‏كيف تسألني عن أحوال الحياة ؟
‏" والحياة أصلاً بدونك ميّته " !

عسى الخير فالمقبل وما فات ولت به
‏عجاف السنين اللي تقافت ولا قفت بي .

‏لو خسرت الأمس كمّل من جديد
‏العوض قدّام ، والماضي .. فدى

‏أحب أكون المنفرد بالوقت الأول والأخير
‏وأدوّر اللي بالزمن ما يرغبونه و أرغبه .

انفوسنا رغم الخطا تحسن الظن
و اوجيهنا لو كشر الوقت سمحه ..

‏عزتي لك من همومي ياخرز مسباحي
‏كل ماتومي بي الدنيا قعدت اومي بك

أحدٍ أجيه أضيع الوقت وياه ،،
وأحدٍ إليا ضيعني الوقت جيته

‏المال يظهر لك صديق يصافيك
يدمح لك الزله ويجحد خطاياك
.
والفقر ما خلّى الجماعة تدانيك
لو أنت قرم وتفعل الطيب يمناك
.
اسمك مهمش ما يجيبون طاريك
لو إن ميزات الوفا من مزاياك
.
مير اطلب الله والي العرش يغنيك
عن منّة اللي عنده القرش يسواك
.
حمد_بن_ناحي_البديري

‏بخير دام إن عندنا من يقولون
متى الصلاة...وكم باقي عليها

‏محبة الناس،من ربك يوزعها
محبة،من رضى ربك وتوفيقه

نفسك على طاعة المعبود طوعها
ولا حبك الله.حبب بك مخاليقه

‏الردي لو يستره ثوب وش يستر رداه
دام مايحشم قرابه ولا يحشم وجيه

إنصحوه يبيع ثوبه ويشري له عباه
طاح من عين المراجل ولا عادت تبيه

والسفيه إن ما تبلاك ما تسلم غثاه
حاول إنك ماتقرب يدينك في ايديه

وصافح كفوف الزمن وإبتسم للحياه
وإعلم إن الله اذا احب عبده يبتليه.

لشاعرها

‏بيوتٍ قديمه شوفها يجلب الحسرات
اجـاويـد اهلـها مـاتـبقّى لهـم تـالـي

اليا من نشدت فلان موجود قالو مات
ولا بـاقـيٍ غـير الله الواحـد الـوالـي

نشوف المنازل خالياتٍ عقب مافات
يدوّج بـها كـوري وهنـدي وبـنـقالي

سمير بن صليهم رحمه الله

‏سبح وهلل واحمد الله وكبر
اخير من دنيا الفناء والغرابيل

لا قلتها مخلص و قلبك تدبر
تلقى جزاها يوم جني المحاصيل

رجا

تعبنا من الايام ، والعالم الفاضين ..
نجامل واثر ساس البلا ، يوم جاملنا

لا تشتكي للناس لو ضامك الضيم
‏ولا ترتجي مخلوق يعطيك .. حاجه

سقنا فعول الطيب لو الزمن شاح
على الوفا بروس المراقيب نرقى
ٰ
لا احدٍ يقول ان الوفا بالزمن راح
دور ومن دور مع الناس يلقى ،،

شفت عينك تطلب الفرقى وغبت
‏وأنت تدري ما ارفض لعينك طلب !!

احلامي اكبر .. من الدنيا ومافيها
والي حلمته وابيه اكبر من احلامي
ٰ
قدام عيني !! تزيد اشياء ما ابيها
واشياءٍ اسعى .. لها وتضيع قدامي

عسى ذنب الجهل والعمد والغفله يجي مغفور
‏اليآ عرضت صحآيفنآ على الآشهآد منشوره.