هذي هـي الدنيـا من الباب للباب
وعن القدر ياناس .. مـابــه مفـره

جينا عليها أغراب و بنروح أغراب
ويابخت منهو يكفـي الناس شره

•┈┈┈••✦✿✦••┈┈┈•

تحت قدرة الله كل حيٍ يسوق اخطاه
ولا ندري الأيام معـنا . . وش اتخـبيّ
،
يمر العمر فينا ، ونصحىٰ علىٰ ذكراه
دخيلك من الغفلات ، والطيش يا ربّي

علم اللي كل يوم يدور له رفيق
الرفاقه ماهي بعقد شهري واشتراك
،
لي رفيق لاذكرته وصدري مستضيق
ابتسمت وقلت للضيق هات اللي وراك

'

يالله يامعطـي العـطايا مـراديف
ياللي ماتلحـق مـد جـودك بـ منّه

ترزقنا الخيـره وزين التصاريف
ورضاك يوم رضاك ، مفتـاح جنّه

‏أَتَدْري مَن أخوكَ أخوكَ حقّاً؟
أخوكَ بصبرِه لكَ واحتِمالِهْ

أخوكَ الـمُبتغي لكَ كلَّ خيرٍ
وصاحبُكَ الـمُداوِمُ في وِصالِهْ

أبو العتاهية

اخوك اليا خاب خلّه مع الدرب
وإن طاب لا ترفع على الناس نجمه

خلّك مثل ( 1) وسَط جـدول الضرب
ما يعطي اللي قابلـه. فوق حجمه

'

لـلـطـيـب طـيب ولـلـمـواقـف رجـاجيل
ولـلـخـيـل سرج ولـلـركـايــب الأشـــــدّه

والـحــجــه الــلي مـايـجـيـهـا حـلاحــيل
تـبـطي وهــــي هــــدّه وتــاتـي بــهــدّه

‏:
عسى الحزين اللي همومه طوابير..
تمدله ضحكات الايام يدهـــا

وعسى محب الخير ومدور الخير..
مايعرف الضيقه ومايعرف نكدهـا

‏الصاحب اللي مايودك ويغليك
أكتب على أخرحروف اسمه خساره

والصاحب اللي في الشدايد يداريك
أحسب حسابه وأعرف آنه تجاره

‏لا تفتخر في كسر غيرك يا عنيد
‏بكره وراك حساب وعقاب وحشر
‏⠀
‏اكسر قلم اكسر شطر اكسر قصيد
‏بس انتبه في دنيتك تكسر بشر ..