياتك شو بدو يكون فيها غير هيك
أردام :أبوك
حازم باستغراب :شبو؟
أردام :أنا لقيت أدلة كافية ووافية تخليه يروح فيها مؤبد وما بعرف إذا بيوصل للإعدام
بان الضيق على وجه حازم بس ما حب يبين هالشي
حازم :وسلمت هالأدلة أكيد
أردام :لاء..ما بعرف إذا بسلمها
حازم :بتحكي جد؟ ورجيني ماعليك حرارة انت أردام ولا واحد تاني
حازم :حازم بلا ثقالة دمك وزناختك هلق
حازم :ماعم أفهمك صرلك شقد بتحاول وبتحاول لتوصل لهاللحظة ما كان هادا هدفك؟ ما كانت هي غايتك من الأول؟ شو يلي تغير هلق ليش بارك وصافن ولا كأنك بالدنيا لا تقلي زعلت ع ابوك لاني ما رح صدق
أردام :هه بحياتو ما حدا فهمني ولا رح تفهموني
تركوا وقام لعند أمو دق الباب وفات.. كانت أمو فايقة على غير العادة لأنها أغلب الوقت بتكون نايمة او منومة بفعل الأدوية والعلاج وبتقضي أغلب وقتها بغرفتها ما بتطلع إلا للضروري.. أول ما شافتو ابتسمت وفتحتلو ايديها لأني حستو مهموم وبدو مين يخفف عنو باستو من راسو ومسحت ع شعرو
أم حازم :شبو ابني وحبيب قلبي شو زاعجك يا ماما
أردام :ما بعرف تعبان..في شي جواتي مدري كيف اشرحو.. مافي شي راضي يكون متل ما بدي
أم حازم :كل هالشي منشان ابوك.. يلي بشوف حماسك وقت تجي لعندي وتقلي رح حطو بالسجن وعاقبو وأنا أحاول هديك..ما بصدق إنك متخربط كل هالشي منشانو

أردام :حتى أنا مستغرب ما بعرف أنا كان بدي بس ما بدي متل ما عم يصير هلق ما كان حبسو هي الغاية أنا......ما بعرف بس
أم حازم :خلص لا تكمل ولا تحكي أنا بعرف شو بدك بس إنت بالنهاية لازم تعمل الصح..هو لازم ياخد النهاية العادلة صح
بقي أردام ساكت وهو غرقان بدوامات من التفكير
___
حطت فنجان القهوة قدامو وهي عم تطلع عليه
يمان :أكلت؟
كنان :لاء
يمان :جوعان أعملك أكل؟
كنان وهو مركز بالهاتف :كمان لاء
يمان :طيب شو عندك اليوم؟
كنان :ما عندي شي
يمان :يعني ما رح تطلع لمحل أو ما عندك شي مشاوير؟
كنان :لااء لااء
يمان :طيب شو حابب نتغدى اليوم؟
كنان :يمااان خلص شبك
يمان :شو شبني ملانة عم حاول آخد وأعطي معك
كنان :روحي التهي برياضتك وتدريبك بدل مو مستلمتيني
يمان :مو جاي ع بالي
كنان :لكا لاقيلك شي تتسلي فيو
طلعت فيو يمان بغيظ وراحت ع غرفتها نزلت نص شعرها وعافت النص التاني مربوط وبخت عطر ورجعت نزلت عند كنان..البيت كان عبارة عن طابقين الطابق الأول للشباب وللبركة ولكل شي والطابق يلي بعدو غرفة يمان وغرفتين مو لحدا..وقفت قدام الغرفة واستجمعت شجاعتها وهي عم تتذكر كل حكي نور وشذى وكل شي حكولها ياه

يمان :لازم تكوني جريئة لينتبه لا تخجلي بس خجلتي كشفتي حالك خليك قوية
وراحت فاتت لعندو وبركت قريب منو..انتبه عليها وطلع بطرف عينو شافها وكأنها عم تفكر..كان مستغرب من تصرفاتها والعطر يلي ريحتو بتفوت ع القلب دغري قد مو حلوة..حاول ما يبين ورجع ركز بهاتفو.. حسمت قرارها وقربت عليه كتير وحطت دقنها ع كتفو وهو حس بقشعريرة سرت بجسمو هادا غير شعرها يلي نزل ع ايدو
يمان :شو عم تعمل بالله؟
كنان :يمان حلي عني خليني أعرف اظبط الحسابات
يمان وهي عم تحاول تنعم صوتها :حسابات شو هدول؟؟
كنان حس بمشاعرو عم تتحرك جواتو وعم تعمل انقلاب ضدو وكان عم يجاهد ما يطلع فيها أو يفقد تركيزو وخصوصي انو مافي بنت كانت قريبة منو لهالدرجة
كنان :حسابات لتميم يماان لتميم
يمان :طيب ليش بتضل معصب علي ع فكرة ما أكلت منك شقفة وقت عطيتني جواب
كنان :يا خي حلي عني مالي متحمل حالي
طلعت فيو يمان بدهشة بعد كلمة اخي وزمت تمها وزورتو وهو عمل حالو ما شافها تركتو وقامت وهي عم تتحلفلو بقلبها
يمان بقلبها :ماشي يا كنان الكلب إذا ما بجيبك زحف لعندي حقك تحكي منشوف
بعد ما راحت زفر كنان وكأنما حمل وانزاح عند صدرو
كنان :العما هي شو عم يصير معها؟
____
باركين شذى ونور وعم يستنو اتصال أحمد..
نور :انت متأكدة انو وافق؟؟
شذى :ولك اي وافق شو كنت عم ألعب معو يعني
نور :ومتأكدة ما حس إنك عم تكذبي أو خبصتي؟
شذى :لاء لا تخافي..بتعرفي عم فكر فوت تمثيل بعد كل هالادوار يلي لعبتها بحياتي بحس رح أأبدع أكتر من القانون
نور :انت تخرجي وألف خير من الله
شذى :ع فكرة لازم تبوسي ايدي وجه وقفى إنت بس فكري لولاي شو كان صار فيك أنا حتى مو قادرة أتخيل شقد رح تكون حالتك صعبة
نور :يااااللله شذى مو وقت تقالة دمك وشوفة حالك
شذى :الله يخرب بيت الروح الرياضية يلي حاويتيها
نور :اسكتي اسكتي عم يدق والله دق..استني ما رح يرد
شذى :ولك شو صرلنا ساعة عم نستنى ردي
فتحت السبيكر نور وبلشت تحكي
نور :ألو مين معي؟
أحمد :هه مين معي لاء ظريفة هي
نور :أحمد؟؟خير ليش عم تتصل؟
أحمد :نور معلش تشيلي تقلك ع جنب ونحكي متل الخلق
نور :تفضل شو بدك
أحمد :ياريت بكرى تشرفينا بحضورك المبهر ع الشركة من بعد إذن الملكة إليزابيث يلي جواتك
نور :شو قصدك؟؟ بدك تقول إني مغرورة وشايفة حالي؟ماشي يا أحمد ومالي جاية وهاه
وفصلت بوجهو بس بلشت تحس بكتلة غضب قدامها هي حتى ما كانت قادرة ترفع راسها وتطلع بشذى.. رفعت راسها وطلعت بشذى يلي كانت مغمضة عيونها وعم تعض ع شفتها من جوا ومجهزة ايديها وكأنها بدها تخنقها.. بلعت نور ريقها ورجعت شوي لورا
شذى :فصلتي؟!🙂
نور :شذى هو إنو يا أخي استفزني وأنا منغاظة منو خلقة
شذى :بتقومي بتفصلي بوجهو يااا حمارة؟؟ انت ما سمعتي أمك الصبح وهي عم تقول بدها تتعرف ع حضرة مديرك بكرة ويلي للصدفة هاه بكون نفسو الإنسان يلي هلق فصلتي بوجهو وما بدك تداومي بشركتو
نور :طيب ..طيب ليكي خلي يرجع يدق وأنا رح وافق بس مو فوراً كمان يعني منشان كرامتي
ضربت شذى ع راسها وهي عم تطلع بنور يلي عم تحكي بكل ثقة
شذى :رح أنجلط والله رح تجيني جلطة
نور :هووس هوووس رجع اتصل
مسكتها شذى من رقبتها وصارت تطلع فيها وهي مفتحة عيونها
شذى :طلعي فيني هلق بتعتذريلو متل الشاطرة ع السريع ..وأي اعتراض يا نور لاحكيلو كلشي تسطفلي
طلعت فيها نور بغضب وفتحت الخط بلئم
نور :اهلين أستاذ أحمد آسفين كتير يا بعدي فصلت بالخطأ ما كان قصدي أفصل بنص خلقتك منعتذر من حضرة جنابك المبجلة بتريد لسا شي تاني؟؟

أحمد :ههههههههه بريد رجعتك ع الشركة
نور :ماشي بكرى بنقبر برجع أوامر تانية منك ومن بنت عمك المصون؟؟؟
أحمد :ههههه سلميلي عليها تبقى
نور :ماشي
وفصلت الخط وهي عم تغلي من العصبية
شذى :واخيرااا هووه خفت ما تظبط....شبك ساكتة وعم تطلعي فيني هيك
سكتت نور شوي وبعدها مسكت بشذى وبلشت فيها وشذى طبعا ما سكتتلها وبلشوا معاركهم القديمة
___
المسا صفت سيارة حازم قدام بيت حور
حازم :وهي وصلنا يلا انزلي
حور :انزلي!؟ يعني بدك تخلص مني؟
حازم :يا حبيبي رجعنا للنكد
حور :ليكون مو عاجبك سيد حازم؟
حازم :لا عاجبني ومكتر ولك ريتك تضلي كل العمر باركة ع قلبي عم تنكدي منيح هيك؟
حور :امم يعني هلق أنا باركة ع قلبك؟
حازم :باركة ومتربعة ومافي شي بالدنيا بخليك تتزحزحي
حور بدلع :امممم ليش انت بتحبني حتى بدك أضل بقلبك
حازم :قال يعني مابتعرفي بس رح سايرك واقلك بس الموضوع معقد أكتر من هيك خليني اشرحلك بحبك هي كلمة سطحية وباهته مقارنة بيلي بحسو تجاهك انت ما بتعرفي صوتك هالناعم شو بيعمل فيني ولا صوت ضحكتك يلي بتدخل ع قلبي لتعلن انو العيد اجا أما وجهك الفاتن يلي ما بعرف شقد بدي من الكلمات لاوصفو واوصف حالتي كل ما شفتو.. ولا عيونك الحلوين هي الهاوية يلي تفركش فيها قلبي..

عينيك يا _سيدتي الجميلة_ قادرين بس اشوفهم يعطو لقلبي هدوء وسكينة ولو كنت بوسط مدينة صاخبة الحياة فيها ما بتوقف ..وما بعرف شو أحكي عن ابتسامتك الفاتنة وملامحك البريئة وتعابير وجهك المحفورة بعقلي وقلبي كلها شغلات محتاجة كتير من الوقت لاشرحلك عنها.. بس المهم بعد شوية هالغزل خليني افكر ليش بحبك؟!..هالسؤال بدو تفكير وتأمل كتييييير بحبك لانك الوحيدة يلي آمنت فيني حسيت معها بكل أنواع الراحة ووهبتني كل أنواع الحب وخلتني اعيشها.. اكبر مخاوفي صارت إني افقدها او تتخلى عني.. عطيتيني القوة..خليتني شوف حالي بعيونك انسان مثالي او حتى بطل.. حوريتي ما بعرف ليش أغرمت فيك من أول عمري ولآخر لحظة بمشيبي.. الموضوع شوي فوضوي بس انت امرأة مستحيل يحسن الواحد يتجاوزها اما الواحد يضل معك او يضل كل عمرو يدور عليك لاني اي طريق خالي منك رح يكون مأساوي وبالنهاية اي اكيد بحبك لانك انت ما في سبب للحب..
كانت حور عم تطلع فيو بعيون لامعية ودامعة من جمال الاحاسيس والمشاعر يلي كانت عم تعصف جواتها من حكيو يلي لامس شغاف قلبها كلامو أثر فيها وما قدرت تمنع حالها من انها تحضنو وهو يبادلها الحضن وابتسم وهو عم يشوف لمعة الحب بعيونها
حور :ما بعرف شو قول بس شكراً
حازم :اي لااا هلق بعد كل هالحكي بس شكراً؟؟
حور :وقت بكون معك لساني ما بيعرف يطالع هيك حكي
حازم :لسانك وقت تكوني معي ما بيعرف غير نكد ما؟
باستو من خدو وطلعت بسرعة وسكرت الباب
حور :انا رح اهرب قبل ما تبلش انت تنكد علي
عملتلو بايدها باي وهي عم تضحك وركضت ع بيتها
_____
قدام مرايتها كانت نور عم تجهز حالها من الصبح بكير لتطلع ع شغلها..كانت عم تطلع بحالها نظرات اعجاب وهي عم تظبط حالها
نور :ولك شو هالحلو يا نور قمر والله قمر اييه الله يعينو بس ولك أبوس حالي ع هالحلاوة تاري والله الواحد ع الحب بيحلى ههههه
راحت ع الصالون تحضر الفطور بعد ما عملت قهوة للأمهات وبركوا يشربوها ع البلكون.. شوي وفاقت شذى عم تتثاوب
شذى :صبااحو شو هالنشاط ايه الحب وما يفعل يا خيتو
نور :قصو للسانك يا شذى أمي ع البلكون ما تسمعك لتصير العجايب فينا
شذى :ولك ايه سكتنا بس شو كل هالحلاوة
لفت نور حولين حالها وبعدها حطت ايدها ع خصرها
نور :كيف بس؟؟
شذى :ليطير عقلو لابن عمي المصون
نور :انت آخرتك تجيبي أجلنا يا بنتي بس فكري شوي قبل ما تحكي امانة
طلعت فيها شذى من فوق لتحت وتجاهلتها ..بعد الفطور طلعت شذى ع الشركة ونور وأمجد وأمهاتهن طلعوا يوصلوا نور ع شغلها وبعدها يروحوا ع الكراجات يرجعوا لمنطقتهم.. صفت السيارة قدام الشركة ونور عم تدعي ما ينزلوا معها بس شكلهم كانو مصرين ع النزلة
نور :توصلوا بالسلامة ماماتي أنا رح أنزل يالله باي
عائشة :وين رايحة لسا ما أجا وقت الباي نازلين معك مالي رايحة ع محل قبل ما اتطمن عليك
نور :اشو أنا طالبة روضة والله وقت فتت ع المدرسة ما وصلتيني ع مقعدي
زورتها امها ونزلت قبلها ونور لحقتها وهي خايفة..وصلوا ع مكتب نور وكان عليه ورد أحمر بمزهرية ضربت نور ع راسها
نور بقلبها :لااا هدول الهبل عندهم بالجينات كني
تفحصت أمها المكتب وبعدها طلعت ببنتها المتوترة وكملت ع مكتب أحمد دقت وفاتت.. أول ما شافها أحمد قام يرحب فيها بكل احترام وهي تهزلوا راسها وبركت وصارت تطلع ع المكتب والديكور المرتب وبرك احمد مقابيلها