Ілля з польскім сэрцам. Беларус 1,5 года жыве ў бальніцы, бо яму няма куды пайсці.

Хлопцу, якому не так даўно перасадзілі сэрца, патрэбная дапамога.
 
Чытайце інтэрв'ю з ім па спасылцы.

А тут вы можаце паўдзельнічаць у зборы для Іллі.

Ілан Маск абвясціў пра стварэнне ўласнай палітычнай партыі. Ён хоча "вярнуць амерыканцам свабоду" і кінуць выклік двухпартыйнай сістэме, якая ўсталявалася ў ЗША.

Па словах мільярдэра, адзін са спосабаў зрабіць гэта — "засяродзіцца на двух-трох месцах у Сенаце і васьмі-дзесяці акругах Палаты прадстаўнікоў". "Гэтага будзе дастаткова, каб забяспечыць вырашальны голас пры галасаванні па спрэчных законах і гарантаваць, што яны будуць адпавядаць сапраўднай волі народа", — заяўляе Маск.

Назва ў партыі будзе простая і зразумелая: "Амерыка".

"Калі мы гэтага не зробім — нам давядзецца вывучыць расійскую мову". Генеральны сакратар NATO Марк Рутэ знайшоў яшчэ адзін аргумент, каб патлумачыць, чаму краіны Альянса мусяць павялічыць выдаткі на абарону да 5% ВУП.

Рутэ падкрэсліў, што сёння Расія за тры месяцы здольная вырабляць у тры разы больш зброі, чым усё НАТА за год. Ён дадаў, што, акрамя развіцця сваёй абаронна-прамысловай базы, Альянс мусіць умацоўваць кібербяспеку, гібрыдную абарону і рыхтаваць грамадства "да таго, што выходзіць за межы ваеннай дзейнасці".

На саміце, які прайшоў 24-25 чэрвеня ў Гаазе, кіраўнікі краінаў НАТА абавязаліся да 2035 года падвысіць інвестыцыі ў абарону і бяспеку з 2% (як цяпер) да 5% ад ВУП. Але ёсць бюракратычны нюанс: у гэтыя выдаткі вырашылі часткова залічваць дапамогу, якую Альянс аказвае Украіне.

"Патрыятычная маскіроўка". Прыхільніца Лукашэнкі літаральна знікла на фоне вулічнага дэкору да 3 ліпеня.

На фота гамяльчанкі Наталлі Пяшэвіч у чырвона-зялёным касцюме звярнуў увагу @flagshtok.

На пажары ў Мінскай вобласці загінулі бабуля і ўнучка. Яны ночылі ў часовым будынку, узведзеным для будаўніцтва жылога дома побач.

Трагедыя здарылася ўвечары 5 ліпеня ў вёсцы Культура Пухавіцкага раёна. Агонь знішчыў часоўку амаль цалкам. Прычыны пажару высвятляюцца.

— Ты абасрацца не баішся?
— Не баюся!

У новым інтэрв'ю на канале "жыццё-маліна" Мікіта Мелказёраў задае пытанні Сяргею Ціханоўскаму — пра слёзы, фразу "Стоп таракан!", 900 тысяч долараў за канапай і шмат што іншае. Цалкам глядзіце тут: https://youtu.be/VpRL-VUvWUY

Аятала Алі Хаменеі ўпершыню амаль за месяц з'явіўся на публіцы. Вярхоўны лідар Ірана наведаў у Тэгеране рэлігійную цырымонію з нагоды Ашуры — самага важнага дня ў шыіцкім мусульманскім календары.

Хаменеі пазбягаў публічных выступаў з 13 чэрвеня, калі Ізраіль пачаў вайну супраць Ірана. За гэты час аятала двойчы звяртаўся да іранцаў праз відэазапісы. Імаверна, з меркаванняў бяспекі ён хаваўся ў падземным бункеры.

Гурт Oasis вярнуўся на сцэну пасля 16-гадовага перапынку. Браты Галахеры ізноў стаяць на адной сцэне, як у старыя добрыя часы.

Што праўда, гэта ненадоўга: https://euroradio.fm/gurt-oasis-vyarnuusya-na-scenu-paslya-16-gadovaga-perapynku

З Беларусі — без VPN

У мінскім аэрапорце затрымліваюцца вылеты ў Маскву, Санкт-Пецярбург і Самару. Праблемы ў расійскіх авіякампаній — яны дагэтуль не могуць аднавіць працу па раскладзе пасля абмежванняў на палёты, якія ўводзіліся 5 ліпеня.

Ранішні рэйс у Самару адклалі больш амаль на 9 гадзінаў. Рэйсы ў іншыя расійскія гарады затрымліваюцца на 2-3 гадзіны.

Ссунуўся і час прылёту шмат якіх самалётаў у Мінск. Затрымліваюцца рэйсы з Масквы, Санкт-Пецярбурга, Калінінграда, Кутаісі, Чалябінска, Дубая.

Сяргей Ціханоўскі расказаў, колькі ператрусаў прайшло ў доме ў яго маці і як туды падкінулі 900 тысяч долараў. У інтэрв'ю на канале "жыццё-маліна" вызвалены пасля 5 гадоў за кратамі палітвязень кажа, што ў яго ніколі не было такіх грошай.

У звязку з гэтым ён згадаў дзень, калі лукашэнкаўскія спецслужбы вывезлі з Беларусі Святлану Ціханоўскую — і грошы, якія ёй нібыта выдалі "з сабой":

"У мяне заначкі ніколі не было. Дома ў Святланы было 200 долараў, калі яе выкідвалі за мяжу. І яна нават адмаўлялася ехаць: "А што, як я буду жыць у чужой краіне?" Гэта лукашысты, гэта Лукашэнка мне сам так расказаў. І я тады, кажа [мне Лукашэнка], сказаў ёй грошай даць. Каб далі ёй долараў... Я ўпэўнены, што там серыі супадаюць з тымі, што ў мяне "знайшлі".

У госці да жыхароў Лагойску завітала змяя. Гаспадары кватэры не змаглі самі вызначыць, ці ўяўляе яна небяспеку, — давялося выклікаць МНС.

У выніку высветлілася, што гэта бы вуж, які не нясе пагрозы. За змяёй давялося паганяцца па кватэры, але ў рэшце рэшт яе злавілі і амаль адразу выпусцілі ў натуральнае асяроддзе.

Molchat Doma адыгралі сэт на буйным польскім фэсце Open'er. Імаверна, гэта цяпер самы папулярны беларускі альтэрнатыўны гурт у свеце.

У Беларусі з'явілася новая фабрыка цукерак. Яна выпускае прэсаваныя цукеркі на аснове сухога малака (на фота) і малочныя снэкі-пасцілкі з рознымі дабаўкамі і без іх.

Вытворчасць арганізаваная пад Віцебскам на плошчах, дзе калісьці размяшчаўся цэх "Полацкага малочнага камбіната". Але фантазіі на новы кандытарскі брэнд у чыноўнікаў не хапіла — прадпрыемства называецца "Камунарка-Лёзна".

Сюрпрыз для рускамоўных карыстальнікаў ад вытворцы камер, якія дапамагаюць падчас паркоўкі. Неяк так і выглядае мягкая беларусізацыя!

За рэкламу БАДаў-пустышак у Беларусі затрымалі каля ста чалавек. Не маючы медыцынскай адукацыі, яны браліся "лекаваць" нават хранічна хворых людзей. Але часам у "прэпаратах", якія яны прадавалі, не было нават "гаючага" "канцэнтрата пантаў алтайскага марала" — яго замянялі крухмалам.

Афіцыйна прэпараты з Алтая праходзілі як харчовая прадукцыя ці біялагічна актыўныя дадаткі. Каб тавар добра разыходзіўся, яго актыўна рэкламавалі ў газетах, праводзіліся прэзентацыі, ствараліся сайты-аднадзёнкі. Кол-цэнтры, праз якія былі арганізаваныя продажы, адначасова накрылі ў Мінску, Баранавічах, Барысаве і Бабруйску.

Ахвярамі махляроў сталі дзясяткі тысяч беларусаў, а арганізатары схемы нажылі на продажы пустышак шматмільённае багацце.

На мяжы Беларусі з Латвіяй за паўгода стала ў 2,5 раза больш мігрантаў. Найчасцей гэта грамадзяне Самалі і Афганістана.

Пакуль што не пакістанцы, хаця ў Ісламабадзе ўжо б'юць трывогу з нагоды Беларусі: https://euroradio.fm/latviya-za-paugoda-udvaya-uzros-patok-neregulyarnykh-migrantau-z-belarusi

З Беларусі — без VPN

У Крыме заявілі, што пасля расійскай акупацыі туды пераехалі жыць "да 11 тысяч беларусаў". Што праўда, падлікі абсалютна недакладныя.

Справа ў тым, што згодна з украінскімі звесткамі, у 2014 годзе ў Крыме пражывала каля 40 тысяч беларусаў. А паводле расійскага перапісу іх было толькі 25 тысяч.

Сёння кіраўнік рэгіянальнай нацыянальна-культурнай аўтаноміі "Беларусы Крыма" Раман Чагрынец кажа пра "мінімум 40-45 тысяч беларусаў, якія атрымалі расійскае грамадзянства і не атрымалі". То-бок, калі параўноўваць з украінскай статыстыкай — ніякага прыросту не бачна. Ён ёсць, толькі калі арыентавацца на расійскія лічбы.

Так ці інакш, беларускае зямляцтва Крыма — чацвёртае па велічыні пасля расійскага, украінскага і крымска-татарскага. Шмат этнічных беларусаў жыве тут яшчэ з часоў царскай Расіі.

Сяргей Ціханоўскі лічыць, што Лукашэнку трэба асудзіць за яго злачынствы. І пасадзіць. Але ёсць нюанс.

Сэрвіс, праз які збіраў данаты Сяргей Ціханоўскі, заблакаваў грошы — "праз палітыку на канале". "Магчыма мы ўвогуле не зможам вывесці нават тое, што там сабралі", — расказвае былы палітвязень.

1 ліпеня Ціханоўскі заявіў, што збірае каманду, і запрасіў валанцёраў далучацца. Паводле яго, ужо запісаліся 340 чалавек з розных краінаў. "Гэта больш, чым адгукнулася на падобную просьбу ў 2020 годзе — уступіць у маю ініцыятыўную групу", — радуецца ён.

Таксама вызвалены палітвязень папрасіў фінансавай дапамогі. Ён збіраўся сабраць 200 тысяч еўра, але праз некалькі дзён апублікаваў відэа — крык душы пра тое, што яму заданацілі толькі каля 1 тысячы еўра. Але цяпер і гэтыя грошы апынуліся заблакаванымі.

Украіна не фіксуе "нестандартных дзеянняў": У Кіеве расказалі, што не чакаюць наступу з боку Беларусі.

Але трымаюць нос па ветры: https://euroradio.fm/ukraina-raskazala-ci-chakae-nastupu-z-boku-belarusi

З Беларусі — без VPN