‏حبك ورى حدب الحنايا سجنتـه
‏وقلبي على ما قيل خبلن موصى

‏اللي كتبه الولي لنفوسنا خيره
‏لو تجزع النفس بالمكتوب نقنعها
‏
‏بتروح ؟ الله معاك وفضها سيره
‏مالله خلقنا عشان الناس نتبعها

‏الكلمة الصادقة لو تجرح المخطي
‏أحسن من الكذبة اللي تستر عيوبه !

‏كنت احب الناس والشي الجديد ...
‏وصرت احب الصمت واخاف انطعن

‏يا رب ما غيرك عليم .. بخفاياي
وتعلم خفايا الناس واللي وراها

إختلطت وجيه الأصاحيب بعداي
ولا عدت أميز طيبها من رداها

فهد_سفر

النعم لهل النعم بيضان الوجيه
ماهـو يـنّـعم لــردي والـهـامـلـه
؛
وكلٍ يقْدر راعي الفـعل الـنـزيـه
ولكل رجل من الرجال معـامـله
:
الـلاش لا يذكـر ولا يـثـنى عـليه
ولا الكـفو تعطى حقوقه كامله
؛؛

فيصل_ابن_ظهيرة

المواقف كالمعادن محككة الرجال
بالرخاء ولا الشدايد ، تبين زحولها

الشدايد تظهر قروم ذربين الفعال
والرخاء ' ياكثر منهو يدق طبولها

الكفو ' هو ذخرها لانخيته فالثقال
يرتكي من دونها ، لو تزيد حمولها

والردي ' يبقى ردي لايشلّ ولايشال
عقب اللي وقفته ماتجي في حلولها

حبشان_بن_فالح

جلسنا على بساط القناعه ومبسوطين
لـو إنـا فـقــارى فـاضـيـاتٍ مـخابينا

لـكـنّـا مـانـغــبـط بامجلي وباخشوين
مـادمـنا على التوحيد فـ الله مـغـنـينا

نـسـد الـلوازم لانـصتنا لوانـها دين
ظـروف الـلـياـلي ماتـغــير مـبـادينا

مشبب_عرنان

إن عشت بالطـيـبـه زمانـك تـوطـاك
وروحـت فـيـها مـن جميع الـنواحي
،
هــذا تـغــداء بــك وهـــذا تـعشـاك
وهــذا سلبْك ان كان سلْبك متاحي
،
واليا قـدرت تجـيـب حـقـك بيمناك
قــدرك مـن يبغى مطيحـك وراحي
،
ولوجيت له في الدرب صد وتلافاك
كـنـه شـراعٍ نـاطــحـتــه الـريـاحي

عبدالله_حمد

الـمرجله مـاهي ذبيحة وتـصوير
مـا تـَرفع الـرجال ذبـح الـذبيحة

المـرجـله نخـوه و وقـفـه و تـقـدير
مـزارقاً عـلى الـسلوم الصحيحة

قـوله (نّـعم) بين الرجال المناعير
مـا حـاشها رجلاً يدينه شحيحه

من لا كسبها والعمر توه صغير
اليا كـبر تـصعب عـليه الـمديحه

نواف زويد

نصد صدة واحدٍ ماله علاج
اللي من الضيقه كره لبس ثوبه
.
ونعطي ولا نرجي ثنا كل هراج
ونحضر لكلمة مرحبا وابشروبه
.
ماجد_العيباني

قناة التقويم الهجري الرسمية على برنامج التليجرام

ننشر لكم كل يوم التقويم الهجري
على شكل بطاقات ومقاطع صوتيه فيها أجمل النصائح
نصائح للمتزوجين
ونصائح في التربية
ودرر من الشعر
ونصائح لاتحزن
ومن أقول العلماء
وتفسير للقرآن الكريم
والسيرة النبوية
وغير ذلك الكثير ..

شاركونا  الأجر في نشر التقويم الهجري

التصميم علينا والنشر عليكم والأجر لنا ولكم

👇للإشتراك في القناة 👇
https://www.tg-me.com/aItaqWem

‏بتعالج الجرح ولا يعالجه غيرك ..
‏ماهوب واقف عليك العمر صدقني