“Dolzarb 90 kunlik” doirasida maktabdagi oromgoh faoliyati o‘rganildi

O‘zbekiston Ekologik partiyasi Toshkent shahar Kengashi hamda Mirobod tuman partiya tashkiloti raislari 31-sonli umumiy o‘rta ta’lim maktabida tashkil etilgan yozgi oromgoh faoliyati bilan tanishdilar.

Maktabda “Dolzarb 90 kunlik” loyihasi doirasida bolalarning bo‘sh vaqtini mazmunli o‘tkazish maqsadida sport, rassomchilik, “Ekologik savodxonlik”, chet tillari, kompyuter grafikasi kabi to‘garaklar tashkil etilgan. 1–6 sinflarda tahsil olayotgan 200 nafardan ziyod o‘quvchi bu to‘garaklarda ishtirok etmoqda.

Bolalar uchun yaratilgan sharoitlar ijobiy baholanib, partiya vakillari bilan maktabda ekologik madaniyatni oshirishga qaratilgan qo‘shma tadbirlar o‘tkazish yuzasidan kelishuvga erishildi.

✅Telegram|✅Facebook | 🌐Instagram |🌐 x.com | 📹You Tube

Sport va ekologiya uyg‘unligida sog‘lom avlod tarbiyasi

O‘zbekiston Ekologik partiyasi Nukus shahar Kengashi hamda Ekologiya, atrof-muhitni muhofaza qilish va iqlim o‘zgarishi vazirligining shahar bo‘limi hamkorligida “Dolzarb 90 kun” doirasida “Turan” bolalar oromgohida “Sport – sog‘lik garovi” nomli ekologik-sport tadbiri tashkil etildi.

Tadbirda oromgoh tarbiyalanuvchilari, tarbiyachilar va ma’muriyat vakillari ishtirok etdi. Unda sog‘lom turmush tarzini targ‘ib qilish, ekologik bilim va madaniyatni oshirishga doir fikrlar bildirildi.

Shuningdek, bolalar shaxmat, shashka, futbol va stol tennisi bo‘yicha bellashuvlarda qatnashib, faol ishtirok etishdi. G‘oliblar va faol ishtirokchilar partiya tomonidan faxriy yorliqlar, esdalik sovg‘alari bilan taqdirlandi.

✅Telegram|✅Facebook | 🌐Instagram |🌐 x.com | 📹You Tube

Mehr qalblarni nur va umidga to‘ldiradi

O‘zbekiston Ekologik partiyasidan saylangan Yoshlar parlamenti a’zosi Munisa Mullajonova boshchiligidagi partiya Yoshlar qanoti vakillari tomonidan Toshkent shahridagi "Taskin" bolalar xospisida kasallikka chalingan bolalar va ularning ota-onalari uchun ko‘ngilochar tadbir tashkil etildi.

Qalblarni nur va umidga to‘ldiradigan narsa mehrdir. Shu maqsadda bir oz bo‘lsa-da, bolalarga mehr ulashish istagida tadbir davomida har xil o‘yinlar, raqslar tashkil etildi. Bolalar o‘zlari yoqtirgan suratlarni chizishdi, turli xil kulolchilik buyumlari yasash bilan vaqtlarini chog‘ o‘tkazishdi.

— Maqsadimiz qisqa muddat bo‘lsa-da, bolalarga xursandchilik ulashish, dardlarini unutib, hayotdan zavq olishlariga ko‘maklashishdir, — deydi Yoshlar parlamenti a’zosi M.Mullajonova. — Jajji ukalarimiz, singillarimizning ko‘zlaridagi quvonchni ko‘rib, tadbirimizdan ko‘zlangan maqsadga erishdik, deya olamiz.

Tadbir so‘ngida ulashilgan turli shirinliklar bolalarning kayfiyatiga yanada ko‘tarinkilik bag‘ishladi.

✅Telegram|✅Facebook | 🌐Instagram |🌐 x.com | 📹You Tube

Issiqxona gazlari tashlamalarini kamaytirish kechiktirib bo’lmas vazifalardan biridir

📝O‘zbekiston ekologik xavfsiz va barqaror iqtisodiyotga intilmoqda. Shuningdek, global iqlim o‘zgarishiga qarshi kurash ham ustuvor vazifalardan biridir. “Issiqxona gazlarining chiqarilishini cheklash to‘g‘risida”gi Qonun buni yana bir bor isbotlaydi.

💬Prezident tomonidan ekologik tashabbuslarning mantiqiy davomi sifatida imzolangan ushbu qonun atmosferaga chiqariladigan zararli tashlamalarni kamaytirish, uglerod muvozanatini tartibga solish va “yashil” tashabbuslarni rag‘batlantirishga qaratilgan.

✔️Qonunga ko’ra, davlat tomonidan issiqxona gazlari chiqarilishiga limit belgilanadi. Kompaniyalar tomonidan kvotalar olinadi yoki sotiladi. Maqsad iqtisodiy tarzda СО₂ chiqarilishini kamaytirishdir. Bunda O‘zbekiston milliy iqlim siyosatining quyidagi asosiy tamoyillari belgilab qo‘yilgan:

– tashlamalar darajasini kamaytirib, barqaror iqtisodiy o‘sishni ta’minlash;
– qayta tiklanuvchi energiya manbalaridan foydalanishga ustuvorlik berish;
– O‘zbekistonning issiqxona gazlarini kamaytirish bo‘yicha xalqaro majburiyatlarini bajarish;
– tashlamalar bo‘yicha hisobotlarning majburiyligi va shaffofligini ta’minlash;
– tashlamalarni kamaytirish bo‘yicha maqsadli ko‘rsatkichlarga erishish;
– iqlim choralarini ishlab chiqish va amalga oshirishga ilmiy va tizimli yondashish.

✅Qonun jismoniy va yuridik shaxslarga tashlamalarni kamaytirish va iqlim o‘zgarishiga moslashishga qaratilgan loyihalarni amalga oshirish huquqini beradi. Ushbu loyihalar orqali erishilgan tashlamalarni kamaytirish natijalari davlat tomonidan tan olinadi va milliy uglerod birliklari reyestriga kiritiladi.

Ta’kidlash joizki, mamlakatimizda uglerod neytralligiga erishish bo‘yicha keng miqyosdagi islohotlarni qat’iy olib borgan holda, 2030-yilgacha havoga issiqxona gazlari chiqarilishini

35 foizga

kamaytirish, “yashil” energetika ulushini

56 foizgacha

oshirish maqsad qilib olingan.

Qonunning qabul qilinishi Parij bitimiga asosan issiqxona gazlari chiqarilishini qisqartirish bo‘yicha olingan majburiyatlar O‘zbekiston tomonidan bajarilishini ta’minlashga zamin yaratadi. Iqlim o‘zgarishi bo‘yicha olib borilayotgan islohotlarni jadallashtirish, atrof-muhit va ekologiyani yaxshilash hamda iqtisodiyotning barqaror rivojlanishi uchun zarur sharoit yaratishga xizmat qiladi. Qolaversa, O‘zbekistonning xorijiy davlatlar bilan iqlim o‘zgarishi va issiqxona gazlarini qisqartirish sohasida ikki tomonlama hamkorlik loyihalarini samarali amalga oshirish uchun mustahkam huquqiy asos yaratadi.

Baxtiyor Pulatov, Oliy Majlis Qonunchilik palatasi deputati

📱telegram 📱instagram 📱 facebook