🇺🇿 Ўзбекистон Республикаси мустақиллигининг 34 йиллиги барчамизга муборак бўлсин!

Қадрли ватандошлар!

Ўзбекистон Республикаси Марказий сайлов комиссияси жамоаси барча ватандошларимизни мамлакатимиз давлат мустақиллигининг 34 йиллик шонли байрами билан самимий муборакбод этади.

Миллий истиқлолимиз бугунги кунда кўп миллатли бутун халқимизни Янги Ўзбекистонни барпо этишдек буюк мақсад йўлида бирлаштириб, янги ютуқ ва марралар сари илҳомлантирмоқда.

Албатта, бундай муваффақиятларнинг барчаси давлатимиз раҳбари ташаббуси билан миллий сайлов тизимини тубдан ислоҳ қилиш, янада демократлаштириш, фуқароларга қулайлик ва эркинликлар яратиш бўйича собитқадамлик билан олиб борилаётган изчил сиёсатнинг юксак самараларида ҳам ўзининг ёрқин ифодасини топмоқда.

“Ватан учун, миллат учун, халқ учун!” деган эзгу ғояни ўзида мужассам этган энг улуғ ва муқаддас байрамимиз шукуҳи оилаларимиз даврасида, қалбларимизда чинакам озодлик ва саодат айёми сифатида давом этаверади.

Бетакрор юртимиздан тинчлик-хотиржамлик, осойишталик ва фаровонлик, ҳаётингиздан, хонадонингиздан ҳеч қачон файзу барака, қувонч аримасин. Ватанимиз равнақи йўлидаги саъй-ҳаракатларингизда юксак муваффақиятлар ва омадлар ёр бўлишини тилаймиз.

Ватанимиз мустақиллиги абадий бўлсин!

✅ Марказий сайлов комиссияси

Saylov.uz | Telegram | Facebook | Instagram | X | Ok.ru | YouTube

#qiziqarli_malumotlar

Сайлов жараёнларига оид қизиқарли маълумотлар.

✈️ 2024 йил катта сайловлар йили бўлди

✈️ 2024 йил дунё миқёсида рекорд даражада 74 та мамлакатда миллий сайловлар бўлиб ўтди. Сайёрамизнинг 3 млрд аҳолиси сайлов ҳуқуқига эга бўлган ҳамда сайловларда 61% сайловчилар иштирок этган. Ўтган сайловлар “супер-цикли” йилида номзодлар томонидан энг кўп муҳокама қилинган мавзулар экология, миграция ва гендер тенглик масалалари бўлди. Ўзбекистонда сайланган депутатларнинг 38 фоизини хотин-қизлар ташкил этиб, бу гендер тенглик масалалари бўйича Ўзбекистон тарихида энг юқори кўрсаткич бўлди.

Saylov.uz | Telegram | Facebook | Instagram | X | Ok.ru | YouTube

#savoljavob

❓САВОЛ: Депутатликка номзодларнинг ишончли вакиллари деганда кимлар тушунилади?

✅ ЖАВОБ:

Депутатликка номзодларнинг ишончли вакиллари номзодга сайлов кампаниясини ўтказишда ёрдам беради, сайлаш учун ташвиқот олиб боради, давлат органлари ва жамоат бирлашмалари, сайлов комиссиялари билан бўладиган муносабатларда номзоднинг манфаатларини ифодалайди.

Қонунчилик палатаси депутатлигига номзод ўн нафарга қадар, вилоят Кенгаши депутатлигига номзод беш нафарга қадар, туман ва шаҳар Кенгаши депутатлигига номзод уч нафарга қадар ишончли вакилга эга бўлишга ҳақли.

Saylov.uz | Telegram | Facebook | Instagram | X | Ok.ru | YouTube

💬 Мустақиллик остонасида

🔔 Ўзбекистон Республикаси Олий Кенгаши ҳузуридаги Марказий сайлов комиссияси томонидан истиқлолнинг дастлабки йилларида ўтказилган сайловлар, мустақиллик декларациясининг қабул қилиниши ҳамда Марказий сайлов комиссиясининг мустақил конституцион орган сифатида ташкил этилиши ҳақида нималарни биласиз?

✅ Ушбу тарихий жараёнлар қай тарзда амалга оширилганлиги Марказий сайлов комиссияси томонидан суратга олинган "Сайлов: кеча ва бугун" ҳужжатли фильмида баён этилган.

📺 Фильмни тўлиқ кўриш учун ҳавола: https://youtu.be/J5j-zAqxOfw?si=9L5ExLuWoltGdVpV

Saylov.uz | Telegram | Facebook | Instagram | X | Ok.ru | YouTube

✅ Марказий сайлов комиссиясида ЕХҲТ ДИИҲБ делегацияси билан учрашув ўтказилди.

Saylov.uz | Telegram | Facebook | Instagram | X | Ok.ru | YouTube

🔔 "ICT Week Uzbekistan 2025"да Марказий сайлов комиссияси эътироф этилди

💬 "ICT Week Uzbekistan 2025" ҳафталиги доирасида Ўзбекистон Республикаси Марказий сайлов комиссияси "Сайлов жараёнларини рақамлаштириш бўйича энг яхши ҳамкор ташкилот" номинацияси ғолиби бўлди.

Saylov.uz | Telegram | Facebook | Instagram | X | Ok.ru | YouTube