Qashqadaryoda “TalabaExpo-2025” bo‘lib o‘tmoqda

Qarshi davlat universitetida “Kelajakka qadam” loyihasi doirasida o‘tkazilayotgan an’anaviy “TalabaExpo-2025” kasb ko‘rgazmasi boshlandi.

Dastlab viloyat hokimi Murodjon Azimovning talaba-yoshlar bilan uchrashuvi bo‘lib o‘tdi. Faol va iqtidorli yoshlar, 2025/2026-o‘quv yilida viloyat hokimi stipendiyasi sohibi bo‘lgan yoshlarga guvohnomalar hamda biznes loyihalari moliyalashtirishga qabul qilingan bitiruvchilarga vaucherlar topshirildi.

Ko‘rgazmada viloyatdagi oliy ta’lim tashkilotlarining talaba-yoshlari va bitiruvchilari ishtirok etmoqda. Ularga yirik ish beruvchilar tomonidan bo‘sh ish o‘rinlari, shu jumladan amaliyot va stajirovkalar taklif etilmoqda.

Kun davomida bitiruvchi talaba-yoshlar uchun mavjud ish o‘rinlari va tadbirkorlik imkoniyatlari bo‘yicha ko‘rgazma, “O‘zmilliybank” AJ tomonidan bank mahsulotlari, bitiruvchi talabalarning innovatsion va startap loyihalari taqdimoti o‘tkaziladi.

#Jarayon #bandlik #TalabaExpo #Qarshi

Bizni kuzating

Facebook | Instagram | YouTube | Telegram

“InnoWeek-2025” — “Chegarasiz g‘oyalar” xalqaro haftaligi rasman ochildi

Bugun, 9-oktabr kuni CAEx – O‘zbekiston xalqaro ko‘rgazmalar markazida “InnoWeek–2025” VIII Innovatsion g‘oyalar xalqaro haftaligining tantanali ochilish marosimi bo‘lib o‘tdi.

Tadbirda O‘zbekiston Respublikasi hukumati a’zolari, vazirlik va idoralar rahbarlari, xorijiy davlatlarning diplomatik vakolatxonalari vakillari, yirik ilmiy markazlar olimlari, texnologik soha ekspertlari, startap ekotizim ishtirokchilari, yosh innovatorlar va ixtirochilar hamda boshqalar qatnashdi.

Haftalikda mahalliy va xalqaro yirik kompaniyalar, oliy taʼlim va ilmiy tadqiqot muassasalari, venchur fondlar, moliya tashkilotlari, xalqaro ma’lumotlar bazalarining vakillari ishtirok etmoqda.

Xitoy, Malayziya, Singapur, Yaponiya, Koreya, Vengriya, Germaniya,Fransiya, Niderlandiya, Shvetsiya, Hindiston, Eron, Quvayt, Belarus, Armaniston, Gruziya, Tojikiston, Qozogʻiston, Qirgʻiziston, Togo (Afrika) kabi dunyoning 30 ga yaqin davlatlaridan vakil va elchilar ishtirok etmoqda.

Eslatib oʻtamiz, haftalik doirasida ishtirokchilar uchun ilm-fan, texnologiya va innovatsiyalar sohasidagi bilim va ko‘nikmalarni oshirish, shuningdek, xalqaro tajriba almashish imkoniyatini beruvchi 30 dan ortiq ilmiy-amaliy tadbirlar tashkil etish rejalashtirilgan.

#Jarayon #InnoWeek2025 #ochilish_marosimi

Bizni kuzating

Facebook | Instagram | YouTube | Telegram