Saqich va ustozga hurmat

Maktabda saqich chaynashni taqiqlashning ilk sabablaridan biri, negadir, ustozga hurmatsizlik deb qaraladi. Saqich chaynayotgan o'quvchiga qarab, "Og'zingdagini ol! Ustozga hurmating yo'qmi? Oldin o'zingni hurmat qilishni o'rgan, keyin birovlarni hurmat qilasan!" deyiladi.

Lekin nega ustozning hurmati birovning og'zidagi saqich bilan o'lchanishi kerak? Og'zingizda bir tiyinga qimmat saqichning bor yoki yo'qligi qanday qilib sizning birovga yoki biron nimaga bo'lgan hurmatingiz bor yoki yo'qligini anglatishi mumkin? Ustozga bo'lgan hurmat shunchalik arzon o'lchanadimi?

Undan ko'ra, o'quvchilarga saqich chaynashning maktabda uchraydigan real salbiy oqibatlari haqida gapiraylik:

• saqichni parta yoki stullarga yopishtirib ketsangiz, keyinchalik uni yo'qotish qiyin
• saqich hatto kiyimga va sochga yopishib qolishi ham mumkin va bu hech kimga yoqmaydi
• maktab jihozlariga zarar yetgan taqdirda, uni tuzatish qimmatga tushishi mumkin
• tagi saqich bilan to'lib yotgan parta/stulda o'tirish har kim uchun ham noqulay va yoqimsiz
• ovoz chiqarib saqich chaynash boshqa o'quvchilarni chalg'itadi

Keling, yaxshisi, o'quvchilarga shunday deymiz:

"Bolalar, maktabimiz ozoda va toza bo'lishini ta'minlash uchun, saqichlaringizni bir bo'lak qog'ozga o'rab, axlat qutisiga tashlang. Parta yoki stullarga yopishtirmang. Maktab jihozlariga ziyon yetkazish mumkin emas. Bir-birimizning bilim olishimizga to'sqinlik qilmaylik."

Iltimos, bu yerda ustozlar va ularga bo'lgan hurmat-ehtiromni aralashtirmang. Agar o'qituvchi bo'lsangiz, o'z qadringizni yaxshiroq narsalarga tenglashtiring. Hech bo'lmaganda, ming so'mdan qimmatroq narsaga!

english_quiz_test.t.me
#blog #read #teacher

👆5 tadan qanchasini topa oldingiz?
Qaysilarini oldin bilardingiz va qaysilari siz uchun yangi?

Izohlarda yozib qoldiring👇

"Sun'iy intellekt" – noto'g'ri tarjima.

Aniqrog'i, intellekt so'zi noto'g'ri tanlangan, chunki ingliz tilidagi "intelligence" va "intellect" so'zlari boshqa-boshqa narsalarni anglatadi.

Intelligence: mantiqan tushuna olish, o'rganish va baho berish qobiliyati.
Intellect: aqlli yo'l bilan fikrlay olish va tushuna olish qobiliyati.

Artificial intelligence esa aynan birinchisini bajaradi: sizning kiritgan matningizni analiz qiladi va unga mos matn, rasm va hatto video ko'rinishida sizga javob qaytaradi.

Shulardan kelib chiqqan holda, qaysi so'zni ishlatishni tavsiya etasiz? Shaxsan men idrok so'zini ishlatgan bo'lardim.

english_quiz_test.t.me
#blog

👆5 tadan qanchasini topa oldingiz?
Qaysilarini oldin bilardingiz va qaysilari siz uchun yangi?

Izohlarda yozib qoldiring👇

❓Ba'zi abituriyentlar shunday savol berishadi: qanday testlarni yechishni maslahat berasiz?

❗️Javobim bitta: duch kelgan testni.

1⃣ Chunki test yaxshi tuzilgan bo'lsa, bilimingizni chinakamiga sinovdan o'tkazib, imtihonda ko'rsatadigan natijangizni aniqroq bila olasiz.

2⃣ Lekin agar yomon tuzilgan testni yechsangiz (masalan, savol noto'g'ri berilgan, 2 ta to'g'ri variant bor, umuman to'g'ri variant yo'q yoki savol umuman tushunarsiz bo'lsa), u holda o'sha savollarning yomon tuzilganligini aniqlashni ham o'rganasiz. Noto'g'ri tuzilgan savolni aniqlay olish uchun ham bilim kerak.

Demak, testni saralashga urinmang. Qanday test chiqsa, qanday kitob topsangiz, eski bo'ladimi-yangimi, oz bo'ladimi-ko'pmi, yaxshi tuzilganmi-yo'qmi, bajaravering.

✅ Menda esa yaxshi tuzilgan testlar bor va ularni birma-bir tahlil ham qilganman. Olmoqchi bo'lsangiz, murojaat eting. Izohlarda yozib qoldiring.

english_quiz_test.t.me
#abituriyent #blog