НАМОЗ АМАЛЛАРИДА ИМОМДАН КЕЧ ҚОЛИШ
#намоз

❓1900-САВОЛ: Имомга намозни аввалидан иқтидо қилган киши имом рукудан турганидан сўнг руку қилди. Имомдан ортда қолгани учун унинг намози бузиладими?

💬 ЖАВОБ: Бисмиллаҳир Роҳманир Роҳим. Имомга иқтидо қилган киши барча амалларни имомнинг кетиданоқ қилиши афзал саналади. Шунинг учун имомга кечикмасдан эргашиш афзал бўлади. Аммо шунга қарамай бир оз кечикиш намозни бузмайди. Масалан, имом рукудан турганидан кейин унга иқтидо қилгувчи (муқтадий) руку қилса, кечиктиргани учун камчиликка йўл қўйган бўлса ҳам намози бузилмайди. Лекин аксинча, имомдан олдин руку ёки сажда қилиб қўйса ва имом билан бирга ёки ундан кейин қайта қилиб қўймаса, намози бузилади.
Бу ҳақда аллома Ибн Обидин батафсил баҳс юритиб, қуйидагиларни хулоса сифатида келтирганлар:
نعم تكون المتابعة فرضا؛ بمعنى أن يأتي بالفرض مع إمامه أو بعده، كما لو ركع إمامه فركع معه مقارنا أو معاقبا وشاركه فيه أو بعد ما رفع منه، فلو لم يركع أصلا أو ركع ورفع قبل أن يركع إمامه ولم يعده معه أو بعده بطلت صلاته.
“Ҳа, имомга эргашиш фарз бўлади. Шу маънодаки, фарз амални имом билан бирга ёки кейин бажариши лозим. Масалан, имом руку қилди, муқтадий ҳам у билан биргаликда руку қилди. Ёки кейинроқ қилиб, рукуда имомни топди, ё имом рукудан бошини кўтаргандан кейин руку қилди (буларнинг барчаси эргашиш ҳисобланади). Агар умуман руку қилмаса ёки имомдан аввал рукуга бориб, имом рукуга боргунича рукудан қайтса ва имом билан бирга ёки ундан кейин ҳам руку қилмаса, намози бузилади”.
والحاصل أن المتابعة في ذاتها ثلاثة أنواع: مقارنة لفعل الإمام مثل أن يقارن إحرامه لإحرام إمامه وركوعه لركوعه وسلامه لسلامه، ويدخل فيها ما لو ركع قبل إمامه ودام حتى أدركه إمامه فيه. ومعاقبة لابتداء فعل إمامه مع المشاركة في باقيه. ومتراخية عنه، فمطلق المتابعة الشامل لهذه الأنواع الثلاثة يكون فرضاً في الفرض، وواجباً في الواجب، وسنة في السنة عند عدم المعارض أو عدم لزوم المخالفة كما قدمناه
“Демак, эргашишнинг ўзи уч хилдир: 1. Имомнинг феълига муқорин (бир вақтда) бўлиш, масалан, имомнинг такбирига ўз такбирини, рукусига ўз рукусини, салом беришига ўз саломини муқорин қилиш. Агар имомдан олдин руку қилса-ю, имом уни рукуда топса, бу ҳам шунга киради. 2. Имомнинг феълига кетма-кетликда эргашиб, қолган қисмида шерик бўлиш. 3. Кечикиб эргашиш (яъни, амалларни кетма-кетликдан ҳам кечроқ бажариш). Мана шу уч турни ўз ичига олувчи мутлақ эргашиш фарзда фарз, вожибда вожиб ва суннатда суннат бўлади. Бунга бирор зидлик бўлмаса ёки хилоф қилиш лозим бўлмаса (намози бузилмайди)”. (“Раддул муҳтор” китоби). Валлоҳу аълам.

Ўзбекистон мусулмонлари идораси
Фатво маркази.

👍YouTube 👍Instagram 👍Facebook 👍Ummalife

✔️ Улашинг: @diniysavollar

САДАҚА УЧУН АЖРАТИЛГАН МАЙДА ПУЛЛАРНИ ЙИРИКЛАБ ҚЎЙИШ
#эҳсон #закот

❓1901-САВОЛ: Садақа учун ажратиб қўйган пулларимизнинг майдаларини олиб, ўрнига йирикроқ пул қўйсак бўладими?

💬 ЖАВОБ: Бисмиллаҳир Роҳманир Роҳим. Закот ёки садақа пули токи ҳақдорга ёки унинг валийсига ё вакилига берилмагунча, берувчининг мулкидан чиқмайди. Шундай экан, сизнинг садақа ниятида ажратиб қўйган пулингиз ҳали ҳам сизнинг мулкингиз ҳисобланади. Сиз уларнинг майдаларини олиб, ўрнига йирикроқ пул қўйишингиз мумкин. Бу ишнинг шариатга зид жойи йўқ. Валлоҳу аълам.

Ўзбекистон мусулмонлари идораси
Фатво маркази.

👍YouTube 👍Instagram 👍Facebook 👍Ummalife

✔️ Улашинг: @diniysavollar

#Видео
#иймон

📹 Бу ишим учун иймондан айрилдимми?
🎙 Ҳикматуллоҳ домла Тоштемиров

Ўзбекистон мусулмонлари идораси
Фатво маркази бош мутахассиси

👨‍💻 Тўлиқ ҳолда кўриш:
✅ Улашинг: @diniysavollar

#муфтий_минбари
#савол_жавоб

❔ Қиз фарзандимни ўқитмоқчи эдим. Бир танишим “Қиз бола ўқиб нима қилади? Аёл кишининг вазифаси уй ишлари ва фарзанд тарбияси билан банд бўлиши керак”, деди. Шу тўғрими?
🎙 Шайх Нуриддин Холиқназар ҳазратлари

👨‍💻Тўлиқ ҳолда Full hd форматда:
✅ Улашинг: @diniysavollar

#xabar #anons #jonli_efir
❔ОНЛАЙН ДИНИЙ САВОЛ-ЖАВОБЛАР

🎞 2025 йил 23 октябрь, пайшанба куни
⏰ соат 18:30 дан бошлаб

🌙 Онлайн диний савол-жавоб дастурининг навбатдаги 15-сони Ўзбекистон мусулмонлари идораси Фатво маркази уламоси Абдувоҳид домла Аҳмадалиев иштирокида жонли эфирга узатилади.

🗣 Аллоҳ таоло Қуръони каримда: “Агар билмайдиган бўлсангиз, зикр аҳлидан сўранг!”, деб буюрган (“Наҳл” сураси, 43-оят).

📿 Ҳазрати Расулуллоҳ соллаллоҳу алайҳи ва саллам: “Билимсизликнинг давоси саволдир”, – дея баён қилганлар (Имом Абу Довуд ривояти).

❔ Саволларингизни fatvo.uz сайти орқали йўлланг!

✅ Қуйидаги ижтимоий тармоқларимиз орқали савол-жавоб дастурини тўғридан-тўғри кузатинг ва бевосита иштирокчисига айланинг:

😎 Youtube: Fatvouzb
😎 Facebook: Diniysavollar
📱 Instagram: Fatvouz
😎 Telegram: Diniysavollar

#fatvo_markazi_javob_beradi

Ўзбекистон мусулмонлари идораси Фатво маркази

▶️ YouTube | 📷Instagram | 🔵 Facebook

🗣 ОНЛАЙН ДИНИЙ САВОЛ-ЖАВОБЛАР 25.09.2025

😎 Youtube орқали томоша қилиш

📱 Facebook орқали томоша қилиш

📱 Instagram орқали томоша қилиш

#fatvo_markazi_javob_beradi

Ўзбекистон мусулмонлари идораси Фатво маркази
✅ ULASHING🗣

▶️ YouTube | 📷Instagram | 🔵 Facebook

#муфтий_минбари

📹 Маҳр куёвнинг бурчи
🎙 Шайх Нуриддин Холиқназар ҳазратлари

✅ Улашинг: @diniysavollar

#Мухтасарул_виқоя_шарҳи

🎙103-дарс. Талоққа оид сариҳ (очиқ) лафзлар

Устоз Ҳабибуллоҳ домла Абдулғаффор

Ўзбекистон мусулмонлари идораси
Фатво маркази бош мутахассиси,
Тошкент ислом институти катта ўқитувчиси



🎬 Youtube орқали кўриш

📹 Дарслар: ... 90 - 91 - 92 - 93 - 94 - 95 - 96 - 97 - 98 - 99 - 100 - 101 - 102

💭 Савол ва фикр-мулоҳазалар учун:
@Muxtasarulviqoyasharhi_bot

📲 Улашинг: @diniysavollar

#муфтий_минбари
#савол_жавоб

❔ Баъзи инсонлар қабристондаги қабрлар устига Қуръон тиловат қилиб турувчи жиҳозларни ўрнатиб қўймоқдалар. Шу ишни қилиш жоизми? Ушбу тиловатдан маййитга савоб етадими?
🎙 Шайх Нуриддин Холиқназар ҳазратлари

👨‍💻Тўлиқ ҳолда Full hd форматда:
✅ Улашинг: @diniysavollar

МУҚТАДИЙ ИМОМДАН КЕЧРОҚ САЛОМ БЕРИШИ
#намоз

❓1902-САВОЛ: Мен яқинда намоз бошлаганим учун аттаҳиёт ва саловатларни секин ўқийман. Масжидда имом салом берганда мен энди аттаҳиётни тугатган эдим. Имом саломидан кейин саловатларни ўқиб кейин салом бердим. Намозим бузилмаганми?

💬 ЖАВОБ: Бисмиллаҳир Роҳманир Роҳим. Аслида бундай ҳолатда аттаҳиётдан кейин салом беришингиз керак эди. Чунки имомга эргашиш вожиб, салавотни ўқиш эса суннат амалдир. Вожиб суннатдан юқори тургани учун суннат тарк этилиб, вожибга амал қилинади.
Салавотни ўқиб, кейин салом берганингиз учун намозингиз бузилмаган, аммо кейинги намозларда юқоридаги ҳукмга амал қилинг. Чунки вожиб амалларда имомга кечикмай эргашиш ҳам вожиб саналиб, бунга амал қилмаслик гуноҳкорликка олиб келади. Валлоҳу аълам.

Ўзбекистон мусулмонлари идораси
Фатво маркази.

👍YouTube 👍Instagram 👍Facebook 👍Ummalife

✔️ Улашинг: @diniysavollar

#Видео
#таҳорат

📹 Ич кийимда таҳорат олса бўладими?
🎙 Абдувоҳид домла Аҳмадалиев

Ўзбекистон мусулмонлари идораси
Фатво маркази мутахассиси

👨‍💻 Тўлиқ ҳолда кўриш
✅ Улашинг: @diniysavollar

#муфтий_минбари

📹 Ихчам тўйда барака бор
🎙 Шайх Нуриддин Холиқназар ҳазратлари

✅ Улашинг: @diniysavollar

ҚУШЛАРНИНГ ТЕЗАГИ
#поклик

❓1903-САВОЛ: Уйда тўти, бедана каби қушлар боқамиз. Баъзан уларнинг тезаклари кийимимизга тегиб қолади. Уни ювиб ташлаш керакми ёки бирор нарса билан артиб ташласа ҳам пок бўлаверадими?

💬 ЖАВОБ: Бисмиллаҳир Роҳманир Роҳим. Қушлар икки турли бўлади. Улардан тўти, бедана, чумчуқ каби гўшти ейиладиган қушларнинг тезаги пок ҳисобланади. Кийим ёки баданга тегса, бирор нарса билан артиб ташлаб, намоз ўқиш мумкин.
Абдуллоҳ ибн Умар розияллоҳу анҳунинг устиларига кабутар тезак ташлаганда, артиб ташлаб, намоз ўқиганлар.
Аммо лочин, бургут каби гўшти ейилмайдиган қушларнинг тезаги эса енгил нажосат ҳисобланади, уни эса ювиш керак бўлади. Валлоҳу аълам.

Ўзбекистон мусулмонлари идораси
Фатво маркази.

👍YouTube 👍Instagram 👍Facebook 👍Ummalife

✔️ Улашинг: @diniysavollar