إن رحمت الله قريب من المحسنين  #دقيقة_فرح

💭 اتعلمت إيه من الآية دي؟

قال الله تعالى:{وَعَسَىٰ أَن تَكْرَهُوا۟ شَيْـًٔا وَهُوَ خَيْرٌ لَّكُمْ....}

في حاجات بتُمنع عنا أو بنبعد عنها وإحنا مكسورين… بس بعد شوية بنكتشف إن ربنا كان بيحمينا مش بيعاقبنا.

✍️ احكي لنا: إيه الحاجة اللي زعلت عليها زمان…وبعدين فهمت إن منعها عنك كان قمة العطاء ؟ 🎁

غدًا صيام الخميس 🍃
خَبيئة صالحة ليومٍ تدنو فيه الشمس من رؤوس الخلائق!
إن لم تَصُم فذكّر، فلعلّك تُؤجَر، فالدالّ على الخير كفاعله بإذن الله.

#صيام_الخميس

تخيّل معايا…

بعد صبرك، وتعبك، وكل اللي شُفته في الدنيا،
تمشي في زُمرة من أهل التقوى...
وتوصل لباب الجنة!

"وَسِيقَ ٱلَّذِینَ ٱتَّقَوۡا رَبَّهُمۡ إِلَى ٱلۡجَنَّةِ زُمَرًا،
حَتَّىٰۤ إِذَا جَاۤءُوهَا وَفُتِحَتۡ أَبۡوَٰبُهَا،
وَقَالَ لَهُمۡ خَزَنَتُهَا: سَلَامٌ عَلَیۡكُمۡ، طِبۡتُمۡ،
فَٱدۡخُلُوهَا خَٰلِدِینَ"

الجنة…
مكانك اللي استنيته سنين،
وعد ربّنا اللي عمره ما بيخلف.

"وَقَالُوا: ٱلۡحَمۡدُ لِلَّهِ ٱلَّذِی صَدَقَنَا وَعۡدَهُ،
وَأَوۡرَثَنَا ٱلۡأَرۡضَ نَتَبَوَّأُ مِنَ ٱلۡجَنَّةِ حَیۡثُ نَشَاۤءُ،
فَنِعۡمَ أَجۡرُ ٱلۡعَٰمِلِینَ"

يا رب، ارزقنا نكون منهم،
نسمع السلام معاهم،
وندخل الجنة زُمَرًا 💚

كل يوم في شأن
#دقيقة_فرح

⛔ الغش مش شطارة.. الغش خيانة!

عارف يعني إيه تغش؟
يعني كأنك بتقول لربنا: "أنا مش واثق في رزقك، ولا شايف الخير في حكمتك يارب"

يعني تبني مستقبلك على كذبة، وتفرح بنجاح مالوش قيمة!

الغش مش بس حرام
ده بيدمر ثقتك في نفسك، وبيعوّدك تاخد حق مش حقك

والأخطر؟ إنك تفتكر إنك كسبت.. وانت في الحقيقة بتخسر كتير

🛑 وقفة مع نفسك قبل ما تدخل الامتحان:

ربنا شايفك
وملك الشمال بيكتب
ومفيش حاجة اسمها "غش بسيط".. لأن الذنب ذنب

📩 اثبت على الصح.. حتى لو كل اللي حواليك بيغشوا

وافتكر:
"من ترك شيئًا لله.. عوّضه الله خيرًا منه"

#الثانوية_العامة

إوعى يومك يعدّي…
من غير ما تزود رصيدك عند ربنا.

كل يوم ربنا بيديك فرصة:
تسبّح؟ تصلّي؟ تقرأ قرآن؟ تساعد محتاج؟ تكتم غيظك؟

الدنيا ماشية، والعمر بيعدي،
والسؤال اللي لازم تسأله لنفسك كل ليلة:
"يا ترى النهاردة عملت إيه يثقل ميزاني عند الله؟"

قال النبي ﷺ:
"اتقوا النار ولو بشق تمرة، فإن لم تجد فبكلمة طيبة."

يعني حتى الكلمة الطيبة… ممكن تنقذك.

فخد بالك،
ماتخليش يومك يخلص من غير ما تتزود بالحسنات!
وما تستقلّش بأي عمل خير،
يمكن هو ده اللي يكون سبب دخولك الجنة.

في لحظات الضيق… كلنا بندوّر على مخرج:
نتكلم، نشتكي، ننهار، أو حتى نسكت.

لكن النبي ﷺ، لما كان يشتد عليه الحال ويضيق صدره، كان بيعمل إيه؟

"كان إذا حزبه أمر، فزع إلى الصلاة."

وركز كويس في لفظ " فزع "!
كأنها ملجأه، وراحته، وسكينته.

الصلاة مش مجرد فرض…
دي حصن أمان، ولقاء مع من بيده مفاتيح الفرج.

لو ضاقت عليك ومخنوق، ومش لاقي حل… قوم صلّي 👌

اختيارك بيحدّد مصيرك.

كل يوم بنصحى فيه… هو في حد ذاته اختبار.
والاختبار ده بيتلخص في سؤال واحد:
"متعة حرام حاضرة، ولا جنّة موعودة؟"
هتختار إيه؟

لحظة ضعف، إغراء سهل الوصول ليه، شهوة بتناديك…
وقصادها وعد من ربنا بجنّة عرضها السماوات والأرض،
راحة أبدية، ونعيم لا ينتهي.

القرار ده بيتكرر معانا كل يوم.

افتكر دايمًا:
مفيش متعة حرام تستاهل إنك تخسر راحة أبدية ونعيم لا يزول بسببها.👌

يمكنكم الآن الاشتراك في القناة الرسمية للدكتور حازم شومان على 《Youtube》


وذلك من خلال هذا الرابط 👇🏻
https://www.youtube.com/c/DrHazemShouman

في زمن السوشيال ميديا… دعوتك ممكن توصل لقلوب ناس كتير، وانت قاعد في مكانك!

بوست، ستوري، تعليق، لايك… كله ممكن يكون سبب فـ هداية حد، أو العكس والعياذ بالله.

السوشيال ميديا ساحة اختبار:
هل هتنشر خير؟ ولا هتكون سبب في أوزار لغيرك؟

خد بالك… كل كلمة، كل صورة، كل محتوى بتشاركه…
إما لك، أو عليك.

﴿مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ﴾

فخلّي وجودك على السوشيال ميديا سبب نور مش نار،
وسيب أجر يجري ليك، مش وزر يتسجل عليك!

لما ربنا يوفقك إنك تمشي في طريق الالتزام إوعى تبص وراك تاني!

إوعى ترجع لصحبة سيئة..
أو تحن لمعصية قديمة..
أو تتحسر على وظيفة أو منصب تركته لله..

إوعى تبص وراك!

وانتبه لخطورة الالتفات
وتذكر قوله تعالى " وَلَا تَكُونُوا كَالَّتِي نَقَضَتْ غَزْلَهَا مِن بَعْدِ قُوَّةٍ أَنكَاثًا ..."

خاف على دينك وخلي عينك على قدام وبس!

ركز في طريق ربنا وانشغل بيه عشان تثبت وماتقعش بسبب بصة لورا !

يسعدنا تواصلكم 💌
#افتح_لي_قلبك

تابعونا على القناة الرسمية لمشروع افتح لي قلبك على التليجرام :

https://www.tg-me.com/iftahlyqalbak

وقناة الواتس :

https://whatsapp.com/channel/0029Va2H1Ro7oQhWCXs85z2u

وللتواصل مع فريق ( افتح لي قلبك ):

📮 أرقام ومواعيد الشباب "اتصال وواتس" يوميا عدا الجمعة :

http://wa.me/201070730563
من ٨ ل ١٠ م

http://wa.me/201070730562
من 12 ل 2 ص

http://wa.me/201070730561
من 2 ل 6 م

📮 أرقام ومواعيد الأخوات "التواصل واتس فقط" :

http://wa.me/201140513453 ‏
من 10 لـ 12 م

http://wa.me/201093753484
من ٨ ل ١٠ م

http://wa.me/201011032472
من ٩ ل ١١ ص

http://wa.me/201014740452
من ١ ل ٥ م
و من ٨ ل ١٢ م

http://wa.me/201205769352
من 1 ل 3 ظهرا

http://wa.me/201013785619
من ١١ ل ١ ظهرا

http://wa.me/201065343785
من ٤ ل ٦ عصرا

http://wa.me/201015854674
من 7 لـ 9 م

01026043051
من ٦ ل ٨ ص ( هذا الرقم إتصال فقط )

📮 ولو مفيش واتس يمكنكم التواصل تليجرام عبر هذا الرابط بشرط إرسال المشكلة برسالة واحدة حتى لا تختلط الرسائل مع باقي رسائل المرسلين بارك الله فيكم

بوت التواصل
https://www.tg-me.com/Iftahlyqalbakhazemshouman_Bot

#افتح_لي_قلبك
🫧l

اللهم وفّق طلبة الثانوية ، اللهم سهّل عليهم ما استُعسر، وذكّرهم إذا نسوا، وافتح عليهم من بركات السماء والأرض.
اللهم اجعل تعبهم طريقًا للفرح، اللهم اجبر خواطرهم وطمِّن قلوبهم، وبلّغهم ما يتمنّون، وزِدهم من فضلك يا أرحم الراحمين.
يا رب، اجعل النجاح حليفهم، والتوفيق رفيقهم، وارزقهم السكينة والتيسير إنك على كل شيء قدير.

#الثانوية_العامة

يمكنكم الآن الاشتراك في القناة الرسمية للدكتور حازم شومان على 《facebook》

وذلك من خلال هذا الرابط 👇🏻
https://www.facebook.com/DrHazemShouman

الصحبة يا إما تشدّك للجنة، يا تسحبك لطريق ما كنتش تتخيله.

النبي ﷺ قال:
"المرء على دين خليله، فلينظر أحدكم من يُخالِل."

صاحبك الحقيقي هو اللي:
- يذكّرك بربنا لما تغفل.
- يرفعك وقت ضعفك، مش يبررلك الغلط.
- يحبلك الخير، ويفرح بتوبتك، ويغار على آخرتك.

دور على صاحب... يشدّك معاه لطريق الجنة،
مش صاحب... يسلّيك في الدنيا ويخذلك في الآخرة.