Akademik litsey, Texnikum, OTM, 2-mutaxassislik, O‘qishni ko‘chirish — qaysi platformalar orqali qachon hujjat topshirish mumkin?

➖ Akademik litseylarga qabul (10-iyundan 10-iyulgacha)
👉 my.edu.uz

➖ OTM va texnikumlarga qabul (5-iyundan 25-iyungacha)
👉 my.uzbmb.uz

➖ Magistratura mutaxassisliklariga qabul (1-yuldan 30-iyulgacha)
👉 magistr.edu.uz

➖ Texnikumni a’lo baho bilan tamomlagan abituriyentlarni suhbat asosida OTMga qabul qilish (5-iyuldan 25-iyulga qadar)
👉 my.edu.uz

➖ Ikkinchi mutaxassislikka qabul (10-iyuldan 10-avgustga qadar)
👉 my.edu.uz

➖ O‘qishni ko‘chirish (15-iyuldan 5-avgustgacha)
👉 transfer.edu.uz — davlat OTMning biridan boshqasiga;
👉 my.uzbmb.uz — xorijiy mamlakatlarda yoki respublikada faoliyat yuritayotgan xorijiy va nodavlat OTMdan davlat OTMlariga

E’LON

IT xizmatlar sohasida yoshlarga zamonaviy kasblar bo‘yicha muhim bilim va ko‘nikmalarni berish maqsadida ishlab chiqilgan yangi yo‘nalishlar

O‘zbekiston Respublikasi Raqamli texnologiyalar vazirligi, Oliy ta’lim, fan
va innovatsiyalar vazirligi hamda Iste’dodli yoshlarni qo‘llab-quvvatlash
“Ulug‘bek” jamg‘armasi qo‘shma qaroriga muvofiq, IT xizmatlari sohasida yoshlarga zamonaviy kasblar bo‘yicha muhim bilim va ko‘nikmalarni berish maqsadida, 2025-yil aprel oyidan boshlab quyidagi yangi yo‘nalishlar bo‘yicha qo‘shimcha o‘quv kurslari tashkil etildi:

• Animatsiya;
• 3D modellashtirish;
• O‘yin dizayni va GameDev asoslari;
• VFX Compositing;
• FX Simulation;
• Unreal Engine;
• Raqamli vizual san’at (Cinema 4D).

Bunda birinchi o‘quv yilida, tajriba tariqasida, barcha yo‘nalishlar bo‘yicha kamida 800 nafar tinglovchi qabul qilinishi belgilangan.
Respublikadagi davlat oliy ta’lim muassasalarining bakalavriat bosqichida (barcha ta’lim shakllari bo‘yicha) 2-kursni muvaffaqiyatli (akademik qarzdorliksiz) yakunlagan talabalar yuqoridagi yo‘nalishlarga https://creativetech.uz veb-sayti orqali hujjat topshirishlari mumkin.

Tanlov bosqichlari quyidagilardan iborat:
• Onlayn test – 20 ta savol, har bir savolga 1 daqiqa 30 soniya vaqt beriladi;
• Portfolio – Qabul komissiyasi tomonidan talabgorga tegishli ishlar va loyihalar ko‘rib chiqiladi;
• Suhbat – Qabul komissiyasi tomonidan suhbat o‘tkaziladi.

Har bir yo‘nalish bo‘yicha ta’lim olish 24 hafta davom etadi va “Blended Learning” — aralash ta’lim texnologiyasi (onlayn va oflayn shaklda) asosida tashkil etiladi.

✍️ DTPI Matbuot xizmati

⚡️ Ta’lim granti tanlovi uchun arizalar qabul qilinadi

📌 O‘zbekiston Respublikasi Vazirlar Mahkamasining 2025-yil 10-martdagi “Oliy ta’lim tashkilotlarida talabalarga grantlarni taqdim etish va qayta taqsimlash tartibi to‘g‘risidagi nizomni tasdiqlash haqida” qaroriga asosan davlat grantlarini qayta taqsimlash tartibi belgilangan.

🎓 Ta’lim granti tanlovida 2024/2025 o‘quv yilida bakalavriat ta’lim yo‘nalishlari hamda magistratura mutaxassisliklari kunduzgi ta’lim shaklida tahsil olayotgan birinchi kurs talabalari ishtirok etishi mumkin.

🔹 Ta’lim grantiga talabgorlar ushbu havola https://dtpi.uz/talim-granti-tanlovi-uchun-ariza-topshirish/ orqali onlayn ro‘yxatdan o‘tgan holda ariza topshirishlari lozim.

🗺 Ta’lim grantiga talabgorlardan joriy o‘quv yilida o‘zlashtirish bo‘yicha GPA ko‘rsatkichi 3,5 va undan yuqori bo‘lishi talab etiladi.

❗️ Onlayn ro‘yxatdan o‘tish joriy yilning 20-iyulgacha (shu kuni ham) davom etadi.

❌ Ro‘yxatdan o‘tmagan yoki 20-iyuldan keyin murojaat qilgan, shuningdek, ijtimoiy-rag‘batlantiruvchi grant sohibi bo‘lgan talabalar ta’lim granti tanlovida ishtirok eta olmaydi.

💬 Savollar yoki ro‘yxatdan o‘tishda muammolar bo‘lsa Registrator ofisiga murojaat qilishingiz mumkin.

📍 Manzil: Surxondaryo viloyati, Denov tumani, Sh.Rashidov ko‘chasi, 360-uy, 2-qavat, 210-xona
+998 76 228 08 27

Denov tadbirkorlik va pedagogika instituti matbuot xizmati 👇
Telegram|Facebook|Website|Youtube