#press_tur

FARG‘ONADA JURNALIST VA BLOGERLAR FITOSANITAR LABORATORIYASI FAOLIYATI BILAN TANISHDILAR

Bugun Farg‘ona viloyati O‘simliklar karantini va himoyasi boshqarmasi fitosanitariya laboratoriyasida Farg‘ona viloyati hokimligi hamda O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan tasdiqlangan media-rejaga asosan, press-tur bo‘lib o‘tdi.

Press-turda ommaviy axborot vositalari, davlat tashkilotlari axborot xizmatlari rahbarlari, blogerlar, soha mutaxassislari ishtirok etdi. Dastlab, Farg‘ona viloyatida fitosanitar, qishloq xo‘jaligi mahsulotlari xavfsizligini ta’minlash, zararkunandalarga qarshi kurashish maqsadida amalga oshirilayotgan ishlar haqida ma’lumotlar berib o‘tildi.

Shundan so‘ng, ishtirokchilar fitosanitariya laboratoriyasida zararkunanda va kasalliklarni aniqlash borasidagi ishlar, zamonaviy jihoz hamda texnika vositalarini ko‘zdan kechirdilar. Mutaxassislar tomonidan ish jarayonlari ko‘rsatib o‘tildi.

Ta’kidlash o‘rinliki, fitosanitariya laboratoriyasidagi PZR va Rengen uskunalari vodiyda yagona hisoblangan bo‘lib, uskuna yordamida o‘simliklardagi barcha turdagi zararkunandalar, kasalliklar va begona o‘t urug‘larini aniqlash imkonini beradi. Bundan tashqari Farg‘ona viloyati fitosanitariya laboratoriyasi 2021-yilda 17025-2019 standarti bo‘yicha Milliy akkreditatsiyadan o‘tgan bo‘lib, hozirgi kunda laboratoriyaning imkoniyatlari kengayib, nafaqat mahalliy balki qo‘shni respublikalarga eksport qilinayotgan karantin ostidagi qishloq xo‘jaligi mahsulotlarini tekshirib tegishli laboratoriya ekspertiza xulosalarini berish yo'lga qo'yilgan.

Laboratoriyadagi eng zamonaviy asbob-uskunalar o‘simliklarga zarar keltiruvchi, oddiy qurilmalarda aniqlab bo‘lmaydigan virusli va bakteriologik kasalliklarni aniqlash imkoniyatiga egadir. AQSH, Polsha, Turkiya, Xitoy, Latviya, Rossiya Federatsiyasi, Germaniya davlatlarida ishlab chiqarilgan 20 turdagi 25 dona uskunalar yordamida laboratoriyada gerbologik, entomologik, fitopatologik tekshiruvlari olib borilmoqda.

Bundan tashqari, sayyor mobil laboratoriya orqali ham ana shunday tekshiruvlar hududlarga borgan holda o‘rganib borilmoqda.

Ommaviy axborot vositalari vakillari press-tur jarayonida o‘zlarini qiziqtirgan barcha savollarga mutasaddi va mutaxassislardan batafsil javoblar oldilar.

Fargʻonada “Rahbar va yoshlar” uchrashuvi tashkil etildi

Oʻzbekiston Respublikasi “Yosh ekologlar” harakati va “Yosh turizm elchilari” Kengashlarining 2024–2025-yillarga moʻljallangan ish rejalarini amalga oshirish, kengash a’zolari bilan tizimli ishlash samaradorligini oshirish maqsadida “Rahbar va yosh ekologlar” hamda “Rahbar va yosh turizm elchilari” uchrashuvlarini oʻtkazish belgilangan.

Mazkur reja asosida joriy yilning 12-iyun kuni Fargʻona Texnika Universitetida navbatdagi ochiq muloqot tashkil etildi. Unda Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining Ommaviy tadbirlarni tashkil etish va ekofaollar bilan ishlash boʻlimi boshligʻi Zarina Abdullayeva, Fargʻona viloyati hokimi oʻrinbosari, viloyat Turizm boshqarmasi boshligʻi Xurshidjon Axmedov, Fargʻona viloyati Ekologiya boshqarmasi boshliq oʻrinbosari Anvarjon Ashurov, viloyat Kengashlarining a’zolari hamda faol fargʻonalik yoshlar ishtirok etdi.

Uchrashuv bir vaqtning oʻzida offlayn va onlayn formatlarda tashkil etildi. Tadbir avvalida ishtirokchilarga kengashlar faoliyatini rivojlantirish, amalga oshirilayotgan islohotlar, kengash a’zolari uchun yaratilayotgan shart-sharoitlar, erishilgan yutuqlar va kelgusidagi rejalashtirilgan ishlar yuzasidan atroflicha axborot berildi. Shuningdek, kengash a’zolarining faoliyatini yanada takomillashtirishga qaratilgan taklif va tashabbuslari tinglandi.

Uchrashuv doirasida “Yosh turizm elchilari” Fargʻona viloyati Kengashi raisi Murodjon Kamoliddinov hamda “Yosh ekologlar harakati” viloyat Kengashi raisi Bekmurod Inomjonovlar tomonidan kengashlarning 2024–2025-yillar uchun ishlab chiqilgan ish rejalari, ularning ijrosi va istiqboldagi rejalar yuzasidan taqdimot o‘tkazildi.

Taqdimot jarayonida Fargʻona viloyati Ekologiya boshqarmasi boshligʻining matbuot kotibi Gulnozaxon Toʻxtasinova va Turizm boshqarmasi bosh mutaxassisi Manzuraxon Haydarovalarning kengash raislariga koʻmaklashishdagi sa’y-harakatlari alohida e’tirof etildi. Kelgusi ishlar yuzasidan fikr almashildi.

Shuningdek, soha doirasida mavjud muammolar, tizimli kamchiliklar va ularni bartaraf etish bo‘yicha takliflar muhokama qilindi. Muhokamalar davomida bildirilgan barcha murojaatlar va takliflar asosida “yoʻl xaritalari” shakllantirildi. Ishtirokchilarning savollariga mas’ul mutasaddilar tomonidan batafsil javoblar berildi. Ma’lum vaqt talab etiladigan masalalarning ijobiy yechimi boʻyicha kelishuvlarga erishildi.

Mazkur tadbir yoshlarning tashabbuslarini qoʻllab-quvvatlash, ularning jamiyatdagi faolligini oshirish va ekologiya hamda turizm sohasidagi islohotlarda bevosita ishtirokini ta’minlash yoʻlida muhim qadam boʻldi

.

FARG‘ONADA JURNALIST VA BLOGERLAR FITOSANITAR LABORATORIYASI FAOLIYATI BILAN TANISHDILAR

Facebook | Telegram | You Tube | karantin.uz