У Баку сілавікі прыйшлі ў рэдакцыю расійскага прапагандысцкага СМІ "Sputnik-Азербайджан". Яно ўваходзіць у групу "Россия сегодня", якой кіруе адыёзная Маргарыта Сіманьян.

У лютым МЗС Азербайджана абвясціў пра ліквідацую прадстаўніцтва “Россия сегодня” у Баку. Але яно і не думала спыняць працу, а ў офіс працягвалі хадзіць дзясяткі супрацоўнікаў. Сёння там праходзіць ператрус.

Канфлікт адбываецца на фоне дыпламатычнага абвастрэння паміж Баку і Масквой. Напярэдадні ў расійскім Екацярынбургу арыштавалі некалькіх азербайджанцаў — у рамках справы пра забойствы ў 2000-я. Пры іх затрыманні загінулі два чалавекі — па версіі СК РФ, адзін "памёр ад сардэчнай недастатковасці", а прычына смерці другога пакуль "высвятляецца".

Пасля інцыдэнту Азербайджан адмяніў усе культурныя мерапрыемствы, звязаныя з Расіяй, адклікаў парламенцкую дэлегацыю і выказаў афіцыйны пратэст.

Чамадан без ручкі: пра псеўдапатрыётаў, ідэалагічную вайну і санкцыі — стрым з Аляксандрам Фрыдманам

Пасля "ашаламляльнай перамогі" над Ізраілем кіраўніцтва Ірана занялося любімай справай усіх аўтарытарных і таталітарных рэжымаў — рэпрэсіямі. Не сціхаюць і пагрозы ў бок ЗША.

Пошукамі ўнутраных ворагаў няспынна займаецца і сяброўскі Ірану рэжым Лукашэнкі. Цяпер ідэолагі дакапаліся да нейкіх "псеўдапатрыётаў", хаця не да канца зразумела, каго яны маюць на ўвазе.

Што за "новыя ворагі" завяліся ў Беларусі і ў чым іх пагроза? Ці здолее рэжым выйграць ідэалагічную вайну за моладзь? Гэтыя ды іншыя тэмы абмяркоўваем з палітычным аглядальнікам, гісторыкам Аляксандрам Фрыдманам: https://youtu.be/uWDSnxCeVmo

У Віцебску на ваду спусцілі новы цеплаход — гэта для Беларусі даволі рэдкая з'ява. Яго з нуля пабудавала мясцовае прадпрыемства "Віцебскводтранс".

Цеплаход атрымаў назву "Дзвінск". Ён не будзе катаць пасажыраў. Судна плануецца выкарыстоўваць для службовых мэтаў: вымярэння глыбіні, ачысткі фарватэра, абслугоўвання знакаў навігацыйнай абстаноўкі на Заходняй Дзвіне.

Для экіпажа, які падчас вахтаў праводзіць на борце па некалькі сутак, там створаныя "сучасныя і максімальна камфортныя ўмовы працы і паўнацэннага жыцця".

Дарэчы, ці нам адным падалося, што бутэлька шампанскага, якую традыцыйна разбіваюць аб борт новага карабля, падчас спуску "Дзвінска" на ваду не разбілася? Калі так — гэта кепская прыкмета.

Заўтра ў жывы эфір @euroradio завітае Вадзім Пракоп'еў. Задаць пытанні яму можна ўжо цяпер — у чаце трансляцыі:
https://www.youtube.com/watch?v=tRDkP19Llm8

Там жа заўтра і будзем стрыміць.

Той момант, калі на светлафоры сустракаеш салдатаў з "Гульні ў кальмара". Гэта значыць — выйшаў трэці сезон культавага паўднёвакарэйскага серыяла.

Рэжысёр і аўтар сцэнару "Гульні ў кальмара" Хван Дон Хёк кажа, што напачатку трэцяга сезона галоўны герой — гулец №456 Кі Хун — ізноў стане "іншым чалавекам" і "апынецца на вельмі важным раздарожжы". Таксама ў апошніх шасці эпізодах будзе паказана, як гулуц №1 Хван Ян Хо стаў вядучым гульняў.

А вы глядзелі "Гульню ў кальмара"? Як вам?

На Мінскай кальцавой знік указальнік на Курапаты — месца сталінскіх расстрэлаў у 1930-я — 1940-я. Пастараліся прарасійскія актывісты.

Менавіта яны пры Лукашэнку перапісваюць гісторыю: https://euroradio.fm/na-minskay-kalcavoy-znikla-shylda-pra-kurapaty

З Беларусі — без VPN

У Баку затрыманыя галоўны рэдактар ​​і шэф-рэдактар ​​"Sputnik Азербайджан". У мясцовых СМІ іх называюць агентамі ФСБ, якія працавалі пад прыкрыццём.

Затрыманых завуць Ігар Картавых і Яўген Белавусаў. Пасля ператрусу, які цягнуўся не менш за тры гадзіны, іх вывелі з офіса ў кайданках, з рукамі за спінай.

МУС Азербайджана заявіла, што акрэдытацыя "Sputnik Азербайджан" была прыпыненая ў лютым 2025 года. Але выданне працягвала працаваць "праз незаконнае фінансаванне".

"Sputnik-Азербайджан" уваходзіць у групу "Россия сегодня", якой кіруе адыёзная Маргарыта Сіманьян. Затрыманне прапагандыстаў (ці ўсё ж ФСБшнікаў?) адбываецца на фоне дыпламатычнага абвастрэння паміж Масквой і Баку.

Студэнт выпаў з сёмага паверху інтэрната ў Гомелі. Трагедыя адбылася ўночы з 26 на 27 чэрвеня. Цела знайшлі каля 5-й гадзіны раніцы.

Хлопец толькі што скончыў другі курс Беларускага дзяржаўнага ўніверсітэта транспарту. Сябры і сваякі характарызуюць яго як жыццярадаснага і ветлага. На выходных ён збіраўся ісці з сябрамі на свята, даведаліся @gomeltoday.

Што менавіта адбылося ў тую ноч — пакуль дакладна не вядома. Афіцыйна ніякая інфармацыя не публікавалася.

Беларускія ВНУ пакінулі каля 1 тысячы бюджэтных месцаў для расійскіх абітурыентаў. Для паступлення ім дастаткова будзе вынікаў тамтэйшага Адзінага дзяржаўнага экзамена, распавёў міністр адукацыі Андрэй Іванец.

Расійскіх выпускнікоў "запрашаюць" паступаць на бюджэт у Беларусь другі год запар. Яны могуць ісці і па агульным конкурсе — разам з беларускімі абітурыентамі. Але для гэтага трэба здаваць беларускае цэнтралізаванае тэставанне.

Акрамя таго, у межах "Саюзнай дзяржавы" запланаваны "абмен прафесарамі". Гэта значыць, што ўжо з наступнага года 50 прафесараў з Расіі і Беларусі часова зменяць месца жыхарства, "каб чытаць лекцыі і праходзіць стажыроўкі ў вядучых універсітэтах нашых дзвюх краінаў".

Яна знайшла прытулак у Літве. Ён вымушаны жыць на дзве краіны. Але іх гісторыя хутка можа скончыцца.

Расказваем, як пагроза дэпартацыі каханага разбурае жыццё беларускі: https://euroradio.fm/yak-pagroza-departacyi-kakhanaga-razburae-zhyccyo-belaruski-u-litve

З Беларусі — без VPN

У Баку раптам затрымалі расійскіх прапагандыстаў. Што адбываецца паміж Азербайджанам і Расіяй?

Трапны аналіз ад эксперткі па міжнароднай палітыцы Розы Турарбекавай: Ільхам Аліеў карыстаецца геапалітычнымі супярэчлівасцямі, каб адцягнуць увагу ад рэпрэсій унутры краіны.

Цалкам свежы стрым са спадарыняй Турарбекавай глядзіце тут: https://www.youtube.com/watch?v=xMN0mKX48sM

Хаця Ціханоўскага і вывезлі ў Літву, ён разгойдвае рэжым знутры. Як так? Тлумачыць прадстаўнік ініцыятывы BELPOL Уладзімір Жыгар.

Цалкам свежы стрым з ім глядзіце тут: https://www.youtube.com/watch?v=VJ_dGdDriiE

Сёння стала вядома пра затрыманне лідара гурта "Палац" Алега Хаменкі. Пяць гадоў таму, у кавідным красавіку 2020-га ён прыйшоў у студыю @euroradio з акустычным канцэртам. Мы транслявалі яго для тых, хто сядзіць дома ў самаізаляцыі і не можа пайсці куды-небудзь, каб паслухаць жывую музыку.

Паслухайце, як Хаменка спявае важную для "Палаца" песню "Праважала маці сына". А цалкам канцэрт глядзіце на ютуб-канале Еўрарадыё: https://www.youtube.com/watch?v=gZq91jdpITI

Важныя падзеі і сэнсы панядзелка, 30 чэрвеня, у праграме ЕЎРАЗУМ:

01:05 Патрабаванне датэрміновых выбараў: што адбываецца ў Сербіі

16:14 Навіны спорту

19:09 Беларусь і беларусы — якія? Правыя ці левыя?

34:19 Навіны шоў-бізу

37:02 “Не спаў усю ноч”: як твітарскія абмяркоўваюць вяртанне Ціханоўскага

Паляванне на мядзведзя ўпершыню распачалося ў Беларусі. Нядаўна быў паніжаны ахоўны статут гэтага драпежніка.

"Адкрыццё палявання на мядзведзя звязана з рэзкім ростам яго колькасці і з мэтай выключэння канфліктных сітуацый паміж зверам і насельніцтвам", — сцвярджаюць у Беларускім таварыстве паляўнічых і рыбаловаў.

Хто павінен прыехаць і паабдымацца з Лукашэнкам, каб той выпусціў Бяляцкага ці Калеснікаву?

На гэтае пытанне ў эфіры @euroradio адказвае палітычны аглядальнік Аляксандр Фрыдман.

Эфір з ім глядзіце тут: youtube.com/watch?v=uWDSnxCeVmo

Археолагі падчас раскопак знайшлі лаз, які імаверна вядзе ў Заслаўскі замак. Пра гэта расказалі ў Інстытуце гісторыі Нацыянальнай акадэміі навук.

Там кажуць, што раскопкі каля Заслаўскага замка вядуцца ўжо блізу месяца. Раней спецыялісты адшукалі згадкі пра гэты ход у архіўных дакументах археалагічных даследаванняў 70-х гадоў ХХ стагоддзя.