قال النبي ﷺ:
(أيامُ التشريقِ أيامُ أكلٍ وشُربٍ وذِكرٍ للَّهِ).

النبي ﷺ بنفسه وصفهم كده:
أيام أكل وفرحة وذكر للَّهِ…
مش أيام عادية أبدًا!

لكن للأسف ناس كتير بتاخد من الحديث أوله:
"أيام أكل وشرب"
وتنسى بقيته: "وذكر للَّهِ"

فتلاقي:
⛔ سهر… وتفريط في الصلاة.
⛔ لهو… وسوشيال ميديا طول اليوم.
⛔ غفلة… وضياع لفرص عظيمة.

لكن النبي ﷺ علّمنا التوازن:
افرح، كل، استمتع… بس دايمًا في طاعة اللَّه.

العجول الهربانة والقلوب الخربانة!

عايز تعيش عيدك زي ما النبي ﷺ عاشه؟

النبي ﷺ كان له بصمة في كل لحظة من حياته، وعشان كده لسه عايش في قلوبنا، ملهمّنا في كل تصرف.

كان كل فعل بيعمله فيه حكمة ومقصد.
حتى وهو رايح صلاة العيد، بيروح من طريق ويرجع من طريق تاني!
ليه؟
علشان يسلم على أكبر عدد ممكن من الناس، ويحييهم، ويفرّح قلوبهم…
عبادة اجتماعية راقية!

اتعبّد لربنا زي ما حبيبك ﷺ تعبّد… اتعبّد بالحُب، وبالاهتمام، وبالبسمة.
اتعبّد بالحياة الاجتماعية!

عيدك فرصة تجمع بيها القلوب، وتحيي بيها سُنن الحبيب ﷺ.

مش عايزين العيد ينسينا ربنا يا شباب..

خليك بطل بعد العشر واوعى تهد إللي بنيته؛ لأن البناء صعب؛ لكن الهدم ما أسهله..
طوبة وقعت من البنيان وراها طوبة وراها طوبة لحد ما تلاقي البنيان كله اتهد..


اوعى تكون زي إللي قعدت تغزل في ثوب جميل أيام وليالي تعب ومشقة وبعد ما انتهت نقضت غزلها.


بالظبط زي ما ربنا تبارك وتعالى وصف هذا الحال في القرآن بقوله تعالى : {وَلَا تَكُونُوا كَالَّتِي نَقَضَتْ غَزْلَهَا مِن بَعْدِ قُوَّةٍ أَنكَاثًا...}.


اسألوا اللَّه الثبات وجددوا التوبة دايمًا، وكملوا إللي بدأتوه وتذكروا أنَّ رب العشر هو رب الشهور كلها.👌


وفقكم اللَّهُ لما يحب ويرضى. 🤲

العيد زي ما هو فرحة هو فُرصة؛ فرصة للتوسعة على أهل بيتك فرصة لصلة الأرحام، وعلى قد ما ربنا أعطاك؛ دَخَّل الفرحة على كل إللي حواليك، العيد فرحة؛ فعيشه فرحة واغتنم الفرصة. 🎁

إذ تستغيثون ربكم فاستجاب لكم  #دقيقة_فرح

{إِنَّ ٱلَّذِينَ قَالُوا۟ رَبُّنَا ٱللَّهُ ثُمَّ ٱسْتَقَـٰمُوا۟…}.

الاستقامة = الاستمرار.

حتى لو مش بنفس القوة… لكن الاستمرار هو النجاح الحقيقي.

خلي عندك خطوط حمرا ماينفعش تنزل عنها… دينك مش موسمي، معرفتك بربك مش "أوكازيون طاعة"، دي رحلة عُمر.

الغنيمة الحقيقية من رمضان والعشر، مش بس الحسنات.
الغنيمة الحقيقية = الثبات بعد مواسم الطاعة. ✅

العيد مش مجرد فرحة عابرة…
العيد هو أعظم ذكرى حُب وتضحية في التاريخ!

زي ما سيدنا إبراهيم عليه السلام كان مستعد يقدّم أغلى ما عنده: ابنه!
العيد جاي يقولك:
"هو في إيه عندك أغلى من ربنا؟"

يا فرحة كل واحد ضحّى بذنب، أو عادة، أو فتنة كانت هتضيّعه…

#العيد_فرحة

لا تدري لعل الله يحدث بعد ذلك أمرا #دقيقة_فرح

لما ربنا يكون معاك... مفيش مستحيل!
لما قلبك يتعلق بربنا، كل حاجة حواليك بتتغير!

سيدنا يونس في ظلمة بطن الحوت، وظلمة البحر، وظلمة الليل، ربنا خلّى الحوت غواصة أمان، لما قال:
"لا إله إلا أنت سبحانك إني كنت من الظالمين".

وسيدنا موسى، لما كان البحر قدامه وجيش فرعون وراه، والناس حواليه بيقولوا:
{إِنَّا لَمُدْرَكُونَ}.
قال بيقين وثقة:
{كَلاَّ إِنَّ مَعِي رَبِّي سَيَهْدِينِ}.
ربنا شق له البحر طريق في لحظة!

وسيدنا إبراهيم، لما رموه في النار، وقال:
{حَسْبُنَا اللَّهُ وَنِعْمَ الْوَكِيلُ}.
ربنا خلّى النار {بَرْداً وَسَلاماً} عليه!

علّق قلبك بربنا؛ لأنه هو مصدر القوة، والعِزّة، والغِنى الحقيقي.

إحنا لسه طالعين من أعظم موسمين عبادة في السنة: رمضان وعشر ذي الحجة.

يعني المفروض دلوقتي إنك في قمة إيمانية عمرك ما هتوصلها باقي السنة. المفروض إنك وصلت لـ {وَأَتْمَمْنَاهَا بِعَشْرٍ}.. وصلت للتمام.

أنت خارج من رمضان والعشر صفحة بيضا إوعى تشخبط فيها..

ما تبقاش زي إللي بيزرع زرعته، ويسقيها كل يوم، ولما تبتدي تطلع… يسيبها تذبل وتموت!

أيام رمضان و ذي الحجة كانت فرصة، بس علاقتك بربنا مش مرتبطة بموسم... علاقتك بربنا رحلة عُمر..

كمل، وماتوقفش.👌

عسى الله أن يأتيني بهم جميعا  #دقيقة_فرح

عشر ذي الحجة خلصت.. بس علاقتك بربنا ما انتهتش!

احكيلنا : إيه العبادة اللي نفسك تستمر عليها بعد عشر ذي الحجة وإيه خطتك لما بعد العشر ؟ 💭

شارك معانا ⬇️

https://www.facebook.com/share/p/18EBskmrUn/

🚨 جرس إنذار رهيب من 1400 سنة!

النبي ﷺ بيقول: "إن الإيمان ليَخْلَق في جوف أحدكم كما يَخْلَق الثوب..."
يعني زي ما الهدوم بتدوب… الإيمان كمان ممكن يدوب!

حاسس إنك فقدت لذّة الصلاة؟
مش خايف زي زمان؟
بتحاول ترجع… بس مش قادر؟

ماتبقاش زي اللي بيجمع حسنات في شوال مخروم...

اوعي حسنات الحجاب تروح في الميكاب..
اوعي حسنات الصلاة تضيع في سجاير، مخدرات، صحبة سوء، أو مقاطع إباحية!

⛔ ما تخلّيش إيمانك يبقى ذكرى…
انقذ دينك قبل ما يضيع منك وانت مش واخد بالك.

#افتح_لي_قلبك

يسعدنا تواصلكم 💌

تابعونا على القناة الرسمية لمشروع افتح لي قلبك على التليجرام  :

https://www.tg-me.com/iftahlyqalbak

وقناة الواتس :

https://whatsapp.com/channel/0029Va2H1Ro7oQhWCXs85z2u

وللتواصل مع فريق ( افتح لي قلبك ):


📮 أرقام ومواعيد الشباب "اتصال وواتس" يوميا عدا الجمعة :

http://wa.me/201070730563
من ٨ ل ١٠ م

http://wa.me/201070730562
من 12 ل 2 ص

http://wa.me/201070730561
من 2 ل 6 م

📮 أرقام ومواعيد الأخوات "التواصل واتس فقط" :

http://wa.me/201140513453 ‏
     من 10 لـ 12 م

http://wa.me/201093753484
     من ٨ ل ١٠ م

http://wa.me/201024226178
     من ٦  ل ٨ م 

http://wa.me/201011032472
     من ٩ ل ١١ ص

http://wa.me/201014740452
     من ١ ل ٥ م
     و من ٨ ل ١٢ م

http://wa.me/201205769352
     من 1 ل 3 ظهرا

http://wa.me/201013785619
    من ١١ ل ١ ظهرا 

http://wa.me/201065343785
     من ٤ ل ٦ عصرا

http://wa.me/201015854674
     من 7 لـ 9 م

01026043051
     من ٦ ل ٨ ص ( هذا الرقم إتصال فقط )

📮 ولو مفيش واتس يمكنكم التواصل تليجرام عبر هذا الرابط بشرط إرسال المشكلة برسالة واحدة حتى لا تختلط الرسائل مع باقي رسائل المرسلين بارك الله فيكم

بوت التواصل
https://www.tg-me.com/Iftahlyqalbakhazemshouman_Bot

#افتح_لي_قلبك
🫧l

فما ظنكم برب العالمين
#دقيقة_فرح

أكبر سلاح ضد الفقر!
أيوه، سلاح ضد أكبر مشكلة بتواجه بيوت كتير: الاستغفار.
وعد من ربنا وسلاح فتاك… لو عرفت تستخدمه صح!
ربنا سبحانه وتعالى قال:
{فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا ۝ يُرْسِلِ السَّمَاءَ عَلَيْكُمْ مِدْرَارًا ۝ وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا}.

وعلشان السلاح ده يكون فعّال:

استغفر وقلبك حاضر وخاشع.
استغفر وأنت فعلاً ندمان على ذنوبك.
استغفر وأنت موقن إن ربنا هيغفرلك وهيرزقك.

مستني إيه؟
استغفر بيقين… وهتشوف بعينك أبواب الخير والبركة بتتفتح ليك من حيث لا تحتسب! 🤲🏼

إوعى تكون الدنيا شغلاك بزيادة !!

من شغل، لجامعة، لدروس، لسفر

ووسط كل ده الصلاة بتتأخر!
القرآن مهجور!

إوعى تكون بتأمن الدنيا على حساب أخرتك!

ماتنساش إنك هنا في اختبار حقيقي نهايته يا جنــة يا نار. ⛔

#كأنك_تراه

🔻 هل تمتلك شغفًا بصناعة المحتوى الهادف؟
هل تتقن إدارة حسابات التواصل الاجتماعي وتحب العمل الدعوي؟
انضم إلى فريق د. حازم شومان وكن شريكًا في نشر الخير وتأثير إيجابي في حياة الناس!

✨ الوظيفة: مسؤول سوشيال ميديا
نوع العمل: دوام كامل
الجهة: المكتب الإعلامي للدكتور حازم شومان

المهام المطلوبة:

إدارة وتنسيق المحتوى على منصات (فيسبوك – إنستجرام – تيك توك – يوتيوب – تويتر)

جدولة المنشورات وتحليل الأداء بشكل دوري

التعاون مع فريق التصميم والمونتاج

المشاركة في تطوير الحملات الرقمية

الرد على التعليقات والرسائل بشكل لبق وفعّال

المؤهلات:

خبرة لا تقل عن 3 سنوات في إدارة السوشيال ميديا

إلمام بأساسيات التصميم

أسلوب كتابة عربي قوي ولبق

قدرة على العمل بروح الفريق

الالتزام بالقيم والأهداف الدعوية

مميزات العمل:
العمل ضمن مشروع هادف ومؤثر

بيئة محترمة وإبداعية

فرص تطوير وتعلم مستمر

أجر معنوي ومادي طيب بإذن الله

للتقديم:

يرجى تعبئة الاستبيان التالي بدقة: https://docs.google.com/forms/d/e/1FAIpQLSeAhkVr63rtCBs3w0h_EthFgGdpD9bU7qouJ8yeunHg0iYshg/viewform?usp=dialog

هو عليّ هيّن
#دقيقة_فرح