“Галоўны вораг рэжыму Лукашэнкі — гэта сам Лукашэнка”, — кажа эканамічная аглядальніца Вольга Лойка. Аргумент просты: улады ствараюць самі сабе шмат праблем на роўным месцы.

Эфір цалкам глядзіце тут: https://youtu.be/XH8RVEAnnCo

Маладая пара з Магілёва папрасіла прынесці на вяселле не кветкі, а цацкі. Назбіралі шмат — і ўсё плануюць перадаць дзеткам, якія цяпер праходзяць лячэнне ад анкалогіі.

Чаму толькі што вызваленым палітвязням паставілі на стол чыпсы і колу? І ці прапанавалі нешта яшчэ?

Таямніцу ў эфіры @euroradio раскрыў дыпламатычны дарадца Святланы Ціханоўскай Дзяніс Кучынскі. Глядзіце цалкам тут: https://www.youtube.com/watch?v=RmthQPCvEio

Важныя падзеі і сэнсы пятніцы, 27 чэрвеня, у праграме ЕЎРАЗУМ:

01:06 “Ламаць рэжым”: каму пяройдзе дарогу Ціханоўскі?

13:19 Навіны спорту

15:37 Трамп, Лукашэнка ці Пазняк? Хто цяпер вызваляе беларускіх палітвязняў?

28:44 Навіны шоў-бізу

32:32 Журналіст за кратамі: Ігар Карней пра 2 гады за “экстрэмізм”

Беларусу перасадзілі сэрца ў Польшчы, але на гэтым змаганне Іллі не заканчваецца. Яму патрэбныя лекі і дах над галавой.

Проста цяпер хлопец ізноў у бальніцы. @euroradio наведала Іллю — ён перадаў вялікую ўдзячнасць усім, хто дапамагае яму гэтай сітуацыі.

Спасылка на збор для Іллі: https://bysol.org/be/private/tatoo_master/

Канстытуцыйны суд прымусілі сцерці пыл з крэслаў і нарэшце сабрацца. Да суддзяў змагла дабрацца грамадзянка — гэта ўжо цуд, бо ў яе атрымалася і аформіць усе паперы, і прайсці ўсе працэдуры так, каб не развярнулі на парозе.

Пытанне, вядома ж, не палітычнае: ці адпавядае Канстытуцыі пункт заканадаўства, які забараняе новым уласнікам жытла высяляць сваякоў былых уласнікаў? Бо жанчына не можа прымусіць з'ехаць сястру былога гаспадара кватэры.

Вы не здзівіцеся, але КС вырашыў, што гэтая норма цалкам канстутуцыйная, бо ў нас сацыяльная дзяржава і ўлічваецца "прынцып суразмернасці абмежавання правоў".

То-бок, жытло, можа, і вашае, але дзяржава з-за сваёй сацыяльна арыентаванасці абмяжоўвае вас у правах распараджацца ім.

Далей суддзі звярнулі ўвагу, што ў жанчыны дзіця з інваліднасцю, адзначылі "асаблівы клопат" дзяржавы ў гэтым пытанні і даручылі дэпутатам "запоўніць прававы прабел", каб можна было па-рознаму ацэньваць "тыя ці іншыя жыццёвыя сітуацыі".

Цяпер вы ведаеце, чым (не) займаецца Канстытуцыйны суд.

Рэжым працягвае кіпішаваць праз актыўнасць Сяргея Ціханоўскага. Нешта выглядае забаўна, але з нечым варта быць уважлівымі.

Ужо амаль тыдзень у інстаграме і ціктоку актыўна працуюць боты і секты прафсаюзных актывістаў — гэта ні на што не ўплывае, акрамя як на справаздачнасці ў чыноўнікаў.

З'яўляюцца ШІ-фэйкі. Гэта і падробленыя "здымкі" Ціханоўскіх, і "звароты" з заклікамі дасылаць фота з акцый. Пераправярайце крыніцы і не дасылайце ніякія фота ці відэа невядомым акаўнтам дзеля "конкурсаў".

Ліпавыя абвесткі. Рэжым спрабуе заблытаць патэнцыйных удзельнікаў акцый з Ціханоўскімі. Як гэта было перад сустрэчай у Варшаве, і перад мерапрыемствам ў Вільні па чатах з'яўляюцца фэйкавыя "афішы" мітынгу з Ціханоўскімі, дзе пазначаныя няправільныя час ці месца. Глядзіце актуальныя даныя ў медыя ці афіцыйных каналах, не ў чатах.

Менавіта так паводзіць сябе рэжым, калі ён "абсалютна спакойна" адпускае топавага палітвязня.

"Муры" ізноў гучаць на вуліцах. Пакуль — у Вільні. Так стартуе сустрэча Ціханоўскіх з беларусамі.

Відэа @zerkalo_io

У Беларусі да барацьбы з "дармаедамі" сталі прыцягваць праваслаўных бацюшак. На адно з "выхаваўчых мерапрыемстваў" прыцягнулі  настаяцеля храма, заўважыла @christianvision.

Наступны крок — клікаць экзарцыстаў.

"Партыяй улады" цяпер кіруе Вольга Чамаданава. Былая прэс-сакратарка МУС была абраная (дакладней — прызначаная) на пасаду на з'ездзе "Белай Русі" ў суботу.

Палітычныя кар'ера Чамаданавай была падобная на знічку: імкліва пачалася, калі тая заявіла пра намер вылучацца ў прэзідэнты і так жа імкліва скончылася, калі яна зняла сваю кандыдатуру. Але, як бачым, на гэтым не скончылася.

Чамаданава падчас працы прэс-сакратаркай МУС вяла тг-канал не ад імя ананімнай прэс-службы, ад пад сваім імём. Пасля забойства Аляксандра Тарайкоўскага на Пушкінскай у Мінску яна заяўляла, што той загінуў "ад выбухоўкі ў руках", хаця відэа пацвярджаюць, што ў таго стрэліў сілавік.

Менавіта падчас яе працы прэс-сакратаркай МУС у тг-каналах сілавікоў пачалі з'яўляцца знятыя пад прымусам відэа затрыманых за палітыку. Восенню 2021-га яга стала галоўным ідэолагам Мінска.

Каханне праз мяжу. Жонка – у Беларусі, муж – не можа прыехаць праз палітыку з 2011 года.

"Усё ж у гэтым выжыванні я пачынаю разумець, што значыць, калі пра каханых кажуць “другая палоўка” – калі адной хрэнова, іншая ўратуе”.

Чытаць тут: https://euroradio.fm/kakhanne-praz-myazhu-yana-u-belarusi-yon-ne-mozha-pryekhac

Спасылка, якая працуе без VPN

Белгідрамет раптам пераўтварыўся ў адзіную дзяржаўную арганізацыю, якая (пакуль) не баіцца дзяліцца негатыўнымі прагнозамі. Ужо некалькі разоў пасля аграметэаралагічнага аналізу там папярэджвалі пра праблемы для кармавых культур, яблык ды ўраджаю ўвогуле.

Цяпер аказалася, што можа быць нястача нават уласнай кукурузы — бадай, самай простай сельскагаспадарчай культуры.

Вядома ж, кепскае надвор'е вясной было не толькі ў Беларусі. Але ў іншых краінах паспявалі прымаць меры — гэтак жа было і ў мінулым годзе, калі надвор'е паўплывала на ўраджай бульбы ў Беларусі, а тыя ж палякі далі рады.

Мінус 12 у красавіку: рэзкія перапады тэмпературы губяць беларускі ўраджай

Відэа дня. Святлана і Сяргей Ціханоўскія разам спяваюць "Разбуры муры". Упершыню за 5 гадоў — а, магчыма, увогуле ўпершыню.