Президент Шавкат Мирзиёев давлат ва жамоат арбоби Исмоил Жўрабеков вафоти муносабати билан ҳамдардлик билдирди.

“Муҳаммад тоғнинг олдига келмаса, тоғ Муҳаммаднинг олдига боради?”

Прогнозлар

Ташқи ишлар вазиримиз Бахтиёр Саидов Қозоғистоннинг янги ташқи ишлар вазири Ермек Кошербаевни лавозимга тайинлангани билан табриклаб, фаолиятига муваффақият тилади.

Исроил бош вазири Биньямин Нетаняҳу Дональд Трамп ҳузурида Қатар амирига қўнғироқ қилиб, 9 сентябрь куни Амирлик ҳудудига ракетадан зарба бериб, мамлакат суверенитетига тажовуз қилгани учун узр сўраган. Айтилишича, ушбу қўнғироқ Ҳамас билан музокараларни бошлаш учун асосий талаб бўлган.

Кеча кечқурун Толибон ҳукумати томонидан Афғонистонда интернет бутунлай узилган. Афғонистонда жойлашган онлайн нашрларнинг ижтимоий тармоқлардаги саҳифалари ҳам ўшандан бери янгиланмаяпти.

Олтин ўрталиқни топиш керак

“Курьерликдан олдин жуда кўп иш қилганман, ҳаммасини айтишим шарт эмас. Вилоятда иш ўрни камлиги, деярли йўқлиги учун ҳам оиламиз, бола-чақамизни ташлаб келиб, шу ерда ҳалол меҳнат қилиб ишлаяпмиз. Бизни ҳам тушунишсин. Қонунни бекор қилишмаса ҳам, кучга кириш муддатини чўзишсин, нархларни пасайтиришсин. Чунки ҳаммада имкон ҳар хил”.

Gazeta репортажи

Ўзбекистон ҳукумати “Самарқанд автомобиль заводи”даги 75,2 фоиз давлат улушини Туркиянинг “Anadolu Isuzu” компаниясига 80 млн АҚШ долларига сотган. Харидор, бундан ташқари, 80 млн доллар миқдорида инвестиция киритиш мажбуриятини олган.

7–9 октябрь кунлари “Ўзэкспомарказ”нинг 3–4-павильонларида Божхона қўмитаси, Савдо-саноат палатаси ҳамда Инвестициялар, саноат ва савдо вазирлиги ташаббуси билан “UZBEK IMPORT FAIR 2025” I-халқаро кўргазмаси ўтказилади.

Тадбир иштирокчилари 24 та саноат йўналиши бўйича самарали ечимлар билан танишишлари, шунингдек, трансмиллий компания ва брендлар билан В2В мулоқот олиб бориш имкониятига эга бўлади.

Барча тадбиркор ва ишлаб чиқариш корхоналари вакиллари ушбу кўргазмага таклиф этилади.

Реклама

Сўнгги 9 соатдан бери Ерда “қизил” хавф даражасидаги кучли магнит бўрони қайд этилмоқда. Хусусан, 8 баллик қўзғалишлар кузатилган. Жорий тонгда эса қутб атрофи ҳудудларида шимол қутб ёғдулари ҳам намоён бўлди.

Тошкент вилоятидаги боғчаларда заҳарланган ҳамда касалхоналарга ётқизилган болаларнинг деярли барчаси оиласи бағрига қайтган. Нурмат Атабековнинг билдиришича, ҳозирда шифохоналарда 3 нафар бола қолмоқда, уларнинг аҳволи ҳам барқарор.

Мактабгача ва мактаб таълими вазирлиги маълум қилишича, 2 октябрдан бошлаб барча боғчалар ўз фаолиятини одатий иш режимида давом эттиради.

Шота Руставели кўчасидан ҳаракатланиш қоидалари

CAEx HoReCa | UzFPT 2025 шу ҳафтада старт олади

2025-йил 2–4-октябрь кунлари Тошкентда CAEx HoReCa | UzFPT — озиқ-овқат маҳсулотлари, қадоқлаш, қайта ишлаш технологиялари ва HoReCa учун ечимларга бағишланган 2-халқаро кўргазма бўлиб ўтади.

• 3 кун давом этадиган кўргазмада қуйидаги имкониятларга эга бўласиз:
— етказиб берувчилар ва дистрибюторларни топиш;
— ҳамкорлик шартларини таққослаш;
— ишбилармонлик алоқаларини кенгайтириш, турли мамлакатлар тажрибасини ўрганиш;
— бозордаги долзарб янгиликлар билан танишиш.

• Кўргазмада Ўзбекистон, Россия, Қозоғистон, Жазоир, Миср ва Хитойдан 40 дан ортиқ компания иштирок этади.

📍 CAEx, Тошкент
2–4-октябрь, соат 10:00–17:00

Рўйхатдан ўтиш ва кириш — бепул

Реклама

Ипотека кредитлари бўйича субсидияга аризалар қабул қилиш 2 октябрь куни соат 09:00 да бошланади. Фуқаролар субсидия олиш учун Давлат хизматлари марказларига мурожаат қилиши, my.gov.uz портали ёки MyGov мобил иловаси орқали ариза топшириши мумкин.

Ариза берувчилар ижтимоий мезонлар асосида баҳоланиши ва камида 30 балл тўплаши шарт. Шунингдек, улар ва яқин қариндошларининг ўртача даромади белгиланган чегараларда бўлиши лозим: ҳудудларда 3,4 млн сўмдан 10,1 млн сўмгача, Тошкент шаҳрида эса 3,4 млн сўмдан 11,6 млн сўмгача.

Муҳим шартлардан бири — ариза берувчи ёки унинг турмуш ўртоғининг номида республика бўйлаб турар жой мавжуд бўлмаслиги керак. Ижтимоий ҳимояга муҳтож айрим шахслар эса алоҳида мезонлар асосида баҳоланади.

Америкада конгресс пул бермагани учун ҳукумат ёпилди. Шатдаун (shutdown) охирги марта 2019 йилда 35 кун давом этган эди. Ўшандаям президент Трамп эди. Демократлар бир қатор социал дастурлар тикланиши, муддати чўзилишини талаб қиляпти.

Қоида тариқасида, шатдаун юз берганда аксарият федерал идоралар аҳолига хизмат кўрсатишни тўхтатади. “Мажбурий” ёки “муҳим” аҳамиятга эга бўлган фаолият давом эттирилади.

Масалан, АҚШнинг Тошкентдаги элчихонаси фавқулодда ҳолатлар юз бермаса, Telegram аккаунти янгиланмаслигини, виза хизматлари эса давом эттирилишини билдирган.

Тошкент ер усти метроси 18 октябрдан қайта ишга тушиши кутилмоқда.

Қаҳрамон ўқитувчи ҳаёти ҳақида таъсирли филм тайёрлашибди

Тақдир қийинчиликларига дош бериб муваффақиятга эришиш ҳикояси

https://youtu.be/_S3z64d-y2s?si=cQRlkC9_cJEWa3CS

Маънавият ва маърифат маркази “Манзил…” номли янги ролик тайёрлабди. Унда Президентдан совғага машина олгани билан танилган ёш устоз Эъзозбекнинг бир кунлик ҳаёти тасвирланган. Оддий ва самимий тарзда суратга олинган ушбу видеони, албатта, кўришни тавсия қиламан.

Электрон тўлов тизимлари тўғрисидаги қонунчиликка ўзгартириш киритилиши кутилмоқда. Натижада Apple Pay ва Google Pay сингари халқаро тизимлари Ўзбекистонда ишлаши мумкин бўлади. Бу ҳақда Шавкат Мирзиёевнинг Нью-Йоркда АҚШ етакчи компаниялари, инвестиция жамғармалари ва молиявий институтлари раҳбарлари билан ўтказилган давра суҳбатида сўз борган.

Қатарга қилинадиган ҳар қандай ҳужум АҚШ тинчлиги ва хавфсизлигига таҳдид сифатида кўрилади. Дональд Трамп ўз фармони билан Қатарга Американинг хавфсизлик кафолатини тақдим этган. Ушбу хавфсизлик кафолати, гарчи конгресс томонидан маъқулланмаган бўлса-да, Исроилнинг Доҳага ракета ҳужумидан сўнг Қатарни ишонтиришга қаратилган.