صحتني وتمسح براسي مثل ليتام
خبر مسلم وصل كلي علية شضام
يعمي النة القتل عادة
الشهادة ديدن السادة..علية شضام
#######################
اذا ميت ابوية لثورتك فدوة
بس كلي بهجمتة شسوة ماسوة
اعرفنة يهد مروة مو نخوة
ويطش روحة فدة لورادت الخوة
اذا رادت الخوة الروح يفديهة
وعرفة الخاطرك مسلم يسويهة
نذرلك روحة وولادة
الشهادة ديدن السادة..علية شضام
#######################
سولفلي بهجمتة شسوة بلكوفة
ارتجز لو سيفة ضل يرتجز بجفوفة
ابو كلب الكوي المايعرف الخوفة
اذا مر سيفة بيهم ياهو اليشوفة
الحرب لو طبهة مسلم بالضحاية اتدوس
وبدون احساس تبقة الدنية تمطر روس
يعمي حجيلي بمجادة
الشهادة ديدن السادة..علية شضام
#######################
يطش فرسانهم بلحرب من تلتم
بت مسلم وعرفة لو هجم مسلم
وعن موضوع طوعة رايدة اتكلم
شضمت من ابوي وهوة ماينضم
شتضم من ابوي وهوة شيكضة
الشرد من جمر سيفة ياكبر حضة
المراجل ورث لجدادة
الشهادة ديدن السادة..علية شضام
#######################

قبل ماتحجي اريد احجيلك القصة
مقياس الزلم من تعرك الكصة
وبن عمك يطبهة وهية مرتصة
مامتوصي بس من يطبر موصة
موصيتة الحمية يطك ميثني
بطل جايبتة امة امفصل الذني
بطل من يوم ميلادة
الشهادة ديدن السادة ..علية شضام
#######################
اذا ميت علية لايضل بالك
يالحاسب حميدة حسبة اعيالك
يبو السجاد انة مدللة بجالك
يعمي عوف كلشي حجيلي بحوالك
بس كون انتة سالم والمصيبة تهون
ابوي وكل اخوتي فدوة الك يرحون
ابوية حقق الرادة
الشهادة ديدن السادة علية شضام
#######################
ذوالفقار الزيدي

ياعمة يامسلم انة الزهرة حضرتك
بلكوفة شفتك وحدك تندب غربتك
جيتك انة ام الحسن..شفتك غريب الوطن
#######################
شفتك وحيد..جفون عينك ذابلة وتشكيلي غربة
شفتك وحيد..ما الك بلكوفة ضلت عمة صحبة
من حضرتك شفتك بعينك تدير
ماالك صاحب يعينك لانصير
حسين هم مثلك بكاع الطف يحير

مثلك حسين بكربلة هم يبقة حاير
والندبة تشبة ندبتك هل من مناصر
واحضر واكلة بحزن..شفتك غريب الوطن
#######################
جنك حسين..ذابلة شفافك مثل ماتذبل شفاه
جنك حسين..نفس جرحك هذا يم حسين تلكاه
تشبه حسين بشفاهة الذابلات
هوة هم ينمنع من ماي الفرات
يمة بس ماتنسبي عندك خوات

بلكوفة ماعندك اخت يسبوهة مثلة
ولاخيمة عندك تحترك بس خيمة اهلة
مالك خوات انسبن..شفك غريب الوطن
#######################
طوعة بالدار ..ماتضمك لان شمس اللة شيضمهة
طوعة بالدر..اوتك بس غربتك حسيت المهة
عليك حتة الخاطر انطر خاطرة
ولد هاشم صعبة تاويه مرة
الناس بيهة تلوذ دنية واخرة

طوعة صدك ماقصرت بس عمة صعبة
والمثلك مجازا هلا موهيجي غربة
الهمك ضلوعي انحن ..شفتك غريب الوطن
#######################
من حميدة..تنوح اذكر ونة بالطف الرقية
من حميدة..تبقة بعدك غاد تنعاد القضية
اثنينهن يتيتمن بين الغرب
وعالطفل فكد الابو كلش صعب
ودمعي يحتار اعلة ياطفلة يصب

والزمن نفس الجرح هم بالطف يعيدة
بت الحسين الي تون تشبة حميدة
جرحيني يتشابهن..شفتك غريب الوطن
#######################
من يهدوك..يمة من قصر الإمارة الكاك بيدي
من يهدوك ..ما اعوفك يالكلتي ابنج عضيدي
يالفديت اوليدي من دم النحر
انة اتلكالك لمن تنشمر
ياصبر وتعلم الناس الصبر

يالي فديت حسينك ودينة ابدمائك
ويلكتلة يرضي الذي حصل رضائك
من الشيلة الفلك جفن..شفتك غريب الوطن
#######################
ذوالفقار الزيدي

ذو الفقار الزيدي
عليك اخاف من الحسد مولحضة المنية
وهسة اقدمك للذبح يالاكبــر ابئديــة
خابت امنياتي....روحتك وفاتي
ــــــــــــــــــــــــــــــــــــــــــــــــــــ
الله وياك يبني ترجع بالسلامة الله وياك
الله وياك ياترف جنك حمامــة الله وياك
روح يبني وبلكي ترجـع سالـم
راح اكابر حزنك اعلة الوادم
ودير بالك من بكر بن غانــــم
خطوة خطوة بمشيتك ورد العمر تحسبلي
وراح اناطر رجعتك ودموعي جية تعدلـي
وحسب بحياتي....روحتك وفاتي
ــــــــــــــــــــــــــــــــــــــــــــــــــــ
من اشوفك جني شايف وجه جدي من اشوفك
من اشوفك رايح بعمري تبدي مـــن اشوفـــك
وهسة راح تروح يبني مــن ادي
وتضلم الدنية لان وجهـك الضـي
وبعدك اوجاع النبي ترجع علــي
بكل معاني المصطفى تذكرني من اشوفك
ويصعب علية يبوية للمنايــــــة اعوفـــك
انتة ذكرياتي....روحتك وفاتي

ــــــــــــــــــــــــــــــــــــــــــــــــــــ
الله يدري لورحت شيصير بية الله يـــدري
الله يدري راح اشوف اشجم منية لله يدري
غالي وتعرف بوداع غالـــي
راح تاخذ بوية راحت بالــي
وملك موتي بروحتك يبرالي
شنهو حالي من اصد رايح جمال عيونك
من اشوفك للخيم متكطـــــع ايجيبونــــك
جيبتك مماتي....روحتك وفاتي

ــــــــــــــــــــــــــــــــــــــــــــــــــــ

شوف وجهي انتة يمي وهالتغيــر شوف وجهــــي
شوف وجهي من كلامك صاير اصفر شوف وجي
انتة يمي وهالتغيــــر لونــــة
لوتروح ايصير كلي شلونــة
بوية صعبة المثلك ايودعونة
انتة يمي وماشيت وكلشـي بية تغيــــر
بعدك شيجرة علة حالي لورحت يالكبر
تغيرت صفاتي....روحتك وفاتي

ـــــــــــــــــــــــــــــــــــــــــــــــــــ

انة والد صعبة اب يودع ابنـــة انة والد
انة والد الابو يريد ابنة اليدفنة انة والد
انة اريدك بيدك تلفلي الجفــن
وتنحب علية لون صار الدفن
موش اقدمك للمنية وبقـة اون
اني ردتك يمي تحضر تقرة بالعديلة
مو اشاهد خوتك جسمك وذر تشيلة
ودمعي بل عباتي....روحتك وفاتي

ذو الفقار الزيدي

ذو الفقار الزيدي
نار نار .. اشتعلت أجواء الحـرب
نار نار .. شورطة البيهة يطب
صوت الانصار اعتلة ...وحضر صار بكربلة
ـــــــــــــــــــــــــــــــــــــــــــــــــــــــــــــــــ
نار الغيرة تلهب..والشعلته زيبنب..وضلت بيهم اتشب
جلمات العقيلـة
رادت تختبرهم..دزت طارش الهم..كضولــــة عكلهم
والشيبة الجليلة
كلولة روح الزينب وكلهةــــ تبشريـــن
واحدنة ناذر روحة حدر اجدام الحسين
روح روح .. من الخـيـم كلولــــة
روح روح .. خل تشوف الصولـة
شلون صولة معدلة...وحضر صار بكربلة
ـــــــــــــــــــــــــــــــــــــــــــــــــــــــــــــــــ
هــــدو وشيكضهم..ويا كــــاع التلمهم..زينــب فزعتهم
فزعتهة اعربية
عمي وحكة عابس..لوطر الملابس..شخلت عندة واهس
فتوى الهاشمية
من حكة شك ثوبة وطلع مستأذن حسيـن
من غير فزعة وهوة بحساب المجانيــــن
سيف سيف .. طلكة وميريـدة
سيف سيف .. طلع فازع بيدة
وصرع كلمن قابلة...وحضر صار بكربلة
ـــــــــــــــــــــــــــــــــــــــــــــــــــــــــــــــــ
شماتثكل يثبتون..وللصعبة يطبون..اشسوة مـــن هجم جون
بالجيش وكيانـة
سوة الميسرة ايمين..كلة الخاطر حسين..ماجن عمرة تسعين
ضرباتة برزانة
جون بهجمته الجيش حس طعم المخاطر
وجا بعدة ماشيف حبيب ابـن مضاهـــــر
تاه تاه .. وبعد محد طالع
تاه تاه .. لابريـر ونافـــع
توهم يحضرون الة...وحضر صار بكربلة
ـــــــــــــــــــــــــــــــــــــــــــــــــــــــــــــــــ
حال الجيش عسر..وتيه فكرة وفتر..من طبهم يزمجر
عمر بـــن جنادة
عمرة زغير تـوة..بس هاجم بقــــوة..جايبتة المــــروة
وهد بيهة بجلادة
صاح اسمعوني مااكلكم ياهــــو انـــي
بس جلمة وحدة حسين هوة الحزماني
جيت جيت .. مرتجز بحسينــي
جيت جيت .. وعفت كل اسنيني
قافل اعلة المسألة...وحضر صار بكربلة
ـــــــــــــــــــــــــــــــــــــــــــــــــــــــــــــــــ

ذولي انصار الحسين..من ثارو براكين..طبو مستميتين
ياجيش اليصدهم
متردهم كتايـــــب..ردادة طلايــــب..يسوون العجايـــب
لوواحد يضدهم
ملك المناية اطاهم بكل فخر دورة
من شافهم بالمعركة عاشو شعورة
شاف شاف .. منضر وضل حاير
شاف شاف .. بس زلــم تطايــــر
انترست اشلاء الفلة...وحضر صار بكربلة

ذو الفقار الزيدي

شهم حزم شهم..زلم فزعت زلم
انصار لحسين..انصار لحسين
#######################
ينادون ..يهتفون. .هلة بجيت الاجل
الكبار..والزغار..فحل حشم فحل
وحبيب وعابس وجون
المانايهم يهوسون
امر وحد يتانون..يكلبوهة الحرب
بكثر مامستميتين
درع صارو للحسين
زلم لاجن براكين..تفور من الغضب
عزم هدبعزم..زلم فزعت زلم
انصار لحسين. .انصار لحسين
#######################
بن رياح..اجة وصاح..انة اول من يطب
الي دين..ويالحسين..والي موقف رعب
انة الجعع بالعيال
انة الخوفت الطفال
وجيت مشكل شكال..اكفر هالخطة
اجيت اوفيلة بدماي
اجيت وابني وياي
وطب بهالحرب هاي..الطلعلي شورطة
يهم لا مايهم..زلم فزعت زلم
انصار لحسين. .انصار لحسين
#######################
وهب كال..يالبطال..وصيت امي جبت
بني هاي..وفة ارباي..بحجية تحزمت
وجيت بفزعة امي
بوريدي يفور دمي
وطب للحرب همي..بحركتي وارتجز
وصيح انة الفدائي
الحسيني ابئنتمائي
ونادي ومن ندائي..الجثث والله تفز
حسم رايد حسم..زلم فزعت زلم
انصار لحسين. .انصار لحسين
#######################
طلع شاب..من الاصحاب..العمر حسبة ورد
حمل سيف..جمر صيف..ويشد شما تشد
طلع خلفة جنادة
لبس ثوب الشهادة
طلع مليان ارادة..طلع مثل الأسد
هتف بحسين اميري
تحشمت بضميري
لخلي الجيش اسيري..واشهد الماشهد
خصم ميضل خصم..زلم فزعت زلم
انصار لحسين. .انصار لحسين
#######################
وبن قين..وكف عين..نصب عمرة حرس
النوة يفوت..لكاه موت..كطع نفس النفس
بطل صنديد ضرغام
جبل يكشف بلسهام
بكفاه الفاختة تنام..كثر ماخلة امن
بصلات الخوف واكف
يسطر بالمواقف
ترس بيهن مصاحف..بطولات انقرن
اسم يحفرلة اسم. .زلم فزعت زلم
انصار لحسين. .انصار لحسين
#######################
ذوالفقار الزيدي

((ميمر للخدمة))

للخدمة احن..وابجي ابحزن..وافتح عزة بزينب تون
وبصرختي اللهابة
ايا يحسين ومصابة
#######################
للخدمة والمنبر هلي نذروني
وتهدل ابنص العزة ايحثوني
الحد ما تعلمت العشك لجنوني
اعرفت العشك..يوم الطبك.. وجرح الخيم من تحترك
العاشك يحط اوسامة
بالعاشر اعلة الهامة
#######################
لن الخدمهم من جهنم ميمون
ومن حمزة متعلم التوضع ميمون
جابر يجابر يقرة وية الميمون
جنة حضر..شاف النحر..والخيل تسحك عالصدر
جن شاف ذبح ايمامة
وسامعهة طكت عضامة
#######################
حب الحسين المجلسة دلانة
ونبجي ونون لشفايفة الذبلانة
ولعيون زينب من بقت سهرانة
يوم البجت..لمن بقت..وحدهة والعين انعمت
والوحشة مليانة جورح
منهة اشعجب ضلت روح
#######################
ابجي المصابة مو اجر ويجرني
عبد الزجية ابمقتلة ويجرني
اتمنيت بجفوفي الحبل ويجرني
بيدة الشمر..وشبع سطر..ولاتنجتف ام الخدر
وروحي بحطب حركوهة
ولازينب يطلعوهة
#######################
الله اعلة دمع مصيبتة فاطرنة
شماصحنة يحسين انكسر خاطرنة
وعاشر حزنهم منحسب عاشرنة
ابذكرة البلة..بطف كربلة..واحدنة جن ماتو هلة
ولمن يهل دمع العين
ايحس بيتم بعد حسين
#######################
صبار لوصار الدهر معشوكة
اكلوب الحسينية تضل معشوكة
يبقة الحسين الخادمة معشوكة
يضل مجلسة..وحب عابسة..ولحرارة تبقة المدرسة
ومن العزة اتعلمنة
دم السبط حررنة
#######################
الخادم ذوالفقار الزيدي

((ميمر))

العاشر يمر..يشعل جمر..ماينطفي ابنص الصدر
والهذا غيرت عباس تلكاهة باللطامة
#################################
اللاطمة شي متهدلة شي متوزرة
جمرة ابكلبهة اشيطفي هاي الجمرة
واحدهم الذكرك يخّسف صدرة
هذا اللطم .يالمنحرم..لمصيبتك حركة وهضم
ولمن يدك الشادود تسمعهة طكت اعضامة
#################################
ايصيح اليحبك ياترف ينساني
يلحبة بالدم ولحم ينساني
حاشاه لن يوم الوعد ينساني
بالأخرة ..بلاية سرة..اتفوت الخدم مستبشرة
هذا يقين الخدام حسين ايعرف خدامة
#################################
ليلة عزائك بالحزن نحيهة
وبجينة ننشد كربلة نبديهة
جي بيهة زينب كالو ميسريهة
اعليهة انعتب ..لنهة ذنب..بيهة الحرك بيهة السلب
انعاتبهة شمسوي حسين ونتي الحركتي اخيامة
#################################
جروح الخواتك دملن ويفرن
اشمال الليالي ايعاندن ويفرن
شب الجمر وسط الخيم ويفرن
فوك الحرك..جمرة وسحك..هذا اليسب ذاك اليطك
حرك الخيم خلف نار وترجمت بالقامة
#################################
انعضم شعيرت مجلسك بقراية
والغاية خدمة وتعرف انتة الغاية
حسن النواية اترجمة المشاية
ابنكل الجدم..عندك علم..شطال العمر ضل هالرسم
وهم اليخدمك يحسين بالخدمة يرفع هامة
#################################
اعضم مصاب امصيبتك والدهه
حسرة بكلبنة من الحزن والدهة
خدامك اتحس انفكد والدهة
صاير اخو..وصاير ابو..كد ما حمل صدرك دفو
ياوالد ابيوم الطاح حسينة صرنة ايتامة
#################################
ذوالفقار الزيدي

ذو الفقار الزيدي
يحسين ..دم تبجيلك العين..واسأل مجلسك وين
وحضر بلعزية
والكاك..جرح بكلبي ونعاك..جني حاضـر وياك
يوم الغاضرية
ـــــــــــــــــــــــــــــــــــــــــــــــــــــــــــ
سيدي منحضـر عزائـك انـــة مارايـــد أجــــر
بس مصابك يبو سكينـة والله شاعلنــي جمــــر
ياأجر هذا الاريــدة وراســك يحـــزة الشمــــر
وفوك ذبحك خيل عشرة تكسر اعضام الصدر
والخيل..ماخلتلك اضلوع..وطكهن صوتة مسموع
هاي اكبر رزية
والكاك..جرح بكلبي ونعاك..جني حاضــــــر وياك
يوم الغاضريـة
ـــــــــــــــــــــــــــــــــــــــــــــــــــــــــــ
الحاضر المجلس مواسي ودمعتلك عينــــة
هذا عايش طف جراحة وميت اعلة حسينة
ياوجة الله وجلالـــــــة العفرولــــة جبينـــة
وساتر الدنية بعراتـــة ودمــــة ثبت دينـــة
مطروح..نومك عالترب دين..بركباب الموالين
كاتبتة الزجية
والكاك..جرح بكلبي ونعاك..جني حاضر وياك
يوم الغاضرية

ـــــــــــــــــــــــــــــــــــــــــــــــــــــــــــ

خنصرك رافع السبعة ودمك امثبـت الأرض
لهذا فضلك ياحسين اليحضر المجلس فـرض
ساكن اكلوب التحبك سيدي بطول وعـــرض
وموترف هذا جزعنة بينـــــة دمــــك ينتفض
والروح..لمن تجزع بثار..خيمـة وشبت النار
وجروح السبية
والكاك..جرح بكلبي ونعاك..جني حاضر وياك
يوم الغاضرية

ـــــــــــــــــــــــــــــــــــــــــــــــــــــــــــ

شنهي طعم الدنية كلي بغيـر كلمـــة ياحسين
هاي كلمة ايرددوهة بكل شعار العاشكيـــــن
ولولا هاي اربع حروفك جابقينة يغير ديـن
ويعني كل مسلم حقيقي بمجلسك عندة اليقين
بدماك..ماردينـــــــة للات..وبفضـــل القرائات
عليك المنبرية
والكاك..جرح بكلبي ونعاك..جني حاضر وياك
يوم الغاضرية




ـــــــــــــــــــــــــــــــــــــــــــــــــــــــــــ

والتسمـــة اعليـــك خادم فاز دنيــــة واخــــرة
اشكبر حضة الابن ضاهر سجل اسمة بدفتـرة
وباجـــــر اكبال الزجيـــة خادم حسين انقـــرة
بجنة ام الحسن يدخل وابـــد مايلـــــزم ســـرة
وهناك..بالجنة الموالين..وية ام حسن وحسين
تلطملك سويـة
والكاك..جرح بكلبي ونعاك..جني حاضر وياك
يوم الغاضرية

ذو الفقار الزيدي

لوينكشف عن العيون..تبقة الحسين العرفناه
ميعرفك اله البيك مجنون. .الصبحة ومسيتة واحسيناه
#######################
العايش الطف وجراحة والك دمعت عينة
عنة لو كشفو غطائة تبقة ذاك حسينة
بكربلة الشافك غريب وعالثرة مكطعينة
عرف كلمة ياحسين وبيهة ثبت دينة
والراسمك خارطة جروح..خطك وطن بالكلب تلكاه
وميعرفك الة البيك مجنون. .الصبحة ومسيتة واحسيناه
#######################
البصر مايختل يقينة حتة لويصبح حديد
يبقة جرحك هوة جرحك تبقة لحسين الشهيد
تبقة ابو الجثة السليبة المنكطع منة الوريد
وتبقة اخو زينب هذيجة الطبت بمجلس يزيد
تبقة الي ضل بلاية تغسيل..ذاك الذبيح الذابلة شفاه
وميعرفك الة البيك مجنون. .الصبحة ومسيتة واحسيناه
#######################
انتة ذاك حسين انتة العاشكينة من الزغر
البيك الله أنعم علينة وبتدينة من الصفر
والله لولحضة نتركة يصير واحدنة الشمر
وين نلكة حسين مثلك طيب اواسع صدر
الكل رحمة الله توصفت بيه..ينسانة ربنة لو نسيناه
وميعرفك الة البيك مجنون. .الصبحة ومسيتة واحسيناه
#######################
البصبح يندب حسينة ويندب حسينة المسة
هذا مجنونك تعلم هالعشك من عابسة
ومن ابن ضاهر عرفهة حبك اكبر مدرسة
ولابس الحزنك السواد اوالك ناصب مجلسة
الناصب عزائة عاشك دموع ..بنفاسة حزنك يطلع بآه
وميعرفك الة البيك مجنون. .الصبحة ومسيتة واحسيناه
#######################
حسين من نحضر عزائك والله مندور ثمن
انريد بس ترضة علينة حتى نرضي ام الحسن
حتى نحضة بنضرة منهة والكبر يصبح أمن
وبالحشر تشفع الزهرة لبو عيون الدمعن
الدمعة نزل بالمجلس عليك..يلكة الدمع بالحشر نجاه
وميعرفك الة البيك مجنون. .الصبحة ومسيتة واحسيناه
#######################

يبن شبيب ..ان كنت باكين..فبكي على الغريب
#######################
ان يوم الحسين اقرح جفوننا اسبل دموعنا واذل عزيزنا في ارض كربلاء
اه اه وخيمة تحرك بخيمة
اه اه ايتمة تلزم يتيمة
الموادع صعب بس ما يئذيني
بكثر ما قصة الحرة تبجيني
علة هاي المصيبة تجرحت عيني
يبن شبيب. .ان كنت باكين. .فبكي على الغريب
#######################
ان يوم الطفوف حللو دمائنااحرقو خيامنا وسبو نسائنا انة يوم البلاء
ويل ويل ياطلعته عماتي
ويل ويل حركن صدي بهاتي
صعب من تنحجي كلمة المسبية
علة زينب عمتي الراضية المرضية
وهية ام الخدر وام الستر هية
يبن شبيب ..ان كنت باكين. .فبكي على الغريب
#######################
ان يوم الجراح قتلو انصارنا ذبحو اولادنا اخرجو عماتنا بعد حرق الخباء
شاب شاب مثل الورد من طاحو
شاب شاب كلبي وراسي من راحو
اذا طاح العزيز بطيحتة يكلف
يخلي العين وبتوت الكلب تنزف
ونة الفاكد عجيد حجايتة تشرف
يبن شبيب. .ان كنت باكين. .فبكي على الغريب
#######################
لو ترى يبن شبيب عمتي كيف اصبحت بعد عزتها انسبت ورئيت مارئت مت نوحا وبكاء
حيل حيل سوط الشمر ياذيهة
حيل حيل صدك مابقة عليهة
شيضل ياحيل بيهة تحتمل ياحال
تباري بالعليل ولو تلم اطفال
ترة المرن عليهة يفطرن لجبال
يبن شبيب. .ان كنت باكين. .فبكي على الغريب
#######################

زينب من مثلها قد رئت ملا نرى اخوتن فوق الثرى وجرا مالاجرى ورئت شتى العناء
ضيم ضيم بعد اخوتهة شوفوهة
ضيم ضيم قصة زينب ارووهة
الروايت بحزن عن زينب احجوهة
وعلة اطوار المقاتل كون تقروهة
ويدنك راسة كلمن كال طلعوهة
يبن شبيب. .ان كنت باكين. .فبكي على الغريب
#######################
ذوالفقار الزيدي

ذو الفقار الزيدي
الكال زينب تنسبي....مادرة ابت النبي
زينب خذت..راس ومشت..بي تنشر اسلام
ـــــــــــــــــــــــــــــــــــــــــــــــــــــــــــ
زينب ماسبوهة .. اخذت راس اخوهة
ولبست عزم ابوهة .. وخذت من طباعـــة
تشبه ام ابيهـــــــة .. من يكدرعليهــــة
عالمة وفقيهــــــــة .. واستاذة شجاعــــــة
بت علي راحت رسولة النشر الاسلام
ولوتعانــــــــد شامهم تركعهـــة بالشام
للصعاب مدبـــرة....وناوية اعلة الزمجرة
الهم نوت..راس ومشت..بي تنشر اسلام
ـــــــــــــــــــــــــــــــــــــــــــــــــــــــــــ
الهة من يقابــــل .. هية اخت ابو فاضل
مرأة اتكت مراجل .. تربات النشامــــــــــة
متهاب اليضدهة .. والشام بعددهـــــــة
لوطلعت تردهــــة .. وتســــوي القيامــــــة
غضبت وراحت تشوفهم بطـولات
وال امية ويلهـــة مـــن الهاشميات
هاشميـة وغضبت....الـذل امية قررت
وتوعدت..راس ومشت..بي تنشر اسلام
ـــــــــــــــــــــــــــــــــــــــــــــــــــــــــــ

خل تشرد زلمهم .. زينب ناوية الهم
همـة والحكمهـــم .. بالذل والفضيحــــة
وتهز الكراسي .. لوجانت رواســـي
ومتخلي سياســي .. ماتكشف قبيحــــــة
دولة ايزيد وسياستهــة الخفيـــة
اليوم تكشفهة الشجاعة الفاطمية
تكشف اسرار الحقد....وزيف كل خلفة هند
وشخططت..راس ومشت..بي تنشر اسلام

ـــــــــــــــــــــــــــــــــــــــــــــــــــــــــــ

اغتاضت وشيلمهة .. من شدت عزمهــة
اخذت شيلة امهـــــة .. وتعصبت بيهــــــــة
شمت علك بنفاس .. بيهة تهــد الارجاس
من رايـــــة العباس .. مشــــدود بأديهــــــة
شيلة الزهرة وعلك من راعــي الماي
اخذت وخل يعرف ايزيد النصر جاي
خل يعرفون الكفر....جتي زينب تنتصر
وشحضرت..راس ومشت..بي تنشر اسلام

ـــــــــــــــــــــــــــــــــــــــــــــــــــــــــــ

الثورة الزينبيـــــــة .. ثــــورة رافضيــــــة
قادتهة الابيــــة .. ضد اهل السقيفة
نشرا للضلامــــــة .. ونصـرا للإمامــــــة
والدين ومقامـة .. والدعوة الشريفة
قدمت دم الحسيــــن الربهــــة قـــربـان
حتى دين المصطفى يضل فوك الاديان
بوجه امية واكفة....النصر دين المصطفة
ﻻ ما حنت..راس ومشت..بي تنشر اسلام

ذو الفقار الزيدي