‏ليت المواليف دايم حالهم طيب
ماكان يشتكى كثير الناس من همه

وليت الزعل بينهم ممنوع ومغيب
عشان تبقى القلوب الخضر ملتمه

‏كنا على وضح النقا أجمل أحباب
كان الوفا و الوصل بيني و بينـك !

ماكنت تكذب لا حشا مانت كذاب
لكن ابسأل يا الوفــي .. أنت وينك

‏ﻻعاد تـنـشــدنـي اذاغبـت ويـنـك
مليت اسامح وانت اغلى العزيزين
من اول ارسل شعر عـلشان عـينـك
والـيـوم لاوالله عشـان المضافـيـن

‏الجرح مايدري به الا معانيه
مدري متى جرح المحبه يشاوي

حتى الحبيب اللي توده وتغليه
اصبح على فرقاك بالهجر ناوي

‏ماني مجازيك في صدّك و هجرانك
ودّعتك الله و تلقى واحدٍ ثاني

أتعبت الأعيّان و الأقدام من شانك
و أنت ولا شي سوّيته على شاني

‏يدري بأني أقصدَه في قصيدي
ويَدري بأنه في حياتي قصيدَة

أصدَق قصيدَة ترتوي من وريدي
تحكي قديم الشوق ولا جديدَة

‏كل المعاني في وجودك قصـــــــيدة
وكل المشاعر عقب عيـنك ولا شـــي
يا ملهـم احساس الغـــــلا من وريده
ياليل عمـــري يا سنا الشمس والضي

‏وشلون ابكتب في وداعك قصيده
وانت ان طريت بعز ضيقتي تبسمت

ممنون لك عن كل لحظه سعيده
انا احب بصمت وافارق بصمت

‏صدق المشاعر تصنع انسان شاعر
والناس تقرا وش كتب في جديده
.
عينه تشوف ان "القصايد"مشاعر
وانتم تشوفون المشاعر"قصيدة

‏تدرون وش يعني كتابة قصيده؟
يعني شعور وبوح يطلع من الروح

يطلع على صدر الحرووف الفريده
تسترسله مابين غامض ومفضوح

‏عطنا من احساسك قصيده للدفا
البـرد مايستوعب احساس البشـر
عن التعـب .عن الوصـل.عن الجفا
انـا مجـرّد مُستمع وانـت الشعـر

‏يشهد على حبك قصيدي والأوراق
ي اللي وصالك فرض و الناس سنّه

الله ي صـوتك إذا صـرت مشـتـاق
كن الحيــاة بعـيـن مـغـليك جـنّـــه

‏أكتب قصيدي فيك وأشطب حروفي
أغار من شعري عليك أنـــت بالذات

وأحيان أحس الحرف ماعــاد يوفي
لأنك بقلبي فــوق كـــــل العبارات

‏جيت اكتب ابياتي وانا داخلي شي"
عجزت حتى في قصيدي ابوحه"

وسجيت في ماضي ذبحني وانا حي"
وخليت قلبي مرتبك في جروحه"

‏خذ من قصيدي مايلامس مشاعرك
وخذ من شعوري مايكفي شعورك

لاصرت مالك قلبك وصرت شاعرك
اقطع يمين اللي مايرضي غرورك

‏يسعد صباح اللي فقدني من الناس
لاغبت يفقـــدني و لاجيـــت هلاّ

ياسيــدي قـدرك علي العين والراس
هاك القصيد وفي قصيدي تسلاّ

‏تـعـبـانه يـالـشعــر وهــذا جديــدي
النـفـس طابت مـنـك وأشـياء واجد
ولعـيـون كـل اللي يـتابع قصيدي
صرت أدخل أنشر عـشان التواجد👋🏻

‏نـاسٍ تـردد ڪــل بـيـت اكـتـبـه فــيــك
والناس ماتدري خفا بعض الاشعار
انا اكتبه من شـوق والبيـت يعنــيـك
والـناس تـاخـذ من قصيدي وتختـار

‏ما عاد عندي قصيدٍ يشرح اوضاعي
اللي بقلبي يشيب القاف .. ما جابه

‏ياعزوتي تكفون وانتم تسوقون
لحدن يحاول يلتفت صوب جواله

الناس ماتت بالحوادث : تشوفون
وش ذنب بيتك لا فقد راس ماله .