وزي ما قالو ..
الحب يبداء بنظرة عين ، ويتم بدمعة من العين نفسها ، وكل شي نصيب .

فترة الملل في العلاقات عبارة عن تحديد لمسار علاقتكم ، اما تكملو عمر ، او تكون نهاية لعلاقتكم

التفكير الزايد في الاشياء والموقف يستنزف روحكم وطاقتكم ، ارخو الاولة
وزي ما يقولو .. " ما حدث في لحظة ينتهي في تلك اللحظة "

طول العلاقة وقصرها مش مقياس للحب الراحة والتفاهم هما المقياس الاول والاخير

حاولو مضحوش هلبا بش تستمر علاقتكم
متجوش على روحكم هلبا بش تبينو انكم بيرفكت قدام الناس وصحابكم وحني واو ولا قبلنا ولا بعدنا ، ممكن تحملتو وجيتو على روحكم شهر او سنة ، لكن انتو مش مجبورين تعيشو عمر تقدمو في تنازلات ماليهاش نهاية ومجرد استنزاف لطاقتكم .

لما تحبو حد هلبا ، ويخش الشك في علاقتكم مش حتعرفو تقدمو ولا توخرو ، الحب يعمي وحتحسو انكم مفروض تكملو وان الشك مجرد لحظة ، بينما الشك عمره ما حيكون لحظة
وطبعا عمرها الراحة والشك ما اجتمعو في علاقة وكانت سعيدة حتكون نهايتها فراق ولو تأخر
فحاولو تختارو الوقت الصح لنهاية علاقة بأقل خسائر .

في العلاقات ديما ردو بالكم " تعشمو ، وتتعشمو "
الوقت كفيل بأنه يبين كل شي .

حني نحاولو نتجاوزو اشياء نمرو بيها مافيش حد يعرف عليها شي ولا فيه من يعرف حتى بشن نحسو ، فياريت تقدرو وتحترمو ..

في ناس قراب مننا هلبا ، لكن وجودهم وعدمه واحد ، لا ضرونا ولا نفعونا ، الوقت فرضهم في حياتنا ، او زي ما نقولو "زي رجل الحمار القدامية لا تحك لا تصك "
#فصلة

خلونا نكونو واقعيين شوية ، هوا انتو تتمنو حد يكون خير منكم ؟!!
لو متصالحين مع نفسكم ف جوابكم حيكون
لا طبعا ، خلاص امالا بطلو تنصدمو في الناس اللي حواليكم 🤷‍♂️

اني والله نقول فيها من زمان
اني صح مش ملائكة لكن برضو عمري ما كنت شيطان .

قبل ما تطلب من اي حد حاجة ، فكر قبل لو في يوم طلبك تقدر تلبيه ؟!

اني منحبش الدراما ، يعني ممكن وانت تبينلي انك تعيس ومظلوم نمشي ونخليك ونزيدك هم على همك ، ببساطة منتحملش الدراما 🤷🏻‍♂️
#بلا_دراما

الاشخاص اللي نحبوهم لما يديرو شي يصدمنا عقلنا الباطن يجهزلهم هلبا مبررات و اسباب منطقية للي داروه ، لكن بمجرد ما يبررولنا نعافوهم ، راهو جديات مرات السكوت افضل من تبرير تافه ماليشي اي قيمة .
#احترمو_عقولنا

"واليوم أخطو برفقٍ أكثر، بعد أن ركضت لوقت طويل، خوفًا من أن يفوتني شيء، وفاتني كل شيء."

- محمود درويش.

انكم اديرو شي مش عارفين عواقبه ، افضل من انكم تندمو لأنكم ما درتوه
فكرو فيها ...

ومش صعب على اللي حطك في عينه يحطك في الكناسة ..

اني مش طيب ..
اني كويس معاك لأنك معاي كويس
اغلط واحكم عليا ..!

ردود فعلي باردة .. نفوت ونساير صح ، لكن ما ننساش

مبررات مبررات
تي امتى بتعرفو ان افعالكم ليها عواقب
كيف تبونا نوثقو فيكم وكل حياتنا معاكم مبنية على اعذار تأثر على حياتنا ..