Ці азначае вызваленне Сяргея Ціханоўскага, што Лукашэнка гатовы на новую палітычную адлігу?

Сваім меркаваннем на гэты конт у эфіры @euroradio падзяліўся лідар фракцыі Каардынацыйнай рады “Беларусы” Вадзім Пракоп’еў.

Эфір з ім глядзіце тут: https://youtu.be/tRDkP19Llm8

Важныя падзеі і сэнсы аўторка, 1 ліпеня, у праграме ЕЎРАЗУМ:

01:09 Моцны ўдар па рэжыме за тры тыдні”: у чым рызыка заяваў Ціханоўскага

16:15 Навіны спорту

19:02 Як звязаныя саміт ЕАЭС і беларуская бульба

32:35 Навіны шоў-бізу

35:31 Калі беларусы будуць гатовыя размаўляць пра гендарную роўнасць?

Каго глядзець/слухаць сёння на @euroradio? Трымайце анонс эфіраў на сераду (час пазначаны беларускі):

12:00 — палітолаг Павел Усаў

13:00 — палітычны аглядальнік Арцём Шрайбман

14:00 — юрысткі Марыя Колесава-Гудзіліна і Ганна Маціеўская

15:00 — бізнесмен Валерый Астрынскі

Глядзіце стрымы на ютуб-канале Еўрарадыё, задавайце пытанні!

"Тут дыягназ ставіць трэба". Так Павел Латушка пракаментаваў апошнія заявы Лукашэнкі.

Той заявіў, быццам Латушка ў паслявыбарчую ноч у жніўні 2020-га планаваў сабраць у цэнтры Мінска штаб Ціханоўскай і спаліць яго.

Сёлета больш за 18 тысяч турыстаў з Беларусі наведалі Тайланд. Гэта амаль у 2,5 разы больш, чым за аналагічны перыяд мінулага года.

Больш за ўсё людзей з постсавецкага рэгіёна прыбыло ў Тайланд з Расіі — больш за мільён грамадзян РФ.

Жыхар Турцыі выклікаў маштабны лясны пажар, спрабуючы спаліць кляшча. Інцыдэнт адбыўся ў горадзе Маніса.

Полымя ўдалося ўзяць пад кантроль праз 2 гадзіны. Яно паспела нанесці шкоду 120 гектарам сельскагаспадарчых угоддзяў і лесу.

Расследаванне паказала, што за падпалам стаіць мясцовы жыхар Азджан Ташан. Мужчына расказаў, што спаліў падушку з кляшчом і кінуў яе ў сад. Яго арыштавалі.

ЗША замарозілі пастаўкі Кіеву зенітных ракет і іншых высокадакладных боепрыпасаў. У Пентагоне асцерагаюцца, што запасы гэтых узбраенняў у саміх ЗША невялікія.

Як піша выданне Politico са спасылкай на тры крыніцы, рашэнне было ініцыяванае намеснікам памочніка міністра абароны ЗША Элбрыджам Колбі яшчэ на пачатку чэрвеня.

Паводле інфармацыі выдання, гаворка ідзе аб ракетах для сістэм СПА Patriot, ракетах Hellfire і іншых боепрыпасах. Іх пастаўкі былі ўзгодненыя яшчэ адміністрацыяй Джо Байдэна.

У Любані ў мэблевую краму забралася змяя. Працаўнікі выклікалі ратавальнікаў.

Пасля адлову і агляду высветлілася, што напалохаў пакупнікоў вуж, які па большай частцы не нясе пагрозу людзям. Яго адпусцілі ў натуральнае асяроддзе.

⚡️ "Памілаваныя" яшчэ 16 палітвязняў. Гэта 8 жанчын і 8 мужчын.

Трое з іх старэйшыя за 50 гадоў. Двое маюць хранічныя захворванні, адзін з'яўляецца чалавекам з абмежаванымі магчымасцямі. У дзевяці асуджаных ёсць непаўнагадовыя дзеці.

Ціск альбо перамовы: у чым Пазняк не згодны з Ціханоўскім і чаму?

Пра гэта і не толькі гутарым з палітолагам Паўлам Усавым.

https://www.youtube.com/watch?v=WqdANeBT7bE

Пасля разносу Лукашэнкі кіно на "Беларусьфільме" здымае Азаронак. Прапагандыст прыехаў на Гомельшчыну ствараць фільм пра памежнікаў.

Праваабаронцы пакуль не ведаюць, хто аказаўся ў спісе вызваленых сёння палітвязняў. Як паведамілі @euroradio у ПЦ "Вясна", "не можам ні зняпраўдзіць, ні пацвердзіць інфармацыю пра [вызваленне] Насты Лойкі і анархістаў". Няма інфармацыі і ў "Х'юман Канстанты", з якой працавала Наста.

Чуткі пра тое, што сярод 16 "памілаваных" Лукашэнкам 2 ліпеня вязняў апынуліся праваабаронца Наста Лойка і ўдзельнікі анархісцкага руху, раніцай пачаў распускаць канал, блізкі да сілавікоў. Спярша там апублікавалі паперу, з якой вынікае, што Лойка папрасіла пра "памілаванне". А пасля напісалі, што гэта быў "жарт", і што прашэнне не азначае вызваленне.

Ці здолее Ціханоўскі надаць другое дыханне дэмсілам і дыяспарам?

На гэтыя ды іншыя пытанні ў эфіры @euroradio адказвае палітычны аналітык Арцём Шрайбман.

https://www.youtube.com/watch?v=wZeL2Xg68_0

Дзе адпачыць так, каб цябе не “загарпунілі” спецслужбы Лукашэнкі?

Пра гэта і шмат што іншае мы і разважаем у жывым эфіры @euroradio з юрысткамі Ганнай Маціеўскай і Марыяй Колесавай-Гудзілінай.

https://www.youtube.com/watch?v=-3T4lXAdI4A

Burning Man: якой будзе беларуская MARA пасярод пустэльні Блэк Рок?

На гэтыя ды іншыя пытанні ў эфіры @euroradio адказвае адзін з арганізатараў беларускага кэмпу на фэсце Burning Man Валерый Астрынскі.

https://www.youtube.com/watch?v=4hwSm9JmGL8

У Варшаве мужчына напаў на Паўла Латушку. Са словамі "Здрайца! Хацеў спаліць апазіцыянераў!" ён кінуў у палітыка сметніцу. Латушку не зачапіла.

Інцыдэнт адбыўся 2 ліпеня падчас канферэнцыі Warsaw East European Conference, якая праводзілася падчас святкавання 35-годдзя Studium Europy Wschodniej (SEW), піша @reformby

Нападнікам аказаўся Яўген Казанцаў. Яму 33 гады. Ён прыехаў па праграме маладых вучоных вучыцца ў SEW. Свой учынак мужчына патлумачыў тым, што ў яго скончылася віза. Распавёў, што выгарэў і не змог абараніць навуковую працу. Паводле яго версіі, напад на Латушку дазволіць яму свабодна вярнуцца ў Беларусь.

Вярхоўны суд Польшчы пацвердзіў абранне Караля Наўроцкага прэзідэнтам краіны. У судзе разгледзелі скаргі на вынікі прэзідэнцкіх выбараў.

Паколькі разбежка галасоў паміж Каралем Наўроцкім і Рафалам Тшаскоўскім была мінімальная, скаргі маглі перамяніць афіцыйныя вынікі выбараў.

Аднак у Вярхоўным судзе прыйшлі да высновы пра поўную ці частковую абгрунтаванасць скаргаў толькі ў 21 выпадку. Гэта не паўплывае на вынікі выбараў, бо пададзена было 54 025 абскарджанняў.

Як легалізаваць дзіця, якое нарадзілася ў Польшчы?

На гэтае пытанне ў эфіры @euroradio адказвае юрыстка ў галіне легалізацыі перабывання і працаўладкавання замежнікаў у Польшчы Вольга Дабравольская.

Эфір цалкам глядзіце тут: https://youtu.be/O_DvUHB8ecQ

Лукашэнка пачаў апраўдвацца за вызваленне палітвязняў. Вось як ён выказваецца па тэме.

Падпісвайцеся на наш інстаграм (калі гэта бяспечна)