عاشر بس معانتة بعواشر
موتني اويه لحضاتة الاواخر

رسملي انحور كلهن ابدم
عليهن صلى ماسلم..ياهلنه
#################################
مر عليه ومن صباحة جنة وحشت مغربية
مر خريفة ابتوت كلبي وضياعكم من اديه

عجبة كلبي ايضل يدك
من اذكر ايام العشك
والخيم شبعت حرك ..من بعدكم

دخان الخيم تارس هوايه
وعمية عيوني من ضيعت ضوايه

الجرحة اخوانة مايلتم
عليهن صله ماسلم ..يا هلنه
#################################
احبال ودكم من بعدكم صارت احبال ابئدينة
انتهينة ايام حلوة وبالمدامع ابتدينه

ذيج الايام انتهت
اوقصت الجروح ابتدت
والنساء اتسلبت.. وي خيمهن

سلبو نوكنه وحتى المحامل
وصحت لمن شفتهن يابو فضل

خذاهة الشمر بعد العم
عليهن صلة ماسلم..ياهلنه
#################################
شاب كلبي وشاب كلبي وشاب كلبي وشيبوني
ناس تشتم وناس تضرب وناس فرحت من خذوني

من شماتتهم متت
وطاح حيلي وماطحت
اجروح اضم وشيبت..من جروحي

امنادس بينهم يحجون عني
كل جلمه بعمر مبيوك مني

الشمت بجروح يتكلم
عليهن صله ماسلم ..ياهلنه
#################################
هايه عمتي وذن خواتي طلعوهن وانتوسادة
الطعنه عادة الذبحةعادة بس سبيهن موش عادة

الومت جان بمطلبي
روحي شيبهة السبي
النار مارحمت عبي..موتتني

شدوهن سبية ابجف سبية
الحبل موعادة ياهل الهاشمية

الورد بالشدة يتألم
عليهن صله ماسلم ..ياهلنه
#################################

كلشي ينطر جيه منه السوك والشام وجراحة
كلشي يجرح حضرولي وذني يحتاجن نياحة

كلشي يجرح راح اصد
موت يرسملي البعد
راح للضيم استعد ..بهالمسيرة


راح امشي بدرب حيرة وعجايب
ندخل سوك وانام ابخرايب

واروح ابنسوة موكب هم
عليهن صله ماسلم ..ياهلنه
#################################
ذوالفقار الزيدي

حرك الخيام ضيع اسنيني
يمك اجيت شيبت عيني
#################################

حركت اخيامي النار..ونسوة فرت وزغار
دايسه الجمر الحار..من اجيت

كالن المكصد وين..كلت الوذن بحسين
ماخذك جف البين..مادريت

جيت افزعك للخيام
وشفته مذبوح الغرام
يعني ضيعنه السلام ..ياحسين

حال الممات بينك وبيني
يمك اجيت شيبت عيني
#################################

جيتك اكلك عالحال..وعن حمل كلبي المال
شحجي للغادي اوصال..عالتراب

شحجي وياك اجروح..وانته نحرك مذبوح
امسلبك الحافر روح.. ياعذاب

شرد اكول اتحيريت
ماحجيت وسولفيت
اتكربت ليك اوبجيت..ياحسين

صار الكلام نبرت اونيني
يمك اجيت شيبت عيني
#################################

بيا امر احجي وياك .. وانته مو حيلك ذاك
اهنا كسر طعنه اهناك..شرد اكول

الريح بنفاسك ضاك..صدرك وضهرة اطباك
مايصح بيك اشباك ..من الخيول

رت اشبكنك اريد
بس وكف عرضة الوريد
ياجرح متجمعة ايد..ياحسين

شبكك محال حاجي جفيني
يمك اجيت شيبت عيني
#################################

ارقيه سالتني اعليك..وانته سابل جفيك
صعبةاكلهة اموذريك .. صعبه حيل

اعليك سألتني اهواي..اتريدك امزعلة الماي
العمه مارد وياي.. بيهة ويل

طفلة ماتحمل وداع
جلمت الرايح ضياع
اويه العمر هذا انقطاع ..ياحسين

واشلون اكول رايح احسيني
يمك اجيت شيبت عيني
#################################

اعليك موبس عطشان..كلشي بالطف ذبلان
الرايح اترف انسان..اشها لضياع

حضرو لينه النوك..متاني دخلتنه السوك
حكة وانته المبيوك ..بالوداع

حضرو هزلت ضمير
ولليسر صار المسير
وماكو لعيالك مجير ..ياحسين

سمعني صوت لا تودعيني
يمك اجيت شيبت عيني
#################################
ذوالفقار الزيدي

سار الضعن ..ومن يم مصارعكم فتت
سارالضعن.. وتحاللت وتواهبت

اينزلني من ضهرالهزل
تمنيت منعدكم عدل..سار الضعن
#################################
يالشيبو اهروش الكلب..ياماي عيني الضل يصب
يالنايمين اعله الترب..نوم المشيب ابعيني

يخواني موقصت صبر..بس هيه سالوفت جمر
بيتامي من عدكم امر..قصد الشمر يجويني

اجيناكم لكينة انحور مو ملكه
ولا سالم صدر ننزله ونشبكه

بيا عين اصد..كلكم توجعون الكلب
بيا عين اصد..مشهد مناحركم صعب

عن زينب ايشيل الحمل
تمنيت منعدكم عدل..سار الضعن
#################################
يالما سلم بيكم نحر..يالبيكم من الخيل اثر
يالمتو حركة اعلة النهر ..جي ماقبل يوصلني

شدونه جن شبت حطب..ياخوتي وادم مو عرب
يالبلعمد راسةانضرب.. موش انته لتكفلني

يبو شوارب ترف من يجبل اعليه
حبلهم يانفل ماعده علويه

يابا الفضل ..عبرت سوالفنه العطش
يابا الفضل.. وجه السمه اعلينه انخمش

صار العطش كلش سهل
تمنيت منعدكم عدل ..سار الضعن
#################################
ادري العتب ماينسمح..ايحجيني وياكم جرح
يالروسكم فوك الرمح..شاهد درب تبرالي

ياعمة يا اكبر الم..فك عينك وشوف الحرم
ادري الرمح جبدك جسم.. بس عايش انته ابالي

يا اكبر جرح بحسين حط روحة
يسرو عمتك وغصبوهة عالروحة

يكبر جرح.. دار الوكت دور الرحة
يكبر جرح.. تدريني شيخت مستحة

بجفوفي من شدوحبل
تمنيت منعدكم عدل..سار الضعن
#################################

بيناتكم يافع عمر..مالحك ايشوف الكبر
غورب كبل وكت العصر..مالحك اتعرسولة

بي ريحة ادلال الحسن..بي كمرة ضوت للضعن
بعمتك وسف دار الزمن .. ياهلي الخبر وصلوله

يبن رملت بخت يالمنصعب تنداس
يزغير لجن بي شارة العباس

وصلو الخبر ..كلوله زينب عمتك
وصلو الخبر..دفنتهة جاسم حنتك

جاسم ملايكلك كتل
اتمنيت منعدكم عدل..سار الضعن
#################################

يحسين ياخوة صدك..شاء القدر ان نفترك
يالسدت اعيونه ابحرك.. بين الكلب واخيامي

عالتل صعدت وناشدت..كمت وطحت كمت وطحت
وادعتك انه امنيست.. مترد بعد يالضامي

دريت اشصار يالمارد للمخيم
اختك حشمت ماوحد اتحشم

نار الخيم..طلعتنة للهيمه ابرعب
نار الخيم.. خلتنه بحلوك الغرب

ترضاهة ويه الغربة اضل
تمنيت منعدكم عدل..سار الضعن
#################################
ذوالفقار الزيدي

ثورة شرف بعبايتج ..معكودة يازينب
راية الكافل رايتج ..منصورة يازينب
ماعطلاج حرك الخيم
للانتصار شلتي العلم
#################################

بت هاشم ..ياشيخة ..وجلماتج
جانت رسل حرب

واخيامج .. حركوهة..واعلامج
عيشهم برعب

مكسورة ..ومقهورة ..بس حزنج
مايعبر الكلب

ضميتي..دمعاتج ..كابرتي
رغم الضرف الصعب

من صارت اخيامج جمر..كابرتي يازينب
من صبرج انذل الشمر.. ياعفه يازينب

ماحشموج انتي الحشم
للانتصار شلتي العلم
#################################

بن جوشن..بعيونه..بالحيرة
لمكابرج يصد

كلالج..خوانج ..ذبحوهم
مابيهم اليرد

كلتيله ..قرباني..الوجه الله
حر جاوب ابرد

ضل صافن ..من ردج ..متفاجئ
مايعرف اشيرد

محروكة جاوبتي ابرد ..ياعجبة يازينب
كتيله عزبنه ابورد.. رد الله يازينب

ابهذا الجواب ذاك انصدم
للانتصار شلتي العلم
#################################
اتحزمتي .. وشديتي ..العصابه
ياشدت البخت

يا آيت ..حك الله.. وبثارج
ايد الله طالبت

علوية ..اطلبيهم ..دم غيرة
وثورتكم ابتدت

ياجمرت ..خوانج.. والسانج
بي منبرج ثبت

شديتي ثار بمعصبج ..ثار الله يازينب
ذلت اميه بمطلبج .. لبوة اسد زينب

ثار الاله بيج انفهم
للانتصار شلتي العلم
#################################
صار اسود ..مي عينج ..لحسينج
ماشمت العدة

ضل شيبة ..اعله اجفونج .. ماطايح
جيف انتي قائدة

ياالصرتي..العز هاشم ..سالوفت
ترنيمت الفدة

عالناكه ..بس هيبه.. بضعونج
جن حيدر الحدة

جن حيدر ايقود الضعن ..ياهيبة يازينب
عفة وحجاب اتجمعن ..صرتي انتي يازينب

انتي الوجود همة العدم
للانتصار شلتي العلم
#################################

جف ايدج .. من موسى ..متوارث
اضرب بها الحجر

ومن عيسى ..واعجازة ..بي خصلة
البي يرجع البصر

ومن صالح ..بالناكة.. تتوارد
ارجوزة القدر

ابراهيم ..وبيت الله ..بس وسفة
اسماعيلج انحر

اسماعيلج انحز منحرة ..ياوسفة يازينب
بس انتي عندج مقدرة ..اتثأريلة يازينب

عن الرماح وعن كل سهم
للانتصار شلتي العلم
#################################
ذوالفقار الزيدي

نزل ملك الموت يمنة ..رايد يفرق شملنة
انة اريدنك وطن. .ليش رايح يالحسن
#################################

يا اخوي وصاحبي انتة وساعة والد ساعة ام
والحمل ذني الصفات اشلون من عندة انحرم
شنهي جعدة وتكضي منهة الدنيا جانت كلهة سم
وكابلتهة. .وحاربتهة. .وعاندتهة. .وتعبتهة
شنهي جعدة وتنهي عمرك
وانتة هد الدنية صبرك
ذني مايتقارنن. .ليش رايح يالحسن

#################################

وداعت الراحت زغيرة وبضلعهة المنكسر
وهامت الكرار ابونة والدمة المنهة يخر
مايعيش ابراحة كلمن فاكد احزام الضهر
يكضي عمرة..ونة حسرة..ابكلبة جمرة..ودمعة يجرة
وذني معروفات ميزة..عد المفارك عزيزة
الفاكد يخلصهة ون..وين رايح يالحسن
#################################

الاخو ينكسر ضهرة لودفن بجفوفة اخ
لان جان بجالة يشعر راسة وية السمة طخ
لحد ايلوم المفارك لو بجة اوو اوصرخ
لحد ايلوم..الكلبة ملجوم..الفاكد ارسوم..جنهن ارسوم
الفكد من البيت عينة..عالحزن الله اليعينة
اليل يكتل من يجن..ليش رايح يالحسن
#################################

بالزغر مافاركتني شلون اعوفك بالكبر
وادري ماتقبل ابهاية تبدل حسين ابكبر
يالحسن فكدك عزيز منين اجيبلة الصبر
شلون تقبل.. مني ترحل..ومن تبدل ..بالكبر خل
يالحسن ما ارضة هاية..تصير وياك النهاية
اني صايرلك حضن.. ليش رايح يالحسن
#################################
وين رايح يبو محمد وانة اريدك للطفوف
احتاجك ابساعة الغربة من اضل ابنص الوف
ترضة بحسينك وحيد تكطع ابجسمة السيوف
كون حاضر..ابيوم عاشر..وصدري صاير..للحوافر
رايدك بالغاضرية..تحمي زينب وي رقية
ونتة لترجع الضعن. .وين رايح يالحسن
#################################
ذوالفقار الزيدي

راد المضيف حجايتك..كتلتني ضلت دلتك
ياكوسر ومن الكرم صفن دواوين
وحشت مضيفك ناشدت وين الحسن وين..كتلتني ضلت الدل
#################################
وينك يعركال الزلم..ابمكعد مضيفك ضل ثلم..زيد ونيني
عينك يبو محمدغفت..من ادلالك الكهوة انجفت..واجفت حنيني
ديوانك ابعازة صدر..يسال مضيفك منقهر..شومايجيني
عاين دمعتي امسيلة..كلالي لا مات الهلة..وفضحتني عيني
كلالي رايد شوفتك..ومن عيني حس بروحتك
اتفطّرن شبات المضيف ابهلت العين
وحشت مضيفك ناشدت وين الحسن وين..كتلتني ضلت دلتك
#################################
حاتم صفن بعزوبتك..مايوم بردت كهوتك..تحجي العرب بيك
جم بطن جايع شبعّت..اشكد افرشت وشلبست..وذن من معاليك
المحتاج لو بابك يدك..اتكلة تانيتك عشك..موش الله ينطيك
المد ايدة يم بابك ربح..تطلعلة وبوجهك فرح..اتكلة اني اتانيك
المحتاجك ايحسك وطن..وفاز اليدك باب الحسن
يالبابك امفرع هلة وماردلة مسكين
وحشت مضيفك ناشدت وين الحسن وين..كتلتني ضلت دلتك
#################################
جيدوم ياطابع هلك..وزماط هاشم كلة الك..ورث الاجاويد
ماواحد اعليك اختلف..بحجاية وحدة اترد سلف
وحجاية متعيد
اتفض الطلايب طبتك..اتسوي العجايب نخوتك
نخوة صناديد
للماله اهل صاير ستر..زينات خلصت العمر
مابيك تحديد
يالخير جفك ماله حد..مابي جز خلصهة مد
كضاي حاجات البشر خلصت السنين
وحشت مضيفك ناشدت وين الحسن وين.. كتلتني ضلت دلتك
#################################
حق الخلافة من انغصب..ضليت شايخ عالعرب
جيف انتة اصلهة
بيت البخت مايندثر..اعكال الشرف ماينشمر
الزينة الاهلهة
ابذاك الطرف ماينحلف..يمك عناوين الصحف
والدنية كلهة
دار ولعب بيهة الزمن..وضليت ذاك انتة الحسن
شايخ عكلهة
ضليت ابو الكول وفعل..والاصل طبعة ايضل اصل
يالبيك من دار الزمن ماضم عناوين
وحشت مضيفك ناشدت وين الحسن وين..كتلتني ضلت دلتك
#################################
افراكك يبو محمد صعب.. ماتدفن الحك الترب
ميضمك اتراب
المثلك يريد اندلله..موش اعلة لحدة انزلة
وندير النكاب
اسنين الكضيناهن سوة..بعيوني ماخلن ضوة
وبجفي اثر ناب
ياخوية ماعايفني ابد..ولمن علي شخصك بعد
حتى الكلب شاب
عشرتنة ياخوية انتهت..وخوتنة بالموت نكضت
وهسة بثوابك كمت اقدملك قرابين
وحشت مضيفك ناشدت وين الحسن وين..كتلتني ضلت دلتك
#################################
ذوالفقار الزيدي

حسين يمة امتانية..ثانية اعلة الثانية
متانية اختك ورد اشوف شلونهة
الشيب كالو لاح رمش عيونهة
ومن يسرهة امعانية
#################################
جيت يايمة اعلة كبرك ونتجي اعلة الخاصرة
اليوم مصباح اربعينك جيّت اختك ناطرة
المنكسر خاطر عزيزة ايريد يجبر خاطرة
ارد انومهة اعلة حجري هواي صار مساهرة
عيون اخيتك طافية.. ابليل ابد ماغافية
ماتنام ابليلهة ايخلونهة
الشيب كالو لاح رمش عيونهة
ومن يسرهة امعانية
#################################
راح مانعرف شكلهة الشيب ماكل راسهة
مايلة العصابة والون يطلع من انفاسهة
شاخ عاكول الدنيّة وكتل شتلت ياسهة
والجرح موش الجلدهة وصل حتى احساسهة
من چثير اجروحهة ..اتريد تطلع روحهة
كتر سالم مايصح بمتونهة
الشيب كالو لاح رمش عيونهة
ومن يسرهة معانية
#################################
راح الاجيهة ابنواعي ونكعد ابسد الكبر
انه اصيحن اه يبني وهية ياراعي الخدر
يمة حتى امن البواچي اهناك حارمهة الشمر
اهناك مالاطمت عليكم جفهة صاير للستر
ضامتهة اجفوفهة..للستر من خوفهة
وبس تون لمصابك ايضربونهة
الشيب كالو لاح رمش اعيونهة
ومن يسرهة امعانية
#################################
اشلون اضمنهة اعلة صدري واجمع الكلب ابكلب
اضلوعي متكسرات يمة وهية شبعانة ضرب
السوط ورم حتى جفهة اشتمسح الدمع اليصب
ينلجم يايمة طبعة الجرح كل ما ينرطُب
يمة احس لجماتهة..من تمش دمعاتهة
تنلجم من تمش دمع اجفونهة
الشيب كالو لاح رمش عيونهة
ومن يسرهة امعانية
#################################
باب كبرك فكة يمة وكوم عاين حالهة
ابكثر ماصارت نحيله ماتشوف اخيالهة
عاين اثار الحريجة الباقية اعلة ذيالهة
اشصاير ابذيج الاميرة الينركع لجلالهة
شوف مدرست الخدر..بيهة شمسوي اليسر
البت علي المتخدرة ايسمونهة
الشيب كالو لا رمش عيونهة
ومن يسرهة معانية
#################################
ذوالفقار الزيدي

مشتاك يافاطمة ..الكعدتنة ذيج السوة..والملكة ذاك الحار
ياخيط وجه الصبح..مريني واهس فرح..مووحشة صار الدار
#################################
مري طيف اعلة الجفن..سدي بيبان الحزن
فاطمة من رحتي مني وكلشي خالي
ابعيني ضل بس الدمع..ابليلي اخلصلج شمع
انتي ذكرة ومابرد من عدهة بالي
فاطمة شلة ابحياتة اليبدي مصباحة بجرح
ياعمر يهنالي وانه الليل اطبكة وية الصبح
يافاطمة وعيشتي..كلما اضمد جرح ..ينلجم بالتذكار
ياخيط وجه الصبح ..مريني واهس فرح..مو وحشة صار الدار
#################################
ليلي يخلص بالسهر..صبحي يخلص بالقهر
انتي من يوم المشيتي وهذا وضعي
اعليج بابج من طبك..راسي بالشيب احترك
انصاب ضلعج بس احس مصيوب ضلعي
طاح محسن من عصرتج وانه طيحت العمر
وصبر ينراد الوداعج وانه ضيعت الصبر
والصبر حدة انتهة..وبابج ابيوم احترك ..شب الدليل ابنار
ياخيط وجه الصبح ..مريني واهس فرح..مو وحشة صار الدار
#################################
حيلي راح ابطيحتج..الموت مرني بعصرتج
انتي ترفة اوينج وينن العصر
ذاك يدفع بالحقد.. رايد ايموت الورد
وصوباج اوموت اسنين الخصر
الجلمة ذيج الي حجاهة ليهة ماطابك جفن
كالو بهالبيت فاطم وهوة كللهم وان
من دفع بابج عمد..والدنية ضاكت علي ..والفلك بية اندار
ياخيط وجه الصبح..مريني واهس فرح..مو وحشة صار الدار
#################################
للوكت املك عتب.. الفضة ماتسند ذهب
وام ابيهة الي تصير ام الام
اشبيك ياوكت الغدر..الياسة ماتحمل عصر
كلي ليش الطيب منك ماسلم
ماخذ ملوحة حجينة الداير ابنص الكسة
وحدد اسهامة ورماني بسيدة كل النسة
يافاطمة والدهر.. صوبني بمصيبتج..اه شكثر غدار
ياخيط وجه الصبح..مريني واهس فرح..مو وحشة صار الدار
#################################
الكبر ميضم فاطمة..الكاع متضم السمة
وصعبة نوم الكوثر بذاري الرمال
الكوكب الدري انوصف..وانتي مشكاة الترف
والمضيئة اشتنطفي فاطم محال
انتي بسم الله فاطم والوصف يوكف بعد
انتي طورة وذارياتة وال عمران ورعد
يامصحف الرتلج..يلكاج نفس النزل ..للنبي ابذاك الغار
ياخيط وجه الصبح.. مريني واهس فرح..مو وحشة صار الدار
#################################
ذوالفقار الزيدي

نارج..والعصر والكسر والجراحات
نارج.. والدفع والدمع هالحكايات
من مئاسي الفاطمية
#################################
احجي وي ليلي قصة الكسر
وابجي واقراله آية العصر
من يمرني الليل اضيع ابزحمة اجروحي
شلون عايش وانه دافن فاطمة روحي
ليلي ..من يمر عالجمر ينكضي وياي
ليلي..بالنفس ينهمس راح الفياي
من مئاسي الفاطمية
#################################
كلشي بخلافج يشتكي البعد
صعبة بمجانج يكعد البرد
الهلة الاسمعهة منج وامسح الامي
راحت وضل السواد بثوبي وايامي
راحت الهلة والصلة واحلى جلمات
راحت بسمتج كلمتج والورد مات
من مئاسي الفاطمية
#################################
صار ابو الدمعة الجان ابو الحسن
انتي اعز ناسة ولفج الچفن
يالوداعج مرني شيب وجلجل براسي
والله ثكلانة اعلة بعدج جرة انفاسي
وينج مري الي موعلي هم تشوفين
وينج شيبت واصبحت كتلة اونين
من مئاسي الفاطمية
#################################
بيتج الخالي يوجع الكلب
انظر ايتامج والدمع يصب
حيدرج يدخل حجرتج صوري الحالة
رايحة ام بيتة ويشم ريحتهة بطفالة
البيتج من اطب والصعب ملكة الايتام
البيتج دخلتي وموتتي موتت احلام
من مئاسي الفاطمية
#################################
تمشي ايامي اواكف الالم
ورامي لجماتي ماخطة ابسهم
انه كلساعة ابذكرتج دهري يرميني
رحتي من عيني ودمعتي الضلت بعيني
ابعيني دمعتي وحسرتي الكسرة الياس
ابعيني من شفت واسكتت شيب الراس
من مئاسي الفاطمية
#################################
غمّضَت عينج وافتحت جرح
ضلمة دنياية مفارك الصبح
باللحد شاتلي وردة وزهرة اسنيني
وكلشي مات ابعيني فاطم من تركتيني
صارت فرحتي وضحكتي دمعة بالعين
صارت هم صدك نفترك يم الحسين
من مئاسي الفاطمية
#################################
ذوالفقار الزيدي

المن تعوفيني ..يازهرة سنيني
بعمر الورد ..وين البعد ..يازهرة سنيني
#################################
فاطمة تعرفيهة صعبة لحضة اغيابج
ويخلص الليل بحسرتي وشمت اثيابج
اه يعافيتي ..ويانفس ريتي ..شيبقة بية لو رحلتي
ابقة بحزاني ..ابيتي وحداني..وثوبي مرطب من دمعتي
والراحت امالة ..ماينوصف حالة
بالهم يعد ..وين البعد ..يازهرة اسنيني
#################################
ياعشك حيدر يترفة يانبع صافي
بالجفن مو وحدة ميتة جن كمر غافي
ليش مبتسمة..ونتي متألمة..مراعية بموتج شعوري
خايفة اتألم..وكلبي يتثلم..اشكثر مهتمة ابأموري
ضمي الحزن كلة..بس كولي شي شلة
جرح الفكد ..وين البعد..يازهرة سنيني
#################################
عالكبر بعدج زغيرة وينج اوينة
وليش عشكي التوة بادي تخلص اسنينة
العازتة عازة ..ليش بجنازة ..اكبال عيني يشيل سكتة
الراحت احبابة ..شيلحم اصوابة..عيونة تذبل من دمعتة
الحبج تخلينة ..وللون تعوفينة
ايضمج لحد .. وين البعد ..يازهرة اسنيني
#################################
ياحلم وردي وتبدة بحركة ادياري
الخاطري لو مابقيتي الخاطر ازغاري
جا بقت عينج..الخاطر حسينج ..وخاطر الضلت وحيدة
وهالحزن كلة ..الحسن ميحملة..حضنج الدافي يريدة
هذا البعد خلة ..مابينة ليحملة
الجيتج نصد ..وين البعد ..يازهرة اسنيني
#################################
يكلف وداعج علينة لا تعوفينة
شيملي بيتج يازهرتي لو تتركينة
بيتج الخالي ..شسوة بحوالي..بارد الملكة بغيابج
مري شوفينة ..الون تسمعينة..واصل الجار المصابج
ذاكة الدفو وينة..يالزهرة مرينة
حزنج يهد..وين البعد..يازهرة اسنيني
#################################
ذوالفقار الزيدي

الزم سبحتج من يجي الليل
وكل خرزة اذبهة وياهة اذب حيل
وعلة البال يمر صوت راحت الزهرة
#################################
ياينبض دلالي اليدك..ياسلوتي وذاك العشك
الليل من يمر علي..يلكاني ماناسي الحرك
يمرني الليل بهمومة... وذكرتج تاكل ابحيلي
واحير شيكضي مصباحي... وانه الحيلي انكضة ابليلي
ايمرني الصبح جن وحشة اغروب
وانه الدمع طيحلي الهدوب
وانه اعليج صبح ليل عايش ابحسرة
وعلة البال يمر صوت راحت الزهرة
#################################
ياموضع اسرار الحجي..المن اسولف عازتج
وبس روحي تسمعني البقت ..ياروحي راحت زهرتج
من يشتد علي الهم...اسولفلج جنت وابرد
ومحد هسة باقيلي...ومتت من جلمة المحد
وياج اسولف جنت الوجاع
وهسة احفر واحجية للكاع
تمنيت تسمعين شحجي للحفرة
وعلة البال يمر صوت راحت الزهرة
#################################
للبيت بعدج من اطب..الزينب اصد واتذكرج
والكاهة قطعة من الدمع..صايغهة هم اموادعج
اكعد عود اصبرهة ...والكة الدمع ماخذني
والكة اجفوفهة الترفة...تمش الدمعة من جفني
عود انة اواسيهة اعلة الجروح
اكعد وياهة وتطلع الروح
اشتضل روح علة الضاك يتمة من زغرة
وعلة البال يمر صوت راحت الزهرة
#################################
للدنية ماضل كل خلك.. ولا واهس الشم الهوة
من جفي شيع زهرتة..وطوي الصحف خلكي انطوة
انه الشيع حياتة وياج ...وعجيبة الموت مامرني
وعلي الضم سرة بالتربان...ريت وياج دافني
ياريت روحي اندفنت وياج
يافاطمة موتني فركاج
العمر راح وانة الضال عايش بذكرة
وعلة البال يمر صوت راحت الزهرة
#################################
شمسوية ويطكلج ضلع.. يالوينج وين العصر
وايموت من طبعة الورد.. غصن الورد من ينكسر
والعمداً دفعهة الباب.. درة لاذت ورا وردة
وسمع يافضة اسنديني..وفرح من عملتة وحقدة
كلمت وان ماعافت البال
اذتني اكثر من الحبال
الج ثار يزهراء لازم انثائرة
وعلة البال يمر صوت راحت الزهرة
#################################
ذوالفقار الزيدي

بيت الرسالة وقصة احزانة
زهرت محمد ليش ذبلانة
فوك الدفع فوك العصر
فوك الالم فوك الكسر
ماكعد محسن بين خوانة
#################################
راحت فاطمة وكل الحجي اتبدل
وسوالفهم الترفة اتسولفت مقتل
والمحسن بدر بس مالحك يكمل
راح وماسمع كلمة يالمدلل
للدنية اجه وموت اغمض اعيونة
واخوانة مالحكو يشوفونة
للدنية اجه مفارك عمر
فوك الالم فوك الكسر
ماكعد محسن بين خوانة
#################################
ذكرة اتمر عليهم والدموع اتهد
حبتر يدفع وجف الزجية ايصد
يدفع والنواية ايكسر ويمرد
ويطيح منه وين اليوكع وميرد
ماعندة غيرة وينلزم بيهة
يدفع عمد رايد يأذيهة
وخلف كسر ماينجبر
فوك الالم فوك الكسر
ماكعد محسن بين خوانة
#################################
الباب اجذوع وام حسين ريحانة
الورد من ينعصر تتكسر اغصانة
العتب عالبيت جي ماهدهة جدرانة
وام البيت تتوجه اعلة حيطانة
ومابين بابة وحايطةونارة
البيت جان الموت خطارة
والبيت مايملك عذر
فوك الالم فوك الكسر
ماكعد محسن بين خوانة
#################################
تخيل حيدرة وبالزهرة يتذكر
وسبحة عمرة خرزة بخرزة تتطشر
من يذكر هذاك الملكة والمعشر
وبطبكة جفن كل حلمة يتكسر
واتخيل الضيغم علي بحالة
لابس سواد وشابك اطفالة
واهموم دلالة اشكثر
فوك الالم فوك الكسر
ماكعد محسن بين خوانة
#################################
يتنفس الموت اومو هوة ابريتة
لبجفة يغمض اعيون عافيتة
العلة اجتافة حمل تابوتهة ام بيتة
كعدت مكبرة ودمعات تاليتة
وشاتل علي ابنص اللحد زهرة
وخاطر الخاطر حيدرة يكسرة
وي فاطمة امضيع الصبر
فوك الالم فوك الكسر
ماكعد محسن بين خوانة
#################################
ذوالفقار الزيدي

ذكرياتج هية هية..وعمري خلص فاطمية
اجروحي خضرة وماتطيب
وليلي يخلص بس نحيب
وعمري خلص فاطمية
################################
ذكرياتج..روح تاخذ من تمر
ذكرياتج..تاكل اباقي العمر
ذكرياتج..عيشتني اعلة الجمر
من يچن ليلي..اكعد اشكلي..ابروحي شمسوي..البعد
فاطمت روحي..صارت اجروحي..ونامت احلامي..ابلحد
الليل يخلص بس سوالف
ابذكرياتج والمواقف
تاخذ ابالي وتجيب
وليلي خلص بس نحيب
وعمري خلص فاطمية
#################################
انتي روحي .. المني راحت من وكت
انتي روحي..الفاركتهة وشيبت
انتي روحي.. اوعجبة بعدج ماتت
شلي بسنيني..الكبرج اخذيني.. فرحتي وصارت ..حزن
المكبرة البيهة..فاطمة اشريهة.. يمج امنيتي..اندفن
الدنية كلهة ابعيني ضلمة
وبيتي موحش راحت امة
خالي بيتي من الحبيب
وليلي يخلص بس نحيب
وعمري خلص فاطمية
#################################
جرحي يدّي .. الشال مني ابعازتة
جرحي يدّي ..كلبي فارك زهرتة
جرحي يدّي.. والجرح دم دمعتة
زهرت العازة ..انشالت اجنازة..واخذت ايامي..ومشت
وايتراوالي..صوتج ابالي..حيدر العشرة..انتهت
تونة وياج ابتدينة
مو وكتهة اتفاركينة
والله مو وكتة المغيب
وليلي يخلص بس نحيب
وعمري خلص فاطمية
#################################
شرد اكلج..لوردت للبيت اطب
شرد اكلج.. حالتي اتفطر الكلب
شرد اكلج .. ادموع زينب من تصب
عود اواسيهة ..من بواجيهة.. والكة ماخذني..الدمع
توكع ادموعي ..وتنحني اضلوعي..والضلع يشبك ..ضلع
من اصدلهة الكة روحي
غاركة بروجة جروحي
اوموجسد روحي التشيب
وليلي يخلص بس نحيب
وعمري خلص فاطمية
#################################
هالنواضر..اعليج ماشفن وسن
هالنواضر..باقي دمعة وينطفن
هالنواضر ..جنتي يام الحسن
ياضوة اعيوني ..المنه حرموني..وروحتج روحت..نظر
انتي حورية..وجرحج البية..مايشلونة..البشر
كولي شيعوض حنانج
وياهو لنكعدة ابمكانج
ابكلبي مايطفة اللهيب
وليلي يخلص بس نحيب
وعمري خلص فاطمية
#################################
ذوالفقار الزيدي