አንተ በራስህ ህይወት ላይ መሪ የማትሆን ከሆንክ በሌሎች ህይዎት ላይ ተከታይ ትሆናለህ።
ምን ማለት መሰለህ፤ አንተ የህይወት አላማህን አስቀምጠህ፣ ያንን አላማህን ለማሳካት እቅድ አውጥተህ፣እና ሙሉ ትኩረትህን በአላማህ ላይ አድርገህ የማትንቀሳቀስ ከሆነ የሌሎችን አላማ አስፈፃሚ ነው የምትሆነው።
ለምን እንደምትኖር ካላወክ ያገኘኸውን ትኖራለህ።ምን እንደምትሰራ እቅድ ካላወጣህ ያገኘኸውን ትሰራለህ።ይህ አይነቱ ባህሪህ ለሌሎች መጠቀሚያ እንድትሆን ያደርግሃል።አንተም መጠቀሚያ ላለመሆን እራስህን መከላከል አትችልም።እንድህ አይነት ህይወት ከኖርክ በመጨረሻዎቹ የእድሜህ አመታት የምታተርፈው ብቸኛው ነገር ፀፀት ነው።

እውነተኛ ለውጥ!

አጎንብሰህ ስትለፋ ስትጥር ማንም ላያይህ ይችላል፤ እውነተኛ ለውጥ ጊዜ ይጠይቃል! ብርታት ይጠይቃል! ትዕግስት ይጠይቃል! ፅናት ይጠይቃል! አየህ ወዳጄ ማንም ባላየህ ጊዜ ከጠነከርክ ሁሉም እያየህ ትሸለማለህ።

አስገራሚ ምሽት

መንገድህን ቀጥል!!!

1.  የምትኖርበት ቤት ማንነትህን አይወክልም!

አሁን ያለህበት ቤት ወደፊት የምትኖርበትን ስፍራ እስክታዘጋጅ መቆያህ ነው እንጂ ከማንነትህ ጋር ምንም ግንኙነት የለውም፡፡ ስለዚህ የምትኖርበት ቤት ማንነትህን እንዲተረጉመው ባለመፍቀድ መንገድህን ቀጥል፡፡ 

2.  የምትሰራበት ስፍራ ማንነትህን አይወክልም!

አሁን የምትሰራው ስራ ጨዋና የስራ ሰው የመሆንህ ማሳያና ለወደፊት ማዳበር ለምትፈልገው ነገር መሸጋገሪያ ድልድይ ነው እንጂ ከማንነትህ ጋር ምንም ግንኙነት የለውም፡፡ ስለዚህ የምትሰራው ስራህ የማንነትህ መለኪያ እንዲሆን ባለመፍቀድ መንገድህን ቀጥል፡፡

3.  የምታገኘው ደሞዝ ማንነትህን አይወክልም!

አሁን የምታገኘው የገቢ መጠን ራእህን በመከታተል ላይ ሳለህ ለጊዜው ያለህን ፍላጎት ማሟያና ቀዳዳ መድፈኛ ነው እንጂ ከማንነትህ ጋር ምንም ግንኙነት የለውም፡፡ ስለዚህ ደሞዝህ የማንነትህን ደረጃ እንዲመድብ ባለመፍቀድ መንገድህን ቀጥል፡፡

4.  የትምህርት ደረጃህ ማንነትህን አይወክልም!

አሁን በጭንቅላትህ ውስጥ ያለው እውቀት ወደፊት ማወቅ ለምትፈልገው ነገር መነሻ፣ እንዲሁም ጥበብን ጨምረህበት የወቅቱን ሁኔታህን መግፊያ ነው እንጂ ከማንነትህ ጋር ምንም ግንኙነት የለውም፡፡ ስለዚህ የትምህርት ደረጃህ ሰው የመሆንህን ዋጋ እንዲጨምረውና እንዲቀንሰው ባለመፍቀድ መንገድህን ቀጥል፡፡

5.  ሰዎች ስለአንተ የሚያስቡት ነገር ማንነትህን አይወክልም!

ሰዎች ስለአንተ የሚያስቡት ሃሳብ በመላ ምት ላይ የተመሰረተ፣ ከራሳቸው ምልከታ፣ ውስንነትና ልምምዳቸው ጋር የተዛመደ፣ ማመን የሚፈልጉትን ነገር እንደምክንያት የሚጠቀሙበት ሁኔታ ነው እንጂ ከማንነትህ ጋር ምንም ግንኙነት የለውም፡፡ ስለዚህ ሰዎች ማንነትህን እንዲተረጉሙት ባለመፍቀድ መንገድህን ቀጥል፡፡

ከላይ የዘረዘርኳቸውን እውነታዎች በሚገባ ስትገነዘብ በዙሪያህ ካሉ ሁኔታዎች ባሻገር ዘልቀህ የመሄድ አቅም ይሰጥሃል፡፡ ይህንን ሃሳብ በመታጠቅ ቀና ብለህ ራእይን ተመልከት፣ እቅድን አውጣ፣ ባለህ አቅም የመጀመሪያዋን እርምጃ ተራመድ፣ ግራና ቀኝ ሳትል በርትተህ መንገድህን ቀጥል . . . ትደርሳለህ !!!

      https://www.tg-me.com/ethiojobs12

ፈጣሪ ሲረዳህ

ፈጣሪ ረድቶህ ያሰብከው ሲሳካ ቀጥሎ አላማህ መሆን ያለበት አንተ የደረስክበት ሰዎች እንዲደርሱ መርዳት ነው። ስኬታማ ስትሆን ሁሉን በራስህ ጥረት ያመጣከው ይመስል ራስህን ከፍ አድርገህ አትኮፈስ የረዳህን ፈጣሪ የምትከፍለው አንተ ከውጣህበት የስቃይ ህይወት እንዲወጡ  አንተ ያለፍከውን ፈትና ሰዎች እንዲያልፉት በመርዳት ነው። ከፍታላይ ስትደርስ የመጣህበትን አትርሳ።

"የመሰላሉን መርገጫ እንጨት እየሰበርክ ወደላይ በውጣት አያዋጣም የሆነ ቀን መውረድ ሊያስፈልግህ ይችላልና!"

😣 የድህነታችን ደንቃራ ከሁሉም በፊት አስተሳሰባችን ነው። !

አስተሳሰባችን ላይ መስራት ከቻልን ሁሉም ነገር እንወጣለን?

ስኬታማ ለመሆን ፍላጎት ላላቸው ብቻ
1. ችግር ሲገጥምህ ሁልጊዜ ሊኖርህ የሚገባው አንዱ መርህ ፈጽሞ አለማቆም ነው። 

ተስፋ ስትቆርጥ በሕይወትህ ውስጥ የሽንፈት’ አስተሳሰብን ትጋብዛለህ።  ይልቁንም ችግሩን ለመፍታት የተለያዩ መንገዶችን ፈልግ እና ችግሩን እስክታሸንፍ ድረስ ስልቶችህን መቀየርህን ቀጥል።
 
2. የሚመጣውን ማንኛውንም ችግር መቋቋም እችላለሁ ብለህ ካሰብክ የማትፈታው ችግር አይኖርም።

እያንዳንዱ ችግር የራሱ የሆነ የመፍትሔ ዘር ይዟል። ይህ ማለት በአንተ ላይ የሚመጣ ችግር ሁሉ የራሱን መፍትሄ ይዞ ይመጣል ማለት ነው።  ሰለዚህ የሚመጣውን ማንኛውንም ችግር መቋቋም እችላለሁ ብለህ ካሰብክ የማትፈታው ችግር አይኖርም።  
 
3. በራስህ ማመንህን ቀጥል፣ በራስ መተማመን ይኑርህ

በራስ መተማመን ችግሮችህን እና ዓለምን በድፍረት ለመጋፈጥ መቻልህን ያረጋግጣል።  ሕይወትን ለመጋፈጥ በውስጥህ  የሚያስፈልግህ ነገር ሁሉ እንዳለህ እመን። 
 
4. ፍርሃትን ስታስወግድ ስኬት ወደ አንተ ይመጣል

ፍርሃት በተለይም ውድቀትን መፍራት ብዙ  ሰዎች በልበ ሙሉነት ችግራቸውን ለመፍታት እንዳይችሉ የሚያደርጋቸው መሰናክል ነው። 

ፍርሃት ችግሮች ሲያጋጥሙህ ከሚያጋጥምህ ውጤት ይልቅ አሁን ያለው ሁኔታ የተሻለ እንደሆነ እንድታስብ ያደርግሃል።   ፍርሃት በአንተ እና በስኬት መካከል ያለ እንቅፋት ወይም መሰናክል ነው።    ስለዚህ ፍርሃትን ስታስወግድ ስኬት ወደ አንተ ይመጣል።
 

💫"የምትጓዝበት መንገድ ወደ ጥሩ አሊያም ወደ መጥፎ የሚመራው አንተን እንጂ ተመልካችህን አይደለም፤የምትለብሠው ልብስ የሚያሞቀውም ሆነ የሚያበርደው አንተኑ እንጂ የሚያይህን አይደለም፤የምትበላው ምግብ የሚጣፍጠው ወይም የሚመረው አንተን እንጂ ሌላውን አይደለም።

💫ብዙ ውጫዊ ነገሮች አስደሳች ቢሆኑም ከጊዜ ጋር የተሳሰሩና ሃላፊ ናቸው። ዛሬ ያስደሰተን ጓደኛ ነገ ላይኖር ይችላል ዛሬ ያጌጥንበት ውበት ነገ ይረግፋል፤ ዛሬ የተመካንበት አስተሳሰብ ነገ በቆመበት አይጸናም። ከውጪ የምናገኘው ማንኛውም አይነት ደስታ በመጣበት እግሩ ጥሎን መሄዱ አይቀርም። ከዛም አልፎ ዋጋ ያስከፍለናል። ከጊዜ ጋር የማይለዋወጥ ደስታን ለማግኘት ብቸኛ መፍትሄው ደስታና ሰላምን በውስጣችን መፈለግ ነው። እንደ ኩሬ ውሃ ያነሰች፤ እንደ ኩራዝ መብራት የቀጨጨች፤ እንደ ሰናፍጭ ቅንጣት የደቀቀችም ብትሆንም እንኳን ውስጣዊ ደስታን በልባችን መትከል ነው። ይህ ነው ማንም ሊነካውና ሊደፍረው የማይገባው ስፍራ።

✨በርግጠኝነት ለሰው ብለን የምንይዘው ማንነት፤ ለኛ በልክ እንዳልተሰፋ ልብስ አያምርብንም፤ ቀላሉ መፍትሄ እራሳችንን መሆን እና፤ መክሊታችንን መኖር ነው። በዚህ ስፍራ ውስጥ ሙሉ ነን፤ እውነተኛ እኛነታችን የሚታየው በዚህ ስፍራ ነው። ወደ ውስጣችን ዘልቀን በዚህ ስፍራ ላይ ቆመን ህይወታችንን ብናየው፤ እንደምናስበው ደካማ አይደለንም፤ የሚጎድለን ብዙ አይደለም፤ ከምንም በላይ በፈጠረን ፈጣሪ አይን ውስጥ ውብና ንጹህ ነን። ታዲያ ከዚህ በላይ ምን አለ? ደስታና ሰላማችን በሰው እጅ ፤ ፍርድና ቅጣታችን በሰው ወንበር ፈጽሞ አይሁን.!!