Telegram Web Link
#saylovatamalari

📝Сайлов атамалари

Мандат – кузатувчи сайловга тайёргарлик кўриш ва уни ўтказиш даврида ўз фаолиятини амалга ошириши учун асос ҳисобланувчи ҳужжат.


Saylov.uz | Telegram | Facebook | Instagram | X | Ok.ru | YouTube
Please open Telegram to view this post
VIEW IN TELEGRAM
✍️ 27 ИЮНЬ — МАТБУОТ ВА ОММАВИЙ АХБОРОТ ВОСИТАЛАРИ ХОДИМЛАРИ КУНИ

Бугун мамлакатимизда  27 июнь — Матбуот ва оммавий ахборот воситалари ходимлари куни кенг нишонланмоқда. Мамлакатимизнинг янгиланган Конституциясида оммавий ахборот воситаларининг эркин фаолият юритишини таъминлаш бўйича муҳим қоида ва тамойиллар мустаҳкамлаб қўйилгани, соҳага доир ҳуқуқий асослар тобора такомиллаштириб борилаётгани бу қутлуғ байрамга алоҳида руҳ ва мазмун бағишламоқда.

Янги Ўзбекистонни барпо этишга йўналтирилган демократик ислоҳотлар жараёнида ўз ишининг устаси бўлган  заҳматкаш журналист ва блогерлар, ношир ва муҳаррирлар, таржимон ва рассомлар, режиссёр ва операторлар, барча техник ходимларнинг машаққатли меҳнати юксак қадр топмоқда. Давлатимиз раҳбарининг фармонига биноан байрам муносабати билан ушбу касб эгаларидан бир гуруҳининг юксак давлат мукофотлари билан тақдирлангани бунинг ёрқин тасдиғидир.

Шу муносабат билан мамлакатимиз миллий сайлов тизимида фаолият юритаётган журналистларни, сайлов ва референдумларни кенг ва холис ёритишда аввало сайловчиларга ҳамда сайлов  комиссияларига камарбаста бўлиб келаётган оммавий ахборот воситалари ходимларини, юртимиздаги барча ижод аҳлини ушбу ажойиб байрам билан самимий табриклаймиз.

Уларнинг эл-юртимиз равнақи йўлида олиб бораётган самарали фаолияти ва ижодий изланишларида улкан муваффақиятлар, ўзларига мустаҳкам сиҳат-саломатлик, оилавий бахт ва омадлар тилаймиз.

Ўзбекистон Республикаси
Марказий сайлов комиссияси


Saylov.uz | Telegram | Facebook | Instagram | X | Ok.ru | YouTube
Please open Telegram to view this post
VIEW IN TELEGRAM
Мамлакатнинг бутун ҳудуди ягона сайлов округи саналадиган ва сайловчилар ўзларига маъқул бўлган сиёсий партияга овоз берадиган сайлов тизими нима деб аталади?
Anonymous Quiz
87%
Пропорционал сайлов тизими
8%
Мураккаб сайлов тизими
4%
Интенсив сайлов тизими
2%
Экстенсив сайлов тизими
Ўзбекистон Республикаси Марказий сайлов комиссияси делегацияси Иссиқ-кўл электорал форуми тадбирларида иштирок этди

💬 2025 йил 25–28 июнь кунлари Қирғиз Республикасининг Чўлпон-Ота шаҳрида «Замонавий сайлов иштирокининг ёндашувлари: назариядан амалиётга» мавзусида электорал форум бўлиб ўтди.

🌀 Батафсил:
Ўзбек (кирилл) | Oʻzbek (lotin) | Русский

Saylov.uz | Telegram | Facebook | Instagram | X | Ok.ru | YouTube
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
⚡️30 ИЮНЬ - ЁШЛАР КУНИ

Жонажон Ватанимизда 30 июнь – Ёшлар куни кенг нишонланмоқда. Мамлакатимизнинг барча ёшларини ана шу қутлуғ байрам билан самимий табриклаймиз.

Ёшлар – ҳар бир юрт ва миллатнинг улкан бойлиги, буюк салоҳияти, куч-қудрати манбаидир. Барча соҳалар каби миллий сайлов тизимини ҳам ёшларнинг фаол иштироки, замонавий билими ва кўникмаларисиз тасаввур этиб бўлмайди.

Мамлакатимиз ёшлари томонидан эришилаётган улкан ютуқлар замирида мустақил Ўзбекистонда ёш авлоднинг пухта таълим-тарбия олиши, ўз истеъдод ва салоҳиятини юзага чиқариши, жамиятимизнинг ижтимоий-сиёсий ҳаётида фаол иштирок этишини самарали таъминлашга қаратилаётган доимий эътибор мужассамдир.

Бундай улкан ғамхўрликнинг юксак самаралари Янги Ўзбекистонни барпо этиш, инсон қадрини янада юксалтиришга йўналтирилган кенг қамровли ислоҳотларни амалга оширишда Ватан ва халқ ишига доим тайёр, ғайрат-шижоатли, фаол ёшларимизнинг ўрни ва таъсири тобора ортиб бораётганида ўзининг ёрқин ифодасини топмоқда.

Келажагимиз эгалари бўлган азиз ёшларимизни юртимиз ҳаётидаги қутлуғ байрам, азму шижоат, гўзаллик ва камолот айёми – Ёшлар куни билан самимий табриклаб, уларга сиҳат-саломатлик, бахт ва омадлар тилаймиз.

Ўзбекистон Республикаси
Марказий сайлов комиссияси


Saylov.uz | Telegram | Facebook | Instagram | X | Ok.ru | YouTube
Please open Telegram to view this post
VIEW IN TELEGRAM
#savoljavob

САВОЛ: Сайловчилар билан учрашувлар қандай тартибда ташкил этилади?

ЖАВОБ:
Номзодларга ва сиёсий партияларга сайловчилар билан учрашувлар ўтказиш орқали ташвиқот учун тенг шароитлар яратилади.

Сайловчилар билан учрашувлар депутатликка номзодлар ва сиёсий партиялар томонидан мустақил равишда ўтказилади.

Сайловчилар билан учрашувларни ўтказиш жойи ва вақти ҳақида тегишли ҳудудий, туман, шаҳар ёки участка сайлов комиссиясига маълум қилинади. Номзоднинг сайловчилар билан учрашувлар ўтказиши тўғрисидаги ахборот маҳаллий ОАВда эълон қилинади.

Сайловчилар билан учрашувлар каби оммавий тадбирлар уларнинг ўтказилиш жойи ва вақти ҳақида тегишли туман (шаҳар) ҳокимликлари камида уч кун олдин ёзма равишда хабардор қилинган ҳолда ўтказилади. Бунда ушбу оммавий тадбирларни ўтказиш учун рухсатнома талаб қилинмайди.


Saylov.uz | Telegram | Facebook | Instagram | X | Ok.ru | YouTube
Please open Telegram to view this post
VIEW IN TELEGRAM
#saylovatamalari

📝Сайлов атамалари

Сайлов комиссиялари тизими – Марказий сайлов комиссияси, ҳудудий сайлов комиссиялари, туман ва шаҳар сайлов комиссиялари, халқ депутатлари вилоятлар ва Тошкент шаҳар Кенгашларига сайлов ўтказиш бўйича округ сайлов комиссиялари, участка сайлов комиссиялари. Сайлов комиссиялари ва уларнинг аъзолари ўз фаолиятини ҳар қандай давлат органларидан, жамоат бирлашмаларидан ва мансабдор шахслардан мустақил ҳолда амалга оширади. Сайлов комиссияларининг фаолиятига аралашишга йўл қўйилмайди ва бундай аралашув қонунга мувофиқ жавобгарликка сабаб бўлади.


Saylov.uz | Telegram | Facebook | Instagram | X | Ok.ru | YouTube
Please open Telegram to view this post
VIEW IN TELEGRAM
Ҳудудий сайлов комиссияси қанча муддатга тузилади?
Anonymous Quiz
12%
7 йил муддатга
80%
5 йил муддатга
5%
3 йил муддатга
3%
2 йил муддатга
#savoljavob

САВОЛ: Сайловчиларнинг ягона электрон рўйхати нима учун керак?

ЖАВОБ:
Сайловчиларнинг ягона электрон рўйхати сайловнинг тенглик принципини таъминлашга хизмат қиладиган воситадир. Яъни, Ўзбекистон Республикасининг Конституциясида белгиланган “ҳар бир сайловчи бир овозга эга” тамойилини рўёбга чиқаришга хизмат қилади. Сайловчиларнинг ягона электрон рўйхати орқали фуқароларнинг фақат бир маротаба овоз беришини назоратга олиш имконияти мавжуд бўлади.

Марказий сайлов комиссияси сайловчиларнинг ягона электрон рўйхатидан фойдаланиш фаолияти бўйича умумий раҳбарлик ва мувофиқлаштириш ишларини амалга оширади. Рўйхат яхлит электрон тарзда бўлиб, у сайловчиларнинг ягона электрон рўйхати деб номланади.


Saylov.uz | Telegram | Facebook | Instagram | X | Ok.ru | YouTube
Please open Telegram to view this post
VIEW IN TELEGRAM
#saylovatamalari

📝Сайлов атамалари

Сайлов жараёнини бошқариш ахборот тизими (СЖБАТ) – хавфсиз алоқа каналлари бўйича идоравий ахборот тизимлари ва маълумотлар базалари билан интеграциялаш орқали СЯЭРни шакллантириш жараёнини автоматлаштирадиган, сайловчи фуқароларга ўз сайлов участкаларига оид ахборотлар билан танишишга ва сайлов участкасини ўзгартиришга сўровнома юбориш имконини берадиган, СЯЭРда сақланадиган маълумотлардан фойдаланувчиларнинг фойдаланиш ва сайлов участкалари бўйича рўйхатларга тузатиш киритиш ҳуқуқларини тақсимлаш вазифасини бажарадиган тизим.


Saylov.uz | Telegram | Facebook | Instagram | X | Ok.ru | YouTube
Please open Telegram to view this post
VIEW IN TELEGRAM
Партия рўйхати бўйича сайланган депутатлар ўртасида депутатлик мандатларини тақсимлаш ким томонидан амалга оширилади?
Anonymous Quiz
18%
Ҳудудий сайлов комиссияси томонидан
57%
Марказий сайлов комиссияси томонидан
12%
Округ сайлов комиссияси томонидан
14%
Туман, шаҳар сайлов комиссияси томонидан
#savoljavob

САВОЛ: Яширин овоз бериш принципи нимани англатади?

ЖАВОБ:
Яширин овоз бериш принципи сайлов бюллетенини олган сайловчи яширин овоз бериш хонаси (кабинаси)да ёки турган жойида ўзи муносиб деб топган номзод ёки сиёсий партияга ҳеч қандай тўсиқ ва таъсирларсиз эркин овоз бериши ҳамда уларнинг хоҳиш-иродаси назорат қилинишига йўл қўйилмаслигини англатади.
Яширин овоз бериш сайловчининг хоҳиш-иродаси устидан ҳар қандай тарзда назорат қилиш имкониятини истисно этадиган тегишли шароитларни яратиш орқали таъминланади.


Saylov.uz | Telegram | Facebook | Instagram | X | Ok.ru | YouTube
Please open Telegram to view this post
VIEW IN TELEGRAM
Media is too big
VIEW IN TELEGRAM
🌎 Ловиялар ёрдамида ўтказилган сайловлар тарихи

Инсоният тарихида илк демократик тамойилларнинг вужудга келишида Қадимги Афинадаги сайловлар муҳим аҳамият касб этади. Милоддан аввалги V асрдан бошлаб Афинада фуқаролар тўғридан-тўғри давлат бошқарувида иштирок эта бошладилар. Аввалига бу жараёнда фақат эркак, эркин фуқаролар қатнашган бўлса, кейинчалик сайловлар орқали ҳокимият тепасига чиқиш ҳуқуқи кенгайиб борди. Афинада сайловлар асосан очиқ овоз бериш (қўл кўтариш) ёки оқ ва қора ловиялар ёрдамида яширин овоз бериш шаклида ўтказилган.

Марказий сайлов комиссияси Матбуот хизмати томонидан "Сайлов: кеча ва бугун" ҳужжатли филми тасвирга олинган. Ушбу фильмда инсоният тарихида илк демократик тамойилларнинг вужудга келиши тўғрисида маълумот берилган.

📺 Фильмни тўлиқ кўриш учун ҳавола: https://youtu.be/J5j-zAqxOfw?si=9L5ExLuWoltGdVpV

Saylov.uz | Telegram | Facebook | Instagram | X | Ok.ru | YouTube
Please open Telegram to view this post
VIEW IN TELEGRAM
#saylovatamalari

📝Сайлов атамалари

Сайловда иштирок этиш ҳуқуқи – сайлов ўтказиладиган кунга қадар ёки сайлов кунида 18 ёшга тўлган Ўзбекистон Республикасининг ҳар бир фуқароси сайловда иштирок этиш ҳуқуқига эгадир. Фуқаролар жинси, ирқий ва миллий мансублиги, тили, динга муносабати, ижтимоий келиб чиқиши, эътиқоди, шахсий ва ижтимоий мавқеи, маълумоти, машғулотининг тури ва хусусиятидан қатъи назар, тенг сайлов ҳуқуқига эгадир.


Saylov.uz | Telegram | Facebook | Instagram | X | Ok.ru | YouTube
Please open Telegram to view this post
VIEW IN TELEGRAM
2025/10/22 03:10:27
Back to Top
HTML Embed Code: