🇲🇽 Мексика парламентида депутатлар муштлашди

Муштлашув Мексикада бошқа давлатларнинг қуролли кучлари мавжудлиги ҳақидаги “мураккаб баҳс-мунозаралар”дан сўнг бошланган.

Унда мухолифатдаги Институцион инқилобий партия етакчиси Алехандро Морено ва ҳукмрон “Морена” партияси вакили Херардо Фернандес ўртасида содир бўлган.

Тошкентдаги мактабларда сунъий интеллект орқали 10 ва 11-синф ўқувчиларининг руҳий ҳолати аниқланади.

Водий вилоятларидаги шаҳарлардан бирининг ҳокими 60 минг доллар пора олаётган пайтда қўлга олингани айтилмоқда.

Ҳозирча бу ҳақда расман маълумот берилмади.

Шавкат Мирзиёев Хитой Халқ Республикаси Раиси Си Цзиньпиннинг таклифига биноан 30 август — 3 сентябрь кунлари расмий ташриф билан ушбу мамлакатда бўлади.

Давлатимиз раҳбари Шанхай ҳамкорлик ташкилоти Давлат раҳбарлари кенгаши мажлиси ва “ШҲТ плюс” форматидаги саммитда иштирок этади.

🇺🇿 1 сентябр Ўзбекистоннинг мустақиллик куни муборак бўлсин!

Азиз юртдошлар!
Эркин ва озод Ватанимиз — Ўзбекистон Республикаси давлат мустақиллигининг 34 йиллиги билан барчангизни самимий табриклаймиз!

🌿 Мустақиллик — тинчлик, фаровонлик ва келажакка ишонч рамзи.

🤝 Бирдамликда янги марралар сари олға қадам қўяйлик!

Effect.uz таҳририяти сизларни ушбу қутлуғ сана билан табриклайди!

🎉 Байрам муборак, азиз юртдошлар!

Telegram I Facebook I YouTube I Instagram

Бугун, 2 сентябрь (сешанба) куни:

— барча учун иш куни;

— мактабларда барча синф ўқувчилари учун дарс бошланади.

Эртага, 3 сентябрь (чоршанба) куни қуйидагиларга ўқиш бошланади:

— 1-курсга кирган бакалавр ҳамда магистратура талабалари учун;

— академик лицейларнинг барча босқич ўқувчилари учун;

— техникум ва касбий таълим ташкилотлари ўқувчилари учун.

8 сентябрь (душанба) куни бакалавр ҳамда магистратуранинг юқори босқич талабалари учун дарслар бошланади.

Ислом Абдуғаниевич Каримовнинг мактаб винеткасидан — айнан Каримовни топа оласизми?!

Шавкат Мирзиёев мактаб ўқувчилари ва устозларни янги ўқув йили билан табриклади

Ўзбекистон Республикаси президенти Шавкат Мирзиёев мактаб ўқувчилари, устоз ва ота-оналарни янги ўқув йили билан қутлаб, қуйидагиларни изҳор қилди:

"Қадрли фарзандларим!
Ҳурматли устоз ва мураббийлар!
Муҳтарам ота-оналар!

Аввало, сиз, азизларни юртимиздаги 10 мингдан зиёд мактабларда Ўзбекистон мустақиллигининг 34 йиллик байрамига уйғун ҳолда ўтаётган Билимлар куни билан чин қалбимдан самимий муборакбод этаман.

Ушбу шукуҳли айёмда “Биринчи қўнғироқ”лар жаранги остида илк бор мактаб остонасига қадам қўяётган 720 мингдан ортиқ ўғил-қизларимиз ва набираларимизни, уларнинг ота-оналарини алоҳида қутлаб, ўзимнинг энг эзгу тилакларимни изҳор этишдан ғоят мамнунман.

Ҳеч шубҳасиз, кейинги йилларда бутун юртимиз каби мактабларимиз қиёфаси ҳам тубдан ўзгариб, улар том маънода Янги Ўзбекистон тимсолига айланиб бораётгани барчамизни чексиз қувонтиради. Чунки мактаб қанчалик обод ва чароғон бўлса, жамият ҳаёти шунчалик фаровон, мазмунли ва маърифатли бўлади.

Шу маънода, мамлакатимизда таълим-тарбия жараёнлари тобора такомиллашиб бораётгани, ҳар йили кўплаб янги ўқув масканлари барпо этилаётгани, уларнинг моддий-техник базаси мустаҳкамланиб, мактаб иши умумхалқ ҳаракатига айлангани – кейинги даврда эришган энг катта ютуқларимиздан бири, десак, айни ҳақиқатни айтган бўламиз.

Чиндан ҳам, кўзлари илмга ҳавас ва ҳаяжон билан чақнаб турган сиздек азму шижоатли ёшларимизга юксалиш ва камолот, бахт ва саодат эшикларини очиб берадиган муқаддас даргоҳ – мактабларимиз равнақида биз халқимиз, миллатимизнинг ёруғ келажагини кўрамиз. Бугунги кунда ўз олдимизга қўяётган катта-катта мақсадларга эришишнинг асосий омили, бош калитини, аввало, таълимда, мактабларимизда, деб биламиз.

Сўнгги йилларда ўқувчи ёшларимиз ҳурматли устоз ва мураббийлари билан биргаликда ана шундай юксак эътиборни чуқур ҳис этиб, ўқишда, ижодда, спортда, жамоат ишларида муҳим ғалабаларни қўлга киритаётгани бизга албатта қўшимча куч-ғайрат, илҳом ва ишонч бағишлайди.

Кўплаб мактаб битирувчилари мамлакатимиздаги нуфузли олий ўқув юртлари билан бирга хориждаги етакчи университетларга юқори балл билан ўқишга кираётгани, ҳаётда ўз муносиб ўрнини топиб, Янги Ўзбекистон тараққиётига улкан ҳисса қўшаётгани ҳаётимизда мактабнинг, устоз-мураббийларнинг аҳамияти янада ортиб бораётганини кўрсатади.

Ишончим комил, сиз, азизлар ана шундай эзгу анъаналарни муносиб давом эттирасиз ва юксак босқичга кўтарасиз.

Ҳеч қачон унутманг, мактаб – бу мўъжиза, китоб, устозлар ўтадиган ҳар бир дарс – беқиёс хазинадир.

Олдингизга аниқ мақсад қўйиб, бор куч-ғайратингиз, билим ва қобилиятингиз билан ҳаракат қилсангиз, кўзлаган марраларга албатта етасиз.

Бу йўлда сизларга сиҳат-саломатлик, ютуқ ва зафарлар тилайман.

Янги ўқув йили барчангизга муборак бўлсин!"

Шавкат Мирзиёев, Ўзбекистон Республикаси президенти

Telegram I Facebook I YouTube I Instagram

Наманган шаҳар ҳокими 60 минг доллар пора билан қўлга тушди

Ҳоким ва пойабзал ишлаб чиқарувчи МЧЖ раҳбари ўзаро тил бириктириб, қурувчи тадбиркорга маънан эскирган уйлар ўрнида куп қаватли уйлар қуриш учун рухсат олиб бериш учун 60 минг доллар олган вақтда қўлга олинди.

Наманган шаҳрига 2023 йилдан буён Анвар Отахўжаев ҳокимлик қилиб келаётганди.

Мирзиёев Пекинда Ғалабанинг 80 йиллиги тадбирларида

Президент Шавкат Мирзиёев рафиқаси билан бирга Пекин шаҳрида ўтаётган Иккинчи жаҳон урушидаги Ғалабанинг 80 йиллигига бағишланган тантанали тадбирларда иштирок этмоқда.

Telegram I Facebook I YouTube I Instagram