فيه اشياء صح .. وفيه اشياء انتو تشوفو فيها صح .. الفرق بينهم وقت بش تفهم كل شي

جدية العلاقات من عدمها تعتمد على بروز الخطوط الحمراء .. اللي يحسسك ان كل شي عادي بايع من قبل ما يشري 😉

عرفتوه الشعور متع انتو مش عارفين روحكم تحبو الشخص اللي انتو معاه ولا مجرد مرتاحين معاه بس .. قلت نقوللكم انهم وجهان لعملة واحدة 🌚

تحبني ؟ .. السؤال هدا لما نقولو فيه
مش نبي نعرف انك تحبني ولالا
اني محتاج تبينلي هكي بس
ما يفرقش معاي جوابك اصلا 🙂

نضحك معاك وضحكتي متغرك
خلي المواجع والنبي في سرك ✋️

هلبا كلام يجي خاطرك تقوله لكن تكتفي بأبتسامة 😊

مرات تتكلم مع حد لمجرد ان فيه ايام حلوة بينكم ، مش لأنك بترجع ايام من الماضي

لما تلقى روحك "لااازم" تشرح لحد تحبه كيف مفروض يتعامل معاك ويهتم بيك ، "بااااعد" 🙂

مرات من الوجع وانت تتكلم مع شخص نبرة صوتك تتغير 💔

اللي نمرو بيه مش تبلد
لكن نعرفو نخفو المشاعر اللي في داخلنا بشكل كويس

الكلام مش بتحريك اللسان
في هلبا كلام تقوله العيون
ونبرة الصوت تشرح اكثر من الكلام اللي قاعد ينقال ، وملامح الوجه يعطو في اجابات مختصرة هلبا
غير مش كلنا نركزو 😊

نسيتني ؟
علمني الليلة انساك
انا عجزت أفارق نجوم ليلك
كل ما بغيت امشي طريقي لفرقاك
القى الطريق يحن ويردني لك

فعلا الوقت قادر يمحي غلاوة اي حد فرط في مكانه

" وقابلتك انت ، لقيتك بتغير كل حياتى ، معرفش ازاي انا حبيتك ، معرفش ازاي يا حياتي " ♥️
بمجرد ما نلقو الشخص اللي نحبوه وقلبنا يأشر ويقول هدا هوا ، نعيشو فترة لخبطة تكون كل حياتنا ملخبطة ومش عارفين نركزو في ولا حاجة غيره ، لكن كل اللي حني عارفينه ان حني قاعدين نمرو بأحلى فترة في حياتنا ، مانعرفوش السبب اللي خلانا نحبوه ولا كيف حبيناه اصلا ولا شن الشي اللي جذبنا ليه و ممكن لو كنا نعرفو ما كناش حبيناه اساساً ، لكن المهم اننا متأكدين من كل مشاعرنا اتجاهه وحاسين ان هالشخص هوا كل حياتنا ❤️

مرات يكون قلبك مليان كلام وعقلك يقول اشششش 🤫 ، بتندم !

مرات يحب العصفور سمكة !! لكن المصيبة وين بيعيشو ؟؟ في الماء ولا الهواء ؟ .. هذه مأساة من يقع في حب ما ليس له .. لو كملو علاقتهم النهاية يموت واحد منهم
مرات يكون الفراق حب ، بش تحافظ على حياة اللي تحبه .

استمتعو مع اللي تحبوهم قد ما تقدرو وعبرولهم عن مشاعركم بدون خجل ، عبو عيونكم منهم واستمتعو بصوتهم قد ما تقدرو ، وخلو النصيب للوقت
لو فرقكم ، عيشو معاهم في خيالكم و ذكرياتكم 🙂

▪️صارحني لتلقي النقد البناء بسرية تامة

▫️ هنا يمكنك ارسال اي رسالة لي , انا مستعد لمواجهة الصراحة 😅 .
-

نخاف لو نشكيلك !
بلا غير رادة بدمعتي نبكيلك
يبكي الحجر لو نحكيلك
مانريد تسمع شي مني يضرك
خلي المواجع والنبيي في سرك 💔