Фабио Каннаваро Ўзбекистон билан шартнома имзолаганидан сўнг йилига 4 млн евро маош олади

"Спорт-Экспресс" нашрининг ёзишича, Фабио Каннаваро Ўзбекистон билан шартнома имзолаганидан кейин йилига қарийб 4 миллион евро маош тўлайди.

Ушбу суммага мутахассиснинг шахсий маоши билан бирга унинг ёрдамчиларининг иш ҳақи ҳам киритилган.

Тижорат банкларида АҚШ долларини сотиб олиш курси 12 000 сўмдан пастлади.

Бир қатор банклар 1 АҚШ долларини ўртача 11 970 сўмдан сотмоқда.

“Республика ижро этувчи ҳокимият органларининг фаолиятига рақамлаштиришни кенг жорий этиш ҳисобига бошқарув штат бирликлари сонини мақбуллаштириш чора-тадбирлари тўғрисида”ги Президент фармони қабул қилинди

Ҳукумат қарори билан ортиқча харажат талаб қиладиган расм-русумлар, жумладан “куёв навкари”, “чорлар”, “ота кўрди”, “сеп ёйди” ва мотам маросимларидаги “етти”, “пайшанба”, “якшанба”, “йигирма”, “қирқ”, “йил оши”, “пул тарқатиш”, “мато улашиш” каби маросимларни ўтказиш тақиқланди.

Шунингдек, тўй, маърака ва оилавий маросимлар белгиланган чекловлар асосида ўтказилади:

— оилавий тадбирлар — 200 нафаргача;
— ош маросими — 250 нафаргача;
— қўшалоқ тўйлар — 250 нафаргача;
— қўшалоқ тўй ошлари — 300 нафаргача.

Қозоғистонда педофиллар озодликка чиқишидан 6 ой олдин кастрация қилинади

Қозоғистонда кимёвий бичишнинг янги қоидалари тасдиқланди. 17-октябрдан бошлаб кастрация суд қарори билан тайинланади ва процедура тўғридан-тўғри қамоқхоналарда амалга оширилади.

Кредит карталари комиссия тўловлари бўйича антимонополия регуляторга сўров жўнатди

Рақобат қўмитаси тижорат банкларининг кредит карталари орқали коммунал, таълим, тиббиёт ва солиқ тўловларини нақд пул ечишга тенглаштириб, мижозлардан ортиқча тўлов ундираётгани ҳолатини ўрганишни сўраб, Марказий банкка расмий сўров йўллаган.

Қўмита регулятордан:

➖ давлат ва нодавлат банклар фаолиятини ўрганиб чиқиш ва уларнинг фаолиятини кредит карталари фоиз масалаларини қайта кўриб чиқиш,

➖ истеъмолчилар манфаатларини ҳисобга олган ҳолда мувофиқлаштириш ҳамда асоссиз олинган  хизмат ҳақи пулларини қайтариш чораларини кўришни сўраган.

Мубашшир Аҳмадга озодликдан маҳрум қилиш жазоси тайинланди

Бугун жиноят ишлари бўйича Учтепа туман суди А.Т. (1974 йилда туғилган, муқаддам судланмаган)га нисбатан жиноят ишини биринчи инстанцияда кўриб чиқиб, ҳукм эълон қилди.

Суд А.Т.ни Жиноят кодексининг 156-моддаси 2-қисми, 244-1-моддаси 3-қисми “г” банди ва 244-3-моддасида назарда тутилган жиноятларни содир этганликда айбли деб топиб, 57, 59 ва 61-моддалар асосида 2 йил 6 ой муддатга озодликдан маҳрум қилиш жазосини тайинлади. Жазо умумий тартибдаги колонияда ўталади.

Шунингдек, А.Т.нинг фаолияти билан боғлиқ бўлган интернет тармоғидаги Facebook, Instagram ижтимоий тармоқлари, Telegram мессенжери ҳамда YouTube видеохостингидаги Mubaşşir Ahmad ва Azon Global – Муқобил ахборот-таҳлилий канали номли саҳифалар (каналлар) фаолияти тўхтатилиб, блокланиши белгиланди.

Суд ҳукми устидан белгиланган тартибда апелляция ёки кассация шикояти бериш мумкин.

🇺🇸 Трамп Исроил ва ҲАМАС ўртасидаги уруш якунланганини маълум қилди

АҚШ президенти Дональд Трамп Исроил ва ҲАМАС ўртасидаги уруш якунланганини эълон қилди.

Унинг сўзларига кўра, Ғазо сектори тўлиқ қайта қурилади, исроиллик гаровдагилар эса душанба ёки сешанба куни озод қилиниши кутилмоқда.

Шунингдек, Трамп таъкидлаганидек, Қўшма Штатлар вакиллари, жумладан, унинг ўзи ҳам Исроил ва ҲАМАС ўртасидаги битимни имзолаш учун Мисрга боради.

Жиззахнинг Фориш туманида 37 нафар боғча тарбияланувчиси заҳарланди

Жиззах вилояти Фориш туманидаги 1-, 3-, 5- ва 7-сонли боғчаларнинг 37 нафар тарбияланувчиси иситма, қорин оғриғи ва кўнгил айниши билан шифохонага ётқизилди. Болалар 8 октябр куни боғчада биокефир, сир ва сариёғ истеъмол қилгани аниқланди.

Шифокорлар уларга “ўткир диарея” ташхисини қўйган. Санэпидназорат бошқармаси маълумотига кўра, заҳарланишга озиқ-овқат маҳсулотларини ташиш ва сақлашда санитария қоидаларининг бузилиши сабаб бўлган.

Ҳолат бўйича Фориш туман прокуратураси Жиноят кодексининг 205-моддаси билан жиноят иши қўзғатди.

🔹 Эслатма: Бундан олдин Тошкент вилоятида ҳам қарийб 2 минг бола заҳарланиш гумони билан шифокорларга мурожаат қилган, шулардан 963 нафарига ўткир гастроэнтерит ташхиси қўйилган эди.

Ҳозирда 6 нафар болага шифохонада тиббий ёрдам берилмоқда — ММТ вазирлиги

Жиззахдаги бир неча боғчадан 37 нафар тарбияланувчи тиббий ёрдамга мурожаат қилди. Ҳозирда 6 нафар болага шифохонада биринчи ёрдам кўрсатилмоқда.

Ҳолат Мактабгача ва мактаб таълими вазирлиги, СЭС ва ҳуқуқни муҳофаза қилувчи органлар назоратида.

Андижонда ҳоким ўринбосари пора билан ушланди

Марҳамат тумани ҳокими ўринбосари фуқародан 15 минг доллар талаб қилиб, 14,8 минг долларни олган пайтда ДХХ ва Департамент ходимлари томонидан ашёвий далиллар билан ушланди. Унга нисбатан жиноят иши қўзғатилиб, қамоққа олинди.