عوداً حميداً
من جديد إلى طريق العلم والنجاح نتمنى أن يكون عاماً حافلاً بالنجاح ولمزيد من لانجازات
@Alizzy16

السلام عليكم طلاب اول شي مبروك لكل طالب نجح وحظ اوفر لمكملين بشرونه شنو نتائج

وان شاء الله اذا تحبون نبدي شرح واسئله وامتحانات من جديد ع مود نبدي
@Alizzy16

🔴 عاجل..جدول امتحانات الدور الثالث لمرحلة السادس الإعدادي
@Alizzy16

السلام عليكم طلاب جاهزين نبدي شرح اليوم
@Alizzy16

🔶🔸 الفــصل الاول .. بلـبداية نـاخذ فـكرة عـنة هذا الفصـل متـكون مـن 3 مبـاحث اغـلب الطـلاب يـواجهون صعـوبه بي بـس فصـل جـدا سـهل لو تـركزون بـي .. نـبلش بلـمبحث الاول :

✨ يجينا سؤال يكول اكو هواية اسباب تدفعنا حتى ندرس علم الاقتصاد شنو هاي الاساب
✨طبعا جوابها 3⃣ نقاط مثل مموضحه كدامكم "بلمختصر يكول "كل يوم تتخذ هواي قرارات اقتصاديه من الناس والحكومات بعالم صارت القوه الاقتصاديه مقياس للقوه والسلطه وجوهر علم الاقتصاد هو تنظيم المجتمع بشكل يساعده جتى يستغل الموارد العنده وبعد ماكو جيش ولا ناس همه مقياس للقوه لا هسه صارت القوه الاقتصاديه  . ♥️

🌸 اكو تعاليل ركزو عليهن ..
علل/ ان الاقتصاد والسياسه هما طرفا مقص ؟
ج/ لذلك لم تعد القوه البشريه عدد السكان ولا اعداد الجيش هو المعيار لمكانة الدوله وقوتها بل هي القوه الاقتصاديه لذلك تحرص اغلب دول العالم ع جعل السياسه في خدمه الاقتصاد من اجل الحصول ع المكاسب الاقتصاديه المتمثله بالاستثمارات لشركاتها وتصدير سلعها لهذه الاسواق . 🌚

علل/ تحرص اغلب دول العالم ع جعل السياسه في خدمه الاقتصاد ج/ من اجل الحصول ع المكاسب الاقتصاديه المتمثله بالاستثمارات لشركاتها وتصدير سلعها لهذه الاسواق  . 🌚

🔻 تعاريف واضحه كدامكم تعريف علم الاقتصاد وعلم الثروه وساملسون ركزو ع ( ساملسون ) جدا جدا مهم 🔺

🟣 اكو علوم ترتبط بعلم الاقتصاد عدنا سبع علوم هذني طلاب يجن سؤال ممكن فرع او سؤال كامل يكولك مثلا اشرح علاقة علم الاقتصاد بالقانون او اشرح علاقة علم الاقتصاد والجغرافيه يعني هذني يجن اسئله تحفظوهن 🟣

🟡 نبلش باول واحد /
علم الاقتصاد والعلوم السياسيه / يكول يشكل الاقتصاد احد اهم جوانب القوه بالحياة السياسيه يعني اقتصاد كولش مهم وجانب ضروري بالحياة السياسيه وهو يحدد مكانتها وقوتها والعلاقه بين بين السياسه والاقتصاد مثل طرفين المقص ميصير نستغني عن واحد منهم وشكد ما تطورت الدوله وتقدمت نلاحظ هاي الدوله المتطوره تهتم كولش بعلم الاقتصاد وطبعا هذا يظل رهن باستقرار الدوله ونجاح الحكومات واحنا لا محصلين هاي ولا هاي 😹😹

🟢 ثاني واحد /
علم الاقتصاد وعلم الاجتماع / اسهل شي هذا يكلك علم الاجتماع يدرس علاقة الانسان بالبيئة والمجتمع والثقافة بس علم الاقتصاد لا يركز ع تصرفات الانسان وعلاقه بينهم قويه اكيد عفيه الاقتصاد علاقته قويه 😹

❄️ تعليل / تبدو علاقه علم الاقتصاد بلاجتماع قويه ؟
ج/ لانها قائمه ع اساس التاثير المتبادل بينهما .

هذا كل ما يخص الصفحة الاولى 💜
اي سؤال :
@Alizzy16

⚪️ ثالث واحد /
علم الاقتصاد والقانون / طبعا طلاب هذا جدا جدا مهم ركزو عليه يعني الاقتصاد يرتبط بقوه بالقانون من ناحية العقود والملكيات وفرض الضرائب وهاي اكيد تسهل عمل الاقتصاد ومؤسساته لان توفر بيئه امنه بيها تشريع وبيها قانون . ✨

⚫️رابع واحد /
علم الاقتصاد وعلم النفس / هذا همين كولش سهل علم النفس يهتم بلاحاسيس الداخليه بس علم الاقتصاد لا ميهتم هاي سوالف عنده اهم شي سلوك الخارجي للانسان وشنو وره هذا سلوك من دوافع . ✨

🔴خامس واحد /
علم الاقتصاد والرياضيات / ارتبط الاقتصاد بالرياضيات والاحصاء وبعدين ارتبط بالحسابات حتى يختزل اكبر عدد بالصيغ الرياضيه . ✨

🔷🔸 طبعا عدنا تعريف مهم جدا تعريف /
القياس الاقتصادي (٢٠١٩ وزاري د١) هو امكانية التعبير عن العلاقات بين المتغيرات الاقتصاديه واختزال عدد كبير منها بصيغ رياضيه وهو ماتاح للمتخصصين تقدير العلاقه بين هذه المتغيرات الاقتصاديه . 🔹🔶

🟤 سادس واحد /
علم الاقتصاد والتاريخ / مابي شي يتوضح يعني سهل حفظو . ✨

🟠سابع واحد /
علم الاقتصاد والجغرافيه / الجغرافية هي علم دراسة المكان وتتقارب مع علم الاقتصاد من خلال الجغرافيه الاقتصاديه هاي الجغرافيه تدرس العلاقه بين العوامل الطبيعيه والظروف الاقتصاديه . ✨
💭 تعريف النظريه الحتميه الجغرافيه / هي الاعتقاد بان الظروف الطبيعيه هي من تصوغ مجمل الحياة الاقتصاديه والسياسيه والثقافيه للمجتمعات البشريه .

عدنا تعليل يكول :
🌼 علل/ ولا تختلف اسباب الندره ولا عناصرها من مجتمع لاخر ؟
الاختلاف يكون بطريقه حلها الي شلون توزع الموارد المحدوده القليله ع كل الناس لان الموارد المتاحه لاي مجتمع متكفي دائما حتى تلبي رغبات واحتياجات الناس . 🤍 هذا سمايل قلب ابيض مبين جديد اول مره اشوفه 😐

( طبعا داوضحه الكم بلعاميه انتو اكيد تقرو ع ملزمه هذا شرح حتى اوضح الكم ماده ) 🌚💜

هذا كل ما يخص الصفحه الثانيه 💜
اي سؤال :
@Alizzy16

💚 يجينا سؤال يكول
س/ ماهي العوامل المؤثره في ازدياد احتياجات البشريه وتنوعها ؟
ج/
1⃣ زيادة عدد السكان .
2⃣ ارتفاع درجه التطور والتحظر
3⃣ ظهور سلع جديده باستمرار لتلبية حاجات الافراد .

🔷🔸علل/ من غير الممكن لاية دوله مهما بلغت من التقدم العلمي والصناعي توفير جميع السلع والخدمات لمواطنيها ؟
⚜ يكلنا اصلا مستحيل اي دوله لو شكد تطورت وتقدمت متكدر توفر كل السلع والخدمات لمواطنيها زين ليش ؟ السبب لان الموارد متوزعه ع سطح الارض يعني مستحيل كل موارد موجوده بدوله وحده لا الموارد متوزعه ع سطح الارض وبين الدول ⚜

🔰 علل/ الندرة تعد حاله نسبية وليست مطلقه ؟ زين هنا يكول الندره هيه حاله نسبيه مو مطلقه ليش ؟ لان هيه حاله تكون بكل مجتمعات وبكل مراحل تطور البشريه لان الندره هيه التنطي للمورد صفته الاقتصاديه .

❤️ عدنا هنا فراغات /
💖 الندره حاله ...... وليست .......... . ( نسبية , مطلقة ).
💖(الندرة) هي من يعطي للمورد صفته الاقتصاديه .

🟧◽️ عدنا تعاريف الموارد النادره والغير نادره .. ممكن يجن مقارنه همين يكولك قارن بين الموارد النادره وغير نادره . ◻️🟧

🟡 خصائص الندره هاي تحفظوها مثل اسمكم هسه شلون حافظين اسمكم تحفظون خصائص الندره مثله كولش مهمه ..

🟢 عدنا هسه فراغات ركزو عليهن :-
🟠 الندره تمثل علاقه بين متغيرين هما (الانتاج) و(الرغبات البشريه) .
🟠 تنقسم الحاجات الانسانيه من حيث انواعها الى حاجات ( خاصه فرديه و حاجات عامه جماعيه ) .
🟠نقسم الحاجات الانسانيه من حيث اهميتها الى ( ضروريه و ثانويه كماليه ) .
🟠تنقسم الحاجات الانسانيه من حيث ديوميتها الى ( حاجات متكرره و متجدده متطوره مع التقدم الفنى والتكنولوجي ) .

تعريف/
🔷🔸 حاجه الانسانيه / هي الرغبه التي يسعى البشر لاشباعها .

🔔 علل/ التضحيه ببعض الحاجات من اجل تامين بعضها الاخر ؟
ج/ تبعا لدرجه اهميتها لدى الفرد او المجتمع .

هذا كل ما يخص الصفحه الثالثه 💜
اي سؤال :
@Alizzy16

💠 الكفاءة الاقتصاديه / هي اشباع اكبر مايمكن من الحاجات باقل مايمكن من الموارد . ✨

🔶🔸 يجينا سؤال جدا جدا مهم حفظو يكول
س/ لاشباع اكبر مايمكن من الحاجات باقل ما يمكن من الموارد يخضع لمحددات عددها ؟
ج/
✨ اولا : ان عملية الاختيار يجب ان تهدف للحصول ع اقصى منفعه اشباع باقل موارد .
✨ثانيا :ان عملية الاختيار هذه يجب ان تاخذ بنظر الاعتبار مشكلات عدم تلبية الحاجات الاخرى التي يحتاج اليها الفرد او المجتمع

🟣 علل/ ان اي مجتمع ليس بمقدوره ان يلبي جميع احتياجته في وقت واحد ؟
ج/ لعدم توفر الموارد المتاحه لذلك يميل الى العمل في حدود المتاح من الموارد .

🟠 علل / يختلف منحنى امكانية الانتاج من دوله لاخرى ؟
ج/ نتيجة تغير حجم الموارد المتاحه ومستوايات التنكولوجيا المستعمله .

🟡 علل / يؤدي الى انتقال منحنى امكانيه الانتاج نحو اليمين ؟
ج/ نتيجه زيادة الناتج المحلي الاجمالي .

هذا كل ما يخص نص الصفحه الرابعه 🌚😹💜
اي سؤال :
@Alizzy16

لهنا طلاب انتهى درسنا 💜
للعلم خلصنا المبحث الاول 🌚
شنو رأيكم بطريقة الشرح عجبتكم ؟ دزولي ارائكم وشرح يمكم ان شاء الله تكملون لشرحنا ليوم ونبدي بل مبحث ثاني

@Alizzy16

طلاب ان شاء الله باجر نكمل شرح اي سؤال استفسار قبل لنبدي
@Alizzy16

🤍 يجينا سؤال يكول
س/ كيف ظهرت التنظيمات والقوانين في حضاره وادي الرافدين ؟ 🌸
🔸 طبعا جواب واضح كدامكم يكولك كشفت هاي حضاره عن وجود تنظيمات وقوانين اعتمدت ع مده طويله ومن جان مجتمع مقسم ع هيئه طبقات يعني الغني والمتوسط والفقير لازم اكو سلطة / دوله لذلك هاي حضاره ظهرت بيها اول سلطه / دوله بالتاريخ وهي الوركاء اور نفر بابل حضر . 💙

🔷🔸 علل / الاله الاعلى في وادي الرافدين يمسك بكل السلطات وهذا من شأنه أن يحمل الناس على الالتزام وطاعة الملوك ؟
جواب / خوفا من غضب الاله وثورتها .

🔶🔹 س/ ماهي الوظائف الاساسيه التي قد تنتج عن دور سلطة / دوله ؟ ( وزاري د1 / 2019)
جدا مهم هذا سؤال طلاب وطبعا جاي وزاري . 💜

هذا مايخص الصفحه الرابعه الباقيه اكيد مناسيها 🌚💜

💠 انواع الملكيات جدا مهمات ممكن يجن تعاريف وممكن يجن سؤال كامل .
الي هي ( ملكية المعابد ، ملكية الحكام المستقله ، ملكية المزارع العامه ، الملكيه الفرديه ) 🤍

س/ تكلم عن موقف حضارة وادي الرافدين من الضرائب ؟
بمعنى جان الملك اله حق يحجي باسم الالهه يفرض الضرائب ع الناس ويصادر العبيد والحيوانات والعربات ويعفي ويستثني بكيفه لا صداد ولا رداد 😹😹
وجان اكو اله عمال مخلصين يجمعون الضرائب من هل الناس المكروده ويروح جزء من هل الضرائب للمعابد والاخر للملك 🤍

س/ على من تفرض الضرائب ؟
ج/ 1/ التمور والاسماك والماشية والاراضي الزراعية . 💜
2/ القنوات المائية . 💙
3/ ضريبة (الرأس) وهي تفرض على كل مواطن من ضمن القرى والمدن البابلية والسومرية والاشورية، وتدفع في أغلب الاحوال بشكل محاصيل زراعية وخاصة الشعير .( تعريف مهم )
🌼 تعريف ضريبة الرأس وزاري مهم طلاب .

س/ ماموقف حضارة وادي الرافدين من القروض ؟ ❤️
ج/ مدن وادي رافدين عرفت اشكال هواي من القروض بس مدينه بابل شهدت اول ظهور للمصارف التي تقوم بلاقراض مقابل الفائده وجان يمارس هاي الاقراض اثرياء وتجار بابل مثل بيت ايكيبي يصيرون بيت اخت مرت عم جدي 🌚😹
ومورواشو واولاده هذولي عائله ولا ارتاحلهم 😹😹😹😹

فراغ | وجدت في حضارة وادي الرافدين عوائل تقوم بعملية الاقراض مقابل فائدة هي عائلة بيت ايكيبي في بابل وعائلة موراشو واولاده في مدينة نفر . ⚜️

س/ كيف استعمل البابليون الشعير وسيلة مبادله ؟
البابليون استخدمو الشعير بدال النقود حتى يسهلون المبادلات التجارية وبعدين دخلو الفضه بالموضوع بدال الشعير حتى يحددون قيم السلع المتبادله واكو مصادر تكول سنحاريب هو اول من امر بضرب نقود يعني صنع النقود من قطع صغيره من الفضه وجانت العملات البابليه مختومه ببعض الشعارات مثل رأس عشتار او رأس الشمس 🧡

س/ انشأ سكان وادي الرافدين علاقات تجارية مع مختلف الدول ؟
الحاجه دعت لهذا شي بسبب قلة المواد الاوليه بسبيها نشأو علاقات تجارية ويا دول مثل عيلام بلاد فارس واسيا الصغرى ودلمون البحرين ( ممكن يجن فراغات الدول ) 🧡

س/ املا الفراغات الاتيه :
1- الملك البابلي سنحاريب هو من أمر بضرب النقود من قطع صغيرة من الفضة . 🌸
2- معظم التجارة في وادي الرافدين كانت تجري لحساب المعابد و الملوك لتأمين احتياجاتهم 🌸
3- كانت العملات البابلية مختومة ببعض الشعارات من مثل رأس عشتار أو رأس شمس . 🌸

اي سؤال : @Alizzy16
هذا كل ما يخص الصفحه الخامسه 💜

كسينافون : هو العالم الذي استعمل كلمة اقتصادي ألول مرة عنواناً لكتابه الذي خصصه لدراسة اسس ادارة المنزل .
تعريف جدا مهم وزاري 💜

علل // تمثل أثينا أنموذجاً تقليدياً كلاسيكيا للعبودية التي سادت أوربا ؟
ج/ بسبب الحروب والفقر وتفاقم النزاعات بين المدن الاغريقية آنذاك، ومن ثم ما بين فئات المجتمع اليوناني، وبخاصة الطبقة التجارية وملاك العبيد .
مهم جدا هذا تعليل 💙🌸

س/ جاءت افكار فلاسفة اليونان معبرة عن حاجة العبودية، وهو اول انحياز فكري في التاريخ وما اريد منه هو تأكيد على ؟
جوابة واضح كدامكم ٣ نقاط حفظوهن 🌼🌿

س/ ينطلق افلاطون من افتراض ثبات الطبيعة البشريه ؟
الانسان بطبيعته هو مخلوق سياسي وهذا يدفع كل الناس حتى يساعدون بعضهم البعض بشكل غريزي يعني مو بيدهم محاوله حتى يسوون حياة مشتركه هذا الدافع الطبيعي بينه دفعنه للتقرب وجان سبب في تشكيل العائله والتجمعات البشريه ونوب الدوله 🌸

س / كيف قــسم افلاطـون طبقات المجتمع ؟
ج/1/ الحكام ومثلهم بالراس الذي يمثل الذكاء ويحرم عليهم الملكيه وتكوين الاسرة . 🌼
2/الجند ومثلهم بالقلب الذي يمتاز بالقوة . 🌼
3/المزارعون والصناع ومثلهم بالسواعد التي تعمل وتنتج . 🌼
هذا جدا مهم ممكن يجن فراغات وممكن هيج سؤال كامل 💜

س/ تكلم عن الملكية والزراعه عند الاغريق ؟
الاغريق عدهم الزراعه هي المهنه الرئيسيه بالنشاط الاقتصادي وهيه مصدر عيش الشعب ونظروا بنظره اقل يعني ممهتمين لباقي صنائع عدهم اهم شي زراعه واكيد اختلفو بشأن ملكية 🌿💚

علل/ شجع افلاطون الملكية المشاعية في حين عارضة تلميذه ارسطو ؟
ج/ لاعتقاده ان الملكية العامة غير عملية ولا تلبي ميول النفس البشرية وطبيعتها . 💛

فراغ| انواع الملكيه ملكية الدولة ملكية عامه و ملكية الافراد ملكية خاصه .فراغ| انواع الملكيه ملكية الدولة ملكية عامه و ملكية الافراد ملكية خاصه . 💚

اي سؤال :
@Alizzy16
هذا كل مايخص الصفحه السادسه 💜