ዛሬ ቀንህን እንዴት ጀመርከው?                               
ዛሬ ጠዋት ከእንቅልፍህ ስትነሳ ደስ ብሎህ ፈጣሪህ አዲስ ቀን ስለሰጠህ አመስግነህ ዛሬ የእኔ ቀን ነው፤ እኔ ማድረግ የምፈልገውን አደርጋለው! እኔ እችላለው! እኔ ድንቅ ነኝ! እኔ ከችግሮቼ በላይ ነኝ! ብለህ ነው? ወይስ ኡፍ ደሞ ነጋ ብለህ ችግሮችህን እያሰብክ ተሰባብረህ ነው ቀንህን የጀመርከው? ጠዋት ከእንቅልፍህ ስትነሳ ያለህ የስሜት ደረጃ ነው ቀንህን የሚወስነው፤ መልካም ነገሮችን አስበህ ስትነሳ መልካም ነገሮች ወደ አንተ ይመጣሉ። ስለዚህ ጠዋትህን ደስ በሚል መንፈስ ጀምረህ ቀንህን ብሩህ አድርገው።
                                        
የደስታ ቀን ተመኘን

ዲስፕሊን ያስፈልግሃል፣ ዋጋ መክፈል።

ዋጋ መክፈል ማለት ምን ማለት መሰለህ!!

እየመረረህ እየደበረህ ማጥናት፣ እያስጠላህ ተነስተህ መስራት። ተደብቀህ ማንም ሳያይህ የምትሰራ ከሆነ ሰዉ እያየህ በአደባባይ ትሸለማለህ፣ እስከሆነ ግዜ ከሚከፈልህ በላይ ልትሰራ ትችላለህ፣ ምንም ለይከፈልህ በነፃ ልትሰራ ትችላለህ የሆነ ግዜ ግን ከሰራሃዉ በላን ይከፍልሃል። ምን ልልህ ፈለጌ መሰለህ outwork እንጂ out smart ማድረግ የለብህም። አንተ outwork ካደረክ ስማርቱን ሰዉዬ ቀጥረህ ታሰራዋለህ። አንተ ግን ሀያል፣ ጠንካራ መሆን አለብህ ጉልበት የሚያወጣ ላቡን የሚያወጣ ሰዉ መሆን አለብህ። አንተ እራስህን የዛሬ 10 አመት እሆነዋለሁ ብለህ ያሰብከዉን ሰዉዬ ሆኛለሁ ብለህ እመን አለበለዚያ የዛሬ አስር አመት ስትነቃ የሆነ መንፈስ መጥቶ ህይወትህን አይቀይረውም ከአሁኑ ሆኛለሁ ብለህ ልፋትህን ጀምር። በአዕምሮ ጨርሰህ በተግባር ጀምር፣ የማያቋርጥ ጥረት ነዉ ህይወትህን የሚቀይረዉ።


         ሰናይ ቀን🙏

ከውስጥ ወደ ውጭ እየኖርክ ነው?

የውስጥ ሰላምህን የምትጠበቅ ሰው ስትሆን፤ ከውስጥ ወደ ውጭ መኖርን ትጀምራለህ የውስጥ ሰላም ያለው ሰው አመስጋኝና ትሁት ነው ነገሮችን በተሳሳተ መንገድ አይረዳም ሰውን በቁጣ ሳይሆን በመልካም ለመቀየር ይነሳል፤ ሁሉንም አውቃለው ሳይል እንደማያውቅ ተረድቶ ሁሌም ለመማር ዝግጁ ይሆናል በትእቢት መንፈስ ውስጥ ስትገኝ ሰውን አታዳምጥም ፍቅርና ትህትናን አትላበስም ከውጭ ወደ ውስጥ መኖርን ትጀምራለህ ስለዚህ ራስህን ፈትሽ ከውስጥ ወደ ውጭ እየኖርክ ነው?


መልካም ምሽት

በዘመናችን ህይወታችንን የሚቀይሩ እድሎች አንዴ ወይም ሁለቴ ይከሰታሉ ዝግጁ ሆነን ስንጠብቃቸው ወደ ህይወታችን ሰተት ብለው እንዲገቡ በማድረግ ተአምር መስራት እንችላለን ። ምን ያህል ዝግጁ ነዎት ህይወቶን ለመቀየር🤷‍♀

ወይስ በየቀኑ እንደውሻ ማላዘን ይሻላል⁣                   
                         #አታላዝን
አንድ ትልቅ ሆቴል ፊት ለፊት ትልቅ ውሻ ተኝቶ ያላዝናል። ታዲያ በዛ ጋር የሚያልፍ ሰው ሁሉ በአግራሞት እያዩት ያልፍሉ። ጉዳዩ ግርታን የፈጠረበት አንድ ሰው ግን የሆቴሉን ጥበቃ እንዲ ብሎ ይጠይቀዋል።

መንገደኛው:- "ውሻው ለምንድን ነው የሚያላዝነው።"
ጥበቃው:- "ሚስማር ላይ ተኝቶ ነው።"
መንገደኛው:- "ታዲያ ለምን አይነሳም።"
ጥበቃው:- " አይ በጣም አልወጋውም ምቾት ስላልሰጠው ነው።"
 
ምቹ ባልሆነ ሆኔታ ውስጥ ከሆንክ አታላዝን እርምጃ ውሰድና ተገላገል።
ሕይወት አስጠልቶህም ከሆነ አታላዝን ወስንና ቀይረው።
          አለበለዚያ ግን ሌሎችን አትረብሽ ዝም በል።
               
ለሚወዱት ሁሉ ያጋሩ አብረን እንማር አብረን እንደግ💪
ኢትኬር የዘመናችን ምርጥ የስኬት መሰላል
⁣

09/05/2015 ዓ.ም

እኔ ሰላሜ የበዛልኝ ሰው ነኝ!
እኔ ሃይል ነኝ!
እኔ አነጋጋሪ ሰው ነኝ!
እኔ ቅን ሰው ነኝ!
እኔ ይቅር ባይ ሰው ነኝ!
እኔ ብርሃን ነኝ!
እኔ ደስተኛ ሰው ነኝ!
እኔ ዕድለኛ ሰው ነኝ!
እኔ ልዮ ነኝ!
እኔ ድንቅ ነኝ!
እኔ ሰጪ ነኝ!
እኔ በራሴ የምተማመን ሰው ነኝ!
እኔ ጀግና ነኝ!
እኔ የውጤት አምባሳደር ነኝ!
እኔ ተምሳሌት ነኝ!

ምስጋና🙏

ብርሃንን እንዳይ ስለተፈቀደልኝ አመሰግናለሁ🙏
ጤነኛ ሰው ስለሆንኩኝ አመሰግናለሁ🙏
ቀኔ የውጤት ስለሆነልኝ አመሰግናለሁ🙏
ቀኔ የመትረፍረፍ ስለሆነለኝ አመሰግናለሁ 😂
ቀኔ የፈገግታ ስለሆነልኝ አመሰግናለሁ 🙏
ቀኔ የመባረክ ስለሆነልኝ አመሰግናለሁ 🙏
ቀኔ በመልካም አጋጣሚዎች የተሞላ ስለሆነልኝ አመሰግናለሁ 🙏

ከባድ የተባለው ሰንሰለት!

በአለም ላይ ለመበጠስ ከባድ የተባለው ሰንሰለት የብረት ሰንሰለት አይደለም የሰው-ለሰው ሰንሰለት ነው፡፡

1.  የቁሳቁስ ሰንሰለት

ከሰዎች ጋር በቁሳቁስና በገንዘብ ጥገኝነት ከተሳሰራችሁና የእነዚያን ሰዎች ድጎማ ካላገኛችሁና ከእነሱ ውጪ መኖር እንደማትችሉ በማሰብ መንቀሳቀስ ካልቻላችሁ ይህንን ሰንሰለት የቁሳቀሱ ሰንሰለት ብለን እንጠራዋለን፡፡

ለተወሰነ ጊዜ የሰዎችን ድጋፍ ማግኘት ችግር ባይኖረውም፣ ሃሳባችን የተያዘው ግን በራሳችን መቆም እንደማንችል በመፍራት ከሆነ ይህንን ሰንሰለት የመበጠስን እርምጃ ዛሬውኑ መጀመርና ቀስ በቀስ በራሳችን ወደመቆም እንድናድግ እንመከራለን፡፡

2.  የስሜት ሰንሰለት

ከሰዎች ጋር በስሜት ንክኪ ከተሳሰራችሁና ከእነሱ ውጪ በፍጹም ማሰብም ሆነ መኖር ካቃታችሁ ይህንን ሰንሰለት የስሜት ሰንሰለት ብለን እንጠራዋለን፡፡ ከተቃራኒ ጾታ ጋር በፍቅር መተሳሰርም ሆነ ከአቻዎቻችን ጋር በጓደኝነት መቀራረብ ትክክለኛ ልምምድ ቢሆንም፣ እነዚህ ሰዎች ከእኛ ጋር ያላቸውን ትስስር ያቆሙ ጊዜ መኖር እስከሚያስጠላን ድረስ ቀውስ ውስጥ የምንገባ ከሆነ፣ ይህንን ሰንሰለት የመበጠስን እርምጃ ዛሬውኑ መጀመርና ቀስ በቀስ የትኩረት ለውጥ እንድናመጣ እንመከራለን፡፡

ከፈጣሪ ጋር ከቆማችሁ ሙሉ ሰው ናችሁ!!!

አንድ ሰው በ 22 ዓመቱ ተመርቆ  ነገር ግን ጥሩ ስራ ከማግኘቱ በፊት 5 አመታትን ይጠብቃል።

አንዳንዱ በ 25 ዓመቱ የአንድ ድርጅት ዋና ሥራ አስፈፃሚ ይሆንና በ 50 አመቱ ይሞታል።

ሌላው በ 50 ዓመቱ ዋና ሥራ አስፈፃሚ ሆኖ እስከ 90 ዓመት ድረስ ይኖሯል።

አንድ ሰው አሁንም ትዳር ሳይመሰርት ከእሱ ጋር አብሮ የተማረ አብሮ አደግ ጓደኛው የሆነ ሰው ግን አያት ሆኖ ይሆናል።

ኦባማ በ 55 አመቱ ከፕሬዚዳንትነት ጡረታ ሲወጣ፤ ትራምፕ በ 70 አመቱ ፕሬዝዳንት ሆኗል።

በዚህ ዓለም ውስጥ ያለ ማንኛውም ሰው የራሱ የጊዜ  ክልል ላይ ተመስርቶ ይሰራል።

በዙሪያህ ካሉ ሰዎች አንዳንዶቹ ከፊት የቀደሙህ፤ አንዳንዶቹ ደግሞ ከኋላህ የቀሩ ሊመስልህ ይችላል።

ነገር ግን ሁሉም የየራሱን ሩጫ፣ በራሱ ጊዜ እየሮጠ ነው።

የቀደሙህ በመሰሉህ ሰዎች አትቅናባቸው!

የቀደምካቸው በመሰለህ ላይ ደግሞ እራስህን አትኮፍስ!

እነሱ በራሳቸው የጊዜ ክልል ውስጥ ናቸው፣ አንተም እንዲሁ በራስህ የጊዜ ክልል ውስጥ ነህ!

ስለዚህ ዘና በል!

ከማንም ወደኋላ አልቀረህም፤ አልቀደምክምም!
😁ተመስገን ዛሬ ቀኑ ደስ ይላል 😘
❤️ መልካም ቀን ይሁንልን🙏

የሀሳብህን ውጤት ነው የምታገኘው

ሀሳብ እምነትን ይወልዳል፤ እምነት ደግሞ ወደ ድርጊት ይወስድህና በስተመጨረሻም ውጤትን ይሰጥሃል ስለዚህ የውጤትህ መነሻ ጥልቅ እሳቤህ ከሆነ ምን ስታስብ ነው የምትውለው? ብዙ ሰው ባለፈው የሕይወት ችግር ባጣው ነገሮች ወይም ገና ለገና ነገ ስለሚፈጠረው ነገር እያሰበ እራሱን ይሰባብራል የሚያገኘውም ውጤት ጭንቀት እና ችግር ይሆናል ነገር ግን  ያለፈው አልፎአል ተመስገን ብለህ ዛሬ ላይ ደስተኛ ሆነ ስለ ሕልም ስለ ስኬት ብታስብ ነገ ላይ የተሻለ ውጤትን ታገኝበታለህ። አሁን ላይ ራስህን ብትፈትሽ በተደጋጋሚ እያሰብክ የነበረው ነገር ነው የሕይወትህን ውጤት የሰጠህ ምክንያቱም ያልጠራኸው ነገር ወደ አንተ አይመጣም።
                              
ውብ ቀን ተመኘን🙏

እንኳን ደስ አላችሁ የኢቲኬር የውበት መጠበቂያ ምርቶች ሽያጭ ኃ/የተ/የግ/ማ እህት ኩባንያ  የሆነው ኢቲኬር  ቁጠባና ብድር  ኃ/የተ/ህ/ስ/ማህበር የመክፈቻ ስነስርዓት ነገ ማክሰኞ ጥር 16 2015 ከጠዋቱ 4፡00 ጀምሮ በኢቲኬር  ቁጠባና ብድር  ኃ/የተ/ህ/ስ/ማህበር ዋና መስሪያ ቤት ይደረጋል
Etcare I care You care We care

አመስጋኝ ልብ ይኑርህ

አሁን ላይ በሕይወትህ አስቸጋሪ ፈተና ውስጥ ችግር ውስጥ ልትሆን ትችላለህ ነገር ግን እኔ ከችግሩ በላይ ነኝ ተመስገን እንኳንም በሕይወት ኖርኩ ብለህ ያጣኸውን ነገር ሳይሆን ያለህን በረከት እያየህ ፈጣሪህን አመስግን የምታመሰግንበት ነገር ቢጠፋ እንኳ ፈጣሪ ለሰጠህ ለእያንዳንዱ የሰውነት ክፍሎችህ አመስግን በሕይወትህ ስላለህ ነገር ስታመሰግን ሌላ የምታመሰግንበት ነገር ይጨመርልሀል።

መልካም ቀን ተመኘን

የአላማ ፊሪከሲ/frequency ተአምር!!! የምትፈልገው አላማ ምን ያህል ጊዜ እየሰጠሀው እንደሆነ የሚገልፅ ተአምር ነው!!! አላማዬ የምትለው ነገር በሰከንድ!በደቂቃ!በሰአት!በቀን እና በአመት ስንት ጊዜ ደጋግመህ ዋጋ ትከፍልለታለህ ?የሚለው ጥያቄ መልስ የሚፈልግ ምስጢር ነው!!!በሰከንድ ውስጥ ስንት ጊዜ ስለ አላማህ ታስባለህ! እዚጋ ነው የሚገለጠው ምስጢሩ!!!በተመቸህ ጊዜ በወር አንዴ ለዛውም ከላይ ከላይ እያስብክ ህልሜ ለምን አልተሳካም ማለት የፊሪኮሲ ተአምር አለመገንዘብ ነው!!!በየሰከንዱ ከህልምህ እና ለምትሞትለት አገልግሎት አስብ!!ደጋግመህ አስብ!!!አሁን እንደሆነ እመን!!!እመነኝ!!!የትኛውም ትልቅ ነው የምትለው ነገር ትንሽ ሆኖ ይታያሀል!!!የአላማህ ፊሪኮንሲ ተግባራዊ ማድረግ ስትጀምር በቃ አለቀለት!!!ጉዳዩ በተአምር ይሳካል!!!
#መልካም ቀን ተመኘሁ!!!

ማሰባችንን ላይቀር በትልቁ እናስብ !!!እውነት ነው ትናንሽ ነገሮች ተደምረው ትልቅ ውጤት ያስገኛሉ!!!ነገር ግን  ስለ እንቁላል እያስብን መኪና ለመግዛት ተሰፋ ከምናደርግ አውሮፕላን እያስብን  የምንገዛው መኪና ማሰቡ እድሉ የሰፋ ነው!!!ለትንሽም ይሁን ለትልቅ አላማ ለማሰብ የምናጠፋው ጊዜ ልዩነት የለውም!!! ከተራ ሀሳቦችና ከጥቃቅን ውጤቶች መለቃቀም ወጥተን በትልቁ አስበን ትልቅ ውጤት ለማምጣት እንዘጋጅ!!!
#የፍቅር ምሽት ተመኘሁ!!

መልካም ጓደኛ ምረጥ!!!
ጓደኛ ብርታት ይሰጠሀል!!!ራእይ ያለው:ማስተዋል የታደለ ጓደኛ ምረጥ!!! ስታጠፋ ምክር የሚሰጥህ ጓደኛ ምረጥ!!!ስትደክም የሚያበረታህ  ጓደኛ ምረጥ!!! ስትወድቅ የሚያነሳህ ጓደኛ ምረጥ!!! በችግር ጊዜ ፀንቶ የሚያፀና ጓደኛ ምረጥ !!!ስላንተ ማንኛውም መስዋእትነት የሚከፍል ጓደኛ ምረጥ!!!እስከ ህይወት ፍፃሜ አብሮ የሚዘልቅ ጓደኛ ምረጥ !!!አርቆ አሳቢ ጓደኛ ምረጥ!!!ጓደኛ ከፈጣሪ በታች ታላቅ ሀይል ነው!!!እንዲህ አይነት ጓደኛ ለማግኘት ግን ያንተ ስብእና ትልቁ ድርሻ ይወስደል!!!አንተ ያልሆንከው ነገር ማንም እንዲሆንልህ አትጠብቅ!!!ጓደኛህ እንዲሆንልህ የፈለግከው ጉዳይ መጀመርያ አነተ ሆነህ አሳየው!!!
#የወዳጅነት ቀን ተመኘሁ!!!

የአእምሮ ምስጢር!!!
አእምሮ ከጊዜ ጋር ተጣብቆ የሚኖር የሰው ልጅ ታላቅ ስጦታ ነው!!!ይህ የፈጣሪ ስጦታ ተጠቅመን የምንፈልገው ነገር ለማግኘት የሚረዳን ታላቅ መሳርያ ነው!!!የሚያሳዝነው ግን ብዙ ሰው አእምሮውን እየተጠቀበመበት ሳይሆን የሱ መጫወቻ ሆኖ ይኖራል!!! አንድ ሰው አእምሮ በትክክል ተጠቀመበት የሚባለው የሚፈልገው ነገር አስቦ ውጤት ማግኘት ሲችል ብቻ ነው!!!ወይኔ ጉዴ!እያልን ህይወታችን በአሉታዊ ሀሳቦች የምንዋዥቅ ሰዎች ስንቶቻችን ነን!?በዚህ ጊዜ ወደ ኋላ እንጂ ወደ ፊት ማለት የለም!!!ህይወት ማለት አሁን ነው!!!አሁን በንቃት መመልከት !!!አሁን ያልነቃ ሰው በትናንት ወይም በነገ የሚባል ጊዜ ሊኖር አይችልም!!!አሁን !እንዴት ይጣፍጣል መሰለሄ!!!?
#የንቃት ምሽት ተመኘሁ!!!

የተግባር ሰው ሁን!!!
ሀሳቦች የሁሉም ስኬት መሰረት ናቸው :ይሁን እንጂ ወደ ተግባር እስካልተቀየሩ ድረስ አለት ላይ የፈሰሱ ዘር ናቸው!!!አንድ ሰው በቀን 60,000 ሀሳብ ሲያንሸራሽር ይውላል!!!በጣም የማያሳዝነው ግን 99% የአለማችን ሰዎች እነዚያ ሀሳቦች መሬት ላይ አውርደው  ውጤት  አያሳዩም!!!ስለዚህ በአለማችን ላይ ትልቅ አንድ ክፍተት አለ! ''የተግባር ክፍተት!!!"" በሀሳብ እና በንግግር መሀል ልዩነት እንዳለ ሁሉ በ ወሬና በተግባር መሀል የተራራ ያህል ልዩነት አለ!!!ስለዚህ ያለህበት የንሮ ደረጃ መቀየር ትፈልጋለህ??በቃ መድሀኒቱ በአእምሮህ ያሰብከው እና የተናገርው ነገር በተግባር ነገ ጀምረው!!!ካልሆነ" ወሬኛ!" ልልህ ፈልጌ ነበር ግን አያስፈልገኝም!!!ብልህም እኮ እንድትቀየር ከልቤ ስለምፈልግ ነው!!!አንዳንዴ በምክር ያልሰማ ልጅ ቆንጠጥ ያስፈልጋል!!!እስከ ዛሬ ስንት ተናግረህ ስንት ያህል ነው ወደ ተግባር የቀየርከው!?ጉድህ እኮ ነው!በቃ ያለፈው አልፏል!!!ከዛሬ ጀምረው! የህይወታችን ስኬት ላይመለስ ወደ ቁርጠኛ ተግባር ለመግባት ቃል ግቡልኝ!!!እንወስን!ህይወት የሚቀየረው በቁርጠኛ ሰው ነው!!!የተግባር ቁርጠኛ ሰው!
#ሰናይ ሌሊት !

ሕይወት እጣፈንታ ሳይሆን ምርጫ ነው ሲባል አብዛኛው ሰው አይዋጥለትም። "ሕይወት ምርጫ ከሆነ ሰው እንዴት ደሃ ለመሆን ይመርጣል?" የሚል ጥያቄም ይነሳል። ሕይወት ምርጫ ነው ስንል አሁን ቀላሉን ስራ ሰርተን ሕይወትን ከባድ በማድረግና አሁን ከባዱን ሰርተን ሕይወትን ቀላል በማድረግ መሃል የምረጥ ፍቃድ አለን ለማለት ነው። ለሀብት እየሰራን ካልሆነ በተቃራኒው ለድህነት እየሰራን ነው። ለጤና እየሰራን ካልሆነ ለበሽታ እየሰራን ነው ማለት ነው። ዛሬ ምንም ላይ እንሁን ምንም ትላንት የመረጥነው ትላንት የወሰንነው ነገር ነው ዛሬያችንን የሰጠን። ታዲያ ነጋችንን እንደምንፈልገው እንዲሆን ዛሬ ምን እየመረጥን ነው? ዛሬ የት ሰፈር ነን?

መልካም  በምርጫችን የምንደሰትበት ዕለተ አርብ ተመኘው 🙏😊