#Deputat_hududda

Ekologik holat va aholi salomatligi birinchi galdagi vazifa bo'lishi kerak

Abdushukur Xamzayev rahbarligidagi ishchi guruh Samarqand viloyatidagi o‘rganishlarining ikkinchi kunida Samarqand tumanida joylashgan, avval sharoiti og‘ir hududlardan biri sanalgan "Yangi joy" mahalla fuqarolar yig‘inida bo‘lib, kam ta’minlangan oilalarni kambag‘allikdan chiqarish va xususiy tadbirkorlikni rivojlantirishga qaratilgan ishlar bilan tanishdi.

Mahallada aholi turmush sharoitini yaxshilash maqsadida amalga oshirilgan ishlar – ichimlik suv tizimining yaxshilanishi, mahalla guzari qoshida tashkil etilgan tikuvchilik markazi faoliyati, shuningdek, tayyor mahsulotlarni bozorga chiqarish tartibi o‘rganildi.

A.Xamzayev aholining yashash sharoitini yanada yaxshilash, ularning bandligini ta’minlash va qo‘shimcha daromadga ega bo‘lishlari uchun qulayliklar yaratish bo‘yicha mutasaddilarga tavsiyalar berib o‘tdi. Shuningdek, ekologik holat va aholi salomatligiga jiddiy e’tibor qaratish, bunda avvalo toza ichimlik suvi bilan ta’minlash masalasi birinchi galdagi vazifa bo‘lishi kerakligini qayd etdi.

✅Telegram|✅Facebook | 🌐Instagram |🌐 Web site | 📹You Tube

#Ekopartiya
#Yoshlar

EKOFAOL YOSHLAR SONI ORTMOQDA

O‘zbekiston Ekologik partiyasi Markaziy Kengashida INHA universiteti talabalari va ekofaol yoshlar ishtirokida ochiq muloqot bo‘lib o‘tdi.

Muloqot davomida yoshlar zamonaviy ekologik muammolar, partiyaning ekologik siyosati hamda amalga oshirilayotgan yangi loyihalar bilan yaqindan tanishtirildi.

Shuningdek, partiyadan saylangan Yoshlar parlamenti a’zolari hozirgi kunda partiya tashabbusi bilan o‘tkazilayotgan tadbirlar va ularda yoshlarning faol ishtiroki haqida batafsil ma’lumot berdilar. Faqatgina muloqotning o‘zi bilan cheklanib qolmay amaliy mashg‘ulotlar ham o‘tkazildi. Unda ishtirokchilar o‘zlari dolzarb deb bilgan ekologik muammolar va ularning yechimi aks etgan ko‘rgazmalar tayyorlashdi.

Tadbir yakunida bir guruh yosh yigit-qizlar O‘zbekiston Ekologik partiyasi a’zoligiga qabul qilindi.

✅Telegram|✅Facebook | 🌐Instagram |🌐 Web site | 📹You Tube