Oltiariq tumanida tibbiyot xodimlari ishtirokida yig‘ilish tashkil qilindi

Bugun, Oltiariq tumani Markaziy shifoxonasida davlat tili to‘g‘risidagi qonun hujjatlariga rioya etilishining ahvoli tahlil qilindi, xususan mehnat shartnomalari, xodimlarning arizalari matni, xatlar, buyruqlar, nazorat rejalari, majlis bayonlari, targ‘ibot vositalari, peshlavhalar, boshqa axborot ko‘rsatkichlaridagi yozuvlarning matnida eng ko‘p yo‘l qo‘yilgan kamchiliklar atroflicha muhokama qilindi.

Bundan tashqari, o‘rganishlar davomida aniqlangan xato va kamchiliklarga yo‘l qo‘ygan mas’ullar rasman ogohlantirildi, shuningdek, kamchiliklarni bartaraf etish yuzasidan kelgusida bajarilishi lozim bo‘lgan vazifalar belgilab berildi.

Kanalga ulanish 👉 https://www.tg-me.com/dtrdep

#JARAYON

Dang‘ara tumanida O‘zbekiston Respublikasi Prezidentining “O‘zbek tilining davlat tili sifatidagi nufuzi va mavqeyini tubdan oshirish chora-tadbirlari to‘g‘risida” 2019-yil 21-oktabrdagi Farmonida belgilangan vazifalar ijrosini ta’minlash maqsadida tibbiyot xodimlari o‘rtasida “Kitobxon hamshira” ko‘rik-tanlovi tashkil etildi.

Tanlovning maqsadi sog‘liqni saqlash tizimida faoliyat yuritayotgan hamshiralar o‘rtasida kitobxonlik madaniyatini yuksaltirish, ularning tahliliy fikrlash salohiyati, o‘zbek tilida aniq, mantiqli fikr bildira olish ko‘nikmalarini rivojlantirishga qaratilgan.

Tanlov jarayonida har bir ishtirokchi o‘zi tanlagan asari asosida taqdimot qilib, tezkor savol-javoblar orqali o‘z bilim va malakalarini namoyish etdilar. Ularning badiiy tafakkuri, asarni tahlil qilish qobiliyati, nutq madaniyati va til boyligidan foydalanish darajasi asosida baholash ishlari olib borildi.

Tadbir yakunida g‘oliblar hamda faol ishtirok etgan hamshiralarga diplom va esdalik sovg‘alari topshirildi.