شبدر مني يصاحب من تعافيت
جفيت وبالظهر خليت خجنر
بعدني اذكر وكتنه اللي گصيناه
سوية وجنت اگومك يوم تعثر
لا يغرك يصاحب دنيتك دولاب
باجر هم ينزلك كون يفتر


#ل_مصعـب_الدليمي

تعاليلي وغلاتج ما بقن بية
صحتي ونفس ريتي الينعش الرية
تعاليلي العمر خلّص بواهس شيب
ملامح فرگتج تخنگني ليلية


#ل_مصعـب_الدليمي

لا تحط هم لحجيهم
روحي متونسة بعشرتك
انت تاج بروس اهلهم
فدوة يرحون لضحكتك

#ل_مصعـب_الدليمي

اعلان

قناة 2k وقناة 4k ولستـة دعم شفافة

للبيـع 25$

تواصـل @C4C511_bot

والله هنيالي بحياتي
البيها وجه امي وضحكتج

#ل_مصعـب_الدليمي

منو اليسوه وعليه تسيل دموع
وعليش المغربية تخاوي الهموم
منو اليسوه وتكبر لأجله موضوع
انزعه اللي يغثك مثل الهدوم
جلب باليريدك واترك الراح
عشرت الما يودك والله متدوم

#ل_مصعـب_الدليمي

گلولة گلبي المحترگ
ملجوم كلش بالعشگ
هيهات نرجع صعبة
الخلاني اموتن بالحزن
گلولة اصلا لا يحن
كلمن يروح بدربة
ماحاجة اكثر بالحجي
ذاك العماني أمن البجي
ينجاز هو وربه

#ل_مصعـب_الدليمي

هي هانت والنصر كلش قريب
بزود الابطال ودعاء الوالدة
الثار غصبا يرجع لام الشهيد
وتبجي من فرحتها كون الفاگدة

#ل_مصعـب_الدليمي

هي شدة وباجر نرد العراق
ونرسم الضحكة على شفاف الوطن
وتبتسم وادمنه ويعمها السلام
وتنسي ايام الشدايد والمحن


#ل_مصعـب_الدليمي

والشوگ واصل للعظم
سولفلي ما مشتاگلي؟


#ل_مصعـب_الدليمي

اذا كثرت ملاليجة
الوطن يخرب

#ل_مصعـب_الدليمي

اريد اتونس بحجيك
واصيح افيش يم صوتك
تعال بداعة مروتك

#ل_مصعـب_الدليمي

والليل باگ شكم حلم
اولهن انت وصورتك

#ل_مصعـب_الدليمي

عز الله زلم ما خفنه من الموت
اجينه وما نرد لو نصر لو تابوت
باجر ننتصر والما وگف معروف
وتبين الزلم بافعالها أمن تفوت
ويطش الفرح يمسح حزن بغداد
باجر ننتصر ونصيح نفس الصوت

احنه الخلينه الساتر
يكشخ من نتشيم بي

#ل_مصعـب_الدليمي

هكذا هم الابطال تصنعهم المشقات
عانيت وقد عاد العراق عراقي

#ل_مصعـب_الدليمي

الحلوة بنزاكة تصيح منريد احزاب
لجرة كحلها تروح فدوة النواب
سايل كحلها الحلوة فوگ الخدين
وتضامنو وياها حتى الطلاب
لخاطر عيون الحلوة العراق يعود
وننسى الحزن ونعيش من دون مصاب


#ل_مصعـب_الدليمي

خل تبشر ام شيلة ولا تظل تحتار
بالدشداشة هدو كل زلم الانبار
اجاج ابن الرمادي مسرفن الردنين
وعد لازم نهد ونشد جرح ذي قار
عد عينج ييمه كلنا جينه وياج
شرط ناخذ مربع موش ثار بثار


#ل_مصعـب_الدليمي

ابروني ذمة الدنيا ضاگت
خاف اموت وبالغلط كاسرلي خاطر
ليش اخاف؟؟
منين اخاف؟؟
وانة دخان الجگاير
باگو عويفيتي مني وصرت بس دخان طاير
گلو لأمي تكف حزنها
وخل تهوس ع السواتر

عريس وربعة يزفونه


#ل_مصعـب_الدليمي

وليدي وينك ردت الوادم لأهلها
وانت مامش جية بيك
والتحبك طيحت ع الخد كحلها
ولبست ايامك عليك

#ل_مصعـب_الدليمي

ليش نموت؟؟
وليش بكل مسية وليل
نسمع بس نحيب بيوت
الدم اعله الرصيف يبات
وبين ايدي اخوي يموت
وصله لحالة ما تنراد
سره نلزم على التابوت
ليش نموت؟؟؟

#ل_مصعـب_الدليمي