ይህንን ታሪክ የጻፍኩት 2012 ላይ ነበር:: ይህንን ታሪክ አንብበው በግንቦት ልደታ ዕለት ተስለው የወለዱ እናቶች በየዓመቱ ይጽፉልኛል:: አንዳንዶቹም ሳገኛቸው ይነግሩኛል:: ዓለምን በእጁ የያዘውን ጌታ በእቅፍዋ የያዘች እመብርሃን የወላጆችዋን የመካንነት ሕመም ለሚታመሙ ሁሉ በአማላጅነትዋ “ልጅ እኮ የላቸውም” ብላ ለምና ብዙ ውኃ ቤቶችን በልጅ ወይን ሞልታለች:: “ይሁንልኝ” ብላ አምላክን በእርስዋ እንዲያድርግ ነፃ ፈቃድዋን ለሰጠች ድንግል “ይሁንላቸው” ብላ በጸሎትዋ በመካኖች ማሕፀን ልጅ ማሳደር ከተሞላችው ጸጋ አንጻር ጥቂት ነገር ነው::

ይህንን የግንቦት ልደታ ተአምር በእኔ ብዕር ሲመሰከር ቆይቶ እንዳልነበር ጊዜው ደርሶ ባለ ታሪክዋ ነፃነት የእናቲቱን ምልጃ የልጅዋን ቸርነት በራስዋ አንደበት እንዲህ መስክራለች::

ፍቅርን እንደ ሸማ የለበሱት የቩርዝቡርግ ምእመናን አሁን የቅዱስ ማርቆስን ቤተ ክርስቲያን ሕንፃ ለመግዛት ቁጥራቸው ትንሽ ቢሆንም እየታገሉ ነው:: መላው ዓለም ተረባርቦ ካገዛቸው በቅርቡ እውን ያደርጉታል:: በቩርዝቡርግ ግን ግንቦት ልደታ ከዝክር አልፎ ንግሥ እንደሚሆንና የልደታ ለማርያም ክብረ በዓል እንደሚከበርና መላው አውሮፓ ለግንቦት ልደታ ወደ ቩርዝቡርግ እንደሚጎርፍ ተስፋ አደርጋለሁ::

Meine lieben Brüder und Schwestern in Würzburg, ich wünsche Ihnen ein gesegnetes Fest der Geburt Mariens. Ich hoffe, Sie bald wiederzusehen. Möge Gott Ihnen helfen, das Kirchenbauprojekt abzuschließen.
https://youtu.be/HkXps7PbIKM?si=MS1y88vOuyNxhdlL
ሙሉ ቃለ መጠይቁን እንድትሰሙት እጋብዛለሁ::

ክርስትና እንዴት ወደ ኢትዮጵያ ገባ?

https://youtu.be/AFfsodZy4cQ?si=kmhlGkfFHNQj_OTP

#share
@diyakonhenokhaile

"ሱሪዬን የበቃው ሰው ይለብሰዋል ብለህ አትጨነቅ" የሚል ብሂል አለ:: አንዳንዴ ከሁኔታዎች በላይ የእኛ ሕሊና የሚፈጥረው ምስል የከፋ ነው:: ከምጡ በላይ ምጡን እያሰብን የምናምጠው ምጥ ይበረታል:: የማታውን ጨለማ በመፍራት ብሩህ ቀናችንን እናጨልማለን::

"ጌታ ቅርብ ነው:: በነገር ሁሉ በጸሎትና በምልጃ ከምስጋና ጋር በእግዚአብሔር ዘንድ ልመናችሁን አስታውቁ እንጂ በአንዳች አትጨነቁ" ፊልጵ. 4:6
Photography #mykeysjourney

#share
@diyakonhenokhaile

የክርስቶስ ቤተ ክርስቲያን - የቤተክርስቲያን ታሪክ | The History of The Church part 1

https://youtu.be/Y1lmGKLFMQQ?si=RKRU5ODk_CPB2JSv

#share
@diyakonhenokhaile

ግብፃውያን ጳጳሳት በኢትዮጵያ | Coptic Metropolitans in Ethiopia | Ethiopian Church History 2

የኢትዮጵያ ቤተ ክርስቲያን ለ1600 ዓመታት በእስክንድርያ መንበር ጥላ ሥር ትተዳደር ነበር:: በእነዚያ ዓመታት የመጡት ግብፃውያን ጳጳሳት ቆይታ ምን ይመስል እንደነበር በዚህ ትምህርት በሰፊው ተዳስሶአል::

https://youtu.be/MZml82waOp4?si=vKkQZt006yBBqZcd

#share
@diyakonhenokhaile

+ ሁለት ነበርን +

ገነት ውስጥ ሆነን ስናምፅ ባንተ ላይ
ያንተን መንግሥት ሽተን ዙፋንህን ስናይ
ዕፀ በለስ በልተን ካንተ ስንጣላ
ሁለት ነበርን እንጂ አልነበረም ሌላ

ሁለት የአፈር ሥራ ሁለት ወንጀለኛ
ዘር ልተካ ሳይል ሳይበዛ አመፀኛ
እዚያው ብትመልሰው ከመጣበት አፈር
ማን ይጠይቅሃል ከፍቅርህ በስተቀር?

ሁለት ጆንያ አፈር መልሰህ ከመሬት
ሌላ ሰው ብትሠራ ሌላ አዲስ ፍጥረት
የማያምፅ አዳም ታዛዥዋን ሔዋኒት
ደግመህ ብትፈጥር ላንተ ምን አለበት?

ሸክላህን አክብረህ ሲሰበር ያልጣልከው ሲያምጽብህ አይተህ በአየር ያልበተንከው
ከቶ ለምን ይሆን ዘሩን ያበዛኸው
እስኪገርፍህ ድረስ ጉልበት የሰጠኸው

ጠላትክን መግበህ እንዲህ የወዷድከው
ምድርን ሙላ ብለህ በሁሉ ያነገስከው
ምራቁን የተፋው በአንተ ላይ ጨክኖ
ማጥፋት ስትችል ነው ገና ሁለት ሆኖ

ማን ነበር ከልካይህ ፈጥረህ እንዳታጠፋ ምሕረትህ ነው እንጂ በዓለም የሰፋ
ቸርነትህ እንጂ ምድሪቱን የሞላ
አንተን የሚያስቆም ከቶ የለም ሌላ

“ሔት፡፡ ያልጠፋነው ከእግዚአብሔር ምሕረት የተነሣ ነው፤ ርኅራኄው አያልቅምና" ሰቆ ኤር. 3:22

ዲያቆን ሄኖክ ኃይሌ ግንቦት 23 2017 ዓ.ም.
#share
@diyakonhenokhaile

ጎራ በሉ

https://youtu.be/-EOH7Ub3hss?si=h0q8psaHzNgKSu-X

2/2
ወንድሜ ዲያቆን አቤል ካሣሁን ቅዱስ ጳውሎስ ላይ ንባብና ምርምር ማድረግ ከጀመረ ሦስት ዓመታትን ደፍኖአል፡፡ ጳውሎስ ተጠርቶ ሦስት ዓመት በሱባኤ እንደዘገየ አቤልም ጳውሎስን ጠርቶ ሦስት ዓመት ይማጸነው ዘንድ ግድ ሆነበት፡፡ የብርሃነ ዓለም ቅዱስ ጳውሎስ ፍቅር በሚያስቀና መጠን ያደረበት አቤል ስለ እርሱ ማንበብና መጻሕፍትን መመርመር ከጀመረ ሰንበትበት ብሏል፡፡ በዚህ ምክንያት ከቅዱሱ ሕይወት ጋር በጣም ከመተሳሰሩ የተነሣ ስለ ሐዋርያው ሲያወራ በቅርበት ስለሚያውቀው አብሮ አደጉ የሚያወራ እንዲመስል አድርጎታል፡፡ በሐዋርያው ዙሪያ እጅግ በጣም ደክሞ ያዘጋጀውን ይህንን ብጥር መጽሐፍ ቀደም ብሎ ቢያወጣው እንኳን በቂ የነበረ ቢሆንም በሥራው ካለመርካትና ለጉዳዩ ክብር ከመሥጠት አንጻር ከድኖ ሲያበስለውና እየከፈተ ሲያማስለው ቆይቶአል፡፡

በክርስትና የታሪክ ጥናት ውስጥ እግዚአብሔር ምርጥ ዕቃው አድርጎ ብዙ ድንቅ ሥራውን የገለጠበትን ቅዱስ ጳውሎስን ማወቅ እጅግ ወሳኝ ነገር ነው፡፡ ቅዱስ ጳውሎስ በመጀመሪያይቱ ቤተ ክርስቲያን አገልግሎት ላይ በማንም ሊተካ የማይችል ጉልሕ ሚና የተጫወተና የቤተ ክርስቲያንን የአገልግሎት ፍኖተ ካርታ ያሰመረ ሐዋርያ ነው፡፡ ‘እኔ ክርስቶስን እንደምመስል እናንተም እኔን ምሰሉ’ ያለውን ይህንን ሐዋርያ ሕይወት ማወቅም ክርስቶስንም ጭምር ለማወቅ እጅግ አንገብጋቢ ነው፡፡

ይህንን መጽሐፍ ባነበብኩበት ወቅት በእርግጥ ቅዱስ ጳውሎስን በዚህ ልክ ሳላውቀው እንዴት ቆየሁ? ይኼንን ጥቅስ እንዴት በዚህ መንገድ አልተረዳሁትም? የሚያሰኙ እጅግ በርካታ አዳዲስ እውነታዎችን አግኝቼአለሁ:: ልብ የሚነኩና መንፈሳዊ ተመስጦ ውስጥ የሚከትቱ ሃሳቦችና የቃለ እግዚአብሔርን ጣዕም የሚያቀምሱ አገላለጾች እዚህ መጽሐፍ ላይ ዘንበዋል:: ሌላው ቀርቶ የመጀመሪያው ምዕራፍ ላይ የተጻፈውን ልብ የሚያቀልጥ ታሪክና ምሥጢር ያነበበ ሰው በዋናው ባለ ታሪክማ ምን ሊባል ይሆን ብሎ ነፍሱ በሐሴትም በጉጉትም እንድትናጥ የሚያደርግ ነው:: መጽሐፉን በማንበቤ ያገኘሁት ተደሞና መደነቅ ሌላው ሰው አንብቦ ምንኛ ይደሰትበት ይሆን? ብዬ እንድቸኩል አድርጎኛል::

መጽሐፉ ለማዘጋጀት የተደከመበትን ያህል ለማንበብ የሚያደክም መጽሐፍ አይደለም፡፡ በሥነ ጽሑፋዊ ውበቱና በአቀራረብ ግልጽነቱ ፣ በያዛቸው ተጓዳኝ መረጃዎች ሀብታምነቱ ደግሞ እውነትም የአቤል መሥዋዕት ሊባል የሚችል ከቃየናዊ ግዴለሽነት የጸዳ ለርእሱ የሚመጥን ድንቅ መጽሐፍ ነው፡፡ ለጥቃቅን እውነታዎች ሳይቀር ተጨንቆ የጻፈበትን ጥልቀት አንባቢ አይቶ የሚፈርደው ሲሆን ለርእሰ ጉዳዩ የሰጠው አክብሮት ደግሞ ‘አቤልም ከንባቡ በኩራትና ከስቡ አቀረበ’ የሚያሰኝ መሥዋዕት በማቅረቡ ‘የራሱን የማይረባ መሥዋዕት አቅርቦ በሥሙር መሥዋዕትህ ከሚቀና ከቃየናዊ ዓይን ይሰውርህ ፤ ‘ወደ ሜዳ እንሒድ’ ባዮችን ይያዝልህ’ የሚያሰኝ ሥራ ነው፡፡

ቅዱስ ጳውሎስን በአራት መቶ በላይ ገጾች የሚያስነብበን ይህ ድንቅ መጽሐፍ መጽሐፍ ቅዱስን ለሚያጠኑ ክርስቲያኖች ሁሉ ትልቅ ማጣቀሻ ፣ ‘ይሄ ነገር የሐዋርያት ሥራ ትርጓሜ ይሆን እንዴ?’ ሊባል በሚያሰኝ ደረጃ ግብረ ሐዋርያትን አራግፎ የተጠቀመ ፣ ለቅዱስ ጳውሎስ መልእክታት ደግሞ ለአንዳንዶቹ ክፍሎች ትርጓሜ ለአንዳንዶቹ ደግሞ መቅድም መሆን የሚችል መጽሐፍ ነው፡፡ የቅዱስ ጳውሎስ ወዳጆች ለጸሐፊው የተጻፈለትን በአበው ትምህርት የተፈተለ መወድስ ለመመረቅ ተዘጋጁ:: ሌሎቻችሁም ይህንን ድንቅ መጽሐፍ አንብባችሁ ከታላቁ ቅዱስ ሐዋርያ ጋር ዳግም በፍቅር እንድትተዋወቁ እጋብዛለሁ፡፡ ‘ማንበብን ለሚወዱት እንደ ጳውሎስም ለተጠሩት ይህንን መጽሐፍ ማንበብ ለበጎ ነው’

ዲያቆን ሄኖክ ኃይሌ
ሰኔ 29 2017 ዓ.ም.
አዲስ አበባ ኢትዮጵያ
#share
@diyakonhenokhaile