"Крым — гэта тэрыторыя Украіны", — заявіў Сяргей Ціханоўскі.

Ён таксама выказаў падтрымку прэзідэнту Украіны Уладзіміру Зяленскаму. Ціханоўскі назваў яго героем.

"Адвакатаў нельга, скаргаў нельга, сядзіш толькі ў гэтай камеры". Сяргей Ціханоўскі не змог стрымаць слёзы распавядаючы пра ўмовы, у якіх сядзяць палітвязні. Палітык назваў гэта катаваннямі.

Маньякі-забойцы сядзяць з тэлевізарамі, а мне ліст нельга ад родных. Мне ні мыла, ні зубную шчотку, нічога. І Бабарыка гэтак жа сядзіць.

У бліжэйшы месяц усе палітычныя зняволеныя могуць выйсці на волю. Пра гэта кажа Сяргей Ціханоўскі.

Ён дадае, што Дональд Трамп можа гэта зрабіць адным словам.

Ціханоўскі расказаў пра сустрэчу ў СІЗА КДБ ў 2020-м. Лукашэнка на яго скардзіўся: "Ты на мяне абзываўся!"

Ціханоўскі прызнаўся, што не падаў руку Лукашэнку, бо "Каранавірус". На гэта Лукашэнка адказаў: "А я ўжо перахварэў".

Ціханоўскі таксама запытаўся ў яго: "Навошта вы мне падкінулі грошы?". Лукашэнка адказаў: "А што вы хацелі? Палітыка — гэта брудная справа".

Ёсць людзі, якія становяцца "экстрэмістамі", ужо ў зняволенні. Сяргей Ціханоўскі распавёў пра вязняў, якія сядзелі не па "палітычных" справах, але атрымлівалі "жоўтую бірку" за дапамогу палітвязням у калоніі.

Там шмат людзей, пра якіх ніхто не ведае! Іх трэба выцягваць!

Ціханоўскі: "Я ні разу не сумняваўся і не шкадаваў ні пра што. Будзем разам будаваць краіну для жыцця!"

Прэс-канферэнцыя скончылася.

"Жэстачайшы рэжым называецца...". Сяргей Ціханоўскі распавядае пра самыя жорсткія ўмовы ў зняволенні — адзін з самых эмацыйных момантаў прэс-канферэнцыі.

Як сядзяць "экстрэмісткі"? Былая палітзняволеная Наталля Дуліна распавяла пра ўмовы ў ізалятары: "У снежні — з голымі нагамі".

Уся праўда пра сустрэчу палітвязняў з Лукашэнкам у СІЗА. Як гэта было, узгадвае Сяргей Ціханоўскі:

https://youtu.be/aFVjb8vfW-U?si=zu4LSAax9tsh5TSE

Пайшоў з жыцця пляменнік Максіма Гарэцкага — геолаг Радзім Гарэцкі. Акадэміку было 96 гадоў.

У 1976 годзе дзякуючы яму і працы яго калег з'явілася тэктанічная карта Беларусі. Напачатку 90-х Радзім Гарэцкі быў віцэ-прэзідэнтам Акадэміі навук Беларусі.

Што цяпер адбываецца з Палком імя Каліноўскага? Адзін з ветэранаў у размове з @euroradio выказаў меркаванне, што перавод байцоў у іншыя падраздзяленні можа ўвогуле знішчыць ПКК.

Мы задалі пытанні камандзіру і байцам: https://euroradio.fm/shto-cyaper-adbyvaecca-z-palkom-kalinouskaga-spytali-u-kamandzira-i-baycou

З Беларусі — без VPN

"Вы чакалі знака! Вось ён!". Зварот Сяргея Ціханоўскага да беларусаў:

https://youtu.be/bFaOlH-Vnu8

"Сяргей Ціханоўскі выйшаў і падвёў". Дзяржаўная газета знайшла арыгінальны спосаб паведаміць сваім чытачам пра вызваленне апазіцыянера з-за кратаў.

Тэлеграм-канал "Спорт Беларуси", які належыць газеце "Прессбол", напісаў пра матч чэмпіяната Беларусі паміж "Тарпеда" і "Віцебскам". Перамогу жодзінцам прынёс Павел Сядзько, рэалізаваўшы пенальці пад самы канец гульні.

Перад гэтым рукой у сваёй штрафной згуляў паўабаронца "Віцебска" Сяргей Ціханоўскі. Як кажуць, усе супадзенні выпадковыя.