ايام ما كنت نحب كنت ندعي ربي يجمعني بالانسان الي نحبه
كنت ندعي كل ثانيه ان يارب لو مفيشي خير ليا
اجعل فيه الخير واجمعني بيه
وبرغم ان الموضوع اتسكر اكتر من مره
إلا اني كُنت نعافر وقعدت ندعي لليل نهار

وكاني واخدتها عناد
وفي الاخر ربي حققلي دعوتي وكانه بيقولي "ولعبدي ما شاء"، وعرفت ان مش هوا هذا الصح ومش هوا الخير
ومش هوا النصيب اللي كنت نتمناه
وعرفت اني لو كنت سمعت كلام ربي من الاول ومعاندتش مكنتش مريت بكل هذا
الموضوع انتهى وربي نزل علي قلبي هدوء وبرود ورضا عُمره مكان متوقع

التجربه هادي شخصيه جداً بس اللي نبي نقوله لاي حد حايقرى الكلام هذا
متعاندش !! عرفت أنه أنا كنت نبي شي وربي كان يبي الاحسن ليا
لما ربي يعطيك اشاره متغمضش عيونك
لما ربي يمنع عليك حد متشدش فيه
لما تحس بحاجه غلط متتجاهلش
لما ربي يرزقك بناس بتحبك تنصحك لوجه الله متطنشهاش
متتنازلش عن مستواك متقللش من نفسك مترخصش نفسك لأنه لو انت بعت نفسك عمره ما حد حيشريك

متحاولش تغير حد لان اللي في داء خلاص
دوروا على الموده والرحمه اللي ربى اتكلم عليها
دوروا علي اللي حيراعي ربي فيكم واهلكم
متتمسكوش في حد اختار يبيع
اتخلصو من كل العلاقات اللي بتأذيكم صحياً ونفسياً
العلاقات والناس بتتعوض بس الصحه ما تتعوضش
اللي فيه الخير حيجي بروحه واللي فيه الخير عمره ربي ماحيبعده عليك ♥️
#دعاء_آل_فرجاني

" تربينا على الغالي"
في ناس تفهمها من ناحيه الغلط للأسف بَـس،
لا تربينا على الغالـي يعني: على الاحتـرام وحفظ العشـرة وَالـود والعين الشبعـانة  وحب الخيـر للغير والفــزعه والراس المـرفوع والقلب النظيـف ....👌🏼👌🏼

خليك علي طبيعتك وخلي اللي يبي يتقبلك يقبلك🔥.

- مش كل الناس تستاهل عتابك ، فيه ناس تستاهل تنسى إنك عرفتها و تسكر بابك .

السلام عليكم 😍😂

وعليكم السلام 🙂
القناة غبت علاها شوية لقيتها بغبرتها🙂

تعيب اني موجود

هاي 🥹💗
كيف حالكم💗

كله قعد ذكريات❤️.
كل شي كنت نقول عليه مش ح نقدر نتخطاه او ننساه قعد ذكريات❤️.
سوا كانت حلوة او مش حلوة كله ذكريات❤️.
الحمد لله على نعمة النسيان والتخطي ❤️.

الحب مش للحبيب الاول الحب الحقيقي للي يستاهله. ♥️

جمعتكم مباركه ❤️

شعور التخطي احلى من شعور الحب والله🤍

خودوها قاعدة ،اي مجمع ذكوري انجابت فيه سيرة بنت عمره م كان مجمع تريس🤫.

تبكـي ! على شنـو وعلى منـو ! مافيش شخص في لكون يستاهل تبكي على خاطره هيا عندك ساعـه وحده بس أبكي فيها على الوقت اللي ضاع وبعدها أمسحي دمـوعـك وماتزديش أضيعي من وقتك ،الحياة حلوه وفيها ناس حلوه و الدموع الغالية ماتنزلش على شـي رخيص ، العلاقة الوحيده في الكون اللي حتخسري لو ضاعت منك هيا علاقتك بربك بس الباقي عوضـه يكون أحلا♥️

جبرَ اللّٰه قلوبكم فرداً فرداً . .
وحَقق الله لكم كل دعوةٍ خَرجت من أعماقِ قلوبكم وكل دَعوة لم تَستطيعوا تَرتيبها لكنّ اللّٰه يعلمها . .

ثبّتَ الله قلوبكم على دينه وحبه وحُسن عبادته ورزقكم من سعتهِ أضعاف ما تتمنون 🧡 .
#صبحنور🤍

وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لكم ♥.

لما تشوفو سيارة عريس فـ اي مكان أو مرت من الشارع .. قولو : ( اللهم بارك لهم واجمع بينهم في خير ) ..♥️

ولما تشوفو إمرأة حـامـل .. ابتسمو وقولو ( اللهم اجعل ذريتها صالحة ) ..♥️

لما تقضي مصلحة وتلتفت وتشوف وراءك طابوراً طويل ردد ( يارب يسر لهم ليقضوا مصالحهم كما قَضيت مصلحتي ) .. ♥️

لما تطلع من عند دكتور ويقولك أن حالتك كويسه ،( ادعي ربي ان يشفي كل مريض )..♥️

ولما ترجع لـ حوش وتلقي أمك موتيه المأكلة، وقول ( أسأل الله ألا يحرمني منك وادع لها ولكل المسلمين ) ..

ولما تمر بجنازة ،(أدعي لصاحبها بالرحمة والمغفرة) ..

ولما تشوف عامل أرهقه التعب في الشارع قول ( اللهم خفف عنه وارحمه وأعنه ) ..♥️

ماتعرفش شن دير الدعوة لصاحبـها
- يمكن ان ترد عنك مصيبة ..
- يمكن ان تحل لك أزمة ..
- يمكن أن تكون سببا في شفائك أو شفاء مريض لك ..

*يقول الرسول ﷺ *
" دَعْوَةُ المَرْءِ المُسْلِمِ لأَخِيهِ بِظَهْرِ الغَيْبِ مُسْتَجَابَةٌ ، عِنْدَ رَأْسِهِ مَلَكٌ مُوَكَّلٌ، كُلَّمَا دَعَا لأَخِيهِ بِخَيْرٍ قَالَ المَلَكُ المُوَكَّلُ بِهِ ، آمِينَ وَلَكَ بِمِثْلٍ "..♥️

اللي يبي ينوض يصلي الفجر في وقته

هذا برنامج ينوضك بطريقة تخليك غصبن عنك تنوض

زي مثلًا..

يقعد يرن ومايسكتش إلا لو هزيته 20 مرة أو
جاوبت على خمس أسئلة في الإسلام ولو جاوبت
وحدة غلط هيبدأ من جديد

وفي ميزة أصوات مُختلفة للمؤذنين

عرفوا الناس ودلوهم عشان يوم القيامة ممكن تلقى كل الناس اللي صلت الفجر بسببك في ميزان حسناتك 🤍

السلام عليكم ورحمة الله وبركاته ❤️
ليا فترة عليكم بإذن نولو للقناة واحسن من قبل❤️