زیاتر لەوەی چاوەڕێم ئەکرد ماندووبوم ، من ئەمزانی لە کۆتایدا ئەبێت بەم ڕێگایە ئاشنابم و تێپەڕبم ، بەڵام هەرگیز باوەڕم نەبوو کەبەم شێوەیە سەخت بێت و دووریت بەم چەشنە لقەکانم بشکێنێت و گەڵاکانی تەمەنم بوەرێنێت هەرگیز باوەڕم وانەبوو ئەوەندە بە ئازاربێت بەیەکجاری پێکەنین و زەردەخەنە لەسەر لێوانم نەمێنێت .
10
ڕۆژانێک بوو پڕبووم لە قسە ، پڕبووم لە خۆشبەختی ، لێوەکانم هەمیشە خەندەیان ئەکرد ، چاوەکانم بە بینیت ئەگەشانەوە ، ئێستا من بێدەنگم ، خۆشبەختیش تۆراوە لێم ، لێوەکانیشم قڵیشاون و سوتاون بەهۆی جگەرەوە ، چاوەکانیشم کز بوون ، ببینە دوای تۆ هەموو شتێکی جوان لە مندا کۆتای پێهات .
1
ترسم لە مردن نییە ، بەڵام ئەترسم لە چاوەڕوانی تۆدا بمرم و نەتوانم بتبینمەوە ، ترسم لەوەیە کە نەتوانم جارێشکە پڕ بە دڵ و ئارەزووم لە باوەشت بکەم ، ترسم لەوەیە تەواوی ئەو کاتەی کە چاوەڕێم کردوویت بەفیڕۆ بچێت ، ترسم لەوەیە بمرم پێش ئەوەی بە چاوەکانت شاد ببمەوە , کەمت ئازار نەدام ، بەڵام تۆ جوانترینم بوویت .
1
کاتێک من مامەڵەیەکی جوانت لەگەڵ ئەکەم و گرینگیت پێئەدەم ، غرور نەتگرێت و وامەزانە کە هەرچی بکەیت من بەردەوام ئەبم لەوەی ئەوەت پێ ببەخشم ، باش بوونم هەڵبژاردەی منە بەڵام تاکە هەڵبژاردەم نییە ، ئەتوانم لەهەر کاتێکدا بێت دەست لە باشبوونم هەڵبگرم بەرانبەرت ، گۆڕانت لە کاتێکدا من بایەخت پێئەدەم و بەلامەوە گرینگیت ئەوەم بۆ ئەسەلمێنێت کە تۆ خۆت بە شایستەی ئەو مامەڵە باشە نازانیت و ئەبێت بیوەستێنم ، هەڵبەتە کە گوڵێکیش زۆر ئاوی بدەیت گرینگی پێبدەیت وشک ئەکات .
1
لەهەر کاتێکدا بم ئەتوانم ئەوپەڕی خراپی خۆمت پیشان بەم ، بەڵام من وەک تۆنیم ناتوانم ئازاری ئازیزێکم بدەم .
1