Нягледзячы на санкцыі "гаманцы" Лукашэнкі працягваюць будаваць "Мінск-Свет". Каб пазбегнуць праблем, сербскія бізнесоўцы Карычы аформілі новыя кампаніі на блізкага сябра.

Ураджэнку Баранавічаў прызналі найлепшай лёгкаатлеткай года ў Польшчы. Сёлета на чэмпіянаце свету ў Токіа Марыя Жодзік прынесла Польшчы адзіны медаль.

У 2020-м яна падпісала ліст спартоўцаў супраць фальсіфікацыі выбараў і гвалту з боку сілавікоў. У 2022 годзе ў сацсетках асудзіла расійскую агрэсію супраць Украіны. У тым жа годзе яна пераехала ў Польшчу.

Напачатку дзяўчына была вымушаная працаваць у "Макдональдсе" і трэніравацца самастойна. Потым знайшла мясцовага трэнера, уладкавалася ў спартовы клуб у Беластоку, атрымала грамадзянства і трапіла ў зборную Польшчы.

Няма дзяцей: у Салігорску закрываецца дзіцячы садок “Беларуськалія”

Пра гэта карэспандэнту @euroradio расказала адна з супрацоўніц установы.

Чытаць тут: euroradio.fm/nyama-dzyacey-u-saligorsku-zachynyaecca-dzicyachy-sadok-belaruskaliya

A гэтая спасылка адкрыецца і без VPN

Лукашэнка хоча сустрэцца з Зяленскім. Ці варта прэзідэнту Украіны пагадзіцца?

На гэтае пытанне ў эфіры @euroradio адказвае дырэктар Украінскага інстытута сусветнай палітыкі Яўген Магда.

Цалкам стрым тут: https://www.youtube.com/watch?v=cGtMEfrvavk

У Беларусі плануюць адмовіцца ад ямачнага рамонту дарог. Чыноўнікі сцвярджаюць, што ў гэтым адпадзе патрэба:

Ужо за бліжэйшыя некалькі гадоў мы, напэўна, наогул сыдзем ад такога паняцця, як ямачны рамонт, бо пакрыццё дарог будзе аднаўляцца і адпавядаць усім запытам нашых грамадзян.

Выданне PC Gamer прадставіла топ-100 лепшых кампутарных гульняў усіх часоў. На чацьвёртым месцы — праект, дзе гучыць беларуская мова: The Witcher 3: Wild Hunt.

У гульнявой адаптацыі прыгод Геральта з Рывіі можна пачуць народную беларускую песню "Добры вечар". Яна гучыць, калі вядзьмар пачынае бойку.

Топ-5 ад PC Gamer выглядае так:

1. Baldur's Gate 3
2. Disco Elysium - The Final Cut
3. Dwarf Fortress
4. The Witcher 3: Wild Hunt
5. Crusader Kings III

Беларусь ХХІ: Тысячы даносчыкаў КДБ і перспектывы люстрацыі

"Мы маем справу з гістарычнай падзеяй", — піша пісьменнік Севярын Квяткоўскі.

Чытаць тут: https://euroradio.fm/belarus-khkhi-tysyachy-danoschykau-kdb-i-perspektyvy-lyustracyi-pisha-kvyatkouski

A гэтая спасылка адкрыецца і без VPN

Ці вызваліць Лукашэнка 1300 палітвязняў, калі Трамп прыляціць у Мінск?

На гэтае пытанне ў эфіры @euroradio адказвае паліталагіня Аліна Харысава.

Цалкам стрым тут: https://www.youtube.com/watch?v=HwENCg5OdwU

Важныя падзеі і сэнсы аўторка, 21 кастрычніка, у праграме ЕЎРАЗУМ:

01:04 “Дарожная мапа па дээскалацыі адносін паміж Мінскам і Брусэлем”: ці прыслухаюцца там да беларускіх экспертаў?

15:30 Навіны спорту

18:15 Пуцін у небе над Еўропай: ці чакаць прарыву ў Будапешце?

27:17 Навіны шоу-бізу

30:39 Як КДБ дэмсілы перасварыў

Уночы літоўцы перапынілі рух праз памежныя пераходы з Беларуссю. Пычынай стаў чарговы налёт метэазондаў з беларускай тэрыторыі — праз яго на некалькі гадзінаў спыняў працу аэрапорт Вільні.

Мяжа дагэуль застаецца на замку. Паводле неафіцыйнай інфармацыі, рух узновіцца а 9-й раніцы па мінскім часе.

Падрыхтоўка да сустрэчы Трампа і Пуціна ў Будапешце "пастаўленая на паўзу". Спярша пра гэта са спасылкай на крыніцы ў Белым доме напісалі журналісты, а пасля ўскосна пацвердзіў сам прэзідэнт ЗША.

"Не хацелася б марнаваць час", — сказаў Дональд Трамп, маючы на ​​ўвазе сустрэчу з Пуціным. Імаверна, ён зразумеў, што дасягнуць нейкай "вялікай здзелкі" ў Будапешце не атрымаецца. Крэмль не жадае ісці на кампрамісы і не пагаджаецца на ўмовы спынення агню ва Украіне, якія прапануе ЗША.

⚡️ Рух праз мяжу з Літвой узноўлены. Па стане на 9:30 мінскага часу ізноў працуюць абодва дзеючыя памежныя пункты: і Каменны Лог — Мядзінінкай, і Беняконі — Шальчынінкай.

Пасажыры аўтобусаў і кіроўцы, якія з ночы чакалі ў чарзе з беларускага боку, пішуць у памежных чатах, што ўжо трапілі на літоўскую тэрыторыю.

Беларускіх лыжнікаў, фрыстайлістаў і сноўбардыстаў не дапусцілі да зімовай Алімпіяды 2026 года. Тое самае і з расіянамі — не дазволена ўдзельнічаць нават у нейтральным статусе.

Міжнародны алімпійскі камітэт дазволіў і беларускім, і расійскім спартоўцам кваліфікавацца на Алімпіяду ў нейтральным статусе. Але за кожнай федэрацыяй пакінулі права самастойна вырашаць, ці дапускаць іх да ўдзелу ў спаборніцтвах. Рада Міжнароднай федэрацыі лыжнага спорту і сноўборда (FIS) прагаласавала за тое, каб не прытрымлівацца рэкамендацый МАК.

Гэтае рашэнне закрыла беларускім спартоўцам шлях да ўдзелу ў Кубку свету (а значыць і ў АГ-2026 у Мілане і Карціне) па наступных дысцыплінах:

• фрыстайл
• лыжныя гонкі
• лыжнае дваябор'е
• гарналыжны спорт
• сноўборд

З беларускай прасторы ў Варшаве "Робім Разам" вынеслі мэблю. Моўныя курсы і размоўныя клубы, якія там праводзіліся, раз'ехаліся па іншых адрасах. А @belsat даведаўся, што варшаўскія ўлады плануюць праз суд спагнаць з "Робім разам" запазычанасць за памяшканне, якая дасягнула $23 тысяч.

Да нядаўняга часу ў гэтай зале праводзіліся імпрэзы і выставы, прадаваліся беларускія кнігі і вопратка. Цяпер тут пуста. На падлозе толькі скрыня са смеццем і яшчэ адна — з нейкімі дробнымі рэчамі.

Беларусы атрымалі гэтае памяшканне ў цэнтры Варшавы ў карыстанне пасля падзеяў 2020 года. Тут працаваў "Беларускі моладзевы хаб". Але ў ліпені 2023-га яго дырэктара Аляксандра Лапко са скандалам адхілілі (ён казаў пра рэйдарскі захоп прасторы). Напачатку жніўня новыя гаспадары занялі памяшканне.

Кіраўніком стаў грамадскі дзеяч Сяргей Бульба, прастору пераіменавалі ў "Робім Разам". На жаль, за два гады працы новай каманды яна прыйшла ў заняпад.

Літва можа на працяглы тэрмін закрыць мяжу з Беларуссю, калі метэазонды з беларускай тэрыторыі працягнуць зрываць працу віленскага аэрапорта. "Нашыя службы ў зносінах з беларускімі ўладамі павінны дзейнічаць значна больш жорстка, каб належным чынам патлумачыць, што калі падобнае паўторыцца, магчыма, мы ўвогуле закрыем мяжу на больш працяглы тэрмін", — мяркуе Дэйвідас Матуленіс, галоўны дарадца прэзідэнта Літвы.

Уночы на 22 кастрычніка віленскі аэрапорт спыніў працу на некалькі гадзінаў. Былі адмененыя ці перанакіраваныя 20 рэйсаў. Матуленіс расказаў, што сёння з гэтай нагоды збярэцца Камісія па нацыянальнай бяспецы.

Кіраўнік літоўскага Нацыянальнага цэнтра кіравання крызісамі Вілмантас Віткаўскас адзначыў, што сённяшні начны налёт быў адным з самых інтэнсіўных. Паводле яго, метэазонды, што прыляцелі з Беларусі, ужо знойдзеныя ў чатырох раёнах Літвы, а таксама на тэрыторыі Вільні.