"أتهجَّى صفحة الأيام وأسرَقك لـ وقوفي
‏كلّ ما زلّ القصيد أشوف جيَّاتك وديعة!

‏آه يا صبري عليك، وآه يا صمتي، وخوفي
‏عاشقك لو طاع عينك يا حبيبي من يطيْعه؟

‏أتردَّد.. لكن الليلة سرَت عنها طيوفي
‏وأنت لا بالك طوِيْل ولا سماء صدرك وَسيْعة

‏ردّ لي كلّ السنين الأوّله.. أوْ رِدّ جوفي!
‏طالبك.. لا تترك أيّامي؛ تْشرَّدها القطيعة

‏الشتاء لو جوَّدته النار، كيف أخيط صوفي
‏في شذى غيمٍ يشدّ الروح بارِقه، ولميْعه

‏إن تركْت كْتاب ضحكاتك على عاتق رفوفي؟
‏ما قدرت تردّ قلب ٍ جفّف التغرِيب رِيْعه

‏أنت نورك يكفي إنه ينسج الضحكة لـ شوفي
‏والله إنّه أجمل بـ واجد من أحداث الطبيعة"

"كل ما لاح برق وهلّ في القاع غيمة
‏قلت؛ وش يدفع قلوب العرب للتجافي!"

صبيت لك من قهوة سنيني عسى عمرك يزيد
‏وأوعدك فنجالك إلى آخر حياتي ما امتلا

‏في ليلةٍ سوادها موحش عبرتي صبح عيد
‏سلّم على أطراف الظلام وشال عمره و انجلى

‏العمر لحظة والطريق أعمى وبنيانه جريد
‏والخوف فكرة وأعقل العشاق سكرى وجهلا

هو فيه مثلك من يموت بنظرتك يبقى شهيد
‏إما : يقلدك بقصيدة غالية .. وإلا فلا

‏إما أحبك وأعتبرك أقرب من حبال الوريد
‏و إلا ترا سمّي تبي تقلب من الشرهة هلا

12:30 am

"عط الليل فرصة من جديلك يا روح الروح
‏معك ودي إن الشمس تشرق بعد بكرة

‏انا اشفق على لبيه من صوتك المبحوح
‏لا حلّ الظلام، وعوّد الطير في وكره

‏تحت عنقك الفارع، ورا زرارك المفتوح
‏ما باقي عليّ إلا ألحق السكرة؛ السكرة

‏يغنّي على شباك دارك؛ حمام الدوح
‏واغني عليك؛ البيت والقاف والفكرة"

"قطعت كفوف النساء دون يوسف يا مليح
‏و انت – فتنة – دونها قطعت كبود الرجال"

"ما بين ظرف الزمان — وبين ظرف المكان
‏إن جيت خلّك معي و إن رحت خلّك معي"

من نزع دهشة عباد الله..و اختصّك لحالك؟

"أنا يا رب خايف، وانت وحدك ناصر الخوَّاف
‏قبل ما تمسح دْموع المخافه راحة كفوفه

‏وقفت.. ولا معي الّا دعاي ودمعي الشفاف
‏عسى تغفر ذنوبٍ دونها اليدّين مكتوفه"

"ما دام أنا حلمك و جيت و تحقّقت
‏وش فيك دايم كل ما رحت تبطي

‏ما خفت ياخذني من يدينك الوقت
‏ما تدري أن الوقت ياخذ و يعطي!؟"

"‏لا تحسبون السكوت انه علامة رضى
‏أنا سكوتي عن الفرقا علامة وجع"

﴿ إن الله ومَلائكته يُصلون على النَّبي يا أيُها الذين آمنُوا صَلوا عليه وَسَلِّموا تَسليماً ﴾

"تساهلت الغياب.. وتباردته لو إنه حار
‏ما دام إن الغلا منزوع وماني آخر أحبابك"

"حبيبي جعل باقي للسنين الماضية معواد
‏لو انها فكرةٍ في حاضرك ماهيب مطروقه"

‏__مشاري محمد.

"والله إنّي في سبيل أهدي عليها الإبتسامه
‏مستعد أوقف الدنيا على.. خصلة شعرها"
‏__فارس السميري.

"ما يقدر لثامك يغطي ضياك الأصيل
‏الزين ما ينحجب، ياللي جديلك ضفى

‏شف فوقك الشمس في هذا -الصباح الجميل-
‏تلثّمت بــ الغيوم و نورها ما اختفى!"

"يا كثر ما تلزم الصمت وعيونك تنوب
‏لحظةٍ فيها لسانك رهين الاعتقال"

‏ vs

‏"لكن نبي نعطي عيونك.. زمام الكلام
‏خل النّواعس تقوم وتدلي بدلوها."