የአእምሮ ሰላም ከሚሰጥህ ሰው ጋር   ዋል፡ የሚያበረታህን ፖስት እና መጽሐፍ ብቻ አንብብ፡፡

ህይወትን እንድትውድ በሚያደርጉ ነገሮች ራስህንን ክበብ፡፡በዙርያ ያለወን ጥሩም ሆነ መጥፎ አከባቢ  እንደምትመስል አስታውስ፡፡ከአህያ ጋር የዋለች ጊደር አመድ ቅማ ትመጣለች፡፡አንተስ ከመጥፎ ሰው ጋር ብትውል ምን የምትማር የመስልሃል? ክፉ መጽሐፍ ብታነብ ምን የምትሆን ይመስልሃል? የምትሆነው በዙርያ የሚገኘውን ነገር ነው፡፡የምትመስለው አከባቢ እና ውሎህን ነው፡፡ስለሆነም የምትውልበትን ቦታ እና የምታገኘውን ሰው በንቃት ምረጥ፡፡

እንኳን ለኢየሱስ ክርስቶስ የልደት በዓል (ገና) በሰላም አደረሳችሁ
ኢቲኬር ለመላው የድርጅቱ የምርት አስተዋዋቂዎች ደንበኞች እንዲሁም ለመላው የክርስትና እምነት ተከታዮች በዓሉ የሰላም የፍቅር እና የመተሳሰብ እንዲሆን ይመኛል፡፡ መልካም አውደዓመት
Etcare I care You care We care

#የመስዋዕቱ_በግ

አንዲት እናት ልጇን ለዚህ ዓለም ለመሰዋት ካለመኖር ወደ መኖር ታመጣዋለች፡፡

ይህንንም ጉዳይ ማይክ አንጀሎ በድንግል ማርያም እና በልጅዋ በክርስቶስ አምሳያ በቀረጸው ሀውልት ገልጾታል፡፡

ልጇ ክርስቶስ ወደዚህ ምድር የመጣው በእናቱ በድንግል ማርያም ማህጸን ውስጥ አልፎ ነው፡፡ ክርስቶስም ራሱን በመስቀል ላይ ሰውቶ ዓለምን አድኗል፡፡

ግን አንድን ህፃን ወደዚህ አስከፊ ዓለም ማምጣት ትክክል ነው? እያንዳንዱ ሴት ይህንን ጥያቄ ሳትመልስ ልጅ ለማርገዝ አትሞክርም፡፡

አንዳንዶች ተገቢ አይደለም የሚሉበት የራሳቸው ምክንያት ይኖራቸዋል፡፡

ድንግል ማርያም ግን ምንም እንኳን ክርስቶስ የተፀነሰው መንፈሳዊ በሆነ መንገድ ቢሆንም ተገቢ ነው ብለው ከሚያስቡት እናቶች ውስጥ ነች።

በምላሹም የማሪያም ልጅ ክርስቶስ ራሱን ለዓለም አሳልፎ በመስጠት በሰው ልጅ እጅ ተሰቃይቶና ተሰድቦ በመሰቀል ራሱን ሰውቷል፡፡

ይህ ታሪክ ትልቅ ነገርን ለማግኘት ትልቅ መስዋዕትን እንደሚጠይቅ ያሳያል፡፡

አንተም ወዳጄ ትልቅ ነገርን ካለምክ፣ ትልቅ ነገርን ሰዋ፡፡ መስዋዕት የምትከፍልለት አላማህ ግን አለምን የሚያድን ይሁን!

መልካም የገና በዓል🙏

ማንበብ

እስቲ የማንበብን ጥቅም ትንሽ ልበላችሁ፦

1 ሰውነትህ ስፖርት ሲሰራ ጡንችህ እንድሚያድግ ስታነብም አስተሳሰብህ ያድጋል እይታህም ይሰፋል ማስተዋልህም ይጨምራል።

2 ቻይኖች "3 ቀን ሳታነብ ከዋልክ አፍህ ይሸታል" ይላሉ። ምን ማለትህ ነው ደሞ? ልትል ትችላለህ እውነታቸውን ነው ሰው ካላነበበ የሚናገረው አይኖረውም ስለዚ የድሮ አስተሳስቡን ይዞ ነው ሚናገረው።

3 ማንበብ አእምሮአችን በተሻለ ፍጥነት እንዲሰራ እንዲያስብ ያደርጋል።

4 ማንበብ ራስህን ፈጣሪህን እንድታውቅ ይረዳሃል

5 ማንበብ ብልህ አስተዋይ ያደርግሃል

6 የምታነብ ከሆነ የምትናገረው አታጣም
.
.
የማንበብ ጥቅም ብዙ ነው። ጥቅሙን ብናቅም ግን አናነብም። ብናነብም ያነበብነውም አንኖረውም። ማወቅ ብቻ ደሞ አይለውጠንም ያወቅነውንም መኖር አለብን ያኔ ለውጣችን ይጀምራል። ከላይ የተጠቀሱት የማንበብ ጥቅም ግን የሚወሰነው የምናነበው ምን ያህል ጥሩ መጽሃፍ ነው በሚለው ላይ ነው።   እንጂ ያገኘነውን ስላነበብን እንለወጣለን ማለት አይደለም።

💪💯 ሕጉን ስበረው!

💪💯 የሚያሸማቅቅህን ፣ የሚያስጨንቅህን የሚያሳዝንህን ፣ የሚቃወምህን ፣ የሚያታግልህን ፣ ላንተ ሳይሆን ባንተ ላይ የሚሰራውን ፣ የሚወግንልህን ሳይሆን የሚወግንብህን እርሱን ስረዓት መሳይ ጨቋኝ አካሔድ ስበረው ። የትኛውም ለእራስህ ያወጣሀውም ይሁን ማህበረሰቡ አውጥቶ የሰጠህ ህግ ሊጠቅምህ እንጂ ሊጎዳህ አይገባም ፤ ልታተርፍበት እንጂ ሊያከስርህ አይገባም ። በህግ መኖር ፣ በስረዓት መመራት ፣ እንደ ደንቡ መራመድ አግባብ ነው ፤ ነገር ግን የበታችነትን የሚያበዛ ፣ ከአክብሮት በተሻለ ፍረሃትን የሚጭን ፣ ከድንቅነት ባሻገር በተራነት የሚያስር ፣ ከይቅርባይነት በተለየ ለበቀል የሚያሰናዳ ከሆነ ለእኛ እየሰራ ሳይሆን በእኛ ላይ እየሰራ ነው ። ከዚህ በፊት የነበሩ የተፃፉም ሆነ ያልተፃፉ ህጎች ሙሉ በሙሉ ጠቃሚና እንከን አልባ ናቸው ማለት አይቻልም ፤ ምክንያቱም አንድም በሰው ስለተፃፉ ፣ ሌላም የተደነገጉበትና መተግበር የጀመሩበት ዘመን ከአሁን ጋር ስለሚለያይ ። ትናንት ነውር የነበረ ተግባር ዛሬ አግባብ ሆኖ ሊገኝ ይችላል ።

💪💯 አዎ! ጀግናዬ..! የትኛውም ህግ እንዲሰራልህ የማድረጉ ድርሻ ያንተ ነው ። ሁን ብሎ አንተን ለመጉዳት ፣ ወደኋላ ለማስቀረት ፣ በበታችነት ለማሰር ፣ በፍረሃት ለማሸማቀቅ የሚወጣ ህግ የለም ። ምናልባትም ከተፃፈው በላይ ያልተፃፈውም ማህበራዊ ደንብ በተቃራኒህ እየሰራብህ ሊሆን ይችላል ። ተለይቶ መታየትህ ፣ አዲስ ነገር መሞከርህ ፣ የማይቻል የሚመስለውን ሆኖ ማየትህ ፣ ህይወትን ከመታገል በላይ በሙላት መኖርህ ፣ ድፍረትህን መግለጥህ ፣ አንገትህን ማውጣትህ ፣ ስለ እራስህ በኩራት ማውራትህ እብድ ወይም አማፂ ሊያስብልህ ይችላል ። ቁብ ነገሩ ግን ያንተ በአብዛኛው እብድና አማፂ መባልህ ሳይሆን ለእራስህ ጤነኛ ፣ ትክክልና ባለራዕይ መሆንህ ነው ። መስማት የሚገባህን ብቻ ካልሰማህ ፣ ማድረግ ያለብህን ብቻ ካላደረክ ፣ መቀበል ያለብህን ብቻ በሚዛን ካልተቀበልክ መደበኛው ህይወት ሁሌም ከጎንህ ይኖራል ፤ አብሮህ ይዘልቃል ፤ አብሮህ ይጓዛል ።

💪💯 አዎ! ሕጉን ስበረው! ላንተ እንዲሰራልህ ፣ እንዲያግዝህ ፣ እንዲያበረታህ ፣ እንዲያነቃህ አድርግ ። ይሉኝታ በትንሹ ጥሩ ሊሆን ይችላል ፣ ሲበዛ ግን የውድቀትና የበታችነት መንስዔ ነው ። ስለእራስ የሌለውን ታሪክ ፈጥሮ መተረክ ነውር ሊሆን ይችላል ፣ እውነተኛውን ማንነት በሚገባ መግለፅ ግን እራስን ማወቅ ነው ። ቁጭ ብሎ የማህበረሰቡን ችግር መተንተን እውቀት ሊመስል ይችላል ፣ ችግሩን ለመቅረፍ እርምጃ መጀመር ግን ሊቅነት ነው ። በዚህም በዛም እንደ መደበኛው ህግ ቁጥርና አንቀፅ የሌላቸው ህግና ደንቦች በዙሪያችን አሉ ። በእድገታችን ውስጥ ተዋህደውናል ፤ በህይወት ውጣውረድ ውስጥ አጥረውናል ፤ በመውጣትና መግባት አለም ድንበር አበጅተውልናል ። ጥቅምና ጉዳታቸው እስካልተለየ ድረስም ሁሌም በምክንያት አልባ ተፈፃሚነታቸው መቀጠላቸው አይቀርም ።

💪💯 አዎ! ብዙ ሃይልህን የሚያወጡ ፣ የሚበረታቱህ ፣ እራስህን እንድትሆን የሚደግፉህ ፣ ለውጥህን የሚያግዙ ፣ ከህልምህ ጎን የሚቆሙ ብዙ መልካም ህጎች አሉ ። ስታሸንፍ ትከበራለህ ፤ ስታገለግል ትሾማለህ ፤ ስትሰጥ ይሰጥሃል ፤ ስትበረታ ታበረታለህ ፤ ስትኖር ብዙዎችን ታኖራለህ ፤ ስታከብር ፣ ስትከባበር የጠለቀ ውውህደትንና አንድነትን ትፈጥራለህ ። ከሚሰሩልህ ህግጋት ውጪ የሚሰሩብህን ፣ የሚያሳንሱህን ፣ የሚሰብሩህን ህግጋት አስወግድ ። የሚሰሩልህን ተጠቅመህ ወደ መዳረሻህ ተጓዝ

አንድ ተማሪ የትምህርት ቤቱ መምህር ጋ ሄዶ “ቲቸር የሂሳብ ቀመሮችን መስራት እንደምችል ታዉቂያለሽ? ሰዎች 'ከባባድ' ናቸዉ የሚሏቸዉን መፃህፍትን ሳይቀር እንዳነበብኩ አልሰማሽም??” እያለ ያደረገዉንና ጥግ የደረሰ እዉቀት ባለቤት መሆኑን ሊገልፅላት መሞከሩ ባያሌው አስገርሟታል፡፡
አስተማሪዋም ያወራዉን ሁሉ አዳምጣ ከጨረሰች በኋላ እንዲህ
አለችዉ “ሂድና ግማሽ ዉሃ በዚህ ኮዳ ይዘህ ና!” ሔዶ ግማሽ ዉሃ አመጣ...ኮዳዉን አንስታ ስታወዛዉዘዉ አያት፡፡ “ምን ትሰማለህ?”
አለችዉ “የዉሀዉ ድምፅ ይሰማኛል” አላት “ጥሩ! አሁን ደግሞ ይህንን ኮዳ እስከአፉ ድረስ ሞልተኸዉ ና” አለችዉ፡፡
ሄዶ ሞልቶ ሲመጣ
ኮዳዉን ተቀብላ ስታወዛዉዘዉ አየና “አሁን ምንም ድምፅ የለዉም”አላት፡፡
እንዲህ መለሰችለት...“እዉቀትም እንደዚሁ ነዉ፡፡በትንሹ ወይም በግማሹ የሚያዉቁ ሰዎች ብዙ ያወራሉ...'ካልተደመጥኩ!፣ጆሮ ካልተሰጠኝ' ብለዉ ችግር ይፈጥራሉ...ነገር ግን ምርጥ ጭንቅላትና የበሰለ እዉቀት ያላቸዉ ባገኙት ነገር ላይ በሙሉ 'እኔ እኔ እኔ!' እያሉ እጃቸዉን አያወጡም፡፡ማዉራት ሲኖርባቸዉ ብቻ ጥቂት ያወራሉ፡፡በእዉቀት እስከ ገደፉ የተሞሉ ሰዎች ጩኸት አያበዙም፡፡
ረጋ ያሉ ናቸዉ! ታዋቂዉ ፈላስፋ ፕላቶ እንዳለዉ ‘ብልህ ሰዎች ማዉራት ያለባቸዉ ሃሳብ ስላለ ብቻ ያወራሉ ሞኞቹ ግን ማዉራት ስላለባቸዉ ያወራሉ’

"ስኬታማ የመሆን ቁልፎች"

1.) ገደብህ እይታህ ነውና አርቀህ ተመልከት!!

2.)ማንንም ሳትጠብቅ በራስህ ያሰብከውን ለማድረግ ጣር!!

3.)እቅዶችህን አሁን ማድረግ ስትችል ለነገ አታሳድራቸው!!

4.)ከምቾት ቀጠና እስካልወጣህ ድረስ ታላላቅ ነገሮችን ማከናወን አትችልም!!

5.)አላማህን አቅደው፣ ተመኘው፣ ሁነው!!!!

6.)ስኬት በመቀመጥ አይመጣምና ተንቀሳቀስ!!

7.)ስኬት ራሳቸውን ለተቀበሉ ሰዎች ነውና ራስህን ተቀበል!!

8.)ጠንክረህ በሰራኸው ልክ ውጤት ጠብቅ፤ ነገር ግን የምትሰራውን ሁሉ በእውቀት በጥበብና በማስተዋል ስራ!!

9.)ስለደከምክ ሳይሆን ማቆም ያለብህ ስለጨረስክ ነው!!

10.) በመሰጠት መንፈስ ከእቅልፍህ ተነስ ከዚያም በእርካታ ወደቤትህ ግባ!!

11.)ትንንሽ ነገሮች ትልቅ ቀንን ይሰራሉና አትናቃቸው!!

12.)ህልምህን አልመው፣ እመነው፣ ገንባው፣ ሁነው!!!!

          መልካም ቀን

አንድ ቤተሰብ፤ ራቅ ባለ መንደር ወጣ ብሎ በአንድ ትንሽ መሬት ላይ ይኖር ነበር። አንድ ብቸኛ ላምም ነበረቻቸው።  ህይዎታቸውን የሚመሩትም ከላሟ በሚያገኙት ወተት ነበር። 

ላሟ ትንሽ ወተት ሲኖራት ትንሽ ይበላሉ፤ ብዙ ወተት ሲኖራት ብዙ ይበላሉ፡፡ የእናት፣ የአባትና የልጆች ህይወት በላሟ ወተት ላይ የተመሰረተ ነው።

በአንድ ወቅት አንድ መንገደኛ በመንደሩ በማለፍ ላይ እያለ በጣም ይራባል። ወደዚህ ቤተሰብም ጎራ በማለት እንደተራበና የሚቀመስ ነገር እንዲሰጡት ይጠይቃል። 

ቤተሰቡም አዘኑለት፣ ካላቸው ትንሽ ወተትም ሰጡት። 

መንገደኛው በለጋስነታቸው ልቡ ይነካና ቤተሰቡን በመርዳት ውለታውን ለመመለስ ፈለገ። 

ቤተሰቡን እንዴት መርዳት እንዳለበት ግን ሃሳብ ሊመጣለት አልቻለም።  

በዚህ ጊዜ በመንደሩ ውስጥ አንድ አስተዋይ ሰው እንዳለ ይሰማና ወደ እኚህ አስተዋይ ሰው ቤት ይሄዳል።
 
“በዚህ መንደር በማልፍበት ወቅት በጣም እርቦኝ ነበር፤ እናም አንድ ቤተሰብ ወተት መገበኝ። ይህን ቤተሰብ መርዳት እፈልጋለሁ ፤ እንዴት መርዳት እችላለሁ? ” ብሎ አስተዋዩን ሰው ጠየቃቸው። 

እኝህ ብልህ ሰውም “ላሟን ግደላት !” ብለው መለሱለት። 

“ላሟን ግደላት? ይህ እንዴት ሊረዳቸው ይችላል?”  መንገደኛው መልሶ ጠየቀ።  

ሕይወታቸውን የተንጠለጠለው በዚያች ላም ነው፤ “ላሟን ግደላት” በማለት አስተዋዩ ሰው ደግመው መለሱለት።

መንገደኛው ይህን ግራ የሚያጋባ ምክር ለመቀበል ፈርቶ ነበር ፤ ነገር ግን የአስተዋዩን ሰው ምክር ተፈጻሚ አደረገና ማንም የቤተሰቡም አባል እንዲሁም የመንደሩ ነዋሪ ሳያየው ላሟን ገደሎ ከመንደሩ ተሰወረ። 

ከአንድ አመት በኋላ መንገደኛው በድጋሚ በመንደሩ አለፈ። አዳዲስ ሱቆችንና የደመቀ ገበያ አስተዋለ። ለገበያ ለመጡ መንገደኞች አልጋ እና ምግብ የሚያቀርብ አዲስ ሆቴል ተመለከተ።

መንገደኛው ወደ ሆቴሉ ገባ። ከቡና ቤቱ ጀርባም የላምዋ ባለቤት የሆነው ቤተሰብ የበኩር ልጅን አገኘው። ልጁም በፈገግታ እና በደስታ ውስጥ ነበር።

መንገደኛውም ሰላምታ ሰጠውና “ ምን ተፈጠረ!?” ሲል ጠየቀው።

ልጁም “ላማችንን አጣን። ሌላ ማንም ሃብትም ሆነ ንብረት አልነበረንም።  በዚህ ጊዜ ወጥተን የምንበላውን ለማግኘት የሆነ ነገር ማድረግ ነበረብን። ከዛም ትንሽዬ ንግድ ጀመርን ፣ አደገልን። ይህንን ሆቴልም አቋቋምነው፣ ይህም እያደገ ነው። ላማችንን ማጣታችን ሌላ የገቢ ምንጭ የሚሆኑ  አዳዲስ ነገሮችን እንድንሞክር አድርጎን ነበር። ለዚህም ነው እዚህ ደረጃ ላይ የደረስነው።” ሲል በደስታ መለሰለት። 

በዚህ ጊዜ መንገደኛው አስተዋዩ ሰው የነገሩትን ምክር ጉልበት በዝምታ ተውጦ ማሰላሰል ጀመረ። ተደነቀም!


 
👉ላም’ህ ምንድን ነው? ላም’ህን ግደል !

#ሕይወት_እንደ_ነጭ_ወረቀት!

ዛሬ የማጋራችሁን ሃሳብና የማቀርብላችሁን Challenge በቁም ነገር በመውሰድ ወረቀትና እስኪሪፕቶ በመያዝና በመጻፍ (ወይም በስልካችሁ ላይ Note በመያዝ) ራሳችሁን ለለውጥ እንድታቀርቡ ላነሳሳችሁ፡፡

Challenge #1

እስከዛሬ የኖራችሁትን የሕይወት ልምምድ፣ እውቀት፣ ጥበብ፣ ከስህተታችሁ የመማር ሁኔታና የመሳሰሉትን ነገሮች እንደያዛችሁና ሳይወሰዱባችሁ ዛሬ የሕይወታችሁ የመጀመሪያ ቀን ቢሆን ምን አይነት የወደፊታችሁን በምን መልኩ ታዩት ነበር? ምን አይነት የሕይወት እቅድ ታወጡ ነበር? ምንስ አዲስ ነገር ትጀምሩ ነበር?

ከላይ ለጠየኳችሁ ጥያቄ መልስ ካሰባችሁና መልስን ከሰጣች በኋላ የሚቀጥለውን ጥያቄዬን አንብቡና ለራሳችሁ መልስ ስጡ፡፡

Challenge #2

እስከዛሬ የነበራችሁን ስኬትም ሆነ ስህተት የማሰብና ግምገማ የማድረግ ጊዜ ቢሰጣችሁና ዛሬ የሕይወታችሁ የመጨረሻ ቀን ነች ብትባሉ “ምነው አቁሜው በነበረ የምትሉት አጉል ተግባርና ልማድ … ምነው ተለይቼው በነበረ የምትሉት አስቸጋሪ ሰው …” እና የመሳሰሉት ሁኔታዎች ምን ምን ናቸው? 

አሁን ለመጀመሪያው ጥያቄ (Challenge #1) የሰጣችሁትን መልስ ተመልከቱት፡፡ በሉ ዛሬውኑ እቅዱን አውጡት፣ በትንሹም ቢሆን ውጡና ጀምሩት፡፡ ሕይወታቸውን ለተሸለ ነገር የለወጡ ሰዎች ያንን ያደረጉት በዚህ መልኩ ነው፡፡  

በመቀጠል ለሁለተኛው ጥያቄ (Challenge #2) የሰጣችሁትን መልስ ተመልከቱት፡፡ በሉ ዛሬውኑ ማቆም የሚገባችሁን አጉል ልምምድ አቁም፣ መለየት የሚገባችሁን አደገኛ የሰው-ለሰው ግንኙነት አቁሙ፡፡ ሕይወታቸውን ከጤና ቢስ ልምምድና ግንኙነት ያዳኑ ሰዎች ያንን ያደረጉት በዚህ መልኩ ነው፡፡

ሕይወት ማለት እንደ ነጭ ወረቀት ንጹህ ሆና የተጀመረችና በጉዞው ሂደት ግን በብዙ ልምምዶች የቆሸሸች የፈጣሪ ስጦታችን ነች፡፡ እንደ አዲስ መጀመር የማይቻል ነገር የለም፡፡ የማይታረም ነገር ግን የለም፡፡ የማይለወጥም ነገር የለም፡፡ የለውጡ ቀን ግን ዛሬ ነው፡፡ ይህ የለውጥ እድል ነገ የመኖሩን ጉዳይ ማንም ቃል አልገባለንም፡፡

መጀመር ያለበት ዛሬ ይጀመር!!! መቆም ያለበት ዛሬ ይቁም!!!